開飯主義

营业中

休息中

星期六晚又係出動去搵食嘅時候!!! “開飯主義” 平時都係食早餐同下午茶多，今次試埋佢嘅晚餐先。我地一行4人叫左芝士炸雞焗麵包($85)，忌廉汁軟殻蟹焗海鮮意粉($85)，肉醬雞扒焗意粉($65)同埋龍蝦汁軟殻蟹焗海鮮飯($85)。加15就可以轉套餐，有埋飲品同餐湯。忌廉湯好creamy, 一啲都唔水，正！芝士炸雞焗麵包芝士嘅分量唔多，主要係忌廉多，無拉芝效果，有啲失望，而麵包有啲硬，炸雞有骨，因為雞較細塊，如果無骨會好啲。忌廉汁軟殻蟹焗海鮮意粉同龍蝦汁軟殻蟹焗海鮮飯因爲諗唔到叫邊樣所以兩樣叫晒。都係有軟殼蟹同青口，覺得龍蝦汁比較好味。肉醬雞扒焗意粉似茄汁意粉，太水同埋肉醬比較少。整體有進步空間。

聽說大埔有很多美食 難得平日放假 便到大埔走一躺 由大埔墟火車站跟著路人一直走 便走到大埔墟 發現了一間比較平民的餐廳 我和朋友都比佢個menu深深吸引住 款式很多 二話不說就走進坐下 餐廳環境幾等別 聽人講好似最近裝修完 都幾舒適 看看menu好多野都好想食 可惜我地得2個人 最後揀在個激安芝士肉醬意粉 不過個味道就有啲似普通既茄汁意粉 肉就得好少 芝士就真係好多 好正 另外呢個餐可以追加幾款野食 我地就加左個咖哩吞拿魚熱狗 印象中好似$15 都幾抵 試完呢2個野食都飽飽地 因為份量都多 留返個肚再去試埋其他大埔美食 哈哈😄

係大埔餐廳林立嘅中心區，呢間餐廳坐得舒服、環境唔錯、食物質素高，芝士嘅食物款式好多～而且價錢合理，性價比真係好高，值得encore啊！最推介一定係芝士包！$85首先講個包，本身以為大大個裝芝士嘅包會又硬又乾，點知完全相反！佢嘅包好鬆軟，仲要包內搽滿蒜蓉牛油再烘到脆一脆！芝士同牛肋條嘅汁浸左好耐都仲鬆軟同有dd 脆，真係幾好味。牛肋條炆得好軟腍入味，但係完全唔會柴，反而幾嫩滑，加埋芝士、咖哩夾落舊麵包一齊食，大滿足～連配菜：薯角同沙律菜都幾ok。薯角係新鮮薯仔炸嘅，佢唔係脆卜卜，反而好似焗薯仔咁味同質感，外面脆脆地入面係薯蓉質感，食到薯仔原味～沙律菜份量都唔少，而且可以解膩。 呢個幾大件抵食。eye catching 飲品： disco ball咁嘅 荔枝梳打唔會好甜，幾fresh，仲要不停轉換顏色閃下閃下，打卡一流😂😂po 係Ig好多朋友問我係邊度😂所以都推介～芝士焗生蠔成隻手掌咁大嘅蠔！有芝士已經係好味嘅一半，焗蠔食落雖說唔係好新鮮嗰d，但係都幾有蠔味而且冇d 臭臭腥腥味，所以都ok。

約咗朋友去大埔踩單車🚴‍♀️踩之前就黎左「開飯主義」食個中午飯餐廳就係新街市附近大大個黑底白字，招牌好易搵又就腳而店裡面位置夠大，坐位舒服，都好多客因為午餐嘅選擇好多，單睇餐牌都研究左一陣豬仔同朋友最後選擇咗燒汁牛扒配奶茶牛扒夠哂大塊，燒汁上面加左紫菜同木魚絲，再配大根同神福漬，整體感覺係日式大份便當，再加埋半生熟嘅溫泉蛋，又好香又滑，份量真好足終極邪惡火炙三重芝士撈丁配咖啡豬仔重點推薦呢個大組合包括咗邪惡炸雞腿肉，忌廉芝士雞翼，吉列炸蝦仲有極大量既芝士出前一丁麵一見個樣已經覺真係好邪惡，但最厲害係你明知邪惡，但第一啖之後，濃濃嘅芝士再加小小蟹子，口感豐富，令人一直想邪惡落去芝士控真心要嘗試再飲埋奶茶同咖啡提提神，好滿足又精神踩單車

大埔墟這小社區，裡面不少新舊的餐廳，今日去的是開飯主義，走的是比較高級、有水準的路線。今次去吃它的晚餐，晚餐市的食物選擇都不少，價錢由五十多元起，最後決定點了芝士熔岩包和鹽酥雞撈丁。芝士熔岩包的份量都算大，農夫包裡藏著濃濃的芝士，芝士多到可以拉出一條長長的絲，再配上炸雞和薯條，吃完都飽到不得了；至於鹽酥雞撈丁，除了芝士醬外，丁麵上面鋪上一塊車打芝士，增加芝士味的濃度，而鹽酥雞炸得鬆化，雞皮入口卜卜脆。

大埔知道好多食肆選擇，今日難得同一家大細去踩單車，順便去大埔搵野食，經過一間餐廳叫做開飯主意，見到餐牌上好多選擇，價錢又親民，又有特色，就入去試一試。蔥油香茅豬扒飯：豬扒非常之淋，濃香豬味，大量香茅嘅香味非常惹味飯與上蔥油係絕配。台式滷肉煎雞扒飯:我嘅至愛滷肉飯,肥瘦適中,魯肉汁非常香濃，雞扒燒到外脆內軟，仲好juicy，雞皮仍然非常之脆口。總括嚟講餐廳入面都坐得幾舒服,份量亦都非常之大,建議大家同行四五人，可以食多兩種選擇，當中他們包括泰國嘢，日長，越式多元化俾你選擇。

返完中大同同學影畢業相之後，同朋友去到我地熟悉嘅大埔區覓食，經過發現呢間開飯主義主打芝士焗飯同埋麵包好似幾吸引，肚餓到毫無抵抗力嘅我地就決定入去食啦!!由於餐牌眼花繚亂，好多嘢我哋都想試，我地揀食咩都揀左好耐😂😂首先跟餐黎左個牛角包同埋羅宋湯，牛角包啱啱焗起，好酥脆，牛油味濃👍 羅宋湯個人認為鹹左少少然後叫左一個胡麻番茄沙律，番茄好足料，作為開胃菜一流👍👍跟餐小食我地叫左霜降骰仔牛同埋蜜糖汁炸雞翼，骰仔牛夠軟腍入味，炸蒜可以視乎個人口味加減👍雞翼唔會炸得過乾，外皮夠脆，入面肉質鮮嫩多肉汁然後再叫左兩隻芝士焗港島蠔，蠔殼誇張到成隻手板咁大，蠔肉size 大概得食指長度，加埋芝士一齊食都仍然食到新鮮蠔味👍👍之後就到主角- 咖喱拉絲芝士牛肋條配麵包啦!! 麵包 size 好大，成舊都茶咗蒜蓉牛肉烘過，口感脆身得黎煙靭，撕一舊落黎擺上芝士，牛肋條同埋咖哩醬一啖擺晒落口果種滿足感簡直言語不能形容🤤🤤本身食得耐以為會膩，但可能佢用嘅芝士唔係好鹹嘅芝士，順口得黎好夾咖哩醬，唔覺唔覺就清晒成份另一味主菜係龍蝦汁軟殼蟹海鮮焗飯，原隻軟殼蟹加埋青口，魷魚仔，蟹柳配埋濃濃嘅龍蝦汁，又係唔晒五分鐘已經比我地

今日約咗朋友去大埔公園玩， 玩之前梗係食個午餐先啦! 見到呢間餐廳好多人等，就一於入去試下先。午市時段都人山人海，好彩都唔使等太耐，裏面食客年青人比較多， 間接令到自己感覺都年青咗牆上嘅畫都幾別緻，有鐵甲奇俠又有蜘蛛俠， 簡直係年青人嘅世界廚房透明度都算高，佔用面積比較少， 一眼睇曬， 感覺乾淨整齊雞扒肉燥飯雞扒香脆軟滑而且無雪藏味， size大細適中， 肉燥夠晒入味，再配少量白飯， 味道好夾。香茅豬扒飯豬扒香脆帶輕輕既香茅味， 廚師非常細心，把豬扒切成一小片方便入口，而且當中有足夠嘅蔬菜， 可以幫助消化，唔洗淨係食肉咁寡。 呢排轉天氣，喉嚨唔係咁舒服，飲返杯熱檸蜜潤一潤喉先。 甜度剛剛好， 檸檬帶點酸， 非常滋潤。星期日都有lunch set 又幾好喎，價錢又唔貴夠曬經濟，唔怪得之咁多人排隊啦餐牌比較多元化，梗有一款啱你心水

曾經因為上一手，我討厭了這個位置的餐廳~~~哈哈！那一天我有朋友來大埔探我，好，我就和朋友一同俾機會這個新的餐廳！開飯主義 Hoi Fan Cafe 雖然英文說是cafe，但其實不太cafe，只能說餐廳也要生存，所以lunch 快吃快走也要體諒，但值得一讚這餐廳的服務，因為其間餐廳需要我轉枱，但除了有禮貌，還提醒我有風口。 HKD46一個餐算貴？少少啦~~但都係果句，睇質素！我點了沙彊雞下脾飯，朋友點了吉烈帶子雞扒意粉茄汁。 最近見到黑白淡奶的廣告，都提議一下外地朋友可以一嚐本港的奶茶...(註：不是間間都好飲架！) 沙彊雞下脾飯~~~兩隻脾~~唔好睇好似好細隻...其實好大隻。好喜歡沙彊汁！好入口，又不太鹹！而且雞脾處理剛剛好，好滑好多汁，又不見血水！ 真心推介！另外問了朋友意見：吉烈帶子雞扒意粉茄汁都很不錯，雞扒煎得好好，而且汁量剛剛好，不會太膩！ 這間會再來~~試一下其他都好！ 地點：大埔大埔墟大明里9號寶華樓C座地舖 G/F, Block C, Po Wah Building, 9 Tai Ming Lane,Tai Po Market, Tai

好耐無放過星期六喇，雖然家住北區，但十分喜歡行下大埔，買餐靚餸。買餸前緊係要食下野，熟食中心食到悶悶地，今日就行去對面公園仔附近搵食。見呢間好多人下，就入去幫襯下啦，好好彩，最後一張枱俾我地坐到。最初以為係一般茶記，打開餐牌竟然有好多選擇，有d都好特別，尤其係包類；但今日係食lunch，一行三人都係芝士fans，所以點左勁多芝士嘅溶岩系列。我點左個芝士焗肉醬焗豬扒飯，面頭舖滿拉絲芝士，上枱前已加巴馬臣芝士粉，令芝士更香濃，豬扒夠軟淋又有肉汁，肉醬很出色，一般快餐都係用急凍的紅羅白粒粒，但呢間小店竟然係自己切，仲要係幼粒，食落爽口不會淋晒，可見廚師的心機認真。跟飯有半個奶油豬，真的好好食，外酥內軟，跟餐都咁認真，難得。同行的點左阿差咖哩牛肋焗飯，試了一咖哩汁飯，咖哩香濃到位，牛肋肉似是慢煮的，淋得黎又唔會爛晒。仲有叫左個燒牛肉芝士黑椒意粉，我沒有試，但聞到好香黑椒味，同埋清晒碟就知好食。由於見到d包好吸引，所以叫左一份肉鬆芝蛋吐司開心share，吐司仲塗了花生醬配搭新，且真的好美味，下次下午茶一定要自己食一份。最後想講嘅係呢度嘅檸茶好香檸檬味，完。

近日秋高氣爽🍂🍂，最適合燒烤。今早同朋友去大埔市政街市，買定今晚燒烤用嘅食物。勞動之前梗係醫咗肚先啦，平日都會去街市熟食中心食下粉麵，今日突然又想食下西餐，之前見過呢間門口要排隊，今日諗起就去試下。去到大約11點，餐廳差不多爆滿，好彩比我地坐到最後一張枱，唔駛等位😆。因為啱啱十一點早餐午餐都可以點😆😆，有選擇困難症嘅我擾讓咗10分鐘至下到單，其實係因為真係非常多選擇，有西式，越麒，日本等...多國菜式。最後我同朋友都選了焗飯系列。我點了芝士黑椒牛肉焗意粉：上枱時嚇了一跳，非常大份量，芝士鋪在上面焗得金黃焦香，可以做出拉絲😋😋，牛肉有三大件，無鬆肉粉味道，亦唔會好乾嚡，意粉有用黑椒炒過，幾好味，但我覺得搶過芝士味。另外一個係芝士咖哩牛肋肉焗飯，又係超級巨型，芝士都係多到拉絲，咖哩好～～香！牛肌肉係癲㗎，有6舊咁多！牛味濃，肉質香軟。另外跟餐個奶油豬外脆内軟，師傅牛油練奶落得好大方。因為餐牌張相好吸引，所以再叫多一份芝士滑蛋肉鬆多士，上枱個賣相真係會心心眼㗎😍，厚多士搽少少花生醬，夾住滑滑嘅雞蛋同芝士😍😍，超級好味，淨係個多士我都會再幫襯呀👍👍👍

今日去咗大部去約嗰大埔生活書院食生活動，11：00經過呢間餐廳入咗去食咗個早餐。咁啱十一點半就住午餐有順便叫埋個午餐。即系食 bunch... <咖喱牛腩意粉> 52hkd 午餐重料，牛腩好多好多，牛腩炆咗好耐非常之腍起入口即溶，冇筋，唔會硬，溶溶狀態下嘅芝士可以拉到成條一米拉絲咁長, 飲左熱菊花蜜，好多蜜糖。<黑松露雞扒奄列> 35hkd 早餐黑松露多<雞扒蕃茄螺絲粉> 34 hkd 早餐雞扒好彈牙，每一片蓋螺絲粉都煮到剛剛好，蕃茄味足夠濃夠酸，良心僱主。<豬仔包> 5hkd 早餐加五蚊可以加配豬仔包呢個豬仔包一定要食，首先豬仔包個皮，烘到硬身。咬落去，非常爽脆，面包上面查咗一層黃油兒及煉奶，簡直系絕配食，十個都嫌唔夠。<menu>

山長水遠嚟到大埔，梗係要試下正正子嘅韓國餐啦！一到晚市就已經全場爆滿了，而餐廳的地方都唔算細嘅，不過就感覺無乜大枱，如果三兩人食就岩晒啦！嚟得韓國餐廳，當然就要試下唔同小食及主菜啦！第一樣當然係小食啦！必試焗蠔 ，有蒜香焗蠔及芝士焗蠔兩款。第一款當然要試下蒜香焗蠔，蠔非常大隻，而且配合埋蒜香都好夾，入口香口又有口感。蒜香的汁留晒落嚟，真係啖啖也是精華第二款小食就係韓式烤雞翼，醬汁好特別，之前都係無食過的。而雞翼烤得好香。皮脆肉嫩，而且皮都非常脆，而肉質都好嫩滑。而且雖然係烤焗，但都唔會好乾身。主菜來了！點了一份炸軟殼蟹焗飯。炸軟殼蟹是很講究技巧的，如果炸過久，就會收晒身，而且變得外邊難看。如果擺太耐又會縮的，無左脹卜卜的效果另一款主菜是這個拉芝套餐。應該算是這間店的特色吧！因為都見好多客人點，而且都幾特別。的話是滿滿的芝士，配上龍蝦汁，仲有最正的芝士海鮮呀！試一下拉芝的效果，的確係好正呀！因為芝士非常濃味，而且配埋包，味道都好夾。而芝士亦唔會蓋到海鮮的鮮味飲品點了菠藺沙冰，沙冰真係凍到入心，而且真係有一塊菠蘿係入面。非常正呀！

成日經過大埔墟都諗唔到食咩，今晚一於去開飯主義開一開飯。夜晚7點幾去到，差唔多full曬，好彩好快有位。一打開menu見到都好多選擇下，沙律，意粉，焗飯，農夫包，小食咩都有，樣樣都好似好吸引。最後眼闊肚窄既我地就決定咩都點d, 呢個霜降色仔牛味道唔錯，幾個人share,一人一粒。蒜香蜜糖雞翼同韓式辣炸雞翼都味道香口，韓式雞翼唔太辣，岩曬我呢d唔食得辣既人。另外我地仲試埋佢既芝士焗蠔，估唔到咁大隻又肥美，配埋邪惡既芝士，太滿足了。最後叫多個焗豬手飯，d豬手切到一粒粒，配飯一流。以晚餐來講，價錢唔算好貴，同埋勝在多野選擇，值得一試

囡囡就讀果間幼稚園創校60周年校慶，昨日係大埔大明里旁的公園舉辦嘉年華會。作為家長當然要支持支持一下啦！睇完勁舞表演後，囡囡話好肚餓，見到隔離有間叫❛開飯主義❜，門口都人等緊位，相信吾錯。就揀呢間啦。因時間關系，等位其間已鎖定食物。等左一陣就有位啦，爸爸點左個lunch set A餐~咖喱吉烈豬扒飯配阿華田。我就點左個G1厚切鰻魚雞腿丼配熱柚子蜜。lunch set A餐~咖喱吉烈豬扒飯試左少少，金黃色嘅吉烈豬扒外層香脆，肉質軟稔，不油膩不太乾身。咖喱醬汁微辣加上有甘筍粒及薯仔蓉作配料，味道香濃，香辣有層次，刺激味蕾，爸爸極速食嗮成個餐。吉烈豬扒厚切厚切鰻魚雞腿丼紅、黃、橙、綠顏色搭配鮮艷，賣相十分吸引。鰻魚加照燒汁香味撲鼻。鰻魚同雞腿肉同樣大大塊厚切，同樣燒到帶有焦香味。雞腿肉鮮嫩彈牙。鰻魚肥美，鎖住肉汁，淋上嘅照燒汁，甜甜哋，滲入鰻魚內，帶來陣陣香氣，入口更Juicy。再配上新鮮生菜絲、大根及福神漬帶來的爽脆，增加口感，令人食欲大增。飯嘅溫度剛好焗熟溫泉蛋，完全吾會起硬粒，令飯更多一份雞蛋香味同嫩滑。最後飲埋杯餐飲，好有滿足感。見到餐牌上有多款邪惡餐，一向保持正義嘅我都被擊敗，揾日