銀龍茶餐廳

营业中

休息中

而家物價真係高，看看這個下午茶，雖然名寫得好好聽，叫做雞翼腸仔蔥油撈公仔麵。豈料端來之後，才發現中了大伏，雖然腸仔兩條，味道確是不錯的，雞翼都的確有兩大隻即炸雞翼，外皮都香脆，不過所謂的蔥油撈。其實只是就咁切開的蔥加少許油，與蔥油豬扒飯那種香味大相逕庭，失禮死人，另外，咁樣亦都極少，可能就只剛剛有一個公仔麵，份量相當少，感覺相當尷尬。以下午茶時段2:30開始都有，剛好抱着小孩睡着了，因此進來吃東西順便可以休息一下。否則，如果他沒睡的話，帶小孩可能去薩利亞或是意樂會比較好呢。

早幾天在青衣食午飯🎊在長發商場找了一間茶餐廳🎈餐牌的選擇也很多個人比較鍾意食常餐🥰最後也是選了沙嗲牛肉公仔麵公仔麵也煮得剛剛好沒有太冧餐廳內卡位有很多♥️坐得又舒服💕凍奶茶也冲得很好味

由於湊住2個怪獸，屋企人都怕左佢哋，所以叫Food panda外賣。食物焗豬扒飯估唔到呢個最好食🤣2個小朋友幾乎食晒，搞到舅父得幾啖食，好甜嘅茄醬！好多芝士！塊豬扒都好冧，係得呢個外賣最夠熱椒鹽豬扒飯啲豬扒就比較硬啲，不過夠咸味，好唔好食🤔？不過不失啦。可能因為係外賣，得4舊豬扒，如果堂食會多啲。揚州炒飯，比較淡，要加少少鹽同埋因為外賣關係，倒汗水都滴到啲飯濕晒…干炒海鮮烏冬，呢個又係冇味，仲有烏冬本身個酸味…食炒野下次都係堂食好。外賣黎到都凍晒。奶醬多，好鐘意佢個粗粒花生醬！有烘底，可惜外賣問題，硬左，不過都咬到有啲外脆內軟嘅感覺

銀龍茶餐廳青衣担杆山路6號長發廣場4樓402-403號舖今日星期六起身都中午啦，hea多陣都已經成2點鐘，所以就決定唔食lunch, 直接去食下午茶啦揀左屋企樓下長發商場既銀龍茶餐廳，記憶上好似無試過下午茶時段黎幫襯過，估唔到選擇都好多有成幾拾款最後我揀左乾炒牛河，炒得都幾夠獲氣，而且牛肉都幾多，值得推介價錢都算合理$45蚊，凍飲加3蚊

最初帮襯銀龍是由九龍旺角店開始，後來多咗珠寶店，藥房之後，消失咗間分店，但其他地方陸陸續續又開多咗，最好就青衣亦都有埋分店。每每來到長發商場，首先諗到嘅就係銀龍，而最想吃嘅就係佢牛雜粉所有牛雜煲到入晒味，加埋雪白河粉已好享受，而下午茶時段仲送青菜一碟，正

今日中午同同事食飯 跟佢地去左間銀龍餐廳食我地四個人坐一張卡位 都算坐得舒服既  我就叫左個雜扒飯 有雞扒豬扒 飯都多 仲有中湯飲埋單54蚊 味道就一般般 但還可以接受

一件厚身多煉奶多粗粒花生醬的香甜「奶醬多」，一杯味道適中，茶味濃郁的少甜「凍檸茶」，是這天我在這間「銀龍茶餐廳」吃和喝的東西，無非都是每間港式茶餐廳的必有之物，卻有著令人稱善的質素，「奶醬多」有了粗粒的花生醬，口感頓時變得豐富得多，「凍檸茶」沖調得宜，茶味濃郁，更是一杯稱職的凍檸茶必須具備的元素。可惜不是每間茶餐廳都做得到，連鎖快餐店更是難得可以碰上。幸運地，這天我在這間茶餐廳中可是遇上了。 這茶餐廳雖名「銀龍」，其實，與在港九各地有多間店舖的「銀龍粉麵茶餐廳」並無關係，只是名字剛巧一樣而已。可不知，在連鎖式經營的「銀龍粉麵茶餐廳」裡可也會吃得到甜蜜好味的「奶醬多」和茶味濃郁的「凍檸茶」呢？

通常在正餐時段，都很少會去銀龍茶餐廳，因為它的午餐不太划算，之前都是在美孚食個早餐，所以就在青衣長發等我試一試它的下午茶。看見餐牌上邊，寫上炸雞脾是經典，而豬排就是招牌菜式，於是叫了個豬扒。阿姐端來的時候，發現份量都不少，最少沙律夠多，大大件，上邊的吉列豬扒，反而顯得不算又厚又大。吉列豬扒炸粉不算太厚，而且炸得剛剛好，不會太乾，中間的豬扒肉，紋理可以見到不太老不太乾。豬扒亦是有骨，但有未至於多骨，通常黏骨的地方，肉質就會比較好。但是最失望的，就當然是它的奶茶，因為通常，銀龍都標榜奶茶香濃好喝，但這次再去，發現奶茶，好像變了坊間一些只有色水，而火喉不夠濃郁的那些奶茶。淡奶的味道比較濃，都不是真的具有火喉的奶茶。它一味就是夠大間，卡位都有10多20張，因此不論你四個人來，兩個人來，甚或至單人匹馬前來，也可以給你一整張卡位。否則，就味道而言，和以前的金龍泉茶餐廳，其實分別不大的。

周末無街出，又心思思想食西多士😂即刻去附近搵間茶餐廳食！見開左銀龍甘耐都未食過佢既茶餐，就一於試下啦襯今次！3點幾去到都唔算太多人，坐低即叫左西多士同炸雞脾～等左一陣野食好快就送上枱了👍🏻西多士已經一早切開左幾舊，成塊牛油係面頭好邪惡🤤西多士認真唔錯！不過$38好似貴左小小（？）之後就炸雞脾了，我覺得麻麻地，炸風唔夠香脆，肉又唔算多，薯條又勁硬～性價比唔掂！不過最唔掂既唔係野食，我問侍應拎刀，佢竟然刀鋒向住我叫我拎😅最後我叫佢放係張枱，等我自己拎。。。其他侍應都無乜禮貌。。

食野地方唔駛次次咁豪，但起碼要坐得舒服，呢度都幾符合我要求，光猛又多卡位。除調味品外，纸巾亦有提供，方便我呢d經常唔記得帶紙巾出街嘅人，唔駛食完要用手抹嘴囉每週每天都有唔同午餐選擇，一般餐廳比較少。重有好多其他野食。牛雜幾清爽好味，賣相衞生。魚蛋爽滑好食，配埋粉就真係豉椒涼瓜鮮魷牛肉飯，似乎餸重多過飯，認真有料到，味道亦佳，如果少d汁就會健康好多。檸水杯細細都有四片檸檬，確係絕不欺場，如果隻杯大d就更好，唔駛咁酸。嚟呢道食過好多次，晚飯時間重有百零蚊嘅二人套餐，有飯有湯有飲品，難怪我情人話間中唔買餸嚟呢道食都唔錯。加上侍应嘅服務都算殷勤，亦係佢另一賣點，但唔用八達通就唔係太方便，而家連街市菜檔都用八達通，點解呢道唔用

星期一因爲要陪大女去小一體驗日，一早送完個女返學之後就冇野好做，三個鐘時間話長唔長話短唔短，所以決定去附近長發商場去食個早餐先。去到坐低見到個餐牌有牛角包咁得意，真係完全冇諗到依家嘅茶記會有牛角包咁得意，所以就想叫個有牛角包嘅餐黎試下。沙嗲牛肉米粉，炒蛋加牛角包。沙嗲牛又幾多牛肉，沙嗲味都不錯，但米粉就已經淋哂，炒蛋好多油，多油到好似係d蛋訓係堆油上面咁，就係因為咁多油所以隔離黎嘅牛角包吸哂d油.....牛角包冇咩牛油味，唔鬆化，咁我地明白呢d只係茶記搞嘅噱頭，不能期望過高。咖啡就不太濃味，一如平時嘅茶記會有少少酸味。成個餐35蚊，茶記價錢唔會話太貴，但如果少d油就好了...

在午市快餐的餐牌中星期五有不一樣的選擇我選了2. 柱候薯仔炆排骨飯附送的熱飲則選熱菜蜜這碟飯份量不錯有着多塊薯仔和排骨當然前者的數量比後者多薯仔和飯軟硬適中與汁一起撈飯也是十分易入口可惜汁不多不能撈所有飯薯仔普遍比較大件甚至比部份排骨大排骨味道不差也很易咬只是有一件排骨比較多筋也不能吃與骨頭相連的部份亦不多蔥的調味作用很弱整體而言這碟飯不太濃味和較少油比不少茶餐廳健康吃完8成飽結帳時付45元不算抵食下次可以試銀龍十大招牌菜味道應該不錯雖然有部份是小食飯和粉麵才是我主要目標

心血來潮想飲杯凍奶茶，所以走去揾間茶餐廳食個下午茶，之前呢度重新開張嘅時候食過乾炒牛河，好夠鑊氣，好好食，但係今次經歷真係切底失望。叫咗個下午茶餐（雪山西多士+凍奶茶）$35，凍飲加$3，承惠$38，心入面其實覺得好貴，西多士都要$35，不過坐低咗又想食都無計啦！賣相其實係ok嘅，望落都幾吸引，不過蛋漿味好濃，面包索咗好多油，好努力食咗兩舊就放棄咗！另外杯奶茶仲衰，同飲糖水無分別，好甜，甜到完全入唔到口！或者茶餐廳都只可以食炒粉面飯，但係我估唔到奶茶都會係咁嘅質素，失望！