阿久根和牛拉麵屋

营业中

休息中

啱啱去完日本旅行冇耐，返到香港都真係會特別掛住日本嘅美食，尤其是係日式拉麵🍜！今次就來到位於旺角嘅呢間阿久根和牛拉麵屋，小店以慢煮和牛同埋多款自家熬製嘅足料湯底為特色，真係一間與眾不同嘅拉麵店～味自慢炙燒豚肉沾麵💰HK$130沾麵嘅沾醬就揀咗濃厚味噌蝦湯，味道鮮甜濃郁，加入咗味噌亦將蝦湯嘅味道變得更加立體！拉麵嘅麵質係比較粗身嗰一種，口感煙韌，同沾醬嘅濃厚味道相得益彰！炙燒豚肉肥瘦均勻，表面仲帶有微微嘅焦香，味道有驚喜～燒牛肩胛拉麵💰HK$99牛肩胛肉質緊實多汁，用來配搭日式拉麵又係另一種風味！湯底揀咗濃郁嘅雞白湯，呢到雞白湯味道與別不同，餐廳係使用咗日本薩摩雞經20小時熬製而成，味道柔和而不油膩，鮮美撲鼻！拉麵係比較幼身嗰一種，掛湯能力高，可以吸收晒湯底嘅精華～一口芝士💰HK$48一口芝士外脆內流心，點埋旁邊嘅沙律醬，味道一流～荀💰+HK$15口感爽脆嘅荀，同湯底同埋其他配料形成咗一種良好嘅對比！所以話呢，食拉麵一定要配埋荀，整體嘅口感會更加多元化～烏龍奶茶💰HK$23每碗拉麵原本都已經有埋紫菜、大蔥同埋糖心蛋等配料！而且仲唔收加一服務費，明碼實價，真係一個良心小店～

𝕃𝕚𝕜𝕖 𝕙𝕒𝕧𝕚𝕟𝕘 𝕥𝕙𝕚𝕤 𝕒𝕥 𝕒 𝕥𝕣𝕒𝕚𝕟 𝕤𝕥𝕒𝕥𝕚𝕠𝕟 𝕚𝕟 𝕁𝕒𝕡𝕒𝕟🚉每次黎呢間拉麵屋都有種日本鐵路站既小店感覺🚝，排排坐少少逼，部分位置望到師傅煮食👨🏻‍🍳。之前食過牛小排🥩，今次賣曬就試試另一款燒牛肩胛拉麵配雞白湯💁🏽‍♂️。燒牛肩胛細細件，燒得香又幾有嚼口👄；幼身拉麵稍為唔夠彈牙，不過雞白湯拯救，香口而 comforting😉。拉麵配清酒🍶都幾唔錯架，味蕾多幾個層次🫧。🐂Grilled Chuck Ramen in Chicken Soup | $99而沾麵就揀左味自慢炙燒豚肉沾麵配味噌蝦湯🥘，先講湯底，味噌蝦湯濃郁多汁🦐，一放低就聞到濃濃香氣，texture 比較杰身；呢款麵質粗身d有咬口，每一束麵都可以順利掛汁💥。大大片炙燒豚肉都好流口水架🤤，脂肪唔多但肉夠腍，加埋流心蛋🥚、Coke Zero gur 一下不得了。🐖Grilled Pork Tuskemen in Miso Shrimp Soup | $115另外加左個沖繩苦瓜餃子🥒，苦瓜味唔算太突出，不過咬落爽爽的，都幾特別😋。🥟Okinawa Bitter Gourd Dumplings | $48🥤C

天氣凍就想食返碗熱辣辣嘅拉麵🍜！小店提供拉麵、沾麵, 可以揀配豚肉、A4和牛叉燒🥩、慢煮雞肉、香煎虎蝦🦐, 湯底選擇多, 包括有：雞白湯、黑蒜、濃蝦味噌～🍜慢煮雞肉沾麵 (加多咗一份慢煮雞肉)湯底揀咗濃厚味噌蝦湯, 用上鮮蝦熬製🦐, 湯頭勁濃郁, 加埋大量櫻花蝦, 味道更香！使用日本薩摩雞🐓, 經20小時熬製而成, 慢煮雞肉軟腍入味; 麵條粗身, 質感彈牙而且非常掛湯, 每一口都食到蝦湯嘅鮮味！溏心蛋有流心效果, 出色👍🏻 🍜慢煮A4和牛叉燒拉麵A4和牛叉燒好柔軟🥩, 色澤粉嫩, 油脂豐富！幼麵口感彈牙, 充分吸收到濃厚味噌蝦湯底嘅精華！

最近聽講喺旺角有間唔錯嘅拉麵，所以完街之後就特登過去試吓，位置唔算起眼，所以要俾心機搵吓慢煮A4和牛叉燒沾麵：我好鍾意食和牛，所以嗌咗呢一款麵，就係用和牛代替咗傳統用嘅叉燒。牛肉肥美，比較推薦單食。我揀咗濃厚味噌蝦湯，第一啖食會覺得有啲鹹，但係慢慢就會習慣，蝦嘅香味好突出，而且有櫻花蝦增加口感，最後記得叫店員加埋湯，飲返蝦湯，冬天嚟講食呢個真係好正👍味自慢灸燒豚肉拉麵：呢款就揀咗濃厚雞白湯 ，淨係會飲到雞清新嘅味道，相對就冇咁濃，拉麵係用咗幼麵，比較腍身。特別一讚嘅係叉燒，食得出炙燒過嘅香味。日式餃子🥟：底部微焦，肉餡嘅味道都係比較清淡，店內嘅餃子汁酸得來幾清新開胃，都覺得幾好食

#🍜招牌三色拉麵-白雞湯🐣這個招牌的三色拉麵，有三款不同的肉類作配菜，有豚肉有和牛有雞肉，高度建議大家首選食呢一款拉麵，因為佢一次過就可以滿足你三個不同的願望，有三款不同的配菜俾你選擇，又充滿日本特色的叉燒，軟臥的豚肉，起來的口感10分邪惡，而且還有很正的和牛，非常之軟滑，再配上白雞湯簡直帶出主菜的精髓.🍜慢煮A4和牛拉麵-黑蒜湯🥩慢煮A4和牛拉麵，係和牛粉絲的不二選擇，因為有很正的和牛，簡直為了這款拉麵提升了不少的高級感，再加上豐富的配菜配料簡直為拉麵提升到色香味俱全的最昇華，與及最高級別，再配上濃厚的黑蒜湯既搶不走和牛的鮮味，又有濃厚的湯底，再加上豐富的配菜帶來的口感，一碗麵可以體驗多種滋味，簡直係絕配

天氣凍左除左打邊爐 我日日就想食拉麵一碗熱騰騰嘅拉麵落肚暖身真系好正🙌🏻今日試嘅呢間拉麵店好有日式小店feel拉麵好食會不斷再訪😋.✨味自滿灸燒豚肉沾麵 $118✨日式餃子 $29.沾麵上黎時仲滾緊 黑蒜味湯底濃郁香氣十足麵條係偏粗少少個種 非常掛汁又有咬口👍🏻豚肉有燒過嘅香氣 肥瘦相間好平衡成碗對得住呢個價錢 抵食🤤.日式餃子味道正常發揮 皮薄餡靚呢個價錢有4隻都好良心🫶🏻.整體有驚喜尤其係個湯底 絕對會再訪👏🏻

位於旺角的拉麵店，以慢煮和牛作配料，自家熬製的特色湯底，配搭沾麵及拉麵作主打。地方不大，座位有限，繁忙時間需時等候。拉麵：生牛肉拉麵每碗麵都包含一顆溏心蛋、蔥絲及紫菜。拉麵幼身，十分掛湯。黑蒜濃湯底，蒜油香，生牛肉粉嫩柔軟，浸在熱湯一會兒已經變得熟透。另外還額外加了幾片雞肉，很豐富呢。沾麵：慢煮雞肉沾麵沾麵湯底，雞白湯濃稠，雞味突出，以石鍋端上，上枱時依然在滾。沾麵粗身，彈牙，帶點韌性，更有口感，而且更易沾上滿滿的湯汁。溏心蛋黃有流心效果。慢煮雞肉薄切，炙燒過後惹味，雞肉醃過，鹹鹹香香。

啱啱去完日本，真係好掛住當地嘅拉麵，唯有喺香港搵住間止住口癮先。 呢今次搵食嚟到旺角廣華街，雖然門口細細，但睇佢門口掛住紅色日本燈籠好sharp🎏，其實都好易搵到。餐廳主打拉麵同埋沾麵🍜。 先叫咗碗招牌三色沾麵，有慢煮A4和牛🐮、雞肉🐔、炙燒豚肉🐖，一次滿足晒3個願望。一上檯見到好豐富，豬、牛、雞都鋪滿喺麵上，再加上滾燙嘅濃蝦湯，見到都流晒口水。雞肉嫩滑；慢煮A4和牛色澤粉嫩，入口溶化；炙燒豚肉真係無得頂，炙燒豚肉油脂香，肥瘦均勻。溏心蛋亦好入味，流心效果很好👍。湯底係超濃味嘅濃蝦湯，味道鮮美，配有櫻花蝦。將沾麵加上蝦湯，每口麵都食到蝦嘅鮮味，掛湯力十足。 炙燒豚肉拉麵，今次揀咗個香濃海老湯🐔，湯頭呈橙色，濃厚嘅蝦湯充滿蝦嘅鮮味精華，拉麵煙韌彈牙。 雞軟骨餃子煎得香脆🥟，食落去肉汁豐滿，帶出雞軟骨的質感，味道可口😋

話說 今日同皮姐出咗去旺角睇模型呢出發睇賣飛佛之前 去咗附近食拉麵喔呢個舖頭好隱世 要好細心先發現到咖店內環境真係好似翻咗日本咁 真懷念牆貼有好多手繪嘅小畫作 真係好可愛久違了 叫咗我喺日本最愛食嘅沾麵先再叫咗個拉麵俾皮姐 同日式鷄皮餃子呢度重點係唔收取服務費 真明碼實價-Grilled Chuck Ramen ($99)燒牛肩胛 (拉麵) ($99)自選湯底 揀咗濃厚雞白湯 飲落好鮮甜且唔膩拉麵麵質彈牙 軟硬度適中 仲吸收晒湯嘅精華配料好足 有紫菜大蔥絲 仲有我最愛嘅溏心蛋而燒牛肩胛肉質紮實 油香味濃 食落好有口感-Grilled Pork Tuskemen ($115)味自慢灸燒豚肉沾麵 ($115)自選湯底 揀咗濃厚味噌蝦湯 飲落濃郁 較為偏咸個湯係新鮮熬製 重點 打完卡 個湯都仲熱辣辣唷麵質彈牙 軟硬度適中 食落口感煙煙韌韌 掂呀喂豚肉大塊 肥瘦均勻 食落仲有少少焦香味 好驚喜-Chicken Skin Dumplings 3pcs ($48)阿波美鷄皮餃子 ($48)鷄皮炸得好酥脆 咬落外脆內嫩 食到停唔到口呀-沾麵小知識沾麵係一種用拉麵配上濃醬汁去品嚐嘅日本料理-沾麵之最佳

裝修以吧枱形式，佈置好有日本昭和特色。選擇非常豐富，除咗經典炙燒豚肉、叉燒、雞肉之外，仲有A4和牛。湯底選擇都好豐富，包括美噌海老湯，雞白湯，黑蒜濃湯，香蔥醬油湯同激辛湯～叫咗招牌三色拉麵（雞肉、和牛、豚肉）襯香濃海老湯 138，因為小朋友先做選擇！三款都試晒，非常有驚喜🤩🤩 叉燒做到肥膏入口即溶之餘，瘦肉竟然唔係柴皮！😳 慢煮雞肉好嫩 仲有味醂甜味🤤 A4和牛更加唔使講，灸燒咗有焦香，牛味非常濃郁，半生熟入口更佳🤤🤤 湯頭極度濃味，飲得出用大量鮮蝦熬製，非常好飲，忍唔住一口接一口🤤櫻花蝦更係畫龍點睛！我宣佈：阿久根正式成為我最喜愛的拉麵之一，下次一定會試埋雞白湯拉麵！

🗝️ 旺角 | 過江龍和牛拉麵沾麵 | 阿久根和牛拉麵屋`✦ˑ ִֶ 𓂃⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹我係拉麵控~最鐘意就係周圍去試唔同嘅拉麵！上次同朋友喺旺角食甜品見到新開咗一間拉麵店，大排長龍，已經bookmark咗，今次終於去食啦，就係阿久根和牛拉麵屋🍜🍜味自慢炙燒豚肉拉麵 - 雞白湯 $85雖然呢度叫咗“和牛"拉麵屋，但我今日唔太想食牛，所以我就叫咗豚肉嘅拉麵，揀咗雞白湯底。order之後都好快上，拉麵有三塊超級厚身，炙燒到金黃色嘅圓切豚肉，仲有好多我喜歡食嘅蔥。豚肉非常肥美，食落去好飽肚。湯底雖然聞落去唔係特別香，但係飲落都幾濃味！🍜招牌三色拉麵 - 雞白湯 $138一次滿足三個願望嘅招牌拉麵！！有齊雞肉、和牛、豚肉。採用A4級鹿兒島阿久根西冷和牛，上台時候仲係未全熟，唔會太老太韌，雞肉都係一樣。朋友同我一樣叫咗雞白湯，都係話夠曬濃味一口芝士 (5pcs) $48好好食嘅炸芝士，記得趁熱食！入面嘅芝士唔係拉絲嗰種，感覺似牛油，都幾鹹幾好味😋`✦ˑ ִֶ 𓂃⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹⊹ ₊˚⊹ ₊阿久根和牛拉麵屋 (旺角)旺角廣

最近新開嘅和牛拉麵店，入到去嘅裝修都幾似去咗日本咁～有幾款湯底選擇：雞白湯、黑蒜、濃蝦味噌～個人推介食佢嘅招牌三色拉麵，一次過食齊晒3款肉：豚肉、雞肉、和牛，幾鍾意佢3款肉都烹調得幾好，夠晒入味，而且味道都帶點焦香，口感亦好嫩滑軟熟～今次揀咗雞白湯同黑蒜湯，各有特色，不過個人更愛黑蒜湯的焦香味～而湯麵係幼身，沾麵係粗身，麵身都幾掛汁，麵膽份量亦幾多～仲有流心蛋都好好味，整體來講質素唔錯，可以再翻桌☺️

今日放工嚟咗旺角呢間和牛見稱嘅阿久根和牛拉麵屋。總共試咗兩款湯底，分別係黑蒜油同海蝦湯，食落各有特色。☄️黑蒜濃湯慢煮A4和牛叉燒拉麵($158)黑蒜味道啱啱好，唔會太濃搶晒其他食材嘅味，亦唔會太淡。A4和牛嘅油脂分布得好好，咬落去越嚼越有味。麵質算係掛湯，不過有一點美中不足，就係麵冇硬度選擇，對於喜歡口感偏硬嘅食客可能會有啲失望。☄️香濃海老湯慢煮A4和牛叉燒拉麵（158）湯底蝦味濃郁，口味偏重，非常適合喜歡重口味嘅朋友。流心蛋加上鮮甜嘅湯底非常邪惡，食落滿足感十足。☄️雞軟骨餃子($48/4件)餃子偏長似鍋貼，皮比較薄身，裡面包住粒粒雞軟骨，口感非常好。不過建議盡快食用，否則焦香嘅表皮會變腍，影響口感。總體而言，呢兩款湯底各有千秋，無論係黑蒜油定係濃郁嘅海蝦湯，都值得一試！舖頭位置唔算多，平日夜晚6點半去到都坐得七七八八。要食嘅朋友要早少少嚟啦。

位於煙廠街長期排隊嘅日式拉麵店，店內座位大概十至二十個，係傅統嘅拉麵高腳櫈，平日夜晚去到都要排半個鐘先有得入去。點咗其中一款招牌嘅慢煮A4和牛叉燒拉麵🍜 Slow Cooked A4 Wagyu Ramen，揀左黑蒜油湯底，蒜味香濃🧄都幾厚身，所以掛湯嘅麵條啖啖都有濃郁嘅蒜香，細麵嘅拉麵麵質🍜，入口爽身小小彈牙，唔會煮過龍，配埋生洋蔥嘅配料，辛口風味令成碗拉麵唔會太單調。重點嘅和牛牛肉厚義適中，唔會太厚難嘴嚼，牛肉仲食到和牛本身嘅鮮甜味，雖然只有兩塊，但亦令人非常回味🥢下次嚟應該會加多啲肉嘅配料😋

牛小排 味噌蝦湯沾麵牛小排上枱時偏生，一開始仲擔心緊🥶🥶🥶。最後經熱湯（沾麵）滲兩滲已經食得啦🤣牛小排整體嚟講肉味鮮甜，冇羶味，肉質軟嫩，易入口。肉量雖然睇落唔算多，不過食食下覺得其實份量都夠，因為太多塊肉會幾膩下。湯底方面，味噌味唔會話好强，伴隨著恰當既蝦味，味道啱啱好👍🏻👍🏻 食完碗麵其實建議加糖，不過因為太飽冇做到三色拉麵（黑蒜湯底）豚肉、雞肉、A4和牛搵有粗身麵揀😍係最鍾意既拉麵粗度，和牛好食，油脂比例豐富；雞肉相對下無咩特別；豚肉厚身，似厚叉燒，略為偏肥，食落唔會太乾同硬。如果三塊肉可以大塊少少。。。。。。會開心d😀😂黑蒜湯底相對無太大驚艷嘅感覺🥲值得讚係，作為蔥控既我，呢到拉麵碗碗都超多蔥！ 大愛！