阿久根和牛拉麵屋

营业中

休息中

旺角日式拉麵、沾麵小店沒有加一服務費｜100蚊左右日式拉麵店都是木吧枱，大該有10幾個位。個人原本想食和牛拉麵，但當天已經售罄。最近師傅不夠，中午會有約2小時休場。 ‼️（晚上大該6點30開）‼️拉麵、沾麵都是100元左右，已包一粒溏心蛋。小店不收加一服務費👍🏻，值得一讚。🔸️味自慢灸燒豚肉沾麵 $115 👍🏻👍🏻👍🏻濃厚味噌蝦湯(偏咸) 日本豚肉是一層脂肪和一層厚肉，燒得好香但不會油膩，非常入味。特別喜歡重口味的我，並不覺得湯底偏咸。熱辣辣的味噌蝦湯香醇濃稠，內面還有些櫻花蝦。沾麵麵質非常彈牙 ，比較厚身掛湯一流。食完麵後可叫師傅加湯，就會變成蝦湯。🔸️燒牛肩胛(拉麵) $102黑蒜濃湯 (+HK$3)黑蒜香氣撲鼻，表面浮著一層蒜油。牛肩胛大該七成熟，比較有咬口但肉味好濃。拉麵就更沾麵幼身。🔸️日式餃子(限定優惠)$29餃子有4隻，皮薄底就脆脆地餡料是韭菜豬肉，最近優惠。🔸️馬碲爽$16香港生產的飲品，食到一粒粒馬碲。白桃烏龍(北川半兵衛)$23.

今日我同老公去開旺角做嘢，晏晝就想揾間拉麵食下！上Open rice search, 見呢間阿久根和牛拉麵多review, 就一於去試下！香煎虎蝦沾麵個沾麵一到，個熱石湯仲好滾，正！最怕唔夠熱嘅沾麵湯！啲麵嘅口感好得，好夠咬口！夾一啖麵落個湯底到，個湯係掛麵㗎😋 湯底蝦味濃郁，令人不知不覺間，一啖一啖追住食！慢煮雞肉雞白湯拉麵 (加辛辣肉碎)雞白湯的湯底清香唔油膩，加上個慢煮雞好口感唔錯，一點也不鞋，好味👍🏻 今日想食重口味一點，就加咗啲辣肉碎，又夾喎！雞軟骨餃子我哋兩個爆like呢個雞軟骨餃子！啖啖都有好多雞軟骨粒粒喺入邊，好夠口感，味道都唔錯，同店提供嘅餃子汁好夾😋總括而言，整體食物質素唔錯，地點方便，價錢合理，又唔使加一，we will be back ❤️

成日都掛住呢間拉麵店，因為好鍾意佢嘅裝修同埋古色古香嘅日本感覺。今日嗌左味自慢灸燒豚肉沾麵，再加左溏心蛋同紫菜，麵條質感煙Un，拉麵上有三塊好厚嘅灸燒豚肉，圓圈形狀，一層脂肪，一層厚肉，有好香嘅油脂味呀，溏心蛋好香蛋香果同醬油香，好彩我加左多左隻♥️兒子菜可以中和少許肥膩感，相當配撘慢煮A4和牛拉麵🍜都帶著不同的香味，湯底濃郁，每條拉麵剛好掛着湯底的味道，配上A4和牛，平時出邊拉麵好少食到，果然牛味香濃♥️

阿久根和牛拉麵屋📌旺角廣華街13號廣輝大廈地下1號舖雖然呢到唔近電影中心但如果嗰日睇戲時間鬆動我都會專登食完拉麵再慢慢散步返去電影中心睇戲🤪我食三色拉麵多數揀濃厚雞白湯唔會太濃啱啱好不過佢個濃蝦湯都好正😆我最鍾意食呢到嘅招牌三色拉麵 $138因為一碗好似出奇蛋滿足我三個願望有齊👇🏻慢煮A4和牛🐂慢煮薩摩雞🐔炙燒豚肉🐖$138真係淨食和牛都抵CP值極高💗⭐️Rumple港女評分⭐️味道: 4.5/5環境: 4/5服務: 4.5/5抵食: 5/5

本身之前都聽過呢間和牛拉麵，好似好多人推介出色咁，但係一直冇機會試。今次終於扚起心肝特登去試吓係咪真係咁好食～招牌三色拉麵(豚肉,雞肉及A4和牛) 湯底：濃厚味噌蝦湯 (偏咸）落單嗰陣已經見到係寫到明「偏鹹」，所以有心理準備會係比較濃郁嘅味道，但係其實我自己個人就覺得濃郁版嘅蝦湯。.一上菜嗰陣已經見到大大片和牛，以呢個價錢嚟講真係好好少有，因為其實佢呢個價錢係平時出面食拉麵貴少少。.唔知係唔係因為佢用嘅係慢煮嘅方式整，所以佢整出嚟食落特別軟腍，嗰邊火炙咗，所以食落去增加咗成個和牛嘅質感。除咗和牛之外外仲有豚肉同埋雞肉，一樣都好有質素。而男朋友就食咗佢嘅醬油味湯底，雖然冇特登去試佢呢邊嘅湯底，但係睇落都相當唔錯

我很喜歡食拉麵，因為大大碗又惹味。今日就去旺角具話題性的拉麵店。一入門口看到麵店座位不多，以一室木係裝潢，感覺很有日本風。既然難得一訪，就一食好一些，點了A4黑毛和牛配濃稠的雞白湯沾麵。A4和牛，帶油香，粉嫩的肉片面上有點點油花，入口即溶。但點睛之處是其雞白湯，入口濃稠，有濃郁的雞湯味，再配合拉麵沾來吃，每條拉麵掛滿湯汁。食完拉麵，記得提店家加湯，好讓我們一滴不漏的飲完正碗雞白湯。由於本人偏向濃味，拉麵就選擇香煎大蝦配濃蝦湯。拉麵一上桌，就看到樓上與手掌大的大蝦，大蝦質地彈啊，而且有蝦膏。再配合帶有甘香、鮮味的蝦湯和櫻花蝦，鮮上加鮮。值得一提的是隨麵附上的溏心蛋，一咬流出蛋汁。而且沾麵和拉麵的粗幼是不同的，前者較粗，口感較硬，剛好能沾上更多的湯汁。

今日行過哩間拉麵店，睇到裝修好特別，咁試試。店鋪提供數款拉麵沾面，仲有餃子等小食提供。波子汽水，好耐冇飲，見到都心思思叫咗一支，汽水同拉麵好夾。慢煮安格斯牛小排沾面，湯底揀咗黑蒜濃湯。配料勁豐富，有日式蔥絲，紫菜，溏心蛋等。牛小排表面煎過，內裡半熟，牛味好香同埋入口軟嫩。另外湯底會用石頭鍋keep溫度，天冷都唔會凍。湯底少少蒜香味同埋偏濃郁，每一啖拉麵都掛住湯底超好味。香煎虎蝦拉麵，揀咗香濃海老湯，同埋加咗一片炙燒豚肉。拉麵比沾面要幼少少，食落係偏硬身果款。湯底落咗大量櫻花蝦，蝦味好濃郁。虎蝦有差唔多巴掌咁大，蝦肉鮮甜彈牙好新鮮。炙燒豚肉好厚身，豚肉大火炙燒過，逼出豚肉油脂，食落好香口唔會覺得滯。

慢煮A4和牛叉燒沾麵 雞白湯，熱辣辣石鍋上枱，大大塊嘅慢煮A4和牛，因為係低溫慢煮，所以係呈現粉嫰紅色，食落口真係好軟嫩，有濃郁嘅牛肉味！雞白湯濃郁，沾麵醬汁好香濃，配埋叉燒同埋拉麵，幾好味！招牌三色拉麵（雞肉、和牛、豚肉）雞白湯，大大碗份量好足夠！雞白湯味道鮮甜，半熟流心蛋好好味！一碗有齊3款肉，大大塊慢煮a4和牛、燒雞肉同燒豚肉，好香口，肥瘦適中！拉麵都好彈牙入味餐廳好特別，好似傳統日本麵屋嘅設計，但餐廳只有bar 枱！餐廳店員服務態度好友善，抵讚👍🏻整體食物份量足夠，性價比高！餐廳座位唔多，所以人多嘅時候要預時間排隊呢

木系裝潢仿照日本屋台設計，全場都係單座位，加上特色巨型卡通塗鴉牆，勁有日本小巷拉麵店 feel，枱頭更放有不同醬料以供選擇。主打自家熬製湯底，有多款拉麵、沾麵，仲有多款小食、及配菜可追如。○ 人氣慢煮安格斯牛小排沾麵 // $148用石頭碗滾住咁上枱夠保溫，賣相非常吸引。可以揀濃蝦湯或雞白湯，試咗橙紅色既濃蝦湯，落足料濃郁稠身，充滿香濃蝦味，唔會太鹹，再加上櫻花蝦，味道更濃郁 (๑´ ڡ `๑)安格斯牛小排份量幾划算，色澤粉紅，帶有大理石花紋，油脂分布均勻。慢煮後，放入熱辣辣嘅湯，高溫將牛小排加熱浸熟，保持到軟淋，鮮美滑嫩又有咬口 。麵條偏粗身，食落似烏冬，緊實彈牙又好掛湯 ꒰ ´ ꒳ `∗꒱ 配料都還豐富，有香蔥絲、木耳絲、筍、溏心蛋等。食完麵之後，一定要加湯，飲埋個湯底，好正。整體味道口感豐富 值得一試 (⁎⁍̴̛ ᴗ ⁍̴̛⁎)ꕀ

今日去到旺角行街搵食呢間拉麵舖令我諗起日本啲街頭小店佢由門口去到入面座位都有啲似位置唔多食完碗麵就走翻桌率好快🍜黑蒜濃湯慢煮安格斯牛小排沾麵🍜味噌蝦湯招牌三色拉麵🥟沖繩苦瓜餃子🥟雞軟骨餃子首先要講呢間係有酒牌嘅拉麵舖可以嘆住啤酒食麵亦冇另外加一服務費湯底有三款：雞白湯、味噌蝦湯、黑蒜三色嘅餸有豚肉、雞肉、A4和牛各一片每款麵都可以揀唔同湯底拉麵嘅麵比沾麵更幼、沾麵嘅再有咬口啲兩個湯底比我想像中嘅輕薄唔會太厚特別係蝦湯可以做到只係味道濃郁而唔係厚重全部肉亦都係有烹調過煎過燒過比起平時普通蒸煮嘅切片叉燒好食😋

記得疫情嗰陣嚟過呢間拉麵店，佢嘅湯底令我記憶猶新！！🥰今日同老細又嚟食，估唔到佢有新嘅菜單，同樣令人非常滿意！❤️👍🏻招牌三色沾麵（和牛、雞肉、豚肉）：揀咗香濃海老湯底，非常濃郁！！用石鍋上枱，仲冒住泡～～好有儀式感！😅🤣塊和牛不得了！！又滑又大塊～香濃嘅牛油油脂豐富～慢煮雞肉好軟熟，一啲都唔嚡口；仲有塊豚肉，都好淋，煮得好入味，好出色～啲沾麵放落濃湯汁，入口非常之香濃！！炙燒豚肉拼鳳尾蝦餃子湯麵：都係揀咗海老濃湯，配上櫻花蝦，令到湯底多咗一層鮮味～麵質非常彈牙！配上濃湯，絕配！！炙燒豚肉好淋，油脂豐富，但係一啲都唔膩～個鳳尾蝦餃子皮薄餡靚，入面真係有成隻蝦㗎！每碗拉麵都配咗大蔥、紫菜同糖心蛋～個糖心蛋又係一絕！好入味，溏心好香濃，所以老細要叫多隻🤭😝🤣再嚟一個日式餃子，一樣係皮薄餡靚，煎得外皮香脆！整體非常滿意～相信不久嘅將來，又會再嚟幫襯啦！！

放工想食沾麵見到旺角依間有人排哂隊咁入面裝修都好似日本街頭小店⛩️⭕️ 慢煮安格斯牛小排沾麵☝🏻黑蒜濃湯上枱時個湯底仲滾緊🔥聞落已好香黑蒜味🧄牛小排入口軟淋 牛味重👏🏻麵條粗身好掛湯沾麵仲附上一張卡仔教學食完可以叫師傅加湯架🥣⭕️ 招牌三色拉麵☝🏻 香濃海老湯 ✅雞肉/和牛/豚肉可以一次過試哂三款肉😍和牛真係入口即化 唔係講笑😌豚肉大大塊 雞肉有驚喜 食得出醃料好特別有落過下心思💕依碗拉麵麵身幼少少🤏🏻上面仲有少許櫻花蝦吊味ps: 粒流心蛋真係好正🤤我地仲叫左支忌廉 係舊式玻璃樽裝好有風味💞

👧🏻😋👅🍽✨和牛叉輸冇得輸🙌🏻-🍜 餐廳有兩邊高枱, 入座時店員都有細心提示可掛袋係枱下掛勾, 免加一但服務都好殷勤-🐂 🐖 🐓 招牌三色拉麵 $138💯三色可以一次過試晒豚肉, 雞肉同A4和牛; 揀左濃厚雞白湯清啲可以試真啲💯三拼各有一大塊厚切肉, 豚肉有輕輕炙燒過, 油香爆棚; 雞肉好軟滑浸一浸雞白湯食更香肉味-🐂 🥩 慢煮A4和牛叉燒沾麵 $168✨揀左黑蒜濃湯, 呢度既沾麵係用石鍋裝湯, 食到最尾都仲係熱到辣嘴; 黑蒜味好濃郁但完全唔會過鹹✨重點係超肥A4和牛叉燒, 牛拉麵係香港真係少見, 每塊都係肥而不膩, 比一般豚叉燒多左陣牛肉香味

之前黎開旺角已經見過呢間拉麵店，一直都想試。呢間拉麵店主打慢煮和牛拉麵/沾麵，亦都有性價比高嘅燒牛肩胛/豚肉/雞肉拉麵，100蚊樓下就有碗，湯底都有幾款：海老湯底、雞白湯、激辛湯、香蔥醬油湯、黑蒜濃湯。餐廳亦有沾麵選擇，無輪鐘意邊款麵底嘅朋友都可以約埋一齊食😙🌟 日式鳳尾蝦餃配灸燒豚肉拉麵 $85期間限定嘅拉麵，送兩隻鳳尾蝦餃，幾抵食👍🏻豚肉用左日本五花腩，炙燒逼出脂香味同係香味，入口入味軟腍。湯底揀左濃厚味噌蝦湯，蝦味好湯濃，不過因為加左味噌會有啲咸，唔飲湯嘅其實ok. 每碗拉麵都有糖心蛋、紫菜同大蔥，糖心蛋仲要係成隻。🌟燒牛肩胛拉麵 $99同樣叫左蝦湯底，配牛肩胛都幾夾，牛肩胛半熟，咬落幾有口感，拉麵口感都幾煙韌。🌟 阿波美鷄皮餃子 $48雞皮餃子個皮炸到勁脆，仲有d脂香味，餡料係豬肉，整體味道唔錯。🌟 唐揚鷄件 $38唔好太厚粉，雞肉都幾嫰，炸得香脆。

餐廳小小的，座位大約十多個，座位全是吧台，沿廚房和窗邊而坐，和日本看到的傳統麵屋頗像，像身處於日本一樣。這裡QE code 落單很方便，店員也會主動推介菜式，加分！沖繩苦瓜餃子(4件) 見幾得意所以點一份試下，本來驚會好苦，結果有驚喜，苦瓜的甘甜配合豬肉餡，為日式餃子帶來一點清新，加上餃底煎得焦脆，挺好吃！ 鹿兒島流心芝士薯餅 超推介！炸到好香脆，D芝士好香，一咬爆漿小心流哂出黎，一份對切左2件，同朋友share岩岩好。三色濃蝦湯拉麵（叉燒、雞肉、A4和牛）湯底好濃嘅蝦味，我至愛濃湯！叉燒好淋燒得好香，肥瘦適中，3款肉中我至愛就係佢。雞肉口感都幾滑，但略嫌薄咗少少。A4和牛唔洗講都知好滑，入口即溶，但我本身唔係好喜歡油脂重的牛，所以至愛都係叉燒。牛肩胛拉麵雞白湯湯底奶白而濃郁，雖然沒蝦湯那麼濃，但鮮甜順喉不油膩，牛肩胛肉燒得香口，肉質有小小韌，可能有少少過熟，但牛味香濃，都幾好食。