阿嫲現烤手工蛋糕 (已搬遷) 新店位置

一定係太子最好食嘅古早蛋糕，金波囉同流心芝士真係超超超好食😋。好野一定要同人分享嘅，V仔就買左幾個番去跟同事分享。估唔到雪左都一樣好好食。係個芝士要番叮一下可以用微波爐高度數3分鐘就好了，番叮都好鬼香同好好味😋。同事們特別欣賞個金波羅同流心芝士。我就喜歡個班蘭蛋糕。好香真的好香。另外，店主好好人好有心，專登早開門比我去拎蛋糕，為同事慶祝，真係唔話得。店主比左好多小食，花生花生蘇同鳳梨蘇。都十分好食個皮非一般啲香濃鳳梨容又有咬口，唔同一般嘅只是蓉。加埋佢特別加入左麻糬，煙韌，食落去有唔同咬感，非常得意。期待佢正式推出。

太子深水埗附近好多間古早味蛋糕，得呢間最moist最好食（其他果啲同普通紙包蛋糕冇分別，仲往往都好乾，食一啖就要飲水）之前一直勁買開朱古力味，今日想試下新味，買左個金叵蘿，好食到明明幫襯左好多次，今日先的起心肝寫篇評語。個金叵蘿的面層是菠蘿包皮，真係脆的，中間夾左啲酸酸甜甜的菠蘿蓉果醬，平衡左本身蛋糕的甜，另外佢中間仲有額外一層超有咬口的薄麻糬，然後在這些組合下，竟然令本身的蛋糕更具蛋香。我一向好少寫啲咁煽情嘅post，但真心覺得好好食。唔知而家仲有幾多人信open rice的食評，但好味的東西應該要與人分享，至少疫情下吃點好味甜品可以紓緩下心情。

是咁的，因為太子真係好多間古早味蛋糕店， 對於一直想試嘅我實在眼花撩亂，於是朋友介紹話呢間係勁好食，我就試下。見到舖面寫住，唔同蛋糕有唔同嘅出爐時間，我就知道，要食咩味係靠緣分，我咁啱去到，得番原味，朱古力味同班蘭味我買咗班蘭味試下~ 店主介紹話花生酥都好好味，我又買咗一盒，因為屋企老人家好鍾意食呢啲唔健康嘢店主好好幫我將班蘭蛋糕切件，一條有七至八件，切完之後拎俾我睇嗰一刻，成陣班蘭味好香，我帶住口罩都聞到 !返到屋企，即刻拎咗兩件食，食落口好鬆軟，好香蛋味，用嘅雞蛋係高級嘢~因為鋪面電視有佢哋嘅蛋糕介紹，話係用日本新紀元雞蛋去做，所以咁香蛋味 !最搞笑係，唔食甜嘢嘅老母，竟然都食咗兩件班蘭蛋糕~ 因為真係好好味，唔甜但係好香雞蛋味， 好似將蛋糕嘅原味，完完整整地呈現出來。充滿古早味，可能就係呢一種。至於花生酥， 個人覺得不過不失，但係老人家好鍾意食，話唔油膩，好酥脆。

第一次光顧，已經覺得好想再去幫襯！今日買咗原味，很軟熟，很香蛋味！係婆婆嘅味道！坐巴士返大埔，途中飄滲出陣陣蛋香味，忍唔住返到屋企即刻開箱食！重點係一啲都唔濟，可以一次過食到半個！會再買其他味試，要睇吓有冇緣份遇到朱古力同綠茶味出爐^_^家庭式經營，店主有禮貌又親切，支持小店呀！地方位於太子與深水埗之間，條街人流唔多，要多多支持！

全港的古早蛋糕我差不多食過了，這閒最好食，最松軟，食材最好，不愛評價，但今次真的認不住贊好，又不會太干，不那麽熱气，如果唔係鋪嘅位置不太好，如果在洗衣街或者其他街可能要排隊一個鐘都未必買到，太美味了

經過這間店忽然傳來陣陣香味，眼看原來是古早味蛋糕。走過去時問問:現在是什麼古早味蛋糕喔！？她說:每天不同時間會出不同的蛋糕,你可以留意每天的時間表喔！這種親切的感覺令我諗起親人一樣,這次去芝士味特別受歡迎，而且很快賣光光了🤣🤣！可能芝士味的味道特別令人吸引。他會附上膠叉和刀，方便去切斷。就算過了兩三個鐘味道依然好味。如果不喜歡食室溫的味道可以用焗爐焗一焗佢。 支持小店經營和努力💪下次經過時會嘗試不同的味道

周街都係古早味蛋糕🍰，尤其響太子，C出口有一間，D出口又有一間，花園街裝修緊又話開一間，呢個位又新開一間。點解要買呢個？有一日路過見到店裡放着”新紀元卵”的貨箱。日本蛋好食係人都知，重點係新紀元卵乃年前水中銀綠魚測試中唯一冇雌激素的日本蛋！我呢幾年除左非必要的外食，自己買返屋企煮的一定係買新紀元卵。因為咁，我都好放心買來吃。今日早收工就買左我至愛的Twinings Earl grey茶味蛋糕。蛋糕軟綿綿，咬下去還保持了濕潤，口感剛剛好。茶香四溢，清香茶味減去蛋糕的膩意。蛋糕呈啡色，應該是泡了茶湯弄出來的。茶味濃度適中。我一塊接一塊，一個人已經拆左一半了🤣🤣老闆話可以打電話留蛋糕，唔驚買唔到！又唔洗排隊排咁耐點知最後又買唔到wo!下次要試下原味同斑蘭味。65蚊，日本無激素蛋，川寧earl grey，唔洗排隊，仲要好好味😋 支持小店！

餓住個肚行過呢間鋪頭，俾佢新鮮出爐既蛋糕香味吸引左，嘩！係濃濃既蛋香呀！鋪頭門口仲寫住佢地只會用日本雞蛋，仲有啲寫住時間既卡仔，一路更新黎緊新鮮出爐啲咩唔同口味，大概幾個字又會有新口味出爐~去到呢度我啲口水已經流緊喇，但係通常為免中伏，幫襯一間餐廳之前，我都會上網search下啲鋪名，點知望一望佢個社交平台﹐係今個月新開張既鋪頭呀！真係無留意到佢仲有啲新開張既花束添，望佢個格局似係家庭式經營既有心小店，決定要試下！第一次食，等左幾個字買核桃+原味($55) ，啲核桃唔會太硬，同原味蛋糕好夾，而且蛋香都好出，最令我surprised既係蛋糕既質感，完全唔乾，moist得黎又軟熟，真係好好食呀！55蚊買個蛋糕好似好貴咁，但其實真係超大件，仲要feel到落足料，因為真係好重手，蛋香味好濃郁！咁大件我心諗一日都未必食得曬，鋪頭姨姨(懷疑就係阿嫲)話而家天氣第一晚唔洗放雪櫃，第二日開始要擺雪櫃，到第三日就一定要食曬喇！於是第二次經過，即使原本已經食到好飽好飽，撐住個肚仲要好急尿既我(好啦，唔係重點)都想買個返去做宵夜，鋪頭仲有一個杏仁片抹茶紅豆蛋糕($70)，鍾意豐富口感既我二話不說就帶左佢返屋