阿不 (已結業)

上次攪錯，去咗K11 muse,找不到佢，今次在openrice,尋找此處中菜才再發現佢，時間已是1時有多，在openrice網上只有3時可訂，唯有打電話訂枱。 來到已230，只有3,4枱客，所以不嘈雜， 挺舒服，裝飾有點簡約西化，無枱布，走年青人路線，但也有高品質貴茶可以享用，因太晏不敢選茶，恐夜晚睡不着，選洋甘菊，好少點心店有花茶揀。 午市套餐都吸引，揀青炒萵笋百合西班牙黑豚肉$92，即炒夠鑊氣～估唔到，肉爽腍香，荀帶黄但腍甜，而百合卻少，但喜無咸味白粥且有小米，好舒服，稀稠適中，質若磨爛米㷛，此餐可選白飯，還包一小碟豉油浸菜，白菜仔。 焗雞粒酥$48，似翻焗，皮不鬆也不脆，雞肉碎無汁亦無芡，失敗之作。 麻蓉包$45，皮彈軟，似咕，白白淨淨一點紅，似唐朝仕女花装，有麻香兼有沙先至正！外面好少有得食！

平均每個月會去一至兩次，鍾意去係因為餸菜健康，蒸餸味道唔會太鹹或者太濃，個湯飲完唔會口渴！ 估唔到今日唔想飲湯又唔想食蒸餸即刻出事！！今日個蘿蔔糕和菠蘿咕嚕肉完全係敗筆！蘿蔔糕：一般蘿蔔糕係原條蘿蔔肉或者蘿蔔蓉狀態，但今日嘅蘿蔔糕係充滿「粉漿」。咕嚕肉，歺牌係西班牙黑豚肉，但我食到嘅係一條條又乾又硬的「硬件」，係完全搵唔到一件有肉汁的脆黑豚肉！菠蘿有一兩舊仲要係噏左。洋蔥亦都入唔到味！難得搵到一間清淡健康嘅晚餐食肆，又要再搵過！

Long weekend 出嚟晚飯，食開嘅中菜酒樓已經食到悶悶哋，想試吓搵新舖試吓，又有得訂位嘅，於是試咗呢間。最初見到menu除咗點心同set後唔係好多 a-la-carte, 以為中咗伏。點知經店員解釋後原來只要點一個餐後，其他餐裏面嘅菜式大部份都可以$100加點 - 咁即係唔係迫人一定要叫set。再細心啲睇，個餐仲可以揀燉湯(出邊都要$70-80一碗)，再有埋白飯同甜品，其實都合理，於是四個人叫咗3個餐+小食都有驚喜。碟頭都幾大下，結果食唔晒要拎走。掛住食，唔記得影相：肝爆茶樹菇 - 好惹味，帶微微辣，全枱👍👍义燒酥 - 熱辣辣咁上，唔錯，不過覺得可以酥D沙參玉竹燉雞 - 燉出嚟嘅湯底好清但又好有鮮味風味碌汕頭鵝 - 比起潮州蒸鵝入味好多，唔洗點醋食黑松露日本蛋炒虎蝦 - 真材實料，大大隻蝦。老媽買慣餸煮飯飯嘅都話好嘢嚟。蜜椒甘薯和牛粒 - 我唔食牛嘅，呢個反而老公話啲牛肉唔夠腍乾煸鮮筍肉四季豆 - 呢啲加咗我最愛嘅茭筍，唔太咸。感覺到D食物係有心機做嘅，唔係其他酒樓咁咸咁重口味。會再試。

今日同我家老闆出嚟K11 Arts 搵食，其實商場食肆都唔算多，本來想試另外一間（台式）但已經full booking要walk in ,既然有另一選擇就當然食間可以book位而又有折啦我家老闆黎之前已經講有兩樣係佢必食：黃牛肝菌雞肉煎粉果3隻（老闆話這是兒時經常食到嘅點心，宜家已經買少見少，所以要食兩隻回憶下喎）+龍蝦湯伴腐皮卷之後我地再叫左一個套餐：主菜：風味碌汕頭鵝，前菜：手工蘿白糕，套餐還可以再加$100多一入主菜，因沒有主食，所以我哋就加多份老醬油炒和牛頸脊河，但原來套餐係跟一碗白飯或白粥嫁（餐牌從來沒有提過）先講點心，手工蘿白糕，佢用炸方法而唔係煎，咁可能會快啲，但食落都幾好食，可惜粉多過蘿白，一般。中西合璧嘅龍蝦湯伴腐皮卷，腐皮卷炸得好好，塊腐皮好有豆味，龍蝦🦞湯好足味，將炸得脆卜卜嘅腐皮卷浸落去一齊食又另一番味道黃牛肝菌雞肉煎粉果，餡料不是我哋平時食開嘅粉果餡，餡料比效清新，不油膩，脆脆嘅外皮浸左湯食，由第一口好脆，第二口濕濕仍脆脆，到第三口個外皮都唔會淋晒，幾好味（落單時侍應沒有問我地要多少，之後加番隻另上）主菜：風味碌汕頭鵝，上枱時見到份量都幾大碟，都擔心會唔會鵝下

剛過去的週末約了兩個好姊妹去K11食中菜，呢間餐廳係3樓，座位都幾闊落。一坐低就先揀茶，種類都算多。茶芥都是以人頭計，最後揀咗芳香花茶。朋友覺得隻茶幾出味幾好飲，我自己就覺得正常水平，沒什麼感想。set lunch 三葱香煎比目魚扒包一碟菜及飯(或白粥)，兩大塊比目魚扒十分香脆，肉質細嫩，入口魚油充分。魚就一定有骨，慢慢食呀～蜜豆炒和牛西冷粒即炒和牛熱辣辣上枱，份量足，有鑊氣。和牛易咬開唔勒~yummy~阿不點心拼盤鮑魚燒賣、黑蒜日本帶子餃、金魚餃、普通蝦餃各一。只吃了鮑魚燒賣及金魚餃; 鮑魚都幾大隻，跟燒賣一樣味道一般般。金魚餃唔記得拼盤有又叫咗三隻，皮太厚，厚過我塊面皮🤦‍♀️厚到餡係點都無留意。外觀90分，魚上有壓花，只適用於打卡。金沙熊貓包熊貓包除了外觀可愛。 裏面奶黃㩒大力少少就從熊貓個鼻流出黎🤣🤣🤣🤣 味道唔錯，係食落有少少論盡。

中式點心在尖東站K11就食到，由港島轉乘西鐵或在九龍轉成西鐵，就成了中途息的「加油站」了。如果在英國南部要乘旅遊巴往北部，中途站是極美的體驗，如果有甘靚嘅中式點心，就簡直是無法想像的。回憶加上幻想，使這個中餐體驗更顯得難能可貴。中式的60年代高掛雀籠的酒樓環境清幽雅緻，更使人有無比的思鄉之情。叉.人燒酥的價值非能用金錢去衡量，香脆而又熱騰騰，美味可口，是必然之選。其他的點心都是一般酒樓懷舊的點心風味，與60年代的環境配合得宜。下次由南區往新界(北方)，要多多在這中途加油站吃這些美味中點呢!

而家好難得下午5點商場內有點心又有茶，K11嘅3樓就有啦。食咗叉燒兩個人食幾碟點心，埋單百多元，真心講唔係貴，環境清幽雅緻，點心精巧風味十足。蝦餃D蝦夠大又彈牙爽口，皮係有番甘上下厚，不過總算不過不失; 而鳳爪就只係一般酒樓風味吧！叉燒酥夠翠夠熱芝麻靚。值得讚係復古的仿效古時掛雀籠嘅六、七拾年代嘅酒樓環境及女侍應不時會來加加熱水，真係仲會有D食客會將D點心籠掉落樓下嘅街嘅情景出現嗎？總的來說，甘清靜怡人嘅環境，真係值得經常來坐吓，三五知己聚會最合適不過！

給要來的朋友分享下我的小故事今日去食晚餐想等朋友來先叫餐侍應每5分鐘來問一次何時下單......過左15分鐘朋友confirm 真係要遲少少咁我同另一個朋友就叫茶同一個點心食住等.....食點心的時候, 侍應就收左我地個餐牌我地心諗不如轉場la....誰不知朋友真的來不了....當我地要埋單時候 發現問題1: 茶錢 3個人.... 但我地2個人因為朋友沒來2: 點心沒有85折 discount問店員佢地回應你用openrice 訂3人 茶錢係3人改不了 (大家要汪意點)改了85折點心後 店員聲請有min charge 今次係special offer我回應請問你們在餐廳那有寫min charge? (圖中只寫明淨飲係58位....我地有叫點心....唔係淨飲)之後佢地叫一個高級員工來解釋本餐廳係有min charge (但係佢指唔到min charge 寫左係邊一頁)我好意提醒一下如果有min charge 可以食得明確一點如每人最低消費XXX元 or 每人最少叫一個食物(前菜/主菜/甜點)但係店員堅持佢地係對的 叫我睇番openrice 訂座說明...此優惠不可兌換現金或其他產品優惠

在OpenRice訂位有九折，決定試吓這間點心、私房菜。他們的點心都是手工點心，即叫即蒸，食得多雪藏點心，試返啲有質素嘅，雖然有點貴，但間中放縱一下都值得的。他們的傳統燒賣啖啖肉，夠大粒，一粒可以分幾啖慢慢食😜。我特別喜歡他們的原隻大號鮮蝦餃，蝦肉爽甜，一個字形容：正！他們的原隻鮑魚雞粒酥，最搶鏡竟然係個餅撻，超鬆化。鮑魚都爽口的，雞粒都好味。叫了一個例牌風味碌汕頭鵝。肉質嫩滑，好似在滷水中一路移動一路浸熟一般的滑。味道適中，不送飯亦不覺得太鹹。

在 Open Rice發現“阿不”，在K11 Art Mall，地鐵直達，方便！第１次，２人來吃晚餐，點了２份 set dinner：#燉湯：昆布海草生地燉瘦肉#荷香生扣花雕雞，本來點的三葱香煎比目魚，缺貨，改成花雕雞，即叫即蒸，要等25分鐘，雞肉嫩滑，味道不錯！#蝦籽海參燜豆腐，海參還很硬！豆腐不入味！不推薦！#椰汁紅豆糕，甜品本來是燉桃膠，現改成紅豆糕 (好吃的！)，變相加價！第２次，４人來吃午餐，以點心為主：#阿不點心併盤：鮑魚燒賣、蝦餃、松露帶子餃、金魚餃，我們每人吃１粒，我吃松露帶子餃，好吃！#魚翅餃，這個一般！#蟹肉鳳眼餃，蝦肉彈牙！蟹肉鮮味！好吃！#韭菜盒，這個有點油膩！#叉燒酥，酥皮很香，不錯！#金沙熊貓包，微甜不膩！好吃！#頭抽炒蝦米腸，點心吃出鑊氣，讚！#西施蝦球煎米粉，這個好好吃！

約了朋友吃飯，朋友算是咀刁… 例牌點新去的餐廳招牌菜… 我已經嚐過不少滋味，再嚐，仍然有新鮮感。這次點咖喱安格斯牛腩+乾煸鮮荀肉菘四季豆+羊肉餃… 例牌來一客翠綠小碟（油菜），精緻好味；牛腩炆的剛好，咖哩仍有進步空間，但是伴飯不錯。四季豆跟荀伴著吃，口感豐富，菜少有又一貫的少鹽，絕對是我杯茶。服務仍然是不多不少，我特別喜歡，有點距離、卻沒有遠離，仍然是很到位，該有就有。兩百多元的商務餐，夫復何言。一定會再去的，還有許多未試。

之先同朋友食過這間餐廳，食物質素可以，價錢亦合理。。所以再約朋友到這間餐廳晚餐，今次就氣憤難下，第一，當日打去餐廳book枱7點，全個booking過程，職員沒有提及當晚要何時交枱，滿以為可以當晚和好朋友暢所欲言，到達餐廳門口後，向職員已經講book了枱，職員亦很快地帶我們入座，坐低後就正常叫餐，用膳，大約到了個半鐘後，有職員行來和我們講，我們用膳時間已到，要交枱，當時我和我兩個朋友一齊望住位職員，我哋問“下”，我唔知你們有交枱時間，點解打來book枱時和到達餐廳門口時，你們都沒有向我們講有用膳時間呢？如果知有，我們就另選餐廳用膳啦！那位職員當時只同我們講因為外面有人等位，所以要我們交枱。我朋還想叫其他東西食，於是我們立即再點餐，怎知另一位職員立即行來同我們講，擔心我們不夠時間食，我們就更氣憤，我朋友於是和他理論，我們知道現在飲食生意難做，如果你哋餐廳想做多兩輪生意，應該在客人訂枱時，甚至客人到達餐廳後應該向我們講有用餐限時，但比兩次機會都沒有同我們講。。最後他們好似皇恩浩蕩比我們叫埋最後想食的食物，見我們食完仲急急取賬單過來叫我們埋單，這次真是一次很不愉快的用餐經歷。。朋友們講不會在

點心比普通一間點心餐廳還差！蝦餃的皮超厚難吃，3色燒賣極難吃，小菜也一樣不好吃！價格貴但食物劣！不值得試，否則後悔。以為係k11的食店應該吾錯，可是唯有此店不靠譜

來到這餐廳當然要吃點心,這個鮑魚四吃真不錯，味道包括鮑魚雞粒鹽酥，避風塘鮑魚，譏燒鮑魚和台式五味鮑魚。當中鮑魚口味好冰凍的也有熱的每款各有特色。另外龍蝦湯伴腐皮卷，腐皮卷每一件沾上龍蝦湯吃特別美味。養生燉湯材料十足，熱騰騰的一碗湯，把胃先暖起來，蜜椒金薯和牛柳粒，金薯香脆可口豐富。牛柳夠juicy 。脆皮咕嚕肉黑豚，每一件黑豚肉也十分鬆脆，而醬汁也很精彩。最後以桃膠甜品完結整頓晚餐。桃膠甜品不太甜，而且十分健康，絕對適合我們女士享用。

有時真係唔到自己唔認老，除咗個眼袋大咗、皮膚差咗之外... 就連口味都變埋😅 放假嘅時候總係鍾意一盅兩件、嘆吓茶，慢活嘅生活就最啱我😉。而家就連約朋友出嚟聚舊，我有時都會建議去試吓啲 #特色點心，試吓唔同師傅嘅手勢🤤 呢日我哋嚟到 K11 3樓一間新式 #茶館 Ah Bu 阿不，試吓佢啲食物係咪同網上食評一樣講得咁出色。餐廳以開放式設計，感覺都幾寬躺。因為嚟之前 #小秘書 透過 OpenRice Hong Kong 網上book位，呢餐會有個八折，不過服侍員話特價套餐就唔會有額外discount㗎！... 冇所謂啦，反正我最怕迫自己食啲唔鍾意食嘅嘢😅 weekend梗係要對自己好啲啦🤩 呢餐我哋叫咗 #燒賣三重奏、#金魚餃、#金沙熊貓包、#XO醬炒蘿蔔糕、#牛肝菌雞粒炸粉果，最後仲有 #黑蒜帶子餃🤤 款款嘅賣相都唔錯㗎，不過如果都味道，我會推介XO醬炒蘿蔔糕，熱辣辣嘅口感，咬落去啖啖蘿蔔絲，配埋 #XO醬、#臘味、#蔥花 落去炒，好惹味🤤 基本上佢哋嘅 #點心 可以話唔錯嘅。不過 #燒賣 上嘅 #大蝦 居然連「蝦腸」一齊放入蒸籠，望落去實在有啲嘔心😅 仲有呀... 都唔知係我嘴刁，定