阿佳拌麵

营业中

休息中

葵涌廣場三樓，真係一個美食天堂。在如此大競爭下，一定要賣與別不同的美食才能殺出一條血路。最近新開了一間阿佳拌麵，以台灣夜市風味吸引食家。今次點了原味魷魚加配小米魚餃。魷魚鮮嫩彈牙，可惜原味比麻辣味稍遜。小米魚餃，細細粒易入口，味道較清。

葵廣好特別，每次去都總搵到啲新野，所以間唔中都會同男朋友過去睇下有乜新野食。阿佳拌麵就喺3樓，但我見份量都幾大，所以今次試住魚蛋先。麻辣魚蛋 $15/12粒本來見到啲魚蛋喺個兜度好似一潭死水，唔多吸引，但基於我真係好想食魚蛋，所以都買黎試試。估唔到又幾好食。魚蛋有魚味，雖然稱唔上超彈牙，但都合格有餘。麻辣醬唔算好辣，只係帶少少麻，算過下癮。整體唔錯，價錢亦都唔算貴。下次黎有興趣試埋拌麵，因為都見幾多人食~

呢間新開嘅台灣拌麵店裝修好有特色，十足台灣夜市嘅車仔檔。食物價錢相宜，份量仲唔少，女仔食當做午餐都仲得。為食豬揀咗招牌肉燥拌麵($30)，汁揀咗沙茶醬。配料除咗肉燥仲有滷水蛋，滷水豆腐同醃蘿蔔。肉燥幾入味，配埋個有少少似偏腍意粉嘅麵底好似食緊肉醬意粉咁。為食豬覺得個麵有少少腍，有啲咬口會好啲。醃蘿蔔有唔係好夠爽脆，但依然有助中和油膩感。最令為食豬有驚喜嘅係個滷水豆腐同隻滷水蛋。滷水豆腐係為食豬未食過嘅質感，介乎魚片同蒟蒻之間嘅口感，但就冇乜豆味。滷水蛋係最正，雖然滷得唔夠入味，但流心真係好好味。

招牌肉燥拌麵（$30）-又黎到葵廣，試下新開嘅肉燥拌麵，味道有原味、沙茶、麻辣等等，司令就揀左沙茶味。拌麵食落好濃，有少許肉燥嘅香味，但味道略為偏鹹。有千頁豆腐同鹵水蛋作配料，蛋仲係半熟流心，鹵得入味，值得一讚。-份量超大，如果預左要掃街，一定要同人share啊😂。

溏心蛋真係溏心，贊。要的芝麻味，淡淡的芝麻醬好香。豆腐口感很特別。總體幾好食。下次想試試燙魷魚拌面配辣椒醬。可惜無位坐。看着好似唔大盒，但係食晒好飽肚。沒見到配業飲，拌面係干業，如果配業飲仲好D，希望出套餐

「喂，你知唔知咩係古早味？」友人安德魯問小吃貨。被人考起，拿拿聲在網上search...常吃台灣食品，都無意識去查找。「古早」是閩南語， 有古老、傳統的意思。所以「古早味」就代表著舊時和懷舊的味道了。又令我記起最近喺葵廣去過這家店。招牌肉燥伴麵 ($30)落order後約10分鐘有得拎。其實看上去也是一般配料。魯蛋、魯豆腐、肉燥、醃蘿蔔。「古早味」的噱頭令哥仔拉著小吃貨放棄芝士撈丁走去試新野。麵是台灣麵。腍，軟身，配上甜豉油頗合襯。魯豆腐的口感特別，綿綿的，像魚蛋，很有趣。和配料合在一起吃，並沒有產生化學作用。是平凡、想像得到的味道。是簡單、懷舊的麵。用作填肚子，也值得一試。Encore 度 5/10。

今日放工同朋友去葵廣行街，冇去咁耐原來開左好多間小食店，行過阿佳拌麵見到好多人排隊，所以我地試左個沙茶味既招牌拌麵，味道都幾好，佢個份量好多，又足料，女士們食一個都已經好飽，下次要試麻辣味先得同埋最抵讚既係店員既服務態度好好，好有耐性

葵廣新食，一於試下！台灣肉燥拌麵 , $30 價錢適中，味道還可。嗌左個原味，另外有幾款味道可以揀。覺得肉燥份量少左啲。不過想讚下個蛋，係溏心蛋，唔係滷蛋，都算有誠意，抵讚！