阪神

营业中

休息中

見佢都開咗好耐住附近都未試過 平時都見有後生幫襯 應該唔差我只係食過章魚大阪燒 味道係好食 同餐廳味道無分別係細份咗啲 如果可以大少少更好🤟🏼亦都因為唔夠飽 所以無食第二次唔太餓嘅時候都可以考慮

整體味道ok ,但太細份，我一個女仔都要食三份先夠。大阪燒啲菜未熟，好生嘅草青味，一隻手掌咁大成七十蚊，試一次就夠牛肉飯ok, 但以份量計我情願食吉x家至於炒麵不過不失

外賣叫左兩個大阪燒，一個炒麵，一個飯，總共二百幾蚊。要等個半鐘先煮完，5分鐘後送到。嚟到結果個份量極細，個大阪燒直徑得飯碗咁大，佔個盒得一半，味道都唔係特別出色，啲粉漿都仲有啲生⋯炒麵個份量同一個印尼撈麵差唔多加兩片牛肉⋯最正常係個飯。性價比極低，好失望，唔會有下次⋯

之前係元朗店買過幾次都好滿意 40蚊唔洗一個大阪燒 而家天水圍開左間就仲就腳 1個大阪燒材料好足 即叫即做 鹽水豆腐有d似臭豆腐既口感 但就1d都唔臭 岩晒怕臭既人士 22蚊有8小塊 抵食 炒麵都好好食 係個芝士漢堡扒比較失色 食落無乜肉感 似粉多 整體都算平靚正

琴日叫外賣app嘅🤔🤔喺午市前，十一點都未夠就落咗單，就係諗住早啲有野食。點知app顯示車手一早到咗餐廳，但外賣一直等緊餐廳prepare, 最後差唔多等2個鐘，一點幾先有得食🤔🤔等咗咁耐食物都係一般。特別係大阪燒，醬多蓋過蛋味，佢話係芝士，不過芝士味好少，整體份量都少。餃子都幾好食。炒野菜就太硬

😋 日式芝士漢堡扒關西炒麵 漢堡扒內藏玄機,一口咬入啲肉度,d🧀芝士汁”叭叭”聲流出黎,簡直就係超”芝”味呀!!!關西炒麵炒得啱啱好,甜甜既醬汁夾埋蛋黃醬汁,撈埋個麵食超入味,成個麵嘅份量啱晒一個人食,睇落好細份但食落好滿足呀!!!‼️好味指數 8/10 ‼️推介指數 8/10😋 阪神-燒汁牛肉丼飯肥牛炒得唔油膩,不過醬汁對我黎講少少偏甜,飯上面滲左唔小紫菜粉,加埋D醬汁食一d都唔dry,醫到個肚又唔漏,綜合所有黎都都相當唔錯呀!‼️好味指數 7/10 ‼️推介指數 7/10😋 蜜糖芥末著條🍟一大盒薯條好滿足,而且係粗身嗰個隻款,配埋蜜糖芥末醬,唔會太漏仲食唔停口呀!!‼️好味指數 9/10 ‼️推介指數 9/10🍽 阪神 Hanshin📌 天水圍天瑞路9號天瑞商場地下天瑞街市T52號舖☎️ 98484569

阪神都開咗一段時間行過見有人喺度等外賣，怕等得耐，所以一直都仲未有機會幫襯原來佢哋可以用WhatsApp或者打電話落order，我早咗10分鐘打電話落單，不過去到都要等多5分鐘。吉列豬扒大阪燒$40返到屋企，大約半個鐘頭後進食，吉列部分都仲係脆脆的吉列豬扒放喺大阪燒上邊，大阪燒在底部。中間夾住大阪燒的醬汁，導致大部份的醬汁都被吉列豬扒沾上，沾上醬汁的吉列豬扒額外好吃，但係大阪燒就變咗冇乜味道失色晒，如果大阪燒及吉列豬扒是分開放放，分醬汁另上給吉列豬扒，咁就完美了。

呢排餐廳又要關十點，夜晚肚餓唯有買外賣啦！呢間係天瑞街市外既鋪頭，人流最多，所以我決定試下！都好多日本野食選擇我叫左章魚關西炒面$32，份量都幾多，面個調味岩岩好，章魚好彈牙，仲有d菜中和下，做宵夜真係一流～下次再試下其他啦！