阿嫲現烤手工蛋糕 (已搬遷) 新店位置

阿麻古早味是我食過嘅最好味一間。款式多同係自己用心去諗有咩新野。金沒羅是非常出色之一。可以睇得出店主好有心機整同諗唔同嘅配搭。值得欣賞。值一提是鋪仔細細，有好多唔同選擇，同有心為街坊服務。希望佢可以長做長有。加油💪🏿支持小店。

路過發現砵蘭街開咗間新嘅古早蛋糕店，接近晚飯時間都仲有好幾位食客等緊蛋糕出爐，而且口味選擇極多，非常吸引。舖頭標榜選用日本鮮雞蛋，鋪頭門外真係放住幾箱日本蛋，真材實料。除咗原味、芝士、朱古力同抹茶紅豆呢啲比較常見嘅味道之外，仲有唔少好有新鮮感嘅口味，例如椰香班蘭、養生芝麻同朱古力曲奇。蛋糕用自家製嘅紙盒裝住，logo係一位和藹可親嘅老人家，非常可愛。海鹽布朗尼係店員推介嘅新口味，隔住櫥窗見到飽滿度極高嘅蛋糕已經覺得非常吸引，加上先生同屋企嘅小朋友都好鍾意食朱古力，二話不說就揀咗佢。本身對朱古力味興趣不大，唔係咁鍾意朱古力嘅膩滯感，但偏偏對所有加入海鹽嘅甜品都有一種莫名嘅好感，一試之下果然冇令人失望。切開蛋糕首先有香濃軟滑嘅朱古力流心，而且選用嘅朱古力甜度唔高，海鹽嘅味道大大減低咗朱古力嘅膩滯感，亦令蛋糕嘅味道更豐富，更特別嘅係蛋糕嘅底部係加入大量果仁嘅brownie！一款蛋糕可以食出兩款唔同嘅效果同層次，非常驚喜！紫薯蛋糕質感非常軟熟，甜度適中，入口帶有好香濃嘅紫薯香氣，但又唔會掩蓋蛋香，非常出色。夾心仲加入新鮮紫薯蓉，味道清甜，口感軟滑，紫薯控絕對唔能夠錯過！古早蛋糕嘅蹤影一早已經遍

蛋糕好軟熟，好有雞蛋味道，推介俾大家食黑芝麻味，花生超級好味，味道好特別大家食完就明白，店員又殷勤，又有禮貌，大家食完一定會回味！每次購買都是特登出嚟。以上的內容，絕無虛構。

近排古早蛋糕真係掀起一股熱潮，好似越開越多，口味仲越來越多款添，今日咁啱經過太子見到呢間主打古早蛋糕嘅店，隔住塊膠板，見到啲蛋糕都流晒口水。呢間好似比其他店舖更多口味選擇，忍唔住買返幾個嚟試吓。《朱古力Oreo古早蛋糕》$70朱古力同Oreo都係我嘅最愛，古早蛋糕口感好綿密，彈性幾高。表面灑上朱古力Oreo碎，同埋朱古力cream，而中間嗰層係朱古力醬，擺入微波爐叮，朱古力醬係流質狀，整體食落朱古力味夠濃，好正！《金叵羅古早蛋糕》$80好有驚喜同埋新意，除咗鳳梨餡之外仲有mochi，就咁睇外表已經非常吸引。鳳梨餡唔會太甜，份量都好多，而mochi偏林，十分軟糯，推薦！《合桃原味古早蛋糕》$55呢一款蛋糕係最食得出蛋香味，而且甜最低，鍾意濃濃蛋香同埋不喜歡甜嘅朋友可以選擇呢款，合桃份量亦都好多，擺滿晒成個蛋糕面，而且口感脆，令整體嘅味道更豐富。 蛋糕嘅質素唔錯，下次希望可以試埋其他口味。

每間古早店一出爐🍴就一定會聞到蛋香😍依間都唔例外❗️依間店啲味好特別☺️係完全會吸引到你😋簡單既一間小店除左賣好蛋糕🍰外仲賣鳳梨酥🍍花生酥既小食🤩.養生黑芝麻 近排我好中意食黑芝麻系列既野😋對佢好有愛😇所以點都簡佢🤣番到屋企叮左佢黎食♨️估唔到好有驚喜㊙️芝麻古早蛋糕中間仲夾住一層芝麻醬😻雙重口感呀❗️芝麻味變到好重😋.金菠蘿🍍本身都打算簡其他味😋但眼角見到佢既廣告❗️完全比佢吸引住😏係土鳳梨再加麻糬🤩甘既組合真係未見過😂相比起其他既古早蛋糕較甜，但都可以值得一試既😊.🔖依間古早店蛋糕🍰唔會好似其他古早店一樣甘濕潤💧但係佢既味道，種類真係多好多✨期待佢再出新味😋———————————————阿嫲現烤手工蛋糕 (太子)太子砵蘭街456號地下B號舖

古早味蛋糕都盛行左一段時間熱潮未退反增, 市面上賣古早蛋糕店仲愈開愈多我同朋友都超級情迷古早味蛋糕朋友就極力推介呢間位於太子嘅「阿嫲現烤手工蛋糕」, 聲稱係佢暫時食過香港最好食嘅古早蛋糕, 仲要話去親都售馨, 全部都比人一早訂好晒講到咁誇張, 就早一日打電話去訂兩隻味試下啦。上網見到有好多味揀, 要試緊係試啲特別啲嘅味道啦, 對斑蘭味同金叵羅味都有興趣, 但朋友極推特濃流心芝士味, 最後訂咗特濃芝士味同金叵羅味。翌日滿心期待由太子地鐵站出發行過去, 店舖係太子尾段, 加上大熱天時行到去都滿頭大汗, 行到街尾一轉彎, 見到好多人圍住小店, 冇錯就係佢喇！老闆同老闆娘超級親切, 眼見同其他顧客對話看似十分熟悉, 似係經常幫襯嘅街坊。小店除咗有古早味蛋糕賣仲有自家製花生酥同鳳梨酥賣架！同老闆講返留左嘅電話同名佢就端出兩盒好重手嘅古早蛋糕, 仲好熱情咁送左剛剛出爐嘅鳳梨酥比我地試添熱辣辣！外皮牛油味香而且十分鬆脆,入面嘅餡都勁足料,滿滿酸甜嘅菠蘿蓉, 完全唔會覺得好漏, 好味!!到主角喇！老闆話特濃芝士味係會流心架（無論熱食/雪凍食）我兩種食法都試左！啲芝士一樣會流出黎架蛋糕好鬆軟口感有少少濕

在太子行街回家途中，聞到陣陣香味，有間叫阿嫲古早味蛋糕，見到有多種味道可選擇，當天時間出爐嘅係芝麻味，斑蘭味，還有原味核桃蛋糕仲有貨，因上次買回家很快比家人掃晒，故今次都入足貨，買晒三隻口味返屋企開心Share先得！-芝麻味芝麻養生又養顏，蛋糕內有芝麻蓉增添口感，很好味😋-椰汁斑蘭味入口清新，慢慢才滲出淡淡香味。-原味核桃味蛋糕表層鋪滿核桃，咬落甘香夾脆，蛋味濃郁。3款蛋糕都軟綿Q彈，唔會太甜，切開一半即食，食完唔會覺得漏，另一半則雪凍慢慢食😋。老闆說全是用日本雞蛋🥚制做，食材用料高質，店員都很注重衞生，同埋可以只買半件，啱晒想食又唔敢食咁多嘅減肥人仕😉

我都食過好幾間近排大熱的古早味蛋糕，但這間阿嫲現烤手工蛋糕卻有點不同。店舖細細，卻有十三款不同口味的蛋糕提供，除了原味，朱古力，芝士的普通口味外，這裡更有獨創的海鹽奶蓋，因為不同蛋糕有不同的出爐時間，所以想食特別口味都要睇緣份吧，或者可以提早預訂的。店主亦很細心，知道大家鐘意嘗試不同口味，所以有一件及半件的選擇，最平$30 就可以品嘗了。今日我就跟紫薯，芝麻及班蘭味有緣了，買了三個回家跟家人分享。蛋糕用上日本新紀元蛋及日本麵粉製作，蛋香十足，濕潤鬆軟。椰香斑蘭用上新鮮班蘭葉榨汁而成，天然清香。養生芝麻味，中間層會夾著自家製芝麻醬，芝麻味十分香濃幼滑。新出的紫薯味，蛋糕面及中間層一樣有紫薯夾心，食到紫著的甜，紫薯控必試。三款中我最愛就是芝麻味。

見到全部係讚既食評，又講到金叵羅味咁出色，所以路過就買一個試。古早蛋糕個人認為最重要係蛋香、鬆軟同濕潤度。阿嫲既蛋糕都夠鬆軟既不過無乜蛋香味，響古早蛋糕開到成行成市既情況黎講，佢唔算出色，亦唔會令我好想特意回購，即使我買既係特別口味金叵羅。金叵羅古早蛋糕$80，暫時未見有其他店做呢個味。表面有好似菠蘿包既皮，中間夾住好似鳳梨酥餡既肉同蔴糬，不過係好少好少，味道唔突出。總括黎講係路過又古早蛋糕癮起既可以一試，但唔洗特意去買，亦未去到一試難忘。可以一讚係店主好落力介紹產品，仲話歡迎預訂味道，可以幫你留貨。

今日星期五提早放工，我同朋友一齊去左太子食飯食完經過呢間古早味蛋糕店見咁多人買野訂野就比佢吸引到！🤩最後我地每人買左兩隻味黎試😛😛我揀左我最愛既Oreo朱古力味同好少見既肉鬆味😋兩個都好大個，老細比我check左冇問題先封盒，好細心！Oreo朱古力係超濃既朱古力味，然後係頂灑左一層oreo曲奇😋中間有層好濃既朱古力夾心老細話用左5種唔同既朱古力整架🤤肉鬆味就係鹹味蛋糕，但冇芝士味咁鹹、鍾意食肉鬆既我超愛呢隻味😋個蛋糕非常鬆軟，超正🥰朋友既在機紫薯係新出既味，超快賣晒！佢嗰日就買左最後一舊😛😛😛另外仲揀左個雙層芝士味，有兩層芝士夾心架🤤仲有幾仲唔同既芝士總括黎講呢間試左4隻味都好正！一啲都唔伏！仲有好多創新既味道😋要多啲去睇至得！

早前睇到朋友買左阿嫲現烤手工蛋糕，已心思思想食好耐😍特別是Oreo 朱古力，太邪惡了，流盡口水🤣🤣今日終於經過太子，排隊即買😈怎料Oreo 朱古力太好賣，已賣完😭那我就只好轉移視線到他們的招牌蛋糕吧😈😈金叵羅~聽老闆說，內裡的麻糬及土鳳梨，都是專誠從台灣訂回來特制，外皮還製得像菠蘿皮一樣，味道清甜很好吃👍🏻麻糬配合蛋糕，煙韌而軟棉棉，好過癮😈雙層芝士~一向也是芝士迷，所以已偏心勁愛這個🤣芝味無窮椰香斑蘭~斑蘭是直接新鮮榨汁去製造，味道香濃又零防腐劑，食得很安心，仲超正😍😍

收工經過阿嫲現烤手工蛋糕，咁啱有蛋糕新鮮出爐，香噴噴，行過忍唔住買咗幾件！！！ 其實一件都幾大件，不過真係太多味道，選擇困難症發作。。。最後買咗三大件新鮮出爐嘅蛋糕拎到返屋企都仲暖㗎！蛋糕好鬆軟，蛋香味重小朋友識食，最鍾意班蘭味。呢個味道好少有，因為製作工序繁多：要用一小時為班蘭葉榨取精華，再加入椰汁注入蛋糕，所以真係好花功夫，味道非常好Oreo味都好正，夠濃味，中間再隔多一層朱古力醬🤤 真係好邪惡！肉鬆都好足料！今次買唔到金叵羅 希望下次再遇上！

最近開咗好多古早味蛋糕店，次次聞到啲香味都會忍唔住買。買番屋企再烤番熱一樣好味。☕️咖啡合桃味 - $70表面滿佈左好多合桃，咖啡味好香濃。合桃就甘甘地，脆卜卜，蛋糕軟林林，三者既配搭真係不錯。🍍金叵羅味(半件)- $45職員推薦小編試下依個味，因為淨係依到既招牌。表面係鳳梨酥皮，中間就係土鳳梨蓉同麻糬，個皮似菠蘿包既皮，個餡就酸酸甜甜甘，仲有煙煙韌韌既麻糬，真係一試難忘。🥚原味 - $50大大件，又重手。雞蛋味十分突出，因為店舖採用左日本雞蛋，淡淡既雞蛋清香，入口鬆軟。

成日座巴士經過見到這間小店，今日終於行過，有位親切的姨姨主動介紹新鮮出爐蛋糕，見佢咁熱情，我又見到佢枱上舊oreo好有睇頭， 決定買回家嘆。食過幾間唔同的古早蛋糕，今次呢間款式口味幾創新，所以吸引到為食的我買左3款。分別有以下幾個口味：⚛Oreo朱古力 ～ 絕對俾佢既外表俘虜左， 滿滿的 Oreo 碎在面，原來一切中間仲有濃濃的朱古力醬，仔仔睇到心心眼爭住食。⚛特濃芝士 ～ 每一口都軟綿綿，咬落去有小小拉絲， 芝士都幾濃郁。⚛金叵羅 ～ 好特別食過咁多間都未見過， 上面係鳳梨酥皮，而入面有土鳳梨蓉和我超喜歡的麻糬，口感軟糯估唔到成件事咁夾，喜歡食鳳梨酥的人必試。ps ^^食唔哂可以放入雪櫃，第二日叮返熱食都好美味。

太子區有超級多古早蛋糕店，一直沒興趣試，因為好討厭排隊。經常路過見到這間小店，已開了一段時間，好像比較冷清，以為捱不了多久。近日因探朋友，見它不用排隊，而且可以半個半個買，所以買了一盒兩種口味，朋友說不錯。見他們的口味幾合心水，隔天又買來自己試，咖啡合桃丶「金叵蘿」菠蘿麻糬都幾好食。咖啡味濃，蛋糕好軟丶濕潤。上面嘅合桃香脆，幾夾。「金叵蘿」幾有驚喜，除咗有菠蘿肉，仲有好軟嘅麻糬，本身人哋好鐘意食軟糯嘅食物，所以覺得特別好食，原本幾種不同嘅食材，意外地幾夾。結論：好食丶不用排長龍👍🏻