長洲冰滴咖啡 (已搬遷) 新店位置

入場38蚊的細杯裝咖啡，賣得比Starbucks 還要貴，可是咖啡質素，室內環境，以至店員嘅態度，都差好遠。不值一試。值得留意的是，咖啡杯及飲管係全用膠的，環保人事要注意⚠️

友人見到雜誌介紹啡寮，一直嚷著要入長洲試飲，今日得閒就去見識下。很有意思的logo design，都幾有heart。品種很有特色，除左咖啡都喺咖啡，非常focus。店內裝修很有風格，以白色和灰色營造的空間感，令人感覺舒適，而且可以即時睇到咖啡滴溜情況，好專業咁。插圖清楚介紹咖啡的成份。仲有展覽睇，呢度都幾好hea，好啱文青人士。對冲調咖啡有興趣的，可以見到咖啡師係你面前獻技，就知道冲的每一杯都係藝術品。長洲冰滴白咖啡($35)喺呢度嘅signature coffee，白色面係泡泡奶，要攪拌完先飲，冰滴白咖啡的確係香醇，又幾好飲喎，比連鎖店的咖啡更有特色，值得一試。檸檬蜂蜜冰滴咖啡($45)，我又鐘意lemon honey，又鐘意coffee，成個combination好好，咖啡味道唔會太濃太澀，夾lemon honey又好refreshing。可以坐係門口放空，看看街景，都幾舒服。

睇左網評特登去1去先！點知！無左既..原來搬左！哇！好鬼特別呀..！啱晒鐘意試新野既朋友仔！好正！真係唔錯！無酸味的！我地揀左black！少少甜！不過加左價，35蚊鐘意飲咖啡可以1試！

13-5-2017 (Sat)晏晝, 同老公跟friends食完蛋撻後,又行返o黎呢邊,全因除o左我老公外,原來成班男人都愛飲咖啡,所以o黎搵呢間.我o地搵到喇,男人一人一杯,佢o地全部都要齋啡,我老公要加糖加奶o既咖啡,個後生仔一個人逐杯整,重逐杯畫,老公o個杯係最後整,佢俾啖我飲,甘苦,加o左糖同奶都仍然係苦,絕對唔係我杯茶.我冇問佢o地覺得點,應該OK o掛.PS:我完全冇影到相. orz評分:味道: 3    環境: 3   服務: 5     衛生: 3      抵食: 3       OK

得閒同班friend入長洲玩，經過一條巷仔見到有冰滴咖啡買就試下。點知勁好飲。咖啡唔係溝粉，糖水和奶都可以自己要求份量，班friend試完都自己買左杯飲。杯上面會有原同圖案，幾有特色。

去長洲玩半日，除左食大魚蛋之外🍢，係橫街窄巷經過，見到間長洲冰滴咖啡☕️，竟然長洲都有冰滴咖啡☕️，咁當然要試試啦啦 ，價錢都唔係算貴🙂，飲落去個口咁都唔酸澀， 咖啡味都幾濃，奶香滑，好有heart❤️

好耐冇入長洲，入到去裏面天氣好熱，經過一條小巷見到有兩個年輕嘅老闆，枱面放着兩個冰滴咖啡嘅座，之前只係係台灣試過，咁就諗住係香港都試吓，我就試下個唔加糖只加奶，係好香既咖啡味，但飲落去就唔太濃咖啡味，可值得加許既係每隻杯店主都有畫公仔落去，都幾有心思😊

門前好特別，放置2個滴漏咖啡既器皿，多人排隊，最後要半小時後先有得取，冇問題，好期待……半小時後……我地選擇一杯冇奶加甜，一杯有奶，一飲，oh no可能冰太多，感覺入口好水，而且沒有咖啡香味，失望，不過亦可以說一分錢一分貨，比$29就飲到冰滴咖啡一杯囉

今天散步閒遊入長州，巧遇 $29 元一杯冰滴咖啡檔，細看檔面兩個透明冰滴咖啡器具非常吸引，青年老闆主動推介，就來一杯走奶少甜的黑咖啡。口感味濃，街坊價，品質優。值得一試

包山節前夕再來長洲遊,逛了大半個長洲後又熱又口乾,還在找士多買飲品之時,小巷民居中出現三台滴漏器,走上前看清一點......長洲冰滴咖啡??? 只看名字已教我不能抗拒!!(我要飲!!)時值包山節全島吃素,平日可配鮮奶的冰滴咖啡今天只有純齋啡,對我而言絕無問題。   說是限量供應的冰滴咖啡就在這三台儀器中慢慢地滴出來,當看到那盤冰塊就算輪候時也不覺得太熱。 當客人點咖啡後,小伙子即時在杯子上寫字,讓每杯也有著一點不同,有趣!小伙子在膠杯裡加冰後再注入咖啡,第一口的確冰凍透心涼,消暑後再來一口便嚐到濃郁不酸,沒有加糖加奶的咖啡一點也不苦,清爽順喉的還有點回甘,好飲。小伙子說因不加牛奶,改用一款感覺較清的咖啡豆,有心思也有誠意的小店。後來更將另一款有加糖的咖啡給我試試,香濃度更高,喝來更具WATT數耶。拿著這個冰冰杯活像一台小型冷氣機,排隊買平安包也不感熱,爽爽爽!!!

今日終於試左長洲嘅冰滴咖啡，簡單嘅一個小攤檔，放著兩座冰滴咖啡儀，相信一個係整black coffee，一個就整white coffee。我選擇左white coffee，味道適中，唔太甜，亦不太酸，而且帶有咖啡香，合大眾口味。檔口雖小，但店主招呼好好，笑容可加，且主動幫客人拍照，值得一讚👍

其實一開始係為左一試平安包而行入呢條路，估唔到會見到長洲冰滴咖啡呢間店！雖然佢唔係好靚有得閒坐嘅cafe，但佢賣嘅咖啡真係一絕！好香濃又唔會好澀，仲要只係$29，對我黎講真係超值嘅質素！個杯仲係佢地自己手畫，好得意如果受得齋啡的話，強烈建議你飲齋啡，唔加糖同奶，咁先最飲到佢啲咖啡嘅香濃味！

日前趁國慶假期往長洲一遊，假期的長洲果然是人山人海，從碼頭上岸已感到那種肩摩踵接的氣勢。十月到了，仍然熱得汗流浹背，急需一杯冰凍飲料降溫。這家長洲冰滴咖啡早在我的待去名單上，當然一個箭步衝去。幸好離碼頭不遠，也不太難找。與其說是店，倒說它是一個攤位比較合適。也幸好我是假期來，才遇上他們開門的日子。冰滴咖啡的選擇就只有黑咖啡（不加奶）和白咖啡（加奶）兩種，可選加糖或不加糖，另有冰滴伯爵茶。一場來到，自然選黑咖啡。$28 一杯不算太貴，起碼比連鎖店便宜，還加送店主手繪的可愛膠杯，令人不禁會心微笑。味道方面，因為是冰咖啡還在膠杯裡，實在沒有什麼香味，而口味算是頗為大眾化的那種，順滑易入口，回甘淡淡的，最重要是喝完假後人整個舒服了！（不知是因為咖啡因還是人沒有那麼熱）雖然不太喜歡周末假期來長洲跟人擠，但如果要我說一個假期來的理由，長洲冰滴咖啡應是其中之一。

每次去台灣九份一定飲冰滴咖啡，喺香港未見過有~ 估唔到今日竟然喺長洲搵到!!! 咖啡香濃，完全冇酸澀味，排隊都抵丫! 老闆靚仔好人，又好傾~~~ 呢杯冰滴咖啡成為左我下次入長洲嘅原因!!!!

秋高氣爽，最適宜去離島行一行，今次，我地決定入長洲！山長水又遠搭車又搭船，終於入到嚟喇，梗係大街小巷都唔好放過，一定要到此一遊啦！行吓行吓……突然有兩座巨型嘅漏斗形物體出現喺眼前，我地即刻走過去研究研究。原來係冰滴咖啡機，愛好咖啡嘅朋店已經話要試，但係我仲猶豫緊，因為我好怕咖啡嘅苦澀同酸味，店員就話因為冰滴嘅過程會令咖啡豆嘅苦澀同酸味減低。聽完佢咁講，令到本來唔好咖啡嘅我都忍唔住要買番杯試吓。嘩！咖啡味好濃，但係真係唔澀又唔酸，而且飲落重好滑添。朋友重話呢個價錢飲到杯咁正嘅咖啡，真係物超所值呀！