影片
以上资料只供参考，请与餐厅确认详情
食家推介
間唔中一個人都會黎Uncle 4 食個lunch ，但通常都係食炒粉、炒飯，所以今日就諗住試下佢地嘅咖哩。一入到餐廳，侍應姐姐都十分有禮貌並示意我的就座位置。餐廳咁岩播緊80-90年代嘅廣東流行曲，加上裝修等，格外有風味。今次叫左個咖哩豬扒飯，估唔到豬扒都唔會好靱，正正常常，但最意想不到嘅係竟然係有兩塊大大塊嘅豬扒，仲有青椒、洋蔥、薯仔等配料，真係岩哂大食嘅我🤣🤣。咖哩汁非常香濃，辣度對我來說剛好。由於係午市套餐，可選中湯或西湯，仲有一杯飲品，賣單都係$60，算是貼地。
继续阅读
經過依間見咖喱咁出名就試下啦～叫咗2份下午茶芝士咖喱焗海南雞飯～賣相都吸引～咖喱幾香椰奶味～不過D雞肉好淋～一咬就散似煲咗好耐嘅肉～仲要有D奇怪味～冇咩肉骨多～睇落吸引食落麻麻芝士肉醬焗意粉味道仲奇怪～肉醬唔算多剛好夠撈意粉～食到泰式酸辣醬味～有好多辣椒粒～餐牌冇寫辣～如果係小朋友或者唔食辣叫咗嗰D人點算好下午茶跟餐飲～熱奶茶正常嘢枱櫈都好油好污糟～紙巾抹幾次都好油～唔介意嘅先好試～擔心衛生問題冇下次
继续阅读
疫情前，會間中食嘅一間茶餐廳。今次係疫情後再幫襯。佢嘅食物質素都算幾好，又唔貴。咖哩雞髀飯，係每次我去都會食嘅。雞髀係炸嘅，好脆，入面肉質反而仲好嫩。配上咖哩汁好正😊大家如果平時係尖沙咀唔知食咩，呢度係唔錯
继续阅读
【油尖旺區】【琪旺家】喺尖東食嘢，多數都係啲貴價嘢，不過亦都有啲茶餐廳。今日想講呢間係一間幾抵食嘅餐廳，以廉價西餐為招徠嘅。佢哋之前係叫「Uncle 4 阿四快餐」，喺香港都有幾間。最近尖東呢間叫「琪旺家」，不過換湯不換藥。講到第一次食就已經係好耐之前，見到有 $72 嘅鐵板套餐「黑椒雜扒配薯條」就叫個嚟食。咁當然係跟黑椒汁同薯條，湯就飲忌廉湯。味道上就一般架喇，港式快餐店質素，唔要求太多。加 $2 飲「凍檸茶」少甜，都可以。之後嗰次食 $60 嘅「正宗海南文昌雞飯套餐」跟中湯，都係加咗 $2 要「凍檸茶」不過今次走甜。質素上隻雞就好一般，失望。而再之後就食 $59 嘅「芝士蒜蓉焗豬扒意粉」飲忌廉湯同加 $2 嘅「凍檸茶」走甜，都係焗嘢穩陣。所以佢改名後我都係食 $65 嘅「仿鮑片黑椒汁焗肥牛意粉」改咖喱汁，晚市送「楊協成甘蔗水」，冇咗水吧咁。總括而言，諗唔到食乜之下，過嚟食個快飯都係一個唔錯嘅選擇，唔係我都唔會食咁多次，穩陣啲咪食焗嘢。。。（地址：尖沙咀漆咸道南69號閣樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖東 #尖沙咀 #紅磡 #1am紅館 #琪旺家 #阿四快餐 #uncle4 #鐵板扒餐 #黑椒雜扒配薯條 #正宗海南文昌雞飯 #芝士蒜蓉焗豬扒意粉 #仿鮑片黑椒汁焗肥牛意粉 #楊協成甘蔗水 #1am1068 #1ambackup
继续阅读
呢間嘢簡直離曬譜 又污糟邋遢 水壺上又有曱甴 態度又差 好似得罪咗佢哋好~~多嘢咁 落單連行過嚟都唔願意 喺個櫃檯叫我大嗌畀佢聽要啲咩 嘢又唔係特別好食 環境邋遢到咁 都覺得佢啲嘢食邋遢 浸餐具嗰隻杯入面有肉碎 好似人哋朗完口吐返出嚟嗰啲嘢咁 🤮🤮🤮 埋單問佢可唔可以用 Alipay 答都唔答我 扮聽唔到 淨係掛住同啲同事喺度傾計 傾計就大大聲咁傾
继续阅读