長廊咖啡廳 (已結業)

違反商品說明條例現實與宣傳不符向職員查詢 說網上看到的只為media而做非常失望 食物質素一般 收費比半島還要貴服務質素有待改善 唯一可取是環境舒適 每枱之間距離合適喜歡舊式英國建築的會很享受

餐廳在1881主樓地下，在維多利亞式英國歷史建築的包圍未開始食已經有加分訂位時還可以選户外用餐區，但因為夏日的關係小妹和友人都係選擇在室內烤法國春雞-餐廳在做優惠叫一份主菜送半隻波士頓龍蝦～因爲叫了漢堡包所以就叫了烤春雞，肉質細嫩雞皮部份烤得剛好脆脆的貴族漢堡配三色薯條-擺盤好霸氣！一把刀插在漢堡中間，漢堡肉因用上和牛製作，肉質豐盈牛味夠濃但薯條有點失望因為唔係炸得好脆侍應嘅服務也很好很細心，也有建議我們甜品但當時太飽所以沒有吃到 haha下次會再來試一試

首先訂座安排有點混亂，明明致電兩次加了人數，結果也是沒有記錄。之前一日亦沒有致電confirm booking. 建議如果訂枱之後，最好早一日自行確認。幸好現場能夠即時安排到座位，可見一班員工盡心為客人解決問題。其實入座的人客大多也都是龍貓粉絲，看到報導慕名而來，可惜下午茶點心貨不對板 除了三隻碟用了龍貓碟之外，熱香餅上沒有龍貓、豚肉紫薯也沒有龍貓形狀，改為心形、煤炭屎亦不見蹤影！沒有了龍貓的吉卜力下午茶，為什麼要$650 兩位？味道不過不失，但以這個價錢，我會期望更高的食物質素。

I have been attracted by the Ghibli event and come try it out with booking. First of all we arrived with a lost of our booking. The second thing is that set decor is far from what we have seen from the OpenRice video:https://www.facebook.com/18876835689/posts/10157205364080690?s=626055286&v=e&sfns=mo

本人第一次寫食評。心諗住去潮聖，點知潮到一肚氣。見到話有宮崎駿-龍貓主題tea set，睇廣告好靚好正好想去，但點知原來圖片只供參考（勁多圖文不符😅）差別太大，冇理由宣傳果日會咁靚之後hea 做，真心嬲同憤怒，食到一肚氣。希望有待改善。老實說除左食物質素（圖文不符外），環境係舒服嘅，員工服務太態度親切有禮。

前兩日係facebook見到有龍貓主題的tea set，一班宮崎駿fans同事即時訂枱打下卡，一心打算有龍貓大公仔影相，有龍貓造型的甜點影相，點知一去到坐低問侍應龍貓公仔係邊度有得影，竟然話只係宣傳片當日先有🤦‍♀️算啦，影下啲甜品造型補返心理陰影，點知甜品架一到，以～～～說好的龍貓造型甜品呢，龍貓樣班戟冇龍貓樣，煤炭屎冇眼睛，算係啲咩，我諗唔到點形容，重點全部食物味道都唔好味，最後頂唔順食唔落食淨左啲，$650＋10％完全唔值，冇樣好食都算，但係冇樣又唔好食，依餐真係背脊骨落，失望

🍬🍬今次同好友們黎到1881食晚飯，好友訂枱時注明要outdoor露天位，可能因為是平日晚上，人不多，環境一流，外望文化中心，好友聊天暢聚，大快朵頤。食物方面選擇多元化，結合了旁邊中菜廳及扒房的菜式，由各式靚扒、西式粉麵以至中式叉燒飯及海南雞飯等都有，價錢亦不算很高。是晚選1881經典凱薩沙拉，烤法國春雞、烤美國肉眼等等。凱薩沙拉有專人即席調製以顯氣派；春雞則略為細隻，勝在肉汁鮮嫩；而肉眼扒即足10安士，肉質鮮嫩軟滑，美味可口。感覺餐廳人不多，服務不錯，環境一流，食物不俗，性價比高。

係1881 做野，順便食埋晏，在這個cafe 食，叫了豬扒餐，豬扒唔乾，但最讚的是那配襯的薯蓉，非常滑，可能落左好多奶或cream,非常creamy, 唔怕肥既，多多都想食，前菜沙律🥗係幾唔錯，有秋葵， 仲切開一半，唔駛驚唔乾淨，另外再加左類似柑/橙既水果在沙律🥗內，有點酸甜，提升味道層次全餐美中不足是侍應生的服務質素，他們的態度是ok 的，但似乎訓練未夠，多次寫左order, 又漏單，放錯位等等， 希望下次來會更好

難得長假期開始。作為港女當然要high tea !! 喺舊英式建築1881 感受難得的休閒。鹹點更是有驚喜！蟹肉小卷加入小許檸檬，感覺清新！基本的英式鬆餅亦做得出色，侍應一放下就聞到淡淡的牛油香！食落鬆化。加上環境一流。鐘意打卡同舊建築的你，就啱哂啦！

今日同好朋友食個靚tea短聚一下～👭❤️😍☕️揀左嚟試下1881呢度嘅tea～☕️呢度嘅tea set咸點比例會多過甜點d~咸點方面個人覺得呢幾款都幾好食，😋阿拉斯加蟹肉脆籃：裡面都多蟹肉而且鮮甜，配埋個好似窩夫嘅脆餅，吾錯😋自製鵝肝mousse配法式咸餅：呢個我最鐘意😍Tart入面係香濃嘅鵝肝mousse，好味🤤烤西瓜配Parma ham：烤過後清甜嘅西瓜同Parma ham估吾到好夾👍🏻👍🏻甜點方面有5款，最好食係個荔枝桂花慕絲杯、coffee opera cake同香蕉朱古力蛋糕～😋不過總括來講呢度嘅afternoon tea食物味道一般般唔算話太特出，不過就勝在環境真係幾靚幾relax～～☀️☺️🌹

論環境，無得頂，所以book位一定要揀outdoor 。個high tea個雀籠又係靚，影相打卡一流。食物好好味👍🏻值得推薦✊🏻踏入黃昏，著埋燈光，個view仲正😍不過因為outdoor ，有雀仔飛過時跌左d羽毛黎，如果你唔好彩，隨時中頭獎😅