長洲冰室

营业中

休息中

長洲除咗掃街之外，更唔少必試甜品！🍨小店「長洲冰室」走簡約文青風，主打手工三色圓、更有不同甜點配搭，包括刨冰、仙草、奶凍，另外更有中式糖水同日式蕨餅等😍💗泰奶剉冰 ($70)泰奶綿綿冰味道超濃郁，奶茶香超突出！🧋重點當然係三色圓，分別有地瓜圓、芋圓、紫薯圓，煙煙韌韌非常有口感，面層再鋪上紅豆、雲呢拿雪糕，非常足料🍧💗芒果剉冰 ($70)芒果綿綿冰面層鋪上三色圓、新鮮芒果粒、芒果雪糕，每一啖都充滿香甜芒果味，非常清爽呀！🥭💗椰皇芋泥三色圓燉奶 ($66)滑溜溜燉奶加入新鮮椰皇水，奶香濃郁，帶陣陣椰香🥥自家製芋泥偏漿狀，芋味濃郁香甜，再配上三色芋圓🍠💗芒果糯米飯 ($50)暖笠笠嘅原味糯米飯同斑斕糯米飯軟糯煙韌，淋上濃郁香甜嘅椰漿，再加上米通脆脆增加口感🍚大大個完整芒果香甜又多汁🥭💗雪糕多芒雙圓仙草 ($44)仙草爽口滑溜，配上芒汁椰汁、新鮮芒果粒、芒果雪糕三色圓、小丸子，超滿足呀！🥭

本身抱有頗高嘅期待去食呢一間甜品🍮好多朋友同埋食評都係好推介呢一間甜品店，但係自己嘅體驗就不太良好！甜品好似有啲變壞而且換過另一個都係不太好的。我係叫咗一個椰皇燉奶，燉奶好似有少少變壞咗，賣相都不是太好的🥺

話說，去長洲嗰日，好明顯係因為平日嘅緣故，好多餐廳都唔開🤦🏻‍♀️..結果嗰日，係食甜嘢食到個肚爆㗎😂😂..竟然咁啱比我遇到長洲冰室照常開放😋都冇咩食咗落肚，梗係要入去試吓佢哋嘅芋圓啦🤤..叫左個D24榴連三色圓花奶仙草😋仲有上面嗰碗椰香芋泥三色圓豆花😌🤤..佢哋嘅芋圓食落口非常紮實，係真係有芋頭粒喺入邊，煙煙韌韌，非常好咬口😆😆芋泥好香，但偏甜，配埋淡口嘅豆花一齊食啱啱好😋..另外個碗榴槤，簡直出乎我意料之外。非常重榴槤味🤤🤤冇揸流攤，如果你係榴槤粉絲會非常滿意🥸配埋仙草芋圓一齊食，係一個好新鮮，透心涼嘅甜品😋非常之有水準✅✅✅...#有機會會再嚟#實不相瞞入咗咁多次長洲#呢次先係第一次食佢哋

假日放假🏖，行上張保仔洞，行到有點累，所以打算搵間甜品店坐下休息一下！之前見網上有介紹過依間長洲冰室，所以決定試一試！甜品店餐廳最低消費一人一個甜品，我地4個人，每人叫左一碗甜品，不過唔記得影相，只係影左自己個碗！ 1. 椰香芋泥三色芋圓豆花 芋泥非常香，豆腐花好有豆味，甜度適中，豆腐花非常滑溜，芋圓煙煙韌韌，好有咬口，長洲依間甜品真係好好味😋 ，非常出色！ 下次黎開長洲，記得幫襯下！推薦👍🏻👍🏻👍🏻

•招牌綜合三色圓話明係招牌梗係要叫返碗試下啦！一上到枱以為份量好少，點知原來d料超足，有薏米，西米，蜜紅豆同三色圓等等，三色圓可以清楚食得出3隻口味，但可能因為嗌咗微暖既關係，令到三色圓偏軟，無咩口感，建議大家都係嗌返凍食•芒果椰香紫米三色圓配黑白配芒果超甜！椰香味濃！呢個嗌咗三色圓另上嘅關係，口感煙韌，夠q彈，配上仙草同埋豆腐花令口感更加豐富！

入到長洲， 梗係要chill 下，hae 下，食下甜品糖水， 上網睇到d 間都好多人推介， 不少好評， 就嚟試試.整體而言， 環境冇咩特別， 簡單亁淨， 座位唔太舒服， 同埋冇咩服務可言， 自行去落單和取食物， 所有野都自助， 感覺唔太relax，下次未必再黎.食物方面， 唔算太差， 中規中矩， 不過冇驚喜.芒果三色圓冰-多層次， 有芒果沙冰， 芒果雪糕， 芋圓， 芒果肉， 芒果汁又唔會好甜， 芋圓煙煙韌韌， 唔錯椰皇雪燕三色圓燉奶（凍）-唔夠凍， 冇咩味， 個人麻麻

冇諗過11月中都咁熱，來到長洲一日遊，行到熱熱地就搵咗呢間新派嘅台式甜品店長洲冰室解暑休息一下店內環境都幾舒適，我見到佢都幾受歡迎，當日係見到有兩組客人直接一大包急凍芋圓咁樣買走😂招牌綜合三色丸 $36佢個芋圓係真係幾好食，好煙靭，食落去唔會好粉狀，配埋個黑糖漿同薏米，好清新，食完成個人涼浸浸，當然梗係同神級嘅鮮芋仙冇得比啦，但係你話來到長洲，食厭咗芒果糯米糍或者中式糖水，都可以嚟試吓呢間新派嘅台式點品店，轉下口味都唔錯㗎！

吃過午餐，心動想食少少甜野，點樣食得fit D 我就挑選健康的芒果仙草豆腐花，同儘量減少花奶豆腐花另上，無糖又唔吸引，就攞上鮮芒果粒，好味又健康涼粉比較低卡，配合芒果，健康啲

雖然已經過左中秋，但是天氣依然熱，因此甜品店客人特別多。朋友介紹呢間【長洲冰室】，白色外牆加上藍色窗框有希臘小島風情。店內裝潢清新， 散發出陣陣文青風。 聽個名以為【長洲冰室】是茶餐廳，但其實是一間甜品店。看看餐牌，長洲冰室 主打剉冰而且有其他不同的冷熱甜品如奶凍、豆花、仙草等。 【芒果剉冰 $70】上枱份量比預期中細，甜品顏色繽紛賣相吸引。賣相似個小山包含好多材料，除剉冰外，仲有芋圓、新鮮芒果及芒果雪糕。芒果冰打到好細碎，淋上芒果汁甜度剛好。芋圓是長洲冰室的招牌，人手製作，芋圓口感煙煙韌韌。味道沒有想像中出眾而且價錢不叫抵，試一次就夠。

熱辣辣黎到長洲一定會想入鋪頭嘆冷氣食返個甜品🍮長洲冰室限咗一人起碼要叫一份甜品 冇話人均最低消費 但就一定要一人一份我自己就試咗 多芒小丸子仙草$42呢個價錢黎講 份量係滿意嘅 芒果係真係好多不過就略嫌唔夠凍 可能天氣實在太熱

天氣咁熱嚟到長洲玩，食碗冰凍嘅刨冰真係爽到冇朋友，不過一定要搵一間坐得舒服😌剛剛行過見到呢間唔錯，入到去座位都幾舒服🫶🏼🫶🏼Menu超多選擇仲有一啲自家製嘅產品可以買走😉😉泰式奶茶三色冰超香奶茶味，芋圓煙靭q彈👍🏼👍🏼👍🏼仲配上軟綿綿紅豆🤤🤤加埋雲呢拿雪糕，冇得輸芒果三色圓冰超多芒果，啲冰刨都有芒果味得軟綿綿，加埋芒果雪糕，真係全芒味😉😉多芒小丸子豆花又係芒🤭🤭丸子一樣煙靭Q彈性，豆花夠滑，非常好的配搭

對上一次嚟長洲冰室應該已經大半年前記得上次食完好食所以今次再幫襯玩完沙灘食碗甜品人生一樂也我哋喺長洲東灣玩完後向東堤小築方向行過去長洲冰室蕉媽係芒果控所以2碗甜品都選芒果系列包括中芒果花奶奶凍及多芒小丸子豆花店主應該好叻揀芒果，佢揀啲芒果好甜好好食奶凍亦整得好滑溜多芒小丸子豆花真係有好多芒果🥭，豆花唔太甜同芒果🥭都好搭，加埋小丸子口感一流暑假嘅星期一下午4點都坐滿識食之人都係度啦長洲冰室 (長洲)長洲北社海旁19C號地下

桂花糖水 刨冰必食不是茶餐廳，是間甜品店，手工芋圓同甜品店。冰室裝修風格走向簡約風文青，門口打卡一一流！小店分室外室內坐位，非常悠閒舒服，而且甜品選擇非常多選擇。 甜品店主打手工三色圓、刨冰、仙草、奶凍，另外更有中式糖水等，特別更是他們的自家製桂花糖，本人也買了我回家食 推介自家製桂花糖甜品店自家製綿綿冰，綿綿冰味道超濃郁好味～面層再鋪上紅豆、三色圓、一球雪糕，再將Baileys淋上雪糕上，煙煙韌韌三色圓非常足料，每一啖都充滿Baileys味道，好清爽呀！yeah～～

行到攰攰地，諗住找地方坐下，見到有間鋪門面都好似ok，又冇咩人大把位，有個後生仔招呼入內話隨便坐，我們便坐在一張大枱的一邊，叫左野食後，另一個後生仔過來叫我們再迫埋一碟，即一張二人細方枱坐三個人，這個後生仔真的很冇禮貌，無客扮多客，你一係寫明這張枱子坐六人或以上，唔好一個同事話隨便坐，另一個就話叫你坐埋一邊，不知所謂，佢真係唔知邊個先係老闆，冇我哋啲客你執咗好耐。你估你係澳牛串得起咩，長洲仲有幾間甜品店呀，又或者吾食甜品唔得咩。食物方面，食甜品，但D忙果超酸，凍甜品又吾夠凍。一句講晒，劣食!

服務超差，嘢食超一般，價錢超唔平Lunch 未到，成間鋪得一枱客，我哋一行3人入到去有個侍應叫任坐，咁咪揀左大枱坐得舒服啲囉。然後幾分鐘後另一個靚仔話唔該你坐埋一邊，一陣有客到喎，睬⋯⋯咁咪坐埋一邊囉我哋。再一陣個靚仔又過嚟搞我地，將d間板好大力插正我哋間隔離，慌死我地又會越軌咁。出面太熱，又唔想再搵位，又驚其他舖會真係full, 是但叫左幾碗食，d芒果酸到呢⋯⋯不過d甜品真係好健康，完全唔甜，冇味㗎收，款款都冇味，咁其實我食緊d乜嘢㗎呢？每碗豆花，仙花，一碗仔都成$50，又唔可以話貴，但真係唔抵食又唔好食。好啦，到我哋食完，霸左張大枱（6個人枱唱）咁耐，結果究竟有冇人黎坐哩張枱呢？梗係冇啦⋯⋯咁你又可必我哋一坐低就阿支阿左，我都係見你冇乜人，天口慶，唔想同人迫啫。教埋你做生意啦！其實你可以大方同我地講随便坐，不過因為lunch 時，一陣有人黎，到時真係會麻煩你地幫手郁一郁，唔該晒你⋯⋯大方客氣做生意咪大家識做囉。