影片
港铁太子站 E 出口, 步行约1分钟
继续阅读
营业时间
星期一至日
07:00 - 00:00
以上资料只供参考，请与餐厅确认详情
是日與友人到太子釣魚翁飲茶坐低叫普洱飲住茶去點點心,有兩張有孖寶都可以一試叫個午市孖寶晶瑩鮮蝦餃+魚翁煎釀青椒+香滑蓮蓉包+魚翁燒鵝皇+蔥花上湯瀨粉晶瑩鮮蝦餃-食落都可以,皮唔算太厚魚翁煎釀青椒-掛住食差少少唔記得影,正正常常囉,煎落都唔算好油膩,魚肉都算唔錯香滑蓮蓉包-包熱辣辣都OK,又唔算好甜,不過味就好似唔係太夠了魚翁燒鵝皇-果然係酒家皇牌食品,肉質良好,皮又脆蔥花上湯瀨粉-正常野,湯唔算好濃味少而個粉就軟硬岩我自己口味
继续阅读
今次呢個有啲搞笑 我吾係入去食佢地嘅邊爐或者小菜 反而係食佢地門口賣嘅外賣燒味飯 但真心覺得幾正 所以要推介下平日最中意係双併飯 叉燒加燒肉 首先佢包裝好吾錯 吾係用普通嘅發泡膠盒 而係黑色果種 起碼吾覺得用得多會有生命危險嘅盒😂 36蚊送埋1盒紙包涼茶 幾貼心至於盒飯係勁多 目測係2碗飯份量 下次叫佢少飯先 但真心正嘅係啲肉 叉燒吾會太甜或太燶 肉質稔滑 燒肉亦完全吾乾吾鞋 平日好驚啲太瘦或者燒得太乾嘅肉 同時食得出吾係果啲雪藏到白晒嘅低質肉 36蚊有咁嘅品質 超抵
继续阅读
星期五晚上約了两位舊同學晚飯聚會，我們幾乎每次相聚都是打邊爐，今次也不例外。我聽說「釣魚翁」的任食火鍋不錯，於是今次就來體驗一下。地點方便，在太子港鐵站E出口，見到「屈屈氏」沿彌敦道行幾個舖位就到。到了要上樓上。我們獲安排坐卡位，而且卡位靠窗邊，感覺良好。任食海鮮火鍋每人$328，再計上加一。$360一位，不算便宜。任食的火鍋料沒有什麼特別，雪花肥牛不吸引。炸魚皮不脆口，是敗筆。在任選食物以外，另有幾款食物，其中牛頸瘠的質素很好，可惜三人只有一碟（小）。雞蓉燴燕窩不夠熱，味道也不出眾，即使有燕窩，大家都沒有怎麼吃過。刺身也是一般貨色，沒驚喜。重點的海鮮盤賣相不錯，其中海蝦新鮮彈牙，龍蝦看著很好，但吃著卻很狼狽。其他的都是一般水準。服務不過不失，沒有特別。整體來說，環境中上，適合朋友聚會聊天。食物對比價錢，不算吸引，我們並未有追加食物，只是點了一輪食物。對於我們食量不大的女士，或許性價比就不高了。
继续阅读
星期日同外母，老婆，老婆細佬去飲茶因為本身住深水埗深水埗講真想飲餐似樣啲嘅茶真係地方不多 有一間叫潮福，長期都會多人雖然呢間釣魚翁都好多人 不過因為外母喺附近做嘢，搵位方便啲咁今次揀到個卡位，以為無死 不過其實張梳化太矮，坐得都幾辛苦食物就真係唔多講因為真係正常飲茶質素，呢度啲炸嘢做得唔錯細佬鐘意食，但係其實我飲茶就偏向唔鍾意食炸嘢，我鍾意食蒸點心比較多一啲簡簡單單一碟油菜都可以整得唔好因為佢只係將一棵油菜破開四份 並唔係一片片，夾起上嚟非常難搞必須講一講呢一個炸鱔非常好食呢個豬肚經已漂白到一個點，係爽口嗰種我就偏向鍾意食 唔係爽口本人最鍾意食嘅潮州粉果呢度就麻麻哋總括而言 如果你真係住喺附近搵唔到地方飲茶咪過嚟囉好老實你就真係唔好特登過嚟飲茶喇
继续阅读
今次是我們ㄧ班好友第五次再幫襯了, 可惜的是ㄧ次比ㄧ次差。 今次亦主要掃了它的三個 "晚飯必食海鮮孖寶"。孖寳A 是清蒸沙巴龍躉配金牌脆皮燒鵝。 還好, 蒸魚是唯ㄧ仍有水準的。 時間及味道都是剛剛好, 冇得彈。至於燒鵝的皮真的做得好脆, 賣相不錯。 唯ㄧ的是皮下脂肪太多, 不適宜要減肥的人食, 鵝肉也少了ㄧ點。孖寳 F 是蘿蔔絲什菌煮順德魚腐并豬潤燒汁炒什菌, 中規中矩, 冇乜特別。 因為碟頭 不大, 不夠吃, 結果要追加了ㄧ個孖寳 B, 生啫豬頸肉豬潤㷛并港式咖哩海蝦。 豬潤還算做得不錯, 但好耐冇食了,ㄧ時間食咁多, 有D驚驚吔。海蝦也很入味, 掛住食都忘了拍張照。跟住再加多了ㄧ個蘿蔔清湯腩, 都算ok , 唯ㄧ是牛腩是非常之不合格, 又老及硬實實。埋單每人$170, 都好似仍未飽。 食物質數退步很多, 應該不會再有下次了 !
继续阅读