開飯主義

营业中

休息中

好少黎大埔，問地膽朋友有咩好介紹。推介左呢間係大埔舊墟既餐廳，係門口睇睇餐牌，都幾多款式，所以就試下啦。因為都晚飯時間，要等一陣。作為芝士迷緊係要試下呢度既推介拉絲芝士面包啦！同朋友一人叫左一個餐，一上枱見到咁大份就知一定食唔哂，提提大家份量真係幾大份，平時食量唔多既真係要就住叫，唔好浪費~我叫左既係熔岩拉絲麵包芝士炸雞~$85面包焗得好脆，芝士又有拉絲，炸雞上面既芝士醬我就唔岩喇，點面包既芝士醬仲好味😂😂仲有薯角，真係食到好飽好飽

下午茶咖啡雞扒焗意粉 $34（4⭐️）有心機之作，唔係平時一大Pak 咖哩汁淋上面個種焗意粉。啲咖哩汁佢個意粉應該一齊煮左先焗，每一條麵都有咖哩味，質地唔會好淋。個雞扒冇乜調味，但都冇咁既需要，因為主要味道係黎自個麵，雞肉質地唔硬，雞皮帶脆，岩岩好，加埋啲芝士係面，同埋啲生菜，$34 絕對超值。個餐包飲品，加左一蚊叫左個菊花蜜，但飲落冇菊花味，反而仲有少少似啫喱粉溶既味道，感覺唔天然，但因為咁平，都冇所謂。

大埔好多間餐廳選擇 但通常都係指定菜式呢間餐廳比較多種類 茶餐 泰式粉麵 焗飯意粉 西式 日式 韓式⋯每款都有得比您簡 （餐牌有好多色彩圖片 每日再有指定幾款唔同既lunch set 唔驚冇野簡得岩Lunch hour比較多學生同街坊光顧 不設加一收費 仲可以叫外賣架今次我地2個都叫左焗意粉 跟餐有半份奶油豬 同 餐飲 （個奶油豬係大隻的 而且幾脆幾香）- 勁芝士焗肉醬意粉 （多芝士好香）-芝士焗豬扒焗肉醬意粉（好邪惡）多謝每位$54 好經濟 好飽 由於人流比較多 食完都即刻走啦 唔錯

今日同外國朋友一齊遊走大埔區，由寧靜郊區博物館到熱鬧街市，對他們來說一區內有咁多角度，越看越精彩。 行到又累又到晚飯時間，想著帶他們吃什麼好，竟然就在附近看見開飯主義餐廳。 在門口看見menu 幾好，西餐得來也帶有港式風味。西冷配黑椒汁，看上去好有睇頭，但肉質非常一般，不過就好有港式扒餐風味。餃子泉蛋雞扒炒烏冬一大堆頭款式，不過用鐵板上令香味四散即時加分。咖哩羊扒焗麵包羊扒煎得太熟，肉質太硬，咖哩醬味道也可接受。

12點幾同朋友去到食lunch， 等咗5分鐘就有位 環境5錯，d餐上得快。 叫咗個忌廉芝士雞翼雞皇 $48， 多芝士， 雞翼去咗骨幾貼心 不過個意粉就乾咗d冇乜味。包埋個脆朱都抵食生牛肉湯河$45牛肉算淋，有牛味，不過就有d 根，要咬多一陣先吞到。 個湯可以加多d 香葉 吊翻個味， 會更好。熱華田 (跟餐)好飲， 5會淡某某築地板燒牛肉飯 ($55)多汁好味 蛋撈飯不嬲冇得輸， 加埋生菜口感更好， 食完想再 encore咖哩牛坑腩飯 ($56)呢個反而冇乜驚喜， 正正常常。 想要辣ge 記得叫泰皇咖哩，基本上呢到餐牌寫'咖哩’都系5辣ge。整體5錯 同 frd lunch ge好地方

又係一條友的晚餐，嚟呢度食就比較安全唔中伏 😂今次叫咗個豬軟骨石頭窩飯，加咗 $15 轉餐，包餐湯，牛解飽同飲品，仲要飲品冷熱同價，無得輸啦。上次知道紅湯有牛，所以呢度我只可叫白湯，今次味道咸咗啲，牛角飽有啲温暖，抵讚!!豬軟骨石頭窩飯好大份，個飯好香口，仲有小小飯蕉啱晒我口味，我盡咗力都係食咗一半，呢個餐兩個人 share 加份沙律都夠飽 😅餐飲要咗凍檸茶幫幫消滯 🤭🤭

一間自稱多國菜既餐廳整體黎講味道一般，食物質素僅僅合格不過環境真係算唔錯即使得一個人入座佢都會照成張雙人枱你整體感覺都算幾舒服1.台式滷肉飯拼日式吉列蝦 $46-滷肉甜味偏重，唔算太油-飯份量偏少-炸蝦炸粉太厚，肉質奇怪，失敗之作-有沙律菜加分2.即磨咖啡 跟餐加$3-非常香滑有驚喜-有咖啡香，但無苦澀味-要加錢略嫌貴-不過係大埔區而言，有杯味道唔錯既咖啡其實已經好滿足地址：大埔大埔墟大明里9號寶華樓C座地舖

夜晚同朋友路過話想食牛扒，見到呢間食西餐就入黎試下，但真係好失望。我地叫左一份紐西蘭西冷，七成熟，再加套餐同兩款小食，湯同牛角包質素還好，雞翼同章魚小丸子就好一般，但最令人憤怒都係份鐵板牛扒，朋友特登為左食牛扒而入黎，出到黎竟然係豬扒，由切既時候手感已經唔似牛，望到啲肉仲白色既添，點知切完一食落去竟然好似豬扒咁，完全一啲牛味都無，口感完完全全就係豬扒。即刻叫待應過黎，佢話係牛扒，牛扒係咁架啦，可能太熟啫，但係我已經切開左，食左兩三舊，費事同佢嘈。我只能說呢塊肯定係豬扒，如果佢係牛扒，肯定係好差既牛扒...以後唔會再黎，最令人討厭的是服務態度

番下午更之前，約左女朋友黎到大埔公園仔既開飯煮意食飯，食完就搭車番工。不嬲都中意食All day breakfast既我叫左份吉烈豬扒big breaskfast，女朋友就叫左沙嗲牛肉米粉配豬仔包火腿奄列。貴都唔算貴，大約$40-$50一份。呢個就係Big breakfast ，都好足料，最正當然係吉烈豬扒，仲有吉烈流心芝士。 豬仔包都唔錯。呢份就係女朋友既，佢話沙嗲味都幾香，幾足料，最後飲曬所有汁，肥死佢！

下午茶時間經過呢一間餐廳，叫咗個進擊巨人巨大黑蒜丁，有火腿有腸仔有溫泉蛋有雞翼嘅出前一丁，佢寫個人巨大仲以為會好大份，好彩都足夠一個人嘅份量！佢加多$8 可以order多一份熱狗,咖喱吞拿魚熱狗🌭️好足料吞拿魚超多，佢個醬汁都好入味但又唔會太濃味！對於下午茶來講,佢都算抵食，可能因為我冇食午餐，所以覺得呢份下午茶加埋個熱狗，可以頂到晚餐都唔使食！嗰度啲服務員都好nice . 服務態度超好又細心主動拎紙巾比我，估唔到呢間餐廳都係一間唔錯嘅s選擇

開飯寫意都食唔少次，平時都係食開big breakfast 果D all day breakfast，但今次因爲食唔落咁多野，所以就叫左個沙嗲牛肉米粉餐，配煎雞扒，火腿奄列，熱奶茶男朋友就大食D，食個大餐，又吉烈豬扒，炒蛋，煙肉片，吉列芝士，焗豆，豬仔包，沙律。成個食曬，應該飽到喊😂😂😂味道方面🤤沙嗲牛肉米個醬真係好好味，出面有d餐廳既醬總會有點兒怪怪地既味，呢間無怪味，好香，仲落得好足，好濃！真係預料之外！

好耐冇去大埔，趁假日去行下之餘順便食lunch，冇去大埔墟一排，多了不少新的食店，經過大埔之友推介的開飯主義，據聞焗飯不俗，一於試下，午餐時段，都幾多人等位，似乎好受歡迎。 等位時順便看下餐牌，約10分鐘到就有位了。 餐廳是港式茶記的格局，裝潢上帶有西式設計之感，牆上的Marvel掛畫好搶眼，我們3人，坐的是梳化卡位，比較舒適。 餐牌，食物十分多選擇，有港式、西、日及泰等都有，據友人推介溶岩系列最美味，想揀之時見到有Big breakfast即吸引左～雖然友人常說All day breakfast都係現成貨冇乜味道上可言，頂到盡都係睇現成貨係味用靚野同滑蛋係味正野，但仍然想試，太想食早餐呀！ 煙鴨胸胡麻沙律，跟餐+$6，食咁多肉，要食下菜平衡返，沙律菜份量適中，胡麻醬多﹐少許芝士粉，入口不會太清淡，有數片煙鴨胸，味道不俗。 招牌凍咖啡，跟餐轉＄5，好奇招牌果下，凍咖啡面層有脆脆，咖啡味濃郁，冇因為有冰之下溝到淡味，加上天氣開始熱，呢杯凍啡夠晒透心涼呀。 Big breakfast-蜂蜜板煎雞扒，＄55，配3.6牛奶炒蛋、腸仔、焗豆、煙肉、沙律、炸芝士及香脆奶油豬(半隻)

今次同朋友到左大埔去海濱公園，之後就係火車站附近搵到一間叫開飯主義食晚餐雖然依間店食物類型多元化，主打都唔係芝士。但小怪同朋友不約而同都叫左有芝士既食物溶岩拉絲麵包芝士炸雞本身見名芝士炸雞，以為係韓式料理，但上到黎偏偏似西餐格局。食物外表吸引，炸雞數目都多。炸雞香口，但如果去埋骨會更方便食用之後既芝士麪包，不得了，芝士口味濃，大量拉絲效果，岩曬芝士控既小怪。麵包本身係脆身，沾上芝士汁，一啖炸雞，一啖芝士包，小怪就覺好享受忌廉汁軟殼蟹意粉依個軟殼蟹就方便好味，大啖大啖送入肚內面而意粉一方面有忌廉汁但都有芝士在其中，都有小量拉絲效果，不過又唔會好油依度仲可以加15蚊多個西湯同野飲。提議芝士控來一來

其實呢間都食過2-3次 但每次都覺得質素都對得上個價錢既今次星期日黎都唔算好多人 一黎到即刻有位坐我地就揀咗其中兩個lunch set茄汁司華力腸雞扒飯$46值得讚下個腸同7仔個啲係完全唔同，無論賣相同味道都吸引好多另一個就係黑椒煙鴨胸豬扒飯$46塊煎豬扒幾香口，黑椒係幾香濃，撈曬成個飯都夠價錢幾合理，啲餸唔會話太少，總括黎講都幾抵食

入大埔，我只會食開飯主義。高度推介大家試肉醬意粉同凍咖啡。先講肉醬意粉，即焗，芝士夠熱可拉絲，肉醬汁夠濃，意粉烚得剛好唔會爛唔會乾。然後係凍咖啡，面頭灑咗咖啡粉，入口香濃順滑。淨係杯咖啡已經砌低好多餐廳同咖啡店。以午餐$50下午茶$40嘅價位黎講，冇一間餐廳做到咁嘅質素。攞住$50去食大xx快餐店，你食到嘅係一早焗定嘅冇拉絲爛碎發透意粉，飲到嘅係沖定嘅酸澀藥水味咖啡。朋友問我點解入親大埔都食開飯，仲話我痴線。我冇怪佢地，因為佢地對食冇要求，唔明開飯主義嘅好。我想講我冇痴線，只係我對食有壹份執著。