阿媽正宗海南鷄 (已結業)

有一排好興叫佢嘅外賣，佢嘅雞海南雞整得唔錯，佢會加上有啲肉燥配埋白飯，好入味好多好多餸。另外「豬扒菜飯等等，煮得好好，好惹味，都會配搭埋肉燥，另外佢會送埋雞湯添。

紅磡好多小店經常都可以搵到Surprise 🤩仲要係CP值超高好抵食💰 今日搵到間好平民唔出名嘅小店😜本身冇咩期望買個外賣 💕但試完覺得佢嘅海南雞絕對值得推介下☺️⭐️ 無骨海南雞飯 🍗海南雞嘅皮好薄 脂肪唔多啱晒我唔鍾意太油嘅口感🥳 冇骨嘅啖啖肉未算係最嫩滑😅但係食到新鮮嘅 扎扎實實嘅雞味🐣 用料果然好正宗 油飯同樣有驚喜 🍘唔會太油反而帶點香葉味🌿 以呢個價錢來講感覺好有誠意🤣 唯一美中不足嘅係醬料比較頹 現成嘅辣醬同醬油味道比較單調🌶 PS附送嘅例湯都好足了唔係好味精嘅感覺🍲

同朋友晚上8點幾係紅磡整完野，有啲肚餓，立即搵野食，食肆收10點，快快快。好耐冇去紅磡，又冇特別search ，行到條街見有三幾間食肆，有茶餐廳、越南牛河、海南雞飯，大家都覺得試吓海南雞，Go入到去見有三張枱已經有人，全場都只有6、7張枱🤪我哋叫咗一份蓮藕煎肉餅，一客有五件，大大件，味道好好，肉質唔錯、香口。海南雞飯套餐，由於唔夠鷄買，所以冇得叫半隻雞，鷄肉嫩滑、鷄胸都唔鞋，正。沙薑鷄翼尖、鷄腳，入味、美味。9點後都陸續有人入去食飯，不過，海南雞已經全部賣晒，小店真係唔簡單。食物品質唔錯，價錢大眾化，正。😋😋

仲諗緊點同鐘意嘅人表白？🙉 一於帶佢嚟食個海南雞飯啦😝！話說小編最近係黃埔番工較多，無意之中發現呢個幾得意嘅雞飯，於是都分享一下～😂呢度嘅雞油飯都係心形🧡，幾得意㗎！😌 餐廳菜牌嘅選擇唔多，專注賣海南雞飯。味道方面，小編覺得肉質幾嫩滑，但偏瘦，唔係肥脂加啖啖肉果種，而係咬落去比較有彈性果種。🐓雞肉份量亦不少，另外加錢可以轉雞髀🍗。雞油飯落咗唔少嘅紅蔥頭，令香味大大提升咗。碗湯🥣都有加分，🦴雞骨味濃，清但不淡味，米酒味幾重，幾好飲。三色醬入面嘅辣醬比較差，係現成買返嚟嘅泰式辣椒醬，而唔係用新鮮生蒜同辣椒🌶️製成。

其實红磡都有好多穩世小店😊有次坐巴士落車🚍經過見到一間装修簡單嘅食店，見到係主打海南雞飯🐔外賣仲平啲，所以叫咗外賣，吃過一次之後覺得幾好味，之後去了堂食，原來堂食個海南雞飯係心型的❤😆之前外賣都沒有❤型同沒有留意，但見到有食客叫多飯或者少飯🤣原來飯都沒有❤型狀的🙂所以要留意喇小店座位唔多，多數見客人外賣多，所以每次去都會有位我多數點海南雞比飯 $49因為雞比肉質滑，心型油飯唔似出面果d咁油，所以唔油好啱我，仲有埋個雞湯👍呢個價錢算平另外點了小食麻辣手拍青瓜🥒$20呢個我覺得可以再辣啲基本上會再幫襯👍價錢合理

海南雞飯好香鷄味，肉唔鞋，個湯好好飲應該冇味精。點嘅醬汁都好好味嚟紅磡嘅話鍾意食海南雞飯嘅要來試吓電話冇電所以冇影相環境一般、可能外賣返屋企食舒服啲會再幫襯但外賣

唔係下下食貴野或者大排長龍嘅舖頭先係好嘅，偶然食下呢啲小店都幾過癮😎呢間舖以雞為主，有唔同口味嘅雞可以揀，沙薑雞、鹽水雞同海南雞🐓.🐥海南雞髀飯每個飯都會跟碗例湯，真材實料，每碗都有幾舊雞件，飲得出冇味精🐣雞髀要加$5，但多肉好多，極度建議唔好慳個$5😆有雞味，肉都幾嫩滑，再配埋個黃薑飯，正呀🤪.🐥鹽水雞飯唔係雞髀就大大舊骨無肉咁濟😕覺得佢個鹽水雞同沙薑雞隻味冇乜分別，所以唔太推薦🐥同埋有樣嘢要挑剔嘅就係男仔一定唔會夠飽，女仔就啱啱好🤣.🍽味道: 3/5🏙環境: 3/5👨🏼‍🍳服務: 3/5💧衛生: 3/5💰價錢: 3/5

繼續尋找$50元以下的美食。個人對雞都有啲要求，肉質要夠滑嫩，又要夠彈牙同有咬口，不能太過林。來到這間海南雞飯小店，一坐底姐姐就會俾碗例湯你。雖然話係例湯，但湯料十足，眼見有兩件雞件、芑子、紅棗，味道不是一般味精例湯，而是清雞湯我比較喜歡食熱食，海南雞飯一般都是凍的，所以我叫左沙薑雞脾飯。飯可以選擇白飯或油飯，聽姐姐講油飯是葱油，不是雞油，所以不會太肥脷的。重點來到雞既部分，雞脾是去骨的，沙薑雞味濃厚，肉質彈牙，份量足夠你一啖雞一啖飯，十分滿足。唯一是飯的份量比較少，可以另外加飯的，但要加錢。總結係，其實我食左第四次，滿意程度係可以納入我午餐飯堂的選擇之一

如果就近紅磡與黃埔既中心點，我就會諗起呢一間鋪頭🙂個名聽落好親民，會令我諗起幾耐冇返屋企食媽咪煮嘅飯😋😋。舖面設計平實而不會太花巧而且Menu簡潔易明。完全係打公仔一族最渴望睇到嘅野！首先叫咗飯就會有一碗湯，味道有啲似燉湯一樣。清澈濃雞味重，非常好飲🤩(飲完成碗都唔會覺得口渴)之後送上海南雞飯，個重點就係係個心型飯除咗外型好好睇飯質亦都非常鬆軟。肉質鮮嫩而且切嘅口感啱啱適合女仔嘅口型，唔會食得好狼狽🥰🥰🥰最後不過佢用嘅筷子係木筷子，唔係太環保♻️。如果可以用返膠筷子會比較好⋯⋯

店舖細細，之前已經聽朋友介紹過，但種種原因冇機會試。今日叫左個「正宗海南雞髀飯」，唔係剩係得個❤️樣，個湯味道足料雞湯，好食👍🏻😋😋不過Lunch 比較人多，如果無位一係外賣，如果等又唔知要等幾耐，不過眼見大家都好合作，唔會「磨爛蓆」一食完就起身，相信好嘅餐廳大家都想佢地可以繼續營運、保留落黎。唯一挑剔嘅係我叫左柸奶茶☕️，唔係怪佢地，係我叫左飲品，唔關人事，要飲奶茶就緊係去茶餐廳㗎啦⋯⋯

呢間海南雞裝修唔算好華麗，但整整齊齊幾光猛咁😂😂😂😂呢間雖然係小店，但食物質素同價錢都相當唔錯👍🏻👍🏻👍🏻👍🏻有幾種飯揀，今次叫左招牌既海南雞🐔啲雞幾滑唔會乾，啲飯係黃油飯仲要有蒜香味！！配埋啲汁真係一流🤪🤪🤪四十幾蚊已經好抵，仲要有湯😍😍😍😍嗰日既係人幾雞湯，係有埋湯渣架，真係真材實料🤘🏻朋友試左個蔥油飯都幾好食，飯唔會太油淋淋得黎，又有蔥香，絕對會返黎試曬個menu🤪

今日在openrice打算查一下公司附近有沒有海南雞飯吃，然後便選了這家。openrice 的標示地點有點錯誤，地址沒有錯，記著是寶其利街，不是在另一邊。叫了兩個海南雞脾飯，以為例湯要加錢，可能午市會送湯？🤔湯是雞湯加一些藥材，味道都幾好，感覺沒有味精。海南雞脾飯的油飯廚房整了心形，感覺很好笑😂，味道又不會太油。海南雞脾很滑，肉質很鮮甜，皮肉之間還有層啫喱。醬料甜醬油和薑蔥都不錯。$49可以食到個高質海南雞飯，性價比高。

無意中發現呢間海南雞飯店。晚市時間前來，原本只係陪坐，但個姐姐見到我地準備入來，就已經熱情地為我地打開門，咁歡迎我地搞到唔好意思得個坐字。最後三人叫左三個正宗海南雞飯，其中一個要雞脾。落完單完唔洗兩分鐘，就有例湯送來。好多雞湯渣，飲落好有藥材味，幾岩我口味。清清地唔油唔鹹，三個一飲唔停口。湯都未飲完，個飯就到喇（好快手）個飯好有心思，係心型～簡單小細節反而令我地有啲驚喜，食都食得開心啲。正宗海南雞飯$44因為有啲飽，所以叫左少飯。（所以冇心型 哈哈）叫左正宗海南雞飯，啲雞已經好滑，雞脾咪仲不得了？油飯食落好香，比起出面啲油飯冇咁油，岩我呢啲貪食又怕太油膩嘅人。份量都岩岩好，醬汁正常，好味抵食嘅海南雞。正宗海南雞脾飯$49仲叫左碟菜心$12。好少店有散叫菜食，就算有都要成$20。呢到有得叫細細碟，平且份量岩岩好，唔會食到太飽。

今晚去紅磡整嘢，順便食個晚飯，行過寶其利街見到一間《阿媽正宗海南鷄》嘅小館，作為一個海南鷄粉絲，梗要入去試吓喇。店舖面積唔算大，街坊小店格局，約莫有八九張細枱，地方都算乾淨企理。餐牌選擇唔多，主打賣鷄飯，除咗海南鷄之外，仲有沙羗鷄、鹽水鷄、口水鷄同葱油鷄，另外仲有豬扒飯同藕餅飯。我揀咗海南鷄脾飯(HK$49),例湯先上，真係好清嘅鷄湯，呷一口，咦! 有驚喜! 點解有藥材味嘅，問侍應姐姐，原來佢哋落咗川芎、杞子同紅棗嚟煲，唔怪之得喇。我個人就覺得幾特别，幾好味。跟住靚靚海南鷄脾飯上枱，呢個心形嘅鷄油飯認真盞鬼，飯入面加咗香茅都幾香，不過就乾身同硬咗一啲。好在啲海南雞就幾得，首先份量夠足，件件皮薄嫩滑，配埋三式醬油，真係食得幾滋味。我仲加多HK$12，叫多碟鷄湯浸菜苗，咁有肉有菜，就食得健康啦。今次試過呢度啲鷄真係有番咁上下，下次再嚟就會試吓唔同嘅炮製方式，睇吓滋味如何。

街坊小店一間，唔好要求坐得有幾舒服，49蚊有無骨雞脾飯食仲要有湯飲，仲想點，本人覺得超值，最重要係食完唔口渴湯，好飲既，佢有少少胡椒同藥材味既清雞湯最緊要清澈見底無油面，本身重來唔飲屋企以外煲既湯，都吸引到我飲晒成碗飯，一般，d油飯好似張2煲好軟同好干靭既飯混埋一齊咁，口感唔和諧，其中一種香料味太突出，香料比例差少少雞脾有讚無彈，自己食完都要買番份比老公食，外賣仲平4蚊三色醬油，不得不讚，薑葱,泰式辣醬都係一般貨仔ok 啦，但佢個甜醬油，唔會好杰，唔會太濃，點完件雞同埋飯一齊放落口，d飯即時好味左，兩個小女人食晒成個飯