銀城海鮮酒家

营业中

休息中

知你係遊客一定要你點套餐，超級唔抵同埋難食，大家小心。。。。。。所謂海鮮套餐都係魷魚，扇貝普通嘢，一疊青菜連醬都無。質數普通但價錢貴過市區酒樓。考慮第二家好過。。

行完瀑布和礦洞，好肚餓，就去咗銀城食晚餐。D員工都好nice，又鍾意狗。食物好味又夠大碟，我地叫咗3樣餸，$278/2個人，價錢可以接受。1) 蜜糖雞翼，$88/8隻，有點貴，味道咸，不過先炸後炒，有火候。2) 肉絲炒麵，好大碟，但味淡。3) 沙嗲牛肉粉絲煲，好大窩，好味。

呢間野完全唔掂，一坐低地上面就係未掃乾淨既雞骨同用過既紙巾，張台都抺唔乾淨，其中一個落單既服務員好似欠左佢錢或者有仇咁，如果D 食物係好食又排哂隊既，我唔介意D 服務員咁跩，所有佢所謂既皇牌都唔好叫，蜜汁雞翼唔好話有蜜味，想有少少砂糖味都無，就係炸雞翼之後倒一大碗澱粉+水去勾芡，之後就係食到水同澱粉既味only，薯仔牛柳粒既牛柳粒超級柴，掉過對面海都可能唔爛，好似食香口膠咁，香蔥爆蠔爆到D 蠔焦哂之後先炒到黑色既，差評👎呢世都唔會再去

20 June 2023 是日午餐係跟中心一天遊玩，通常跟團玩的午餐都係一般，冇想到這間酒家的食品係香味俱全，每一道菜都係即煮，所以出到嚟嘅餸菜都係好新鮮熱辣辣，通常個粟米羹係落好多生粉，令到個粟米羹杰撻撻，口感係唔好食嘅，食雞有雞味肉質嫩滑，最欣賞嘅咕嚕魚來代替咕嚕肉，估唔到魚都可以做到咕嚕肉咁嘅味道，真係好好食，整體來講每一道菜都係好好味👍🏼👍🏼👍🏼👍🏼👍🏼

这家店的装修风格，我本来是很不待见的，这花花绿绿的风格，真的是乱了我的眼。但是，门口的菜单却吸引了我，决定就在这家解决晚饭啦～🦖环境：位置很多，大排档的style里面花花绿绿的，竟然让我有穿越到东北的感觉。还不如清清爽爽的来的好………💁服务：服务方面还行吧，就是吃的时候不会及时收空盘。买完单发现，竟然没有服务费，那就没什么好挑剔的了🦑出品：出品方面倒是不错，价格也相对适中。点了一个双人套餐额外加了一份鸡和主食。💰268的套餐包括： 🦑椒鹽鮮魷 很好吃啊，份量也很大，酥脆酥脆的 🍍菠萝咕噜肉 份量也ok，酸酸甜甜的，孩子们很喜欢🥬本地油菜 竟然也被孩子们吃完的，看来徒步➕划船🚣，真的把他们累坏了.🐔南乳吊烧鸡 💰88半只的量也都ok，价格实惠，味道也ok 星洲炒粉 💰605555本来点点炒牛河，但服务员说没有河粉了服务员没有提醒我这个咖喱有点儿辣🥵孩子们都不喜欢吃，我是不吃主食的后来就打包回家啦～.人均💰140，扶墙出，总体还ok下次家庭出行的话，还是会考虑这家就算是套餐，份量也真的也蛮足的。

上星期嚟咗梅窩行山，由愉景灣行過嚟行咗4個鐘😵‍💫太攰臨上船之前見到呢一間餐廳，決定入嚟坐低食嘢飲杯嘢。我淨係叫咗一份豬扒包，加一杯椰汁仙草奶茶。豬扒包普通，但杯仙草奶茶，勁好飲！🤤除咗唔甜之外，茶底係用返港式奶茶，仙草係好滿嘅，一粒粒、成杯都係😍口感好正👍🏻😛

到左夜晚時間一家三口就到處搵食大家都想食下小炒見到銀城海鮮酒家位置比較開揚店內都坐滿8成客人即管試試因為天氣太熱，我哋選擇室內冷氣房簡單選了優惠二人套餐 $268秘製椒鹽鮮魷 套餐中尚算最好味菠蘿咕嚕肉好一般外層好淋，配菜亦吾多本地油菜不過不失另外加碟地道豉椒炒蜆 $95份量多，但略嫌味道一般，蜆無味白飯 $11@1青島啤酒大支裝 $36鮮咸檸七 $25整體來講，好一般，應該冇下次埋單 $5xx 📸環境指數🌕🌕🌑🌑🌑🤵🏼‍♀️服務指數🌕🌕🌗🌑🌑👅味道指數🌕🌕🌗🌑🌑💰抵食指數🌕🌕🌗🌑🌑⭐️推介指數🌕🌕🌗🌑🌑

梅窩懷舊風味小炒難得係梅窩住一晚就試試呢間酒家整體不過不失▫️啫啫雞煲份量都足料雞件，豬膶同大量乾蔥味道正常 ▫️黃金豆腐拼天婦羅茄子豆腐同茄子唔會好厚粉炸得脆口，入面口感嫩滑味道呢個有驚喜 ▫️啤酒🍻

大約三點鐘，行完山經過餐廳門口，見到有下午茶餐牌，諗住食件西多士先搭車出東涌。洗哂杯問侍應佢先話無下午茶同點心，得返炒野同海鮮套餐。呆一呆都照食，叫左炒河同炒飯連飲品套餐。佢比我地張餐牌寫住我地要叫個樣係$53 & $58野飲另加錢。結果埋單變左$178（=（65+65+16+16)*1.1）問返職員點解價錢多了？職員聲稱改左價錢而餐牌未更新，另外公眾假期加一。我地比左錢就走人。我唔知間餐廳係無意定有心。首先，唔應該比舊價錢牌客人；其次，就算改唔切餐牌，落單時都需要告知客人更改了價錢吧？錢雖小，但明碼實價係做生意最基本的態度最後，幸好我哋冇聽侍應講叫海鮮套餐。

很少來大嶼山梅窩 ，今次來了這間 地道的銀城海鮮酒家， 單看門面也知道這裏與梅窩街坊一同成長。這裡特別之處是你可以不叫茶，單叫西式餐飲， 中西合璧，老少咸宜。叫了一個五十元的生炒骨飯， 酒樓價，有點回味中學時在大排檔的火候， 生炒骨分量一般，勝在新鮮即炒，酸甜適中， 完全沒有肥膩感覺 ，外脆內軟，鎖肉汁住。 天外白飯雖然已不太熱，但口感非常好 ，白飯粒粒完整，好有咬口。對面朋友叫了一碟鹹魚雞粒炒飯，單看賣相已經十分好，炒飯粒粒完整 ，沒有肥膩感覺， 下次都想試試。美中不足是對面行人路擺放了些垃圾桶， 有點阻礙景觀。 另小心麻雀 ，很多飛入店舖內。味道 環境 回頭 清潔 服務 性價 份量

平日喺梅窩飲茶就好似體驗緊退休日子咁，超級悠閒，好多公公婆婆去到都好似好熟絡，大家笑住打個招呼，飲啖茶，傾下計，就算啲野食好一般都唔會令到你嬲🍬❣️餐廳環境開陽，門口有花草樹木，仲貼咗張疑似係 #姜濤 嚟食過嘅相係門口，跟得上潮流吖！而餐廳內就有啲假花草裝飾，喺度飲茶仲要自己出去拎點心，充滿懷舊風味！不過野食方面，味道與份量就真係一般喇🤣✨如果想體驗下退休嘅悠閒生活，都可以嚟試一試✅🔘整體美味指數：❤️❤️❤🤍🤍

今晚同朋友到來，找了一圈食飯地點，最終選擇哩間。點了以下菜單：豉椒炒蜆 - 唔新鮮，好多沙，蜆肉冇味，亦都唔熱，唯一可食係洋蔥，青椒。菜膽扒鮑螺片 - 勉強合格，夠熱， 可惜芡汁太傑。支竹牛腩煲 - 煲仔上，但只係微暖，完全唔入味，牛腩好碎，唔太淋。炸子雞 - 伴碟的蝦片好韌， 炸子雞皮居然唔脆。總括哩餐，非常令人失望。這餐連三枝啤酒，共 $505，一 d 都唔值。（職員仲話係全島最好食的一間🙄）

呢度炒飯麵係ok，食過乾炒牛河同碎牛炒飯都無問題，但炸既野都好伏下，上次叫左個粟米斑塊，全部都係炸粉嚟，入面得超級少魚肉。今次叫咗咕嚕雞球，味道無問題，但又係得舊炸粉，全部碎濕濕，入面好似無肉咁。最過份係蠔餅，真的要分享一下這塊奇特蠔餅！！小妹見識少，第一次吃這樣的「蠔餅」🙃🙃，蠔仔落重炸粉炸，粉多過蠔，無蠔味，然後與蛋同煎？！莞茜及木薯粉均欠奉，改名叫炸蠔仔炒蛋算啦😭😭😭😭-廚師是否過於創新，竟然還放它上推介餐牌...

由細到大，過時過節都會同屋企人黎食飯。今日母親節番黎梅窩，打算唔去太遠，就係附近銀城食飯。 野食好快上到，印象比以前快左。但一食落口，呢間酒樓真係越黎越差，真係隨時開多一間酒樓係梅窩都可以搞到佢無生意，有少少時間都唔會再係到食。聽講應該係廚師換左。 首先，D炸豆腐賣相同以前都唔同左，同之前影落D相比，顏色都唔同，皮又厚。最搞笑係竟然會有空心豆腐，非常失望。第二，D咕嚕肉好似殭屍肉咁老，失望更失望。第三，D九肚魚無影低，炸到春卷咁ge樣，失敗。 補充一下，我第一度點左個清蒸石斑，我食完都無蒸到出黎，真係千祈唔好係到食海鮮。

點了蒸蝦、蒸魚和魚香茄子炆伊麵。海鮮非常新鮮，唔痴殼、彈牙、鮮味，連凍奶茶都好有驚喜，茶味好香濃。加上室外搭棚，好好風，心曠神怡，侍應哥哥好好禮貌，我地食完都繼續斟茶比我地。