銀杏到會 (非門市)

营业中

休息中

今年差啲忘記訂外賣作年初二中午和家人（有老人家和小朋友）… 好彩年廿九問銀杏到會，佢地年廿九5:00pm前轉賬便可。好彩趕得切。年初二11點早上準時送到家人屋企樓下。我們訂了12人餐。兩個屋企人在樓下搬上屋企。他們包裝得非常密實。今天天氣仍然有一點凍，食物運送到來開始食的時候還是暖的。我們大家覺得非常滿意，最重要是老人家覺得味道很適合他們。我們也覺得味道可以，最好味的是話梅元蹄。小朋友就十分喜歡食伊麵😅。還有要多讚一句是他們的誠意，廚師也是十分用心的，包裝也體貼，完全沒有瀉或漏汁的情況。最初我有在OpenRice找到銀杏到會的評語，我當時也有一點猶豫，不過覺得可以試一次不好味的話，下次就不點吧。老實說，如果大家是喜歡酒樓的比較香口，濃味的那款食物的話，銀杏館不是那一款的味道。但是如果你喜歡家常小菜，自己平日也喜歡煮嘢食的話，我相信銀杏到會的味道也是挺滿意的。😬我們也決定將來家庭聚會也會幫襯銀杏到會！☺️

訂咗8-10人餐，另外再加咗2樣嘢⋯烤雞🐔勁咸，好似醃咗2次咁，食完好似食咗一大啖味精咁烤羊架🐑似汁煮羊扒咁，個汁仲要勁甜，原全無「烤」的感覺🥲烤豬肋骨又係個汁勁甜蘋果燴豬扒啲豬扒係成塊上，味道超甜，好似上湯浸豬扒咁長通粉唔夠醬汁，變咗好多粉都係光禿禿（後尾我地開個煲加咗罐忌廉湯撈埋嚟食）薯蓉都ok嘅，都尚可嘅2款抄雜菜味道都係一樣嘅，偏甜最正常可以算係個啫喱糖同埋泡芙唉😮‍💨啲野食差不多食剩2/3🥲 食物大部分都係偏甜，都幾失望😞我相信佳節當前，大家都好想支持吓社企，即使比市面其他類似的到會貴少少🤏大家都會揀社企。但要對得住啲食客先得嘛🥲 如果想keep住有客，控制好出品先係最佳生存之道嘛！

銀杏館一向系社會企業，堂食都OK，今次試下佢新的到會服務，佢係網站亦好大膽話到會系指定時間+/-15分鐘，優點- 系指定15分鐘前送到。- 所有內外包裝無穿無爛- 數可以數到的餸菜，數落有10人份量。例如獅子頭改善點- 一個8-10人餐有10個餸菜，13個人食最後有6個餸食淨好多，吾系佢份量夠，系有7個都吾好食。-賣相更加好似去左洛陽食水席，大部分水汪汪。- 配菜主菜份量同味道要絕對改善，其實只有湯同甜品系合格，可能哩兩樣都系煲，師父要求吾使咁高掛。- 既然系專注到會服務吾系普通餐廳外賣送貨，價錢亦吾便，最好考慮 -用自己車隊運送食物，因為吾知道架普通街車送過乜，有無抹乾淨（其實佢張poster系有自己鋪頭名字的車，我以為真系用自己車至訂咖） - 日本的翻熱便當，一拉可以翻熱，因為用熱水包肯定最多保持微溫- 性價比好低，$ 2688大部分系普通到吾普通的東西，另外 賣相，（尤其是）味道，熱度，運輸所有都吾理想。吾系現在疫程仍然高，出去食好多酒樓哩個價錢好好多。鮑魚花膠響螺杞子雞湯（4分- 每包都有齊上面所有材料，花膠同響螺都好”淋”，但鮑魚就好硬， 湯系幾濃咖。焗百花

為免人逼人，決定預定銀杏館外賣，在冬至那天和家人在家中聚首一堂。湯和甜湯的包裝一流，方便加熱。圓蹄翻熱後非常美味。其他餸菜因沒有翻熱，所以覺得不過不失。花膠螺片蟲草花燉雞湯可以放入煲裡，方便加熱。我將蟹蓋放入氣炸鍋加熱，風味依舊。食物包裝值得讚好。有很多熱包，如果在夏天，溫度一定能夠保持。可惜天氣冷，餸菜送到家中已經變得溫溫地，不是很熱。拆掉包裝盒蓋，可以直接上桌。有明蝦球，帶子炒花姿，花膠蠔皇花菇，蔥油霸王雞，糖醋元蹄，豬仔骨，炆烏冬，鮑魚蠔皇扣鵝掌是另加的。如果鵝掌煮軟一些會比較入味。桃膠圓肉杞子露明白外賣要保持温度比較困難。總體來說唔錯，起碼用餐方便，不用和人迫。

同奶奶慶祝母親節，比較難諗地方；因為佢有好多嘢唔岩食，只可以揀中菜；因為屋企有老人家，為免出去迫，今年決定試下叫中式到會。上網搵到銀杏館有母親節到會餐，見係社企，可以幫下老人家就業，就決定試吓～送貨當天，銀杏館早上先send message提醒稍後收貨；再在下午通知司機的電話、車牌，這個要讚一下，起碼我知佢冇漏單及已經出左貨～司機早左半個鐘到，由於送貨只送到地面交收，我哋要落樓下攞，一箱原整的包好：包裝很好，還以為會凍哂，但發現裡面有暖水包，所以仲係暖的：有共10道菜，份量說是2-3人，但我地四個人食都好足夠，食到飽。因為是外送關係，溫度及賣相有影響，所以不能和係餐廳熱辣辣的餸菜相比… 算是不過不失，感覺上百多元一個餸有點貴，如果呢個餐係$800蚊度會感覺抵些…較有驚喜係西蘭花海班，加左咸蛋黃好惹味～而餸菜都唔太咸，食完冇口渴，感覺健康同冇味精～糖水好食好有膠質，但有點太甜..奶奶今日收左花，心情很好；亦算是滿意這一餐，起碼母親節不用奶奶自己煮又可在家享受10道家常菜😊

新年到會簡左一間推動長者就業既社企，一定要支持！佢地網站有menu 叫左個10-12人份 ($3388)整體黎講份量好夠 味道相對平實當中最出色既係醉海蝦 夠大隻新鮮 酒味好足～另外獅子頭 金蠔髮菜 芝士伊麵都唔錯！上面仲有炸魚 好香口 同芝士好夾！另外加左燉元蹄(6人份) ($228) 好大隻 勁淋 滿滿既膠原蛋白！忍唔住食埋d皮 肉都夠滑雞就比較鞋口 唔夠滑 花膠亦鮮味唔太夠 可改善🦁 人均消費：$308｜推介：❣️❣️❣️/5

本想着朋友話銀杏的餸菜包唔錯，所以就訂咗個好好葷盆菜年初一和家人享用，但是非常失望。送貨到樓下，個紙盒大得嚇人，內包括了食具，其實可以問下客人要唔要，免得浪費。回家發現其實是預先做好冷藏的。打開錫紙，盆菜只是到盆平頂，和一般市面的盆菜像一座山差太遠。蝦，有兩隻肉梅梅爛爛。肥豬肉，勁多，但淡而且只有雪味。豬皮, overcooked,都差不多溶晒.其他都係平平最慘係所有味一啲都唔夾，就好似將十種冷飯菜汁撈埋一齊咁。送了一包生菜，新鮮。同埋送貨嗰位司機哥哥服務好好。希望日後有改善。

最近同D舊同事搞聚會，大約25-30人，出街食人多又難搵位，所以決定上網搵D到會服務。最後搵咗《銀杏館》到會，基於之前食過佢哋嘅門市餐廳，水準唔錯，所以就決定試佢哋。首先講吓佢哋嘅服務，三日前打電話去落單就OK，職員仲教你計算份量，細心解釋同畀食物建議，感覺唔會好hardsale。講食物之前，有一點我都覺得值得一提，就係《銀杏館》規定提供嘅即棄餐具都係用粟米渣所製造，呢種係可以分解嘅餐具，幾環保，值得支持。食物方面，份量對我地嚟講啱啱好，保存溫度都夠熱。我哋比較喜歡以下呢幾款——1.煙三文魚凱撒沙律（沙律最緊要新鮮）2.五代同堂炒飯(個阿幾特別，飯夠乾身，OK啦)3.蜜桃燒豬肋排(最喜歡，唔韌兼入味)4.紅棗芝士餅 (唔膩，怕肥又鍾意甜品最啱)

尋日(16-11-2013 Sat)係男友o既男友人NT大婚日子,我亦被邀請出席o係九龍塘舉行o既婚宴,我亦得知NT安排銀杏館到會,所以可以o係o度做個記錄.一對新人禮成後,到晏晝兩點幾至開始自助餐,我攞o左:‘1. 沙律卷外層以類似雲吞o既皮卷住沙律菜,中間o既係苦紫生菜,攪到唔好食,但其實呢個配搭又令人幾開胃.‘2. 肥牛金菇卷包到脹卜卜咁,簡直滿足鍾意食金菇o既人.個汁都幾好味,口感亦煮到o岩o岩好.‘3. 唔知咩o野腸正常味道.‘4. 煙鴨胸有啲啲鹹.‘5. 滷水雞翼味道好淡,一般.‘6. 燒西冷一律五成熟,口感鬆軟,OK o既.‘7. 煙鴨胸芒果卷以芒果中和鴨胸o既鹹,同巴馬火腿配哈蜜反瓜有異曲同工之妙.‘8. 唔知咩o野炒麵估唔到呢個幾好食,酸甜度適中,開胃.‘9. 叉燒串?原以為係沙爹牛肉,但有甜甜叉燒味,肉質鬆軟,唔太甘差.’10. 脆皮腸正常冇問題啦.’11. 香橙骨食唔出香橙味,一般喎.‘12. 應該係西炒飯好麻麻,冇乜味.’13. 窩夫好有驚喜,因為裡面竟然係雲呢嗱雪糕,超正. ’14. TiramitsuMousse部份夠挺身,但可惜我食到好重酒味,唔係幾得.