阿一豬扒酸辣米線 (謝斐道)

营业中

休息中

阿一豬排酸辣米線(灣仔店)‼️加購小食免費送飲品(凍/熱飲)‼️‼️花生任食‼️今次揀左酸辣湯底，鐘意食酸嘅我覺得湯底唔夠酸😢但係勝在豬扒大大份，加購小食都係15蚊🤩小食分量都唔細架，同朋友一齊食可以叫幾款黎share食🤤🤤小食種類都好多(麻辣海蜇手撕雞、炸餃子、炸魚餅、麻辣魚皮、手拍青瓜、炸雲吞、麻辣豬耳、紅糖糍粑)，仲送超大杯凍飲 XL Size，性價比好高👍🏻👍🏻自選米線 🍜基本麵底：酸辣湯米線$33自選配料：豬扒另上 $10加小食：麻辣豬耳送飲品：凍菜蜜Tips💡：鋪頭好多人買外賣，上餐需要啲時間，諗好食咩都盡快落單啦店內用餐位置不多，12點半門口就開始排長龍噢

今次黎食撈麵,揀咗薯粉,必食嘅豬扒,韮菜餃,同翠肉瓜,但我揀咗走辣,不過我發覺撈麵都係有啲辣刺激吓會惹味啲而韮菜餃同翠肉瓜都係同湯食會入味啲,今次咁食兩樣都冇乜調味咁豬扒就依然係入味軟淋好味嘅飯脚嘅蕃茄薯仔湯米線,啲薯仔溶入個湯中,飲一啖都感受到啲薯仔蓉😯P.S.冷氣機滴水...可維修吓🤪

有次睇外賣食乜無意中見有阿一豬扒喺灣仔,之前喺北角好出名食過,所以約埋人過幾日就黎食lunch了menu選擇超多,選擇困難症的我最後都係試佢個自選湯米線要了豬扒仲有手撕雞再加生菜酸辣BB辣薯粉酸酸哋唔算辣喎接受到豬扒味道啱啱好,仲有3大塊好正手撕雞都嫩喎,係薯粉有條未熟但個粉都係我中意的質感,好大碗但我都食得晒佢個配料酸菜都好好味！啱晒我而家的口味我地都加左嘢飲,不過都一致覺得個茶味爆濃我平時飲奶茶唔加糖今次都加咗一包先飲到下次我要試吓撈麵😁

整體環境算係乾淨企理，唔知係咪當時得我一個係間店入面，用電話落單之後上菜速度都算快。我叫左個豬扒韭菜餃薯粉，佢豬扒同韭菜餃都正正常常，但係佢個面一上到黎我就覺得佢同其他分店差好遠。上面啲酸菜非常少，食兩啖就冇曬，仲要冇花生，前提喺我落單嘅時候都冇揀啲乜走青或走花生嘅option。叫左中辣但係食落好似其他分店嘅BB辣咁，又唔辣有唔夠酸菜，成個面食落非常淡，一d都唔似酸辣米線。

經過灣仔呢邊，搵到一間餐廳專門食米線，食翻個Causal Dinner都好😂今次決定要食得清淡少少，可以減下肥，幾唔錯👏🏻👏🏻自選米線 $32、手撕雞(+$8)、菜心(+$6)、豆卜(+$6)阿一招牌清湯，飲落去有啲似魚湯嘅味道，米線好像譚仔一樣，有得自選米線，然後再加配料😉因為想食清淡一點，所以點了菜心和豆卜，而且花生仲可以隨便加，想食幾多都得🤞🏻好味指數：7/10性價比指數：8/10餐廳名稱：阿一豬扒酸辣米線餐廳地址：謝斐道227號地下電話：26332195

夜晚放工黎到謝菲道揾食，見到有間cafe外面裝哂竹制籬笆，放埋綠色植物，室外室內都設有座位，環境好chill 好寫意咁，就打算入去試下。點知一睇餐牌，竟然係食米線嘅？點咗個自選米線，米線底改做上海麵唔駛加錢。上海麵粗身咬落似烏冬，配上酸辣湯底幾惹味。加配既豬扒可以分湯上，食落尚有肉汁唔油膩。蠔仔比起出面茶記嘅蠔仔煎蛋所用嘅蠔仔大隻得多，隻隻厚身飽滿，唔錯！美中不足嘅係米線唔送飲品，不過都值得一試。。

今日去美食展，經過後街，竟然見到阿一豬扒酸辣米線，好吸引喎，即刻入去食個晚餐先入場。哩度有室外同埋室內，室外其實幾靚，竹葉，同竹製蘺芭，簡約得黎幾舒服，可惜大熱天時，冇冷氣幾舒服都係假。 當然我地就去左室內食啦！室內簡單都寬倘，感覺舒服。今次我就叫左個豬扒韮菜餸酸辣薯粉 50元，2塊豬排好入味，炸得好酥脆又唔會乾身，而個韮菜餃皮薄餡又多，配上清清地嘅薯粉感覺啱啱好。阿一豬扒酸辣米線 (灣仔)·灣仔謝斐道227號地舖11-00-21:00港鐵灣仔站A1出口,步行5分鐘

🔥即使是30度的炎炎夏日，都要吃一碗讓人精神抖擻的酸辣湯麵！阿一豬扒酸辣米線再港九新界也有分店，灣仔店是近期新開的分店。我們除了進店用膳，也可以選擇在店外倚着竹制籬笆吃飯。店內裝修明亮簡潔，🪵木製家具更有簡約中國風。🌶️雞翼肥牛酸辣湯泡飯$58雞翼煎的很香脆，薄切肥牛走肥，份量很足。這裡的湯泡飯跟出面餐廳的不一樣。即使浸在湯裡飯身都比較硬，配上香濃的酸辣湯，真是醒神開胃的良藥。美中不足是辣味有點嗆，很容易蓋過其他味道。🥟韭菜餃上湯豬扒米線$50韮菜餃子皮薄餡多，兩大塊薄身豬扒醃得很入味，肉質鬆化不乾身，炸過的酥脆的外皮好惹味。米線爽口彈牙，配上清淡上湯，忍不住把整個湯底喝完。📍 阿一豬扒酸辣米線 (灣仔)🏠 灣仔謝斐道227號地舖⏰11-00 - 21:00🚙港鐵灣仔站A1出口，步行5分鐘#hkig #hkfoodie #hongkongfood #hkfood #hkfoodporn #hkfoodies #instafood #hkfoodbloggers #hkigers #ilovesharingfood #openrice #hkinfluencer #foodiehk #相機

Lunch Time等15分鐘就入座。酸辣小辣豬扒米線，第一次食咁粗嘅米線，有三舊豬扒，算醃得夠味，好多蔥同可以任加花生。姐姐好好人，冷氣夠，座位舒服好坐，值得再試。

我自己响筲箕灣食開阿一豬扒米線，估唔到灣仔都開左間。阿一豬扒米線緊係要食最招牌的豬扒上海麵，麻酸辣中辣夠晒辣，酸菜好食, 湯夠熱, 外賣湯會分碗上，唔會浸淋D麵。上openrice 落單仲有9折，讚。