長洲張記

营业中

休息中

早聞長洲張記魚蛋麵十分出色，但怎好味也不值專程來回花數＋元去坐船食一碗魚蛋麵咁犯本，直到最近有機會和朋友入長洲觀音灣玩風帆和獨木舟，甫一下船我就要求到張記食碗魚蛋麵，朋友們也順應我的要求一起去吃，店內環境就麻麻，連枱櫈也好像有點霉爛，至於碗魚蛋麵就真係名過於實，碗麵本身較細碗，連魚蛋也迷你得很，咬落只有點魚腥味，完全沒有半點爽口彈牙的感覺，與坊間所講的正面評價完全係兩碼子的事，最後還給友人向小弟喝倒采，為了息事寧人，呢一餐找數非我莫屬。

昨日趁著是假期便到了長州一遊。記得大家講到張記的魚蛋好味，於是便同朋友到那裡試試。正午12時左右全場爆滿，於是便行開一陣，等到3時左右再回來，仍是那麼多人。朋友和自己各自叫了至出名的魚蛋粉、麵，還有墨丸牛丸河。魚蛋雖然細粒少少，但很有魚味而且彈牙，的湯亦幾好飲，飲晒，還吃了兩碗，但竟然唔覺得口渴。牛丸雖然唔係那裡的招牌，但都幾好食。至於服務就不太好。不過真係幾好味，下次都會再幫趁。

聽說張記的魚蛋很出名,經過長洲的我當然想試試.四時有多,全店差不多滿坐,剛好有張兩人檯就坐下.想要墨丸魚蛋,可惜墨丸賣完.男友想要雲吞又沒有.相信真係幾旺場呢.最後要了:-魚蛋麵---魚蛋算幾彈,不過唔覺有特別,同一般魚蛋相差無幾,而麵很硬,好像未熟透牛丸河---不外如是炸魚皮---薄薄地一片,不會有油有益味,算叫唔錯.不過$16一碟,都幾貴ttl:$48總括:每碗的份量偏細,亦不見得有甚特別,一次就夠.如果早在openrice睇了食評,相信不會幫襯.

見大家講得咁正, 一於走去食下, 店內都係一般雲吞麵店的古舊裝修, 叫左個雲吞魚旦河, 魚皮, 豆漿同油菜魚皮比平日的長很多, 但是佢浸湯之後好耐都唔會腍, 我諗佢炸得過耐了, 不過個texture又唔係真咁正, 只係無咁碎之麻, 豆漿一般, 似係買貨....油菜好大碟, 又唔會太油, 不錯不錯, 雲吞魚旦河, 河粉幾滑, 魚旦唔腥都算彈牙, 不過都係一般, 雲吞個d蝦細細隻, size又唔係大......整體來說....真係一般之麻

跟成班同學在昨天展開長洲漫遊，落船後第一站到了張記吃魚蛋麵。我要了一碗墨丸麵+豆漿，另再加一碗魚皮大家share。墨丸冇想像中咁出色，細粒之餘又唔係太彈牙，惟麵條好正，魚皮都唔錯，脆卜卜，我將魚皮浸落湯度5分鐘都未腍，勁！另值得一提是辣椒油，落了一小茶匙，已麻到我個嘴痺晒，好過隱。

昨天，我和女友入長洲影相! 下船後就立刻找地方醫肚，就去左人稱長洲出名的魚蛋，墨魚丸的"張記" ! 我們點左魚蛋河，墨丸米和炸魚皮，食完後十分失望，魚蛋ｏ既不彈牙又十分咸，墨丸的味道又怪怪的沒有口感，魚皮又無味道，真的十分差勁，找不到出名的地方，十分失望!!

食過幾次...次次去長洲D 朋友都指定要食....其實D魚蛋雲吞都係普通貨色....雖然唔係貴...又唔係話難食....但係連"好味"都稱唔上....究竟佢係憑咩野會出左名架呢???

記得上次去長洲試過E 間野魚蛋河,所謂出名魚蛋,其實好普通咋喎!!!魚蛋係就係幾彈牙又的確係唔腥,不過味道就絕對唔突出囉!唔夠鮮味又無魚味,唔多掂喎!!可能我食過我個大澳朋友媽媽自製魚蛋,因為實在太好食,所以我就成日以為"水上人"整魚蛋應用都好得啦!!點知E間野糾正我錯誤想法喇!!

雖然張記已經有好耐歷史，亦曾做出街知巷聞嘅魚旦，但近年來質素真係每況越下...魚旦唔夠爽滑彈牙，冇魚肉香味，湯底時鹹時淡，唔知攪乜。可能'名店'關係，D服務態度好似名店嘅sales咁串。希望佢哋盡快改善，逆水行舟，不進則退。

張記魚蛋遠近馳名...非常出名...魚旦真係好得..鮮魚打既魚旦真係美食...總好過d麵粉魚旦(呃錢架!~~)....雖然相比市區既鋪頭係貴左d...但我就覺得非常祗食...食到一碗真正魚旦粉ma....湯底好好味...除左魚旦麵之外...墨丸麵都好好味...d墨丸好與眾不同架..聽講又係佢地自己整架...犀利~!!...環境ok~~~有冷氣...不過就細左d...假日去到好多人..冇位坐要等~~....不過d待應都唔錯...叫我地等陣..好快有位..仲介紹其他地方俾我地去..仲提點我地假日海傍路唔踩得單車...都幾nice...幾好傾~~~....真係又幾快安排到位俾我地...真係值得到此一遊~!!!!!!!!特別呢間張記..一定要去~!!.

今天合家歡入長洲, 試過呢間所謂必食魚蛋後, 覺得3個字"憑咩呀???" 魚蛋一般, 係多左粒炸雲吞囉, 湯.... 絕對係鹹, 我自問都好食得鹹, 又係一次貨仔囉....

我覺得張記魚蛋好掂喎, 猶在謝記和德昌之上!再者, 十幾蚊碗粉唔算貴, 上述兩間都要啦!

勁貴,價錢與食物品質不符,得個名.

睇到間鋪頭話d魚蛋同墨魚丸都唔錯，我鍾意食墨魚丸多d於是就叫左碗墨魚丸粉，我就覺得一般，反而碗河粉幾爽滑，比墨魚丸更突出。不過抵食就一定唔係啦，16蚊碗，灣仔8蚊碗，size又差不多......

呢間鋪都有咁多年歷史～環境都算ｏｋ　ｌａ～ｄ人話入長州一定要食張記魚蛋～嗯．．．好鮮ｌｏ～幾好味～入去真係要試下～而服務，抵食同乾淨情到就普普通通咁ｌａ～