銀咖哩

营业中

休息中

11月6號晚上路過荃灣悅來坊……………………….. 有D肚餓，諗起附近好似有間食咖啡嘅餐廳，去吃左哩間名叫銀咖哩餐廳，叫左個芝士漢堡扒飯加杯可樂共70元，個飯一黎到，見到D芝士完全系四分五裂咁排好，都唔緊要啦，重點係芝士呈現粉狀，個服務員話D芝士溶吾到哦，咁都唔緊要啦，我一食落去D芝士凍嘅，個服務員佢話D芝士凍正常哦，D飯又少又硬，不知所謂，之後佢再比左兩塊凍嘅芝士我，重點都係呈現粉狀！不知道放左幾耐，求其食左幾啖，完全不知所謂⋯⋯

今次同友人特登去挑戰富士山咖喱飯，份量超級大絕對夠4個女仔食到飽！啲咖喱汁都算多，夠撈飯。蛋就幾滑，但煎蛋就略為生左少少。豬扒都炸得等脆同埋肉質唔會好嚡。整體黎講，係不過不失👍

整體而言普通水平豬排: 茶餐廳水平 冇肉味 炸得正常咖哩及蛋包飯普普通通  (蛋冇咩蛋味)   雖一缺點就係芝士真係完全食唔到有呢樣野  基本當左冇呢樣野最後就係當時48蚊來講就係可以一試,但路過食就好唔需要特登去或坐車去食 

店內阿叔收銀同廚房瘦嗰個廚師，好心收吓把口，極無禮貌，客人簡直貼錢買難受。啲嘢食都唔期望好食，啲飯硬嘅，汽水加水加到離晒譜淡過飲水，連簡單嘅薯角都炸到硬掘掘，餃子乾爭爭，點解可以咁犀利無樣嘢煮得入口，劣食都有少少底線好唔好？係趕時間先幫襯，周圍得呢間食肆無人幫襯，其他都要等位，咁都算，食得劣食都諗住張就，但係啲職員亂稱呼客人，用侮辱性字眼，真係唔擔心執笠？究竟乜心態要咁對客人？睇之前有評論原來已經有類似事發生，即係完全無改善，唔明點解可以咁。

Looking for a delicious and affordable meal in town? Check out 銀咖哩, a restaurant that offers a wide range of tasty and satisfying curry rice at prices that won't break the bank.👍🏼One dish that's definitely worth trying is the pork cutlet curry rice. For only $37, you can enjoy a generous portion of perfectly cooked rice topped with a juicy and flavorful pork cutlet and a rich and delicious curry sauce. The pork cutlet is crispy on the outside and tender on the inside, with a satisfying crunch th

每次行過這間銀咖哩，永遠只有一個感覺：冷清，很少見人幫襯。今日終於第一次鼓起勇氣走進去嘗試一下。選了「招牌」咖哩豬扒飯，坦白說，外觀不算太差，不過咖哩汁偏淡色。至於味道方便，豬扒算厚肉，不過咖哩味道淡而沒有咖哩味，感覺就好像當年學生時代快餐咖哩，難吃又不至於，好吃又算不上，就是平平無奇的一碟咖哩...不過連嘢飲四十幾蚊算係咁上下。較為值得一提的是，枱上放有一些讓人隨便夾的醃蘿蔔，吃到一半吃些醃菜，可改變一下口味～

耐唔耐就會食一次銀咖喱，年頭吉之島嗰間執咗唯有嚟熊貓呢間食。半年內總共嚟過呢間兩三次，有兩次都係嗰位男職員負責收銀點餐，呢個啊叔唔知係咪以為自己好風趣幽默，神情輕佻之餘仲要無耐性。我之前去只係話自己要多飯同埋有學生證要可樂，佢已經勁唔耐煩咁講：「點啊你仲有咩要求啊😁」，跟住等上餐嗰陣仲聽到佢同廚房Staff嗌交，極嘈。今日再去，佢話「要最新版安心出行先可以堂食啊，除非你係5歲細路囉但你唔係😅」⋯⋯後半句根本係多餘，整體語氣配合埋神情令人極唔舒服。

買餐前好彩佢要求scan qr code被話安心唔夠 update 唔可以堂食我講左句 chi sin職員話：我都覺得 chi sin到我去左隔離舖仲聽到佢繼續講緊 chi sin

平時行開經過見到都想試吓見今日未食lunch就買個外賣極度後悔呢個選擇返到公司打開個飯盒我真係當堂嚇親呢個唔係叫做蟹柳蛋包飯係煎蛋蟹柳飯真係從來未試過咁劣食既蛋包飯煎果隻蛋係勁熟又鞋口塊芝士好咸好唔夾完全唔值$48呢個價廚房啲職員一定要再培訓垃圾唔會再有下次

相信銀咖喱係好多人嘅回憶，我都食左佢好多年，係我全家人嘅飯堂之選，係好多地方都有分店。雖然佢嘅人手好似唔係好足夠，衛生同環境都係還好，不過性價比撘救😝招牌吉列豬扒咖喱飯 $37而呢個招牌咖喱吉列豬扒更加係我嘅必點，吉列豬扒炸得非常脆，唔算好乾，性價比好高。咖喱汁係甜甜地嘅唔辣，撈飯一流😻加埋秘制嘅咖喱汁，呢一餐"頹飯"都唔錯。~40 pp (dinner)味道：3/5環境：2/5性價比：4/5回頭：⭕️

突然之間好想食咖喱飯，決定食一間好耐冇食嘅銀咖喱。銀咖喱係中學時期成日會去嘅餐廳，平靚正。唔知隔咗咁多年味道有冇變呢😂😂餐廳嘅座位很多，疫情下不會安排顧客坐得很近，都有一定的距離。叫返以前最鍾意食嘅芝士豬蛋包咖哩飯 $48，味道果然冇令我失望，咖喱味係甜甜味辣的，炸豬扒嘅外皮很脆。不過咖喱汁就略為少。每一啖都有芝士蛋同咖喱飯，真係好好味呀。👍🏻👍🏻招牌吉列豬咖哩飯 $37另外單叫蟹柳忌廉薯餅 $11

好熱好熱今日好懶唔想出街但又好肚餓,又唔想食公仔麵,煮飯又無心機,唯有嗌外賣一直好鐘意食銀咖哩,貪佢價錢平,味道又唔差,好想試佢個富士山咖喱飯,但嗌外賣又無得嗌,可能因為驚太高合唔埋個蓋但又好想食,唯有自製富士山咖喱飯,嗌左個普通嘅咖喱飯再呢樣加啲個樣加啲,就達成左我嘅願望今日星期日個外賣等得有啲耐不過見到個飯就開心返,雖然放左落外賣餐盒個賣相差啲,但味道依然係咁好飯又夠多,加埋我自製完之後菜式好豐富,食完真係大滿足

中學時期已經成日食銀咖喱，因為夠平，又大碟，夠哂飽肚。而我咁多年嚟最中意食嘅都係芝士蛋包咖喱飯同埋吉列豬扒飯😋今日嚟到荃灣店（近大窩口地鐵站），叫左碟芝士蛋包咖喱飯，佢嘅咖喱依然係好好食，而且芝士併蛋呢個組合好夾🤤❣️再加上學生餐有汽水包埋，都係$35，好平好抵！🥰

經過咁多次都未食過，終於最近試咗，真係唔多掂。叫咗芝士蟹柳蛋包咖喱飯$45🍛雖然唔係貴，但係真係麻麻哋，見到個賣相都覺得唔係太開胃，食完好似唔知食咗啲咩咁囉...食唔出蟹柳味，叫做撈啲蛋撈啲咖喱一pat 嘢食完佢。

過了中午，人不太多。1.剛坐下，男職員和外賣員已有拗撬，其中職員態度很不耐煩，外賣員忍住火，說了一句：“等等麻煩你比我睇清楚份外賣，免得“又”有遺漏。”2.後面枱有6,7個中學生，其中一個舉手問到飯少了一條腸仔。女職員：“你故意選我背對你們後才跟我說？”中學生：“？之前和妳說，妳話等等，難道我什麼也不吃的等妳半小時，等妳們應付完外賣員，送餐？”女職員：“總之你已經旭咗個飯，sorry啦，我幫唔到你，廢事同你拗。”3.我們叫了兩個餐，一個double飯一個正常飯，送來的時候見兩個飯都一樣，就問一問剛剛的男職員，他望一眼說已經加了飯，當時沒有再和他糾纏落去。4.在整個吃飯過程當中，環境都很嘈吵，職員在處理餐具的時候碰撞聲音很大，而當男職員看見匙羹上有污漬，是用手指去抹，在客人面前這樣做，會影響店舖的聲譽。味道中等，但對於職員的態度，真的有點滴汗。。。