影片
以上资料只供参考，请与餐厅确认详情
突然想食豆花，見到呢間專賣豆花，唔係乜都賣的一般甜品店。於是order 左兩碗中式糖水人氣熱賣的芝麻糊豆腐花，豆腐花勁滑，又有豆味，芝麻味濃，果然冇令我失望。蓮子百合紅豆沙，勁大粒軟綿紅豆，好重陳皮味，超正
继续阅读
呢排打風，天氣開始轉涼，諗起係時候落深水埗食豆腐花😬隔咗一排冇食，依然係幸福嘅味道。#見到阿一豆花最近加咗價，升幅有$1-2，仍然係抵食嘅。不得不提，原本係無三拼嘅選擇，但員工畀我自己揀三款：凍蓮子紅豆沙、凍芝麻糊、熱豆腐花，只不過收多$2咋！員工好隨和，都好flexible。#滿足咗我三個願望之後，好天氣加上好心情，食落零舍滋味😆推介豆腐花要叫熱嘅，口感嫩滑啲，又可以緩衝吓豆沙麻糊嘅凍，始終食太多生冷嘢對身體唔好。#細細一碗，豆腐花比例佔最多，紅豆沙同芝麻都唔少，有幾粒蓮子，味道濃郁，$10一碗認真抵到爛呀。#疫情前呢間店出面都企晒食豆腐花嘅人，而家冇咁迫，可以入去小小隔板嘅位置安心品嘗。
继续阅读
自唔再食公和哩d無良垃圾店之後,成日經過哩間豆腐花店都會想試下,成日見到d 人街係街度食,依家咁環境更係買走拎返鋪頭食啦,反正男人一向喜歡豆腐花,就黎個薑汁凍豆腐花,多薑汁,兩匙更紅糖,賣相幾好,入口薑味先黎,唔錯,夠薑味,涼涼既豆腐花幾滑,豆味都幾香濃,加埋紅糖,食得幾舒服,一碗係$8,雖然見到佢貼左張紙雙拼係$7,咁單拼仲貴一蚊?是旦啦,反正唔鍾意溝埋芝麻糊果d 食,$8食幾碗都抵吖...男人好快成碗啪曬,我食得兩啖,早知買兩碗.
继续阅读
本身抵，依加疫情做優惠，買二送一，更扺！💰本身$9一碗豆腐花，依加平均$6一碗！不過打工姐姐有時幾惡，態度其實唔算咁好。.小編經多次幫襯佢既經驗，建議食⭐️熱豆腐花。熱豆腐花比較滑，入口好順。凍豆花較實，較鞋，入口有少少微粒咁，冇咁好食。.🔸花奶豆腐花($11)⭐️分數: (7/10)小編本身就好鐘意食花奶，所以好推介呢個。熱辣辣又滑既豆腐花，加埋花奶既香味係我至愛。熱豆花最緊要係落黃糖，唔似落糖水果種死甜。.🔸黑芝麻豆腐花($11)分數: (4/10)唔好食，佢個芝麻糊味同豆花完全唔夾！.佢既堂食只係店內(4個企位)/店外(門口)既立食，疫情期間，當然買走食最好啦！
继续阅读
如果我後來不是在「開飯喇」戶口裡面，不斷搜尋其他深水埗中式甜品店的話，我也不會及時發現，當日在深水埗光顧的豆腐花甜品店，名稱不是叫「一豆花」，而是應該叫做「阿一豆花」。深水埗「一豆花」雖然存在，但是不是我今次光顧的深水埗豆腐花甜品店。恰巧當日我在深水埗光顧「阿一豆花」期間，「阿一豆花」旁邊有工程正在進行，所以「阿一豆花」附近都搭建了很多棚架，棚架將「阿一豆花」裡面的「阿」字都完全遮蔽。結果當時的我胡裡胡塗地，不小心把「阿一豆花」當作了「一豆花」看待，還差點寫錯食評。幸好我一向積累太多已光顧的食店，但是未寫的食評，上天還給了機會我，尋回真正的「阿一豆花」。我直到準備寫食評的一刻，翻查「開飯喇」裡面的食店資料，發現原來另外有「阿一豆花」，我才能逃過一劫，尋回「阿一豆花」，寫到真正的「阿一豆花」食評，「阿一豆花」招牌頂蓋裝修棚架幾乎壞了我大事。我在「阿一豆花」只是購買了一碗，同時有豆腐花跟芝麻糊的甜品「芝麻糊豆花」而已。「阿一豆花」的甜品售價頗為便宜，只需要港幣十一元而已。不過，食客在深水埗「阿一豆花」裡面享用豆腐花甜品，唯一方法只有「立食」一個方法而已。食客全程都只能夠站在「阿一豆花」舖頭裡面，站着享用豆腐花甜品。「阿一豆花」在店內的樓面位置，設置了一般立食餐檯，還有一些調味料，包括「紅糖」還有「薑糖」供享用豆腐花甜品的食客慢慢選擇。我未試食「芝麻糊豆花」之前，還以為「芝麻糊豆花」實際味道會不夠甜味，所以還加入了「紅糖」跟「薑糖」，結果我發現同時加入兩種糖，對「芝麻糊豆花」未必一定是好事。雖然加入了「阿一豆花」調味料「紅糖」跟「薑糖」進入甜品「芝麻糊豆花」裡面，但是「紅糖」跟「薑糖」對「芝麻糊豆花」產生的甜味，其實不如我最初期望那麼純厚。加入了「紅糖」「薑糖」後，「芝麻糊豆花」甜味變得有點過火。「紅糖」「薑糖」的濃厚甜味，甚至把「芝麻糊」裡面的甜味都完全遮掩，令我無法認真品嚐到豆腐花裡面的原有黃豆香味，甚至芝麻糊裡面的芝麻香味也受兩種糖所影響，而有所變樣。我發現「芝麻糊豆花」的味道在我加入兩種糖後，沒有我最初期望那麼香甜，甜味還變得有點複雜，至少吃不到芝麻糊原有的甜味。或許享用「阿一豆花」的「芝麻糊豆花」，還是不要同時加入「薑糖」跟「紅糖」好了。
继续阅读
您可能会有兴趣的...