鐵板超豚鳥專門店 (已結業)

黎左３次．次次都唔知佢叫咩名所以打唔到食評～”我覺得呢間好食過格離個間好多，個間我食左一次，以為都唔會想食．．．．．今次２人食一個豬軟骨定食｛ｄ豬軟骨好死硬ｗｏｗ！！｝仲有食左棒棒餃不太好食．ｓｕｓｈｉ．９蚊一碟火灸三文魚：幾好味！！２０蚊炸蝦ｓｕｓｈｉ：同那間蝶蝶１１蚊的一樣．都係”炸蝦肉”不是”炸蝦”．．．ｅ．．．仲有個螺肉．好好味．好大粒．我同個ｆｄ都覺得正！好飽，食唔到蟹子沙律！！去行街～！！

以前不時光顧這間日式餐廳，因為定食價錢40多圓，款多味道也不錯；最近光顧發覺餐牌攺了，沒有了上述的定食，祗有一些刺身飯及拉麵定食，幾個朋友都覺得少了選擇，雖然在冇選擇中也吃了那一餐，但一齊決定俾隻黑豬佢，不再幫趁。

好开心啊!可以上到黎尼度:我上个星期同男朋友再次黎到尼间"鐵板超日本料理"吃野啦!原来,尼度D野吃改左好多啊!多左好多靓靓既壽司啦!都系９蚊起炸！仲有好多款刺身飯选择啊！又新鮮又大碗，睇落去既样都好靓咖！又底吃啦！套餐仲送埋飲品咖！两點後去吃仲有８折咖～嘻嘻．．．．下次會再嚟尼度吃好好味道既～～豬軟骨飯～～刺身飯～～壽司

d 魚生飯都幾好味~~~又多魚生又大碗飯....完全滿足晒我的要求呀.....真係好過入元朗食果個一番丫~~一個魚生飯都係四十幾....叫埋小飯野飲....都係百多元....真係正!!!一定會再尼食~~

從來未食過咁好味既朱軟骨,有d似東坡肉,非常入味,又平,d壽司有d創意,有很多新壽司,尤其寫在黑板上那些壽司,我的惟介是:朱軟骨火炙壽司二人前套餐\(很抵食)和牛壽司三文魚軟殼蟹巻燒銀鱈魚骨腩巨人軟殼蟹天婦羅

其實都唔係好想黎,只係朋友想食日本野,附近又爆晒,唯有黎呢度,咁呢度又唔係話人少既,我地都係咁岩攞左最後一張吉位。 雜錦魚生飯-38蚊送埋什果(其實只係一係兜罐頭什果)同飲品,一上桌,我地已經覺得好唔掂,細到佢呢,真係一啖食晒果的飯囉,魚生份量又只係一般,一個細食既女仔食都唔夠飽囉;櫻花魚生飯-同上面一樣啦,好細,份量好少,同雜錦魚生飯唔同既係魚生種類好似少d,有三文魚,有吞拿魚,同埋係粒狀,一個人食一定唔夠;咖喱豬扒飯-都係跟什果同飲品,但係份量同魚生飯差好遠,只係計飯都多好多囉,塊吉列豬扒又大件喎,咖啡汁又多又好味,係一個男人都夠食既份量呀,真係唔明點解大家都係飯,可以差咁遠,呢個又好味喎,抵食;中華冷麵-好靚又好味,靚係因為有蟹柳絲,青瓜絲,蛋絲,雞肉絲,菇絲等,所以色彩繽紛,但係個麵有少少實,不過份量真係好多,食到人好飽;芝士三文魚腩-一碟三件,大件果件有好大舊骨囉,唔腥,有芝士番,都唔錯;芝士燒鰻魚壽司-幾特別呀,熱熱地,芝士唔係好多,ok啦;帶子壽司-麻麻地,一般水準,無特別;肉鬆牛油粟米-好多肉鬆係面,又有炒過既火腿,撈埋食好好味,加左黑椒,所以微辣,略嫌佢油;燒雞翼-一

兩間都是鐵板超，為何價錢會天壤之別?就是因為食物質素罷了!太子道分店座無虛席，而這分店就只有小貓三、四隻，但我倆見價錢吸引，又撞了進去。男友點了三色魚生飯($36)，我點了sushi set+烏冬($48)。兩個set都有miso和什果，味道中下。三色魚生飯份量很少，只有八爪魚、三文魚、鱆紅魚各二片，而且還是薄薄的呢!男友的評價也是麻麻地。烏冬當然不能期望是手打烏冬，味道可以就算了。sushi set有sushi8件，size小小的，新鮮度也只是一般，可能是將貨就價吧!另一天壤之別的就是店員的服務態度，在門口拉客就十分殷勤，在店內就不理不睬，我們一食完還立即收拾，好像我們阻礙她們做生意，其實店內只有半數木台是坐了人的。

I with my friend went this restaurant last night and this is my first time go there. My friend ordered the sashimi rice around $38 and rest of us ordered the dinner set. The dinner set around $45 but the food size is small that make us feel is not valuable. My friend also told me the sashimi is not fresh and stink. The waitressare not pretty and the food is bad that we were feel went to hell. If you like the hell, please go there.

自問對食物要求不太高的我也要喧洩一下!今晚7時許一行5人吃晚飯，經過鐵板超看見還不錯，本人懷著很久無有吃日本菜的興奮心情點了海膽雜錦魚生飯。魚生飯送到後: 第一個感覺- 份量太小第一口賞一賞海膽- 失望，有種不新鮮的嗅味再賞一口魚生- 不太新鮮，怕明天要請病假最後甜點(五色果凍) = 地Moon熱帶雜果其他朋友所點的定食也還可以，但請緊記不要點這個沒有heart的生飯。希望今晚不會拉肚子吧!

很喜歡這間餐廳呀,最喜歡佢d魚生,壽司,勁新鮮,因我係壽司魚生怪,仲有佢既日式义燒飯和d小食,好好味,yummy....yummy.....,好正.下次再嚟試佢其他d食物...

昨天同男朋友到這間日本料理,門口和入面d員工都很友善,感覺好舒服,d食物超好味,食物如其名....刺身好新鮮,一磅三文魚刺身才38元,我也推介油甘魚.义燒好入味,好嫰,有口感...d雞扒燒得好脆,雞肉有雞味.....一口豬扒也很脆.....仲有其他套餐見到都好底食,又多款....我同男朋友下星期會再嚟,多謝我朋友candy介紹這間咁好日本料理給我,也多謝鐵板超日本料理d員工,見到佢地好熱誠,好nice,thanks a lot......

有一次行行吓好肚餓,就入咗呢間餐廳吃東西,通常撞入去既餐廳都不會抱太大期望,怎知道好驚喜,魚生好鮮甜,d熱食物好好味,煮得啱啱好,不會太熟或太生,雖然地方細細,但好有家庭feel,d員工也好有禮貌,OK!Good!!

原本我地有5個人,但太多人食緊, 佢\叫我地等3個字, 我地諗住都冇咩好食就等啦, 但等等下等左半個鍾, 入到去佢俾左個4個位既我地5個位, 係就係迫左d, 都仲算ok, 叫左兩個火窩同2個飯, 全部都幾好好味! 但個味噌就真係淡左d, 埋單191,加埋一, 仲要請個朋友食, 只係除番4, 但都只係48蚊, 原本5個人應該40蚊都唔洗, 仲幾飽下, 晚餐黎講都算好平啦!而且d waiter唔會扮聽唔到, 唔明d野又會講到明! 其實真係又平又低又好味...雖然係等耐左d又迫左小小, 但下次會再黎!

第一次幫襯這日本料理,沒有想過細細間竟然d食物咁好味道,d魚生也很新鮮(又平).....我推介盬燒油甘魚頭,魚肉有很多汁,夠魚油,還有它們的咖喱辣味啱啱好,好有日本咖喱feel,重有d魚生真係好新鮮,價錢又低,所以會同其他朋友再嚟過.......good!

晚上九點幾十點, 但係連元氣都仲要排隊, 於是就幫襯之前成日都一隊人企o係門口既'鐵板超'.因為我同女友都好肚餓, 唔理咁多就叫左一客三文魚壽司同一客墨魚壽司, 諗住可以拿拿聲有得食; 隔左一陣就叫待應寫多個豬軟骨煲同埋親子卷.等了又等, 終於有得食, 上既係親子卷, 三文魚加魚子既壽司, 不過不失, 不過$30兩細舊就唔算抵.跟住又等, 差不多七八分鐘之後先上其餘兩客壽司俾我地(佢地得一個魚生師傅, 唔怪得咁慢啦). 三文魚就無事, 但係個墨魚女友一聞就覺得好'縮', 我再聞都有同感, 好似無放入雪櫃咁. 於是叫經理換, 都好快手就換左客蝦壽司俾我地.今次當然會再聞先食, 點知... 又係一陣'縮'味... 叫經理, 經理就自己試左, 話無事... :@ 然後話唔好意思, 幫我地取消左個order.又等, 個煲上喇. 都算足料, 有肉有菜咁, 軟骨好唔錯, 夠味夠'林', 啖湯亦都唔差.可惜整體泥講既感覺都係麻麻, 應該唔會再泥, 再泥, 就食熱食啦~!