阿甘蝦餐廳

营业中

休息中

難得在平日與老公一同放假，便來個輕鬆山頂遊...前一天隨意地選擇了位於凌霄閣的一間美式餐廳品嚐美食之餘又能飽覽香港景色...也許是平日人流較少*加上網上預約，服務員安排了窗邊座位...令我倆可以慢嘆景色當天叫了3款菜式*「阿甘蝦餐廳」嘛！當然少不了是蝦及海鮮,還有餐牌上吸晴的豬肋骨。...整體來說*景色靚味道正~~~放假談心一流!!!

風景依然不錯，但比起2017黎幫襯果次，大失水準，令人失望。1、洋蔥圈，凍同淋。2、魷魚圈，凍同淋。3、辣雞柳，太鹹且太乾身。4、炸海鮮球，餡料凍，令我同老公一度懷疑熟唔熟？5、總體來說，係食風景嘅一晚，食物就不要抱太大期望

好耐都無上過泥山頂，趁呢日係平日會少d遊客，就同男朋友上泥拍下拖～行到咁上下，有啲肚餓就入左阿甘蝦餐廳，可能真係冇乜人嘅關係，服務員安排左我哋坐窗口位，可以望住個view😍正正❤️之後我地叫左個2 人套餐嘅lunch set。可能太耐冇食，都好期待一開始上有碟沙律，唔記得咗影😂 另外雖然ribs 相比起前幾年係細塊咗嘅，但都唔錯～ 😋最得我歡心既係 fish and chips 炸到啱啱好，好新鮮嘅魚肉真係食到人唔停口😂😂😂最後上既甜品係我最鍾意既肉桂蛋糕加雲呢拿雪糕！😆😆都幾好味☺️大致上都滿意～🥰🥰

今日同女朋友一齊攞咗假，見天氣幾好，所以就決定上去山頂行吓，食個午餐。山頂選擇唔多，淨係記得之前同同事嚟過阿甘蝦食晚飯，個景望出去應該幾正，但上次勁大霧國王的新意咁。今次日頭上去就好好多，風和日麗，個景正呀。我哋叫咗三樣嘢食，全部味道都普普通通，價錢其實喺山頂來説，唔算貴。食物純粹係西餐，無咩特別，真心食完都無乜邊樣推介。阿甘美國拼盤($198)，食物種類都幾多，包括墨西哥脆片、炸蝦、炸魷魚、辣雞塊等。賣相同份量都唔錯。焗鮮蝦芝士通粉($88)，係呢個純粹因為女朋友想食芝士，芝士來講唔夠惹味。最後就係阿甘凍蝦杯($98)，蝦肉有8隻，唔算大隻，鮮味一般，係個house sauce辣辣地幾過癮。結論就係佢係一間適合打卡嘅遊客餐廳，環境真心靚嘅，但如果想食美食，就可能稍移玉步，落返山再搵搵咯😜。

我係阿甘fans好耐冇寫食評，不過今次真係要為佢抱不平環境好不在話下，周圍見到阿甘嘅痕跡真係好感動「run Forrest run」見到呢個牌嘅時候你會耳邊有把天真的女孩聲嗎？😢😢這個是叫漢堡加$48的凱撒沙律我先生芝士敏感但我最愛芝士我減肥要少醬但先生最愛醬叫佢地on side ，完全無黑面，好配合個菜好新鮮，脆卜卜💛菇🍄burger 有黑豆，印度風，麵包勁好食呢個午餐好勁😂炸軟殼蟹炸魚炸蝦樣樣都好味，夠熱，唔厚皮，新鮮可口仲有個燒烤蝦，加58蚊換購的燒烤蝦就比較失色，正常無驚喜如果要比就比個飲品勁人工味的糖水下次叫暖水得啦健康d兩個人飽到上心口對住靚景配上好天氣加上阿甘效應呢餐我比100分

本小姐生日今日上山頂食好蝦蝦蝦🍤🍤， 每次來到山頂最多人就是這間，今日就去試試。室內環境甚有特式，有「亞甘」的畫布，每區域都有不同之處，今天我們有訂台，面向大玻璃，望到香港燈飾，雖然有小小霧，但都可睇到我們叫了一客 「蝦併盆」 有4種不同煮法的蝦，有燒，天婦羅，吉列，炸，而且配上3款不同醬汁，另外叫了一客 「美式秘制朱仔骨」十分野味，而且易咬口，配上薯條一流 我們也叫了一杯「檸檬特飲」解喝溫馨提示： 現在有香港人坐纜車，剛好我中哂可以半價，仲可以送觀景台。

原來5年無上過山頂 襯住人流少就即管去一去！上到無論山頂定餐廳都好少人~ 感覺非常舒服！大約7點幾入坐，天氣唔算特別好，有小小霧。人少坐咗窗邊位置 裝修都同之前一樣，幾年無來都係keep得幾好。疫情之下都見到員工加強消毒同清潔！坐低叫咗杯芒草特飲 同 藍莓特飲 $55/1其實唔係特別好味，不過都幾大杯既(女仔飲唔曬)叫咗Classic Caesar Salad 打算中和下啲煎炸野🥗 $108 好多芝士，非常滯 菜都食唔囇 份量非常多叫咗軟殼蟹漁夫海鮮桶 軟殼蟹都有兩隻大大隻、仲有小小炸魚、炸蝦🍤同薯條兩個人食真心好飽 都好脆 無油味！不過真心覺得鹹咗好多 最後叫咗份brownie ............ 如圖 太大了！三個人都好夠食不過當日食既brownie唔夠熱，有啲位就軟，有啲就硬咗啲！ 真係可以改善啊！不過..... 5年後再嚟，又無比想像中差咗。可能人流少咗，食飯心情都開心啲姐！

男朋友生日晚餐 上黎呢間山頂餐廳食😇 呢間主要食蝦😙 我地叫左兩樣野加兩杯酒美國秘製豬肋骨伴薯條🍟豬肋骨分量多 有兩排 有15條骨 但口味很重 好鹹🙃薯條味道正常 薄切 有口感 但味道一般 $238另外有桶boat trash with soft shell crab$238有蝦有軟殼蟹有魚 可惜炸過頭 太脆 唔好食 薯條份量多 醬汁有液態牛油😂 唔識欣賞 另外兩杯酒就好飲 呢間食左3次試過三款酒 酒依然好飲 可惜野食一次比一次差☹️ 價錢貴 系個view值錢 兩款菜兩杯酒埋單$800真系貴 質素唔好

朋友生日想揀一間睇到風景又特別嘅餐廳.主要係想影到靚相又唔想同人逼😊相信因為疫情都比較少遊客上山頂.所以今次揀咗山頂呢間餐廳.平時咁多人真係唔會去.想試好耐了!.食物方面:⚪️阿甘美國拼盤拼盤有炸蝦球.炸蝦.甜辣雞.魷魚圈.菠菜芝士醬拼粟米脆片每樣野都想試吓所以叫做拼盤🥰蝦球.魷魚圈都好彈牙好脆口.辣雞唔算好乾不過不失.粟米脆片配芝士醬超好食👍🏻⚪️牛漢堡(唔記得咗個全名)上枱見到好大份.仲有好多薯條.牛漢堡好多汁夾埋蕃茄生菜好正.薯條係有調過味的.好食😋⚪️凱撒沙律沙律菜好新鮮.正常味道👌🏻⚪️熱蜜桃茶甜甜地嘅蜜桃茶.ok的👌🏻整體方面:本身係比餐廳嘅風景位同蝦嘅菜式所吸引.但係唔好彩我哋去嗰日超級大霧加落雨.完全睇唔到風景.唯有靜靜地享受美食😌食物整體都好好食.中意食蝦既要試下.因為下午午飯之後去.大約四點.唔算好肚餓所以食嘅菜式唔算好多.但係環境好靚好舒服嘅感覺😏下次一定會再去影靚相同試唔同嘅菜式👍🏻山頂來講價錢十分親民👍🏻好適合同屋企人/朋友慶祝生日.聚會影靚相!

今日約咗朋友行西高山。這個地方比較易行。可以從這裡開始出發。所以行完在這裡食完下午茶再離開。這裡每一間餐廳。其實價錢都唔平。所以決定去這間阿甘正傳做主題的餐廳。當作對這個電影🎬和這個主題的一個支持。今次我們只點了阿甘虾和兩杯飲品就算數了。因為下午茶根本唔想食太多。散點又唔係太抵。那些虾其實令我超失望。因為隻隻都未清腸。隻隻虾中間都有條大大的黑色腸。你又要將虾𠝹成兩邊。但中間又由佢條腸留下比客睇到。你叫個客食唔食落去好呢？但你要個客清腸但又無任何工具？比如手套都好呀⋯⋯味道又唔見得特別⋯都係中式白妁，然後加辣椒豉油更好。飲品就只係普通芒果沙冰。價錢貴幾陪左右啦。不過都知道這是基本。這裡坐得都算舒服。職員都唔算太騷擾。希望食材上可作出改善就更完美。

如果想睇靚景仲有好多間餐廳揀無為只風景要犧牲美食如果只係想飲一杯啤酒你可以入嚟但如果你想食一個晚飯你可以出返去炸嘢都可以做到唔好食麵粉厚只係溫而不是熱辣辣個景係冇問題但啲嘢真係難食張相可以呃到人但不好味的食物好影響心情如果佢做到普通我都冇咁嬲連普通炸食物都做唔到的水平

山頂，一個香港人遺忘的地方。但最近疫症又令山頂成為戶外活動選擇之一。今次趁機會去咗都好耐冇去過的餐廳。Bubba Gump 從開幕到而家都間中有去。其實不太肚餓所以只叫了兩道菜。Appetizer platter 有炸蝦炸魷魚圈同雞翼，再加上nacho dip 在底下。水準依然不錯。 食物炸得香脆但不油膩。主菜叫了full rack of ribs. Ribs 煮得啱啱好，肉剛好離骨。Cole slaw 正宗。不過添加嘅bbq shrimp 啲蝦質素就麻麻。

已經冇黎山頂好幾年今日趁着同另一半紀念日就上山頂食飯揀咗呢間有海景嘅餐廳嘢食好多都係炸嘢或者肉 貫徹美式餐廳嘅風格嘢飲都係好大杯嘅呢度主打蝦當然要試吓肉質都好新鮮加埋外邊個景就更加分😌枱頭會有個牌仔如果想嗌waiter可以自己反牌佢地見到都會主動嚟食完飯仲可以去睇吓夜景 有特別日子嘅話都可以黎一試🤤

今天和小伙伴來到山頂，山頂的餐廳不少，但一般旅遊區的餐廳都是偏貴而且質素一般，所以挑了很久，最後決定選多年一直想試的阿甘蝦。阿甘蝦位於凌霄閣的三樓，裝潢美輪美奐的美風，很容易認出來的。這天我們進餐的時間約四點，人流不多，等候幾分鐘就順利進去了。坐下來的第一感覺就是，香港真的很美啊！特別是這種風和日麗的日子，看到清晰的山景，時間緩緩地流過，心情特別的好。餐廳以電影「阿甘正傳」作主題，四周都有劇照，金句，電影故事版等等，仿如置身於美國小鎮的平民餐廳。這裡下單不需要話語，只需要更換桌上的鐵牌，有Run Forrest Run和 Stop Forrest Stop兩面。需要下單時記得要更換牌子！！很可愛的道具！優先送上的是Secret Mango Sparkler，由新鮮芒果、檸檬汁、橙汁、七喜的混合果汁，味道很好，是清新解渴之選。特別適合這種比較濃味的菜式。下午茶時段，我們點了一個拼盤Run Across America Sampler,內裡有Deep Fried Calamari, Seafood Hush Pups, Spicy Chicken Strips and Bubba's Fa

呢間以蝦為主題嘅美式餐廳以電影「阿甘正傳」為藍本主題作為設計同擺設。每張餐桌上都放有阿甘手寫的金句。門外亦擺放了一張阿甘等巴士時坐的長椅及一對阿甘的石膏模型跑鞋🎬悲傷小姐今次好彩有窗口位坐，可以係享用海鮮美食時，欣賞埋太平山頂無敵香港夜景🌃💗香草牛油白酒煮青口($172)用鐵鍋熱辣辣送上，青口分量好多，唔會太熟冇縮水仲係好juicy，而且仲有小蜆，肉質好肥美。青口醬汁有好濃嘅香草同白酒味，但都冇蓋過青口同蜆嘅鮮甜味🍾另外旁邊仲有麵包可以沾醬汁食，麵包雖然唔太脆，不過靠佢食哂d汁真係好正👍🏼💗阿甘海鮮薈（$199）呢個炸物拼盤包括咗炸蝦、炸魷魚、炸蝦丸、同炸魚薯條。全部都炸到脆卜卜，絕對係小朋友至愛。可惜嘅係炸漿偏厚， 越食越飽。所有嘅海鮮都調味適當。悲傷小姐最欣賞魚柳，完全冇雪味，炸完魚肉仲好滑🐟但其他炸物嘅口感食耐咗就覺差唔多，特別係個蝦丸，淨係覺得咬緊一粒好彈牙嘅丸子，冇乜海鮮味。旁邊仲有茄汁、千島醬同沙律醬可以沾，酸酸地可以中和炸物嘅油膩🥫💗炭燒頂級美國西冷牛扒、配鮮烤香草牛油蝦串伴薯蓉及甘脆洋蔥圈（$278）牛扒非常厚切，分量十足，有一橫橫嘅炭燒痕跡，切開係完美嘅5成熟，肉心帶