阿明印尼餐廳 (已結業)

因為媽咪係印尼華僑，所以我自細就鍾意食印尼嘢💕不過都戴定頭盔先，我試過帶朋友嚟食，佢哋冇乜食開印尼嘢就覺得麻麻哋🤣所以唔排除係我由細食到大先覺得好好食🤣➼ 手打撈麵每次返印尼我哋都一定會食手打撈麵，同Indome唔同㗎🤣所以我每次去親呢度都只係會食呢個麵，亦係唯一一樣我會Order嘅主食。呢個撈麵係好多印尼華僑都會食，喺印尼係好平民嘅嘢食嚟💕而呢間嘅撈麵同我喺印尼食係一樣味道㗎！個麵底係幼麵，但冇乜鹼水味，係屬於比較彈牙嘅麵質。上面嘅材料其實好普通，有叉燒、炆豬肉、雲吞、蝦餅、魚蛋、豬皮，全部都切到細細舊，所以每一啖都可以同埋啲料一齊夾起嚟食💕除咗蝦餅比較乾之外，其他都好好食，尤其係個豬皮，冇油益味又脆口！不過份量對男仔嚟講可能會唔夠，對女仔嚟講就剛剛好。➼ 甜茶冰其實冇乜特別🤣就係好甜嘅茶🥰不過冇得少甜㗎Haha！我每次都會嗌，因為齋食麵好Dry🤣➼ 什果刨冰呢個又係童年回憶嚟💕顧名思義，佢就係一個刨冰🤣除咗有基本嘅雜果，仲有綠色嘅珍多，上面淋咗好多煉奶，好簡單但好好食💕不過Overall係幾甜下，如果唔太喜歡食甜嘢嘅話，就唔好試呢個啦！

每次經過，都想入去幫襯，但次次都超多人。今日見到有位，咁不如早少少食晏（結果十分鐘後又full哂）。印尼叉燒雞飯（$58），有叉燒（約十薄片，好硬好乾，都可以話唔太好食）、豬手（炆得好淋又入味，OK）、炸雞（熱的，但炸得較乾）、鹵蛋（夠味，正常）、青瓜（正常）、酸菜（微酸，幾開胃）。雖然有多款材料，但真心覺得麻麻哋。海鮮炒麵（$50），即炒，有鑊氣，雖然未算好乾身，但唔會濕淋淋，相比起碟飯好食。有蝦仁、魷魚、豬肉片（明明餐牌寫得海鮮，但張單就包埋豬肉，有趣）、豆乾、肥芽菜、芥蘭，材料好豐富，但味道稍咸。老實說，嘢食唔算突出，收費又唔算平，唔係幾明點解咁多人？？？PS：啲位超窄又逼，坐得唔太舒服

咖哩雞飯 52蚊豬肉海鮮炒米 50蚊首先，咖哩雞飯的咖哩辣辣地，唔錯，喜歡食辣會喜歡。雞是雞脾部位。不過雞脾有少少怪味，可能是雪藏味太重。馬玲薯就好水，煮得唔夠入味，可能是果款馬玲薯質地問題。豬肉海鮮炒米是炒得幾香口，份量唔多，一個人岩岩好。不過海鮮份量偏少，如果多番d就好，炒米加辣椒醬唔錯，炒米乾身又唔油，比茶餐廳好得多。最大鑊是飲品，點左凍檸茶同凍奶茶，凍檸茶的紅茶味好淡，唔突出，而凍奶茶好似唔係加黑白淡奶，朋友話隻味道差過茶餐廳。1杯凍飲加6蚊好貴🙄

今天叫了一碗簡單的 Singkawang 撈麵, 賣相不錯但對味道感到失望.麵質不錯但不太熟及沒味道.材料方面, 豬皮乾已冧咗, 滷肉絲太乾了及有點咸.希望用多點心把它做好, 而不是趕”出”麵忘了Singkawang 撈麵本身的味道.我會再去嚐食其他的食物, 希望會附合之前朋友給的評語 - 好吃.

呢間喺深水埗嘅阿明印尼餐廳其實已經好耐歷史，不過我喺深水埗出沒咁多年都未曾試過，今日就同同事闖入呢個「小印尼」試吓佢嘅印尼菜。餐牌基本上都係圖文並茂，而且都有中文名稱，不過啲翻譯就好似全部都差不多咁，所以我哋都係睇吓周圍嘅印尼人或者印尼華僑食啲乜，就跟佢哋落單。餐牌上已列明黃薑飯有巴東牛肉、青瓜、花生、魚乾仔、茄子，整個配搭賣相已經夠晒七彩繽紛，而且同場加映多半隻雞蛋，相當豐富。巴東牛肉其實即係印尼咖喱牛肉，牛肉有兩大件，咖喱屬於微辣，混入醬汁嘅茄子味道都吸引，而我最愛就係花生魚乾仔，其實每樣配料都好好食！餐牌上列明手打撈麵嘅配料有叉燒、炆豬肉、雲吞、蝦餅、魚蛋同豬皮，手打麵偏向乾身，唔係平時食開印尼撈麵嘅感覺(我講Indo Mie😅)，但係佢嘅配料我就覺得好好味，雖然叉燒唔似得廣東燒味帶有蜜糖甜味，但咬落又另有一番風味，豬皮係炸得脆卜卜，食落唔會覺得油膩，整體感覺都唔錯。飲品就正正常常，比較清澈嗰杯叫做甜茶，其實係茶包另外附上一包白砂糖，不過唔嗜甜嘅我哋都冇特別再落糖了。呢個千層糕有好多人買，我哋都唔執輸，買返一件返Office試。千層糕嘅口感有啲似我哋中式嘅年糕，口感軟糯，並且充滿

媽媽是印尼華僑，以前都有跟媽媽返去印尼過暑假。出來做野之後就沒有機會返去了。這間餐廳都係我同媽媽經常來吃，只要諗唔到食咩就會來。今日點左個撈麵這個印尼撈麵同即食麵果隻就當然不同啦。這個是印尼華僑聚居地Singkawang撈麵。入面有魚旦，炸豬皮，魚旦，豆乾，豬肉，芽菜。佢地口味多數都係會放辣椒醬同白醋去撈埋一齊除左撈麵都仲有撈河粉，或者湯麵同湯粉。不過我都係鍾意撈多。另外點左個Rujak 客家沙律好多人食印尼菜多數點加多加多，但我更愛既係RujakRujak係一種蔬果沙律，多數都係菠蘿沙葛青瓜，重點係果個醬汁。野食都係食華僑既情懷，不過這樣既坐位係少同迫。到星期六日或者Lunch時間都會好滿人。

因小薯家人關係 小薯真係由細食印尼撈麵食到大 無論即食麵嗰種印尼撈麵抑或去印尼當地食到嘅手打印尼撈麵（兩種完全係唔一樣味嘅）食嘅次數真係數之不盡！對印尼撈麵亦有好大情意結前派去開深水埗途經呢間阿明印尼餐廳見到居然有手打印尼撈麵食，二話不說即刻入去試試 睇下咩料到！叫咗碗手打印尼撈麵$38同一杯甜茶冰$8講講主角印尼撈麵先份量唔係話好多 對男仕黎講 應該唔太夠飽 要另叫野食至於配料有叉燒、炆豬肉絲、蝦餅、雲吞仔、魚蛋同炸豬皮，配料十分豐富，同係印尼當地食到嘅一樣咁多。·炸豬皮唔錯 亦夠脆好怕食到有油’億‘味嘅豬皮但呢到冇呢個問題·蝦餅就略為乾得滯·其他配料就中規中矩啦 到最期待嘅手打麵喇 麵質其實都ok嘅 但就煮耐左少少 淋咗啲 彈性亦欠奉了些小，同小薯回憶中嘅味道相比真係仲差段距離到甜茶冰呢杯野又係小薯去親印尼都會飲嘅野佢嘅味道其實有些少似台灣冬瓜茶個類飲品 飲落甜甜有清香味唔會有茶澀味 好飲環境潔淨度一般總括黎講 思鄉情發作時去食下過下癮ok或者未試過手打印尼撈麵嘅可以經過時試下

🔻今日帶大家食特別少少 試下印尼菜 #阿明印尼餐廳 鋪頭入面啲客人、樓面同廚師全部都講印尼話 令丸子覺得：一定正宗印尼菜呀🙈⠀⠀⠀⠀⠀⠀⠀⠀⠀⠀⠀⠀👌🏻海鮮炒飯 $45依個飯有彈有讚既 讚左先啦👍🏻 佢嘅印尼豉油味同鑊氣幾夠 份量都算大 D蝦唔係出面茶餐廳打咗食用膠嘅爽蝦彈嘅係👎🏻所謂嘅海鮮炒飯 海鮮只有魷魚🦑同蝦🦐 神奇地有少少肉片🐷 但肉片有啲柴 成碟炒飯有啲寡😔⠀⠀⠀⠀⠀⠀⠀⠀⠀⠀⠀⠀👍🏻印尼酸辣醬醬汁都幾辣 酸酸辣辣幾醒胃🤗 佢可以彌補到海鮮炒飯有啲寡嘅缺點 ⭐提提大家食唔到辣嘅話 要就住黎落呀！⠀⠀⠀⠀⠀⠀⠀⠀⠀⠀⠀⠀👌🏻珍多冰 $18甜度適中 中規中舉 可以一試🙈⠀⠀⠀⠀⠀⠀⠀⠀⠀⠀⠀⠀印尼餐廳係比較少見嘅 如果行過可以試下 但唔使特登去🕺🏼⠀⠀⠀⠀⠀⠀⠀⠀⠀⠀⠀⠀👅好味（5粒最高）：👅👅👅🕍環境（5粒最高）：⭐⭐💵人均消費：$63🚗地址：阿明印尼餐廳 (深水埗)深水埗欽州街57號地下⠀⠀⠀⠀⠀⠀⠀⠀⠀⠀⠀⠀

是日附近工作 又想食啲特別野於是叫左黃薑飯個外賣可惜咁岩黃薑飯賣晒 轉左白飯上未食前已經聞到陣陣巴東牛肉香味有魚仔 花生 青瓜 仲有炸蛋牛肉質感幾好 夠濃味 花生配飯當然正正唔洗加辣椒醬配食都已經夠晒味道幾惹味又清新值得下次經過再食

雖係印尼人所開，但菜式香料不足，但於街方價，入得口。冇乜小食，沙律得倆款。座位好少幾張枱，位於位之間都幾逼，很容易俾其人撞到，不過都幾多家鄉人去購買，又平價又平民化。

為咗準備今晚準備影相活動事先去一去深水埗買啲野見肚餓之際就試下啲新餐廳我細細個嘅時候已經食過印尼嘅撈同湯麵覺得好有特色、味道同材料都好豐富今次就嚟到呢個印尼餐廳試試喇手打撈麵 $38有嘅材料(叉燒、炆豬肉、雲吞、蝦餅、魚旦、炸豬皮)超多配料圍住係旁邊 而且麵嘅味道好特別麵質比較硬身 係我鍾意嘅硬度雲吞就細細粒 得一粒 蝦肉餡而炸豬皮好脆 撈埋麵食 一流麵身濕濕地撈埋啲配料一齊食超級好食口感相當豐富 每次都會大大啖咁食必點之選海鮮豬肉炒麵 $45一上菜見到炒麵煙霧迷漫即叫即炒 鍋氣十足配料都樣好多菜、豬肉、海鮮唔止幾舊咁少炒麵好有特色 醬料帶咸 令人食欲大增唔需要在加魚露 白醋味道都已經好夠每一啖炒麵撈埋肉都好滿足真係想試埋其他菜餚下次必定再嚟食印尼餐廳用嘅醬料唔係個個都啱食但唔係度到都食到如果有興趣可以試下 話唔定自己會鍾意食呢

印尼碟頭飯我第一次食，選擇唔多，快餐點咁，價錢平，叫埋野飲2個人都係$112我細細個已經有呢間舖頭，但從來無諗過食，話說附近既食市都試過晒，平平地試下無妨我係第一次食全部都係豬既撈麵，真係井底之蛙咩印尼唔係回教唔食豬咩，食材有豬肉豬/炸豬皮/叉燒/餃子/炆豬肉/豆乾條，個麵好似生麵咁，咩唔係好似營多d咩? 幾特別，味道OK, 成碗麵最好食炸豬皮，因為佢連一層脂肪唔係淨皮巴東牛肉飯牛肉都幾多，好稔同入味，個汁甜左少少，辣味慢慢散出黎，伴碟青瓜洋蔥沙律好味唉…點解個柑桔冰咁多核，味道平平無奇

2019年2月20日（星期三）行經深水埗，晚飯時段唔駛等位，一於試吓食印尼嘢！佢哋能夠屹立深水埗咁耐，應該係實力派！雜錦撈麵其實即係印尼車仔麵，連個碗都似足紅雞碗！啲麵好食、啲餸就麻麻哋！豬皮香脆，其他炸魚旦、叉燒都都不入流炒米粉都幾香、有鑊氣！不過美味要訣係橙色辣椒醬！雖然好稀，但係惹味提鮮，好得喎！綠豆冰係百份百印尼味！似足屋企煲嗰隻、清甜有餘、無豆無奶就太削!感覺麻麻哋！試過就算!對印尼食物無乜懸念！

呢間既印尼食品好地道味道好好雖然餐廳好細間，坐得麻麻地舒服但係價錢同味道都好吸引次次黎都要叫印尼撈麵份量都幾多，啲料都好豐富，豬皮炸到勁脆好惹味不過要特別留意，枱上有辣醬可以加，不過好辣呀個醬。最好少少咁加😆

星期日去深水埗行街，晚餐食咩好見到間印尼餐廳，走左入去叫左一碟黃薑飯內有幾款 餸菜（ 巴東牛肉,青瓜,花生,魚乾仔,茄子）幾好味但海鮮炒麵就一般，客家沙律個汁太濃幾特別，飲品一般有柑桔冰，珍多冰。