阿一豬扒酸辣米綫

营业中

休息中

今日天氣凍，諗住叫個煲仔飯食！ 見阿一有煲仔飯外賣，所以決定試試平時食開佢米線同泡飯，係無問題！但今日試佢煲仔飯非常之失望🫣落單時 ，聽電話果個姐姐 話要等30分鐘，我都ok, 結果等左50分鐘叫個滑雞煲仔飯加左$10 臘腸，$3凍飲總數$75 唉， 雞得3舊 ，飯焦真係焦左囉， 係燶味嗰隻， 搞到個飯底 既飯有少少苦送左個菜， 菜烚得太淋😣湯又咸得制😑😑$75 來講真係唔值囉！好失望阿一豬扒米線都係食番佢豬扒或者泡飯算啦

中午時間嚟梗係試吓依間招牌豬扒麻酸辣米線～就試吓你係咪咁好食先阿一豬扒麻酸辣米線～賣相唔算吸引囉～睇落冇咩驚喜～三塊細豬扒、麻辣椒油、酸菜、蔥花、花生粒～食落湯底偏淡～麻辣油應該係買返嚟冇咩特別～酸菜好酸～我鍾意食酸嘢都覺得酸～不過幾開胃～豬扒份量都算多～應該唔係即炸～但係都幾香口幾入味～唔會好乾難咬～偏咸配返個淡嘅湯咁都好D～湯同米線冇咩味可以加$9配凍、熱飲不過依個質量比起價錢好似又貴咗D喎

秋天奇遇 米線舖既臘味煲仔飯😯原來喺米線舖頭都有煲仔飯仲$60一個餐，連菜湯連嘢飲👍🏻外賣用錫紙盒裝，我都有啲驚唔會有飯焦，但係點知都冇令我失望，都有薄薄地嘅一層飯焦，不過我嗰個飯偏向乾身，我自己都好鍾意，不過唔知會唔會有人覺得硬，隔住個兜都傳來一陣臘味嘅香味。兩個人食，加埋一個炸韭菜餃小食啱啱好。放工之後飯都唔使煮。溫馨小提示：由於佢話即叫即整，要等半個鐘時間，預早打電話去叫完，先去攞😆推薦度（10👍🏻滿）：7.5👍🏻滴汗度（10😅滿）：不適用衞生（10⭐️滿）：7.5⭐️環境（10⭐️滿）：7⭐️賣相（10⭐️滿）：7⭐️味道（10⭐️滿）：7.5⭐️價錢（10⭐️滿）：7.5⭐️服務（10⭐️滿）：7.5⭐️地點（10⭐️滿）：8⭐［阿一豬扒酸辣米綫 (北角)］📍北角七姊妹道3號#晚餐 #晚餐吃什麼 #晚餐時間 #食飯 #推介 #美食 #美食推薦 #美食日記 #dinner #dinnerideas #dinnerrecipes #dinnertime #foodgasm #homemade #hkfoodshare #discoverhongkong #hkeat #eeeeeats #foodiegr

由於係附近返學既關係，經過見到呢間米線鋪，就走左入去食。由於係食飯時間，所以都要搭枱。不過唔緊要 呢D都係貪快D食完快D走。佢上菜都好快 坐低一陣好快碗米線就送左上黎。米線係粗身米線，個份量都夠晒大，豬扒係切左幾塊但係食落都心諗仲有既，而餃子就俾左三大舊。所以都幾夠飽。我叫左大辣，所以食落都夠辣，成個都幾開胃，但係真係好多油(不過食得米線都唔會驚呢D野架啦😆😆).價錢略貴，$58（米線+可樂）埋單。

行經見到試試佢。 豬扒酸辣米線，有得揀大中小辣。豬扒佢會剪碎上，幾好，唔怕大啖咬。份量算ok, 豬扒夠味夠鬆軟，正常。個湯如無意外係另外煮，豬骨+味精，再另外倒d酸辣汁落去，睇你食幾辣。湯底有d花生粒同酸菜仲有新鮮蔥，呢樣抵讚，譚仔就係差呢樣野。米線正常。環境一般，勝在枱細唔洗搭枱。譚仔級數。

✨阿一豬扒酸辣米線📍北角七姊妹道3號地下哩間米線都幾出名 出名在於佢地既豬扒但係佢地既分店多數都係港島區而北角哩間就係正北角地鐵站B4出口對面 好方便搵到🙌🏻 ▫️阿一真味豬扒麻酸辣米線 $44見menu可以揀麵底，湯底，同辣度今次就揀左麻酸辣，粗上海麵，小辣試下黎到碗麵都有好多配料 有蔥，花生，同埋酸菜食落有驚喜😋果然出名係豬扒豬扒好香 都幾大塊！食得出係有用美極去醃製～D肉口感唔乾 好易咬開🤤麵既份量都大碗 起碼至少都有三塊豬扒而且湯底都好夠酸😌辣度岩岩好！咁岩遇着下午茶時間（14:30 - 18:00）叫碗麵 仲送杯紅豆冰😋紅豆冰都好大杯 好足料 好多紅豆🫘咁熱既天氣 飲返杯紅豆冰 個人都爽D😎🔸總結．食物選擇都多，除左麵類之外 仲有好多湯飯選擇．如果唔食得辣既 辣度可以揀微辣 再加小小酸菜 食落就一D都唔辣😗．價錢黎講都算係平價，經開港島區可以一試👍🏻

呢度最出名既係豬扒酸米線, 不過今日想食清淡少少所以就冇叫到豬扒😅古法手撕雞麻酸辣米線🐓($42)今次揀左微辣, 因為唔知佢辣既程度係點所以叫左個最輕量既辣試下先🤭 雞肉係好嫩唔肥有鹽焗雞既味道, 米線勁爽身係我鍾意既質感, 湯底就係偏麻帶少少既辣, 幾惹味😚 除左米線之外仲有泡飯可以選擇, 同埋佢既分店大部分都係港島, 所以鍾意食米線既朋友黎開港島可以試下😎

又來食呢間豬扒米線，真係食第三次都係咁好食！今次食咗小食同埋加咗餸，再介紹俾大家，真係抵食又好食🤩🤩🤩🍴阿一真味豬扒蠔仔麻酸辣米線 $43 +$7 中辣 (10/10)上次食小辣唔辣，今次食中辣剛剛好！米線份量都好多，表面有葱、花生、自製酸辣菜。湯底酸辣帶有少少麻辣，酸辣係來自佢嘅酸菜，辣度啱啱好，唔會辣到胃痛又有刺激感，唔太鹹，酸菜爽口又好食，加埋花生配料，口感好豐富。米線比較粗，好滑，唔會煮得太淋，啱啱好，感覺浸幾耐湯都唔會淋。由於叫咗蠔仔兩個餸所以豬扒比起正常少左一舊，蠔仔加$7，真係抵到爆炸，有成八粒，每精話都勁大粒勁飽滿，一啲都唔腥有蠔仔味！一定一定要加蠔仔嚟食！豬扒有兩大舊，豬扒有炸香過，有油香好香口，淋身得來爽口，仲要少醃味冇拿口，真心超好食！$43咁足料咁大碗，仲要超級飽，好高CP值！食完冇口乾亦都唔覺得太鹹！🍴 麻辣手撕雞 $44 (9/10)手撕雞嘅份量正常，都有10舊嘅，有超級多嘅酸菜，花生，蔥花，再加埋酸酸地嘅麻辣醬，酸菜好爽口又夠醒，麻辣得來又大少少麻，唔會太辣，手撕雞係雞胸肉嚟嘅，唔會太鞋口，真心用嚟撈米線食好正！真心好食，下次會想食牛肉🤣🍴凍檸茶少冰走甜

食物：阿一豬扒+蠔仔米線(蕃茄湯)56$首先要讚他們的外賣，快速、穩陣、一碗都送，辛苦外賣員了招牌菜是豬扒，瘦肉偏多，味道不錯，另一款蔥油會較好蠔仔要加十蚊，尾指頭大小、略腥，7-8粒左右，份量合理，可以不加蕃茄湯加三蚊，是蕃茄薯仔湯，個人覺得比清湯和麻酸辣出色，但也只是平平水準米線有分湯，但過淋，可能是他們的特色，叫了爽米線都是這個質量，比意大利粉粗一點點，他們的白飯也是水份偏多，較軟，個人來說不喜歡

我叫雞c米線變左超級雞皮米線成碗都係，食到我燥，之前都吾係禁。離哂大普。明明之前我成日食。麻煩改善下。。。。。。。。。。。。。。。。。。。。。。。。。。。。。。

呢間豬扒米線好出名，好似都有聽過呢個名！見到佢嘅分店集中喺港島地區，咁好食嘅豬扒米線竟然九龍區冇真係好傷心呀！食咗一次就即刻愛上🤤(好食過臻味豬扒🍴阿一真味豬扒麻酸辣米線 $43 小辣 (10/10)因為第一次食驚太辣，所以都係叫小辣！豬扒大大塊，好足料，米線份量都好多，表面有少量葱、花生、自製酸辣菜。湯底酸辣帶有輕微麻辣，酸辣係來自佢嘅酸菜，辣度啱啱好，唔會辣到胃痛又有刺激感(同譚仔酸辣差唔多辣度)，唔太鹹，酸菜爽口又好食，加埋花生配料，口感好豐富。米線比較粗，唔會煮得太淋，啱啱好。最出名嘅豬扒好大塊，有三大舊，豬扒有炸香過，有油香好香口，淋身得來爽口，仲要冇醃味冇拿口，真心超好食！$43咁足料咁大碗，仲要超級飽，好高CP值！食完冇口乾亦都唔覺得太鹹！🍴凍檸茶少冰走甜 +$9 (7/10)正常凍檸茶，欣賞真係少冰，茶味夠濃！推薦指數: 10/10阿一豬扒酸辣米綫正式打敗觀塘臻味豬扒米線，成為暫時覺得世一嘅豬扒米線，好好食！真心推薦比鍾意食豬扒米線嘅你哋！

今日去北角一間酒店staycation 所以夜晚我地去左買兩間外賣 台灣野同米線 兩間嘅距離都唔遠 十分鐘內步程✨阿一真味豬扒麻酸辣米線 $44叫左小辣覺得啱啱好 佢真係有麻有酸味 湯底唔錯 少少油 豬排有3 舊份量都唔少 豬排有啲豉油味 唔鞋 都ok 不過米線就好一般🙈🙈🙈 好粗 一啲都唔煙韌 仲碎晒好難夾🤦‍♀️🤦‍♀️ 不過呢個價錢黎講覺得已經好唔錯味道❤️❤️❤️💔抵食❤️❤️❤️❤️服務 (外賣）環境 (外賣）💰晚餐人均～$20 (+其他外賣）

每一次食完都唔夠喉嘅餐廳，隔一排又會好想食😆▫️阿一豬扒麻辣米線▫️韭菜湯餃叫咗兩碗都係一樣嘅米線，因為佢實在太好食😛豬扒好入味，米線嘅湯底嘅辣度適中，食得好過癮🙆🏻‍♀️但係要注意個湯底應該都有味精成份，食完都需要飲多啲水。不過間唔中食一次，當獎勵吓自己啦😆至於碗韭菜湯餃嘅餡好足料，而且一碗大約有八隻，又有幾條菜，好抵食👍🏼另外，外賣嘅時候會係湯另上，咁就唔怕返屋企啲米線會索晒水😆

隔了幾星期，又掛住這間豬扒米線。已經光顧了幾年，覺得味道無走樣，時不時又會想起，要搭地鐵過來吃一碗。反正地點方便，店舖對面就是地鐵站入口。今次星期六，下午二時二十五分到，可以等到下午茶啦。米線在下午茶時間送飲品，可節省$9😆呢間米線，下午茶又好，正餐時間也好，碗米線和豬扒份量都是一樣的，幾公道😁我們二人吃，要了一碗肉燥豬扒飯，一碗豬扒米線。肉燥飯和米線都分別有四片中型豬扒，喜歡多餸的我們，看到都十分高興😄肉燥飯好味，適合不吃辣的人吃，米線少許麻辣，我覺得味道剛好，過一排不吃，又會記掛著的味道。總的來說，好味。還是會再來。

阿一豬扒米線今次叫咗阿一真味豬扒酸辣米線，小辣，豬扒米線辣嘅程度同譚仔四小辣差唔多，但係口味偏麻，係香港比較少米線鋪咁做，但係食得過癮。豬扒直接放喺個湯度，冇另上，即使咁仍然都入味同脆；睇返上網係中央工場所以應該醃得夠耐，而且炸得夠重火候亦都夠脆口，菜脯連住一齊上唔會好似依家坊間舖頭咁分開放係枱俾你加；直接放係湯好似更加衛生。米線都夠滑口而且煮得剛好唔容易斷。可惜凍檸茶超甜味道奇奇怪怪；而環境就一般，座位極之殘舊，而且燈光唔夠猛。但堅係平米線42蚊加凍飲要九蚊連埋51蚊。