阿里山 (渣菲大廈)

营业中

休息中

早兩日去銅鑼灣買嘢，買完嘢就去等小巴，見到小巴站對面開咗一間「阿里山古早味」蛋糕店，太好喇，我之前去過紅磡嗰間阿里山買過兩件蛋糕，覺得好正。今次當然要encore啦。買咗一件細濃郁朱古力蛋糕，加一杯百香果青檸梳打。喺我排隊買蛋糕途中，見到店員推出一底芝士肉鬆蛋糕，好香，可惜我唔鍾意食肉鬆，否則會買一件返屋企試下。我見到有一位男士因為剛剛出爐嘅香味，即時走入嚟買咗一件大嘅芝士肉鬆蛋糕，所以話香味真係好吸引人。濃郁朱古力蛋糕：好鬆軟，而且好香朱古力味，亦有蛋香，當作下午茶簡直一流。百香果青檸梳打： 係店內的新產品，百香果好正，青檸味的清新好適合炎熱天氣，好match

經過總係抵擋唔住古早蛋糕既香味成日會忍唔住又買黎食😂今次試左阿里山佢地係有成十幾款口味輪住出爐🤩當中見到有好特別既D24果肉榴槤,西班牙橙粒朱古力同日本柚子蜂蜜可惜遇唔到出爐 唯有下次再試吓🙌🏻🌟阿里山原味質感好綿滑 仲有超濃既蛋香味😋又夠濕潤 而且師傅話佢地既蛋糕都係低糖 所以食落唔會太甜💯👍🏻🌟濃香黑芝麻賣相好吸睛之餘 味道亦係好正好香濃既黑芝麻味😋另外仲有得買陳子平師傅既師父靚茶同蛋糕有細盒裝可以一次過試到多啲口味👍🏻

🏠宅在家嘆下午茶🏠推介指數 ❤️❤️❤️❤️🤍經過銅鑼灣景隆街小巴站對面開咗阿里山古早味蛋糕，好懷念台灣嘅美食呀！睇menu有8款✅available，心大心細時店員主動協助，建議未食過可以先試下原味，仲有2個size選擇，而一個7kg古早味蛋糕店舖用上75隻雞蛋作食材。仲有推薦師傅靚茶，奶茶由金茶王陳子平師傅調製，茶底用上4款茶葉沖製！蛋糕同奶茶為迎合香港口味亦作出調整，都係少甜。🌀阿里山原味 HKD40 (細)✨望落質地細緻，拎上手好鬆軟，食落蛋味突出，少甜感覺健康。🌀師傅靚茶 +HKD20✨飲落順滑，茶味突出且無苦澀鞋口感覺，如店員所講有做到少甜效果，罪惡感減少。.··🏠 阿里山 (銅鑼灣)📍銅鑼灣景隆街6號渣菲大廈地下AB號舖

位於銅鑼灣的一間古早味蛋糕店，選擇蠻多。各款口味的出爐時間經已清楚列好在板上，方便客人按著時間去選擇自己喜歡的口味。買古早蛋糕加20元可加配香港金茶王的奶茶。口味：阿里山原味道原味剛出爐，香噴噴的蛋香烘焙味，金黃色的蛋糕，軟綿綿。回去切成小塊，摸上手不會很油膩，吃進口反而蛋黃味較突出，咬下去鬆軟得來，內裡質感卻很細綿，氣孔不多。口味：西班牙橙粒朱古力打開盒子，絲絲的橙香隨即飄出，那股香橙味入口更為顯著。面層佈滿香橙碎碎及粒粒朱古力。吃進口橙味蠻突出，朱古力蛋糕的味道緊隨其後，甜度適中。朱古力跟香橙，一向都是經典配搭。

以前也吃過這間古早味蛋糕店，想不到現在已經開第二間分店了。這間比以前大得多，接近三倍有多。餐牌亦比起以前改變了不少，推陳出新很多新口味。特別一讚推出細份裝，可以試更多口味。現在店內還有樽裝奶茶出售，與金茶王「陳子平」師傅合作，原價$25，買蛋糕特價$20，口感「香、滑、濃」。旁邊還有不少台灣的旅遊小冊子免費取閱。看到後面有咖啡機，好奇一問，原來即將會推出。阿里山原味道(細) - $40紙盒包裝穩固，內裡的蛋糕完全沒有走樣變型。古早味蛋糕外型雖平凡，但富有濃濃的蛋香，質地綿軟濕潤富彈性。濃香黑芝麻(細) - $40剛巧遇著新鮮出爐，一併也買了。蛋糕充滿芝麻的紋路，一咬是滿口的黑芝麻粉和芝麻漿，香味極濃郁，入口軟糯煙韌。

四重芝士 ($60)如果食芝士嘅蛋糕，我從來只係食cheesecake，不過店員強烈推介，話如果我鍾意食芝士嘅話就一定會鍾意，好啦咁買個試吓。四重芝士即係parmesan、cheddar、mozzarella及芝士粉，其實全部都係我鍾意食嘅芝士，所以真係一定啱食。平時食開嘅蛋糕都係甜嘅，有鹹香嘅蛋糕真係第一次食，咬咬吓仲會有一粒粒嘅芝士，食落原來真係唔錯喎！口感鬆軟唔會好乾，亦都好有蛋味，睇嚟以後都唔係只有cheesecake揀了日本柚子蜂蜜 ($60)啱嘞，食完芝士味就食呢個~ 喺紅磡店已經食過，媽咪好鍾意食所以今次再encore！係用咗日本柚子及台灣龍眼蜜造成，成個蛋糕面都鋪滿柚子皮，食落非常有口感

經過銅鑼灣見到呢間新開既台灣古早蛋糕，咁岩新鮮出爐所以買左2件細蛋糕試下，分別係原味同柚子蜂蜜味。店員介紹古早味蛋糕每日新鮮出爐，每底蛋糕用上70隻雞蛋。每日不同時間會推出不同口味，睇你好唔好彩撞岩你心儀既味道阿里山原味道蛋糕 蛋糕鬆軟香滑，空氣感十足，好有蛋香，甜度岩岩好，拎上手唔會好油，好好食。店員提議第一日可以放室溫，第二日要放雪櫃，需要係3日內食完。日本柚子蜂蜜蛋糕蛋糕用左日本柚子皮舖滿左蛋糕面，柚子皮食落有小小回甘，好清新，蛋糕一樣都好鬆軟回彈。

2021年5月14日 星期五今日放咗工之後就去到銅鑼灣會合老婆，打算行一陣街之後先返屋企咁啱見到呢個地方開咗間新嘅古早味蛋糕店，從大玻璃可以完全清楚見到裏面嘅情況，覺得好光猛而且乾淨夠衛生再睇返餐牌發覺同普通嘅古早味蛋糕店舖好唔同，有好多未見過嘅口味組合竟然都可以配合古早味蛋糕，包括椰香紫薯、超級雜錦果仁、甚至D24果肉榴槤添最後我哋選擇咗其中兩款返屋企慢慢品嚐，店員仲細心幫我哋分開兩個盒，以免味道撈埋一齊返到去拎個蛋糕出嚟嘅時候仍然感覺到微暖，首先呢一個係西班牙橙粒朱古力，見到外層已經有好多朱古力粒，連裏面蛋糕嘅內層都有融咗嘅朱古力碎，食起上嚟有多重朱古力味，仲有一陣陣嘅橙味添，食落幾香，而且唔膩，蛋糕好鬆軟至於另一款就係濃香黑芝麻蛋糕，拎出嚟嘅時候已經有芝麻嘅香味，食落去嘅每一啖都食到黑芝麻，味道唔算太甜，個人覺得啱啱好，同樣地焗得好有水份，蛋糕唔會好乾，作為茶點剛剛好

今日路經銅鑼灣景隆街，見到阿里山開了間分店。之前吃過紅磡的阿里山，覺得他們出品的古早味蛋糕有水準，便順便買些回家孝敬爸媽。此店的古早味蛋糕即場在店內製作，有15款口味以供選擇。可以選細件或大件，方便一次可試多幾種口味。店內還有師父靚奶茶可供選購。爸媽喜歡比較清淡的口味，於是我選了阿里山原味道($40)和日本柚子蜂蜜($60)。兩種都很美味，充滿蛋香，柔軟易入口，不油膩，易消化。阿里山的古早味蛋糕用料上乘，糖份適中，不會太甜，用植物油，比較健康，吃得安心。原味道給你樸實純正的感覺。日本柚子蜂蜜清新有特色，日本柚子皮和台灣龍眼蜜配搭不錯。爸媽都讚蛋糕美味。他們將未吃完的放入雪櫃，雪凍的也很好吃。

喺銅鑼灣SOGO對出 向前行多少少發現一間新開估咗未蛋糕 “阿里山” 喺度不斷宣傳 又聞到香噴噴就過咗去 啦 店面自設製造工場 乾淨企理衛生 透明玻璃櫥窗 比客人見到衛生程度 夠安心！不同時間推出新鮮出爐古早味蛋糕 😋 買咗兩件細份加一杯奶茶 🥤 濃香黑芝麻 $40 黑芝麻味非常香 帶少少流心 蛋糕面有一粒粒 黑芝麻粒 食落更有口感 黑芝麻味更濃郁 D24果肉榴槤 $60榴槤係我嘅至愛 聞到陣陣榴槤香 點忍得到唔買~~ 蛋糕非常鬆軟 蛋味香 配埋我至愛嘅榴槤一齊食。正。正。😁😁茶王 陳子平師傅 奶茶🥤 🥤茶味香 奶茶滑 ，茶香奶滑☺️☺️

阿里山 - 新鮮出爐的古早味蛋糕之前介紹過一間位於紅磡的台灣古早味蛋糕 - 阿里山，最近在銅鑼灣開設了分店，當然要棒場一下喇阿里山的古早味蛋糕源自台灣，除了原味外，提供超多款的口味，份量方面也非常貼心，可以雙拼口味，每次都可有不同配搭。阿里山原味道必點的口味，香濃的蛋香味，鬆軟的口感，綿綿的濕潤，不會扁塌的蛋糕，經典的台灣阿里山原味道。西班牙橙粒朱古力另一款點了朱古力口味，頂層放滿朱古力粒粒和朱古力醬，而蛋糕中有着陣陣濃郁的香甜橙味，橙味朱古力，非常配搭的組合。

食完段純貞聞到好香嘅蛋糕味有吸引住我，本身明明話睇吓點知變咗買 （麵包蛋糕控）呢間古早味叫做阿里山，好掛住台灣嘅阿里山古早味蛋糕來講佢有好多隻味道，仲要好細心咁分咗細盒同大盒，啱晒啲食得少嘅人或者想試多啲味道既人（即係我）原味同埋柚子味啱啱新鮮出爐，所以我就揀買咗呢兩隻。原味 $40佢好軟綿綿之餘睇落去都好平滑，個樣有啲似平時食落去好軟林林嘅芝士蛋糕柚子蜂蜜 $60面頭已經見到佢好多嘅柚子，仲要聞到有柚子嘅香味，蜂蜜佢唔會話10分甜，特別得來又好食店員仲同我講話佢哋整一底足足用60隻雞蛋，一底淨係整咗10個大嘅蛋糕，我有機會都想試吓整咁大底蛋糕🤣佢同我哋介紹依家加$20可以要一支師傅靚茶，你啲靚茶全部都係香港金茶王大獎（香港及國際區雙料總冠軍）（陳子平師傅）既，聽到好似好吸引咁，但係因為我戒緊奶茶所以就冇買店員仲話佢哋嘅古早味蛋糕紅磡都有分店，不過就只有古早味蛋糕買佢嗰度仲會有得現場有一種味可以試，咁啱我哋琴日就試香橙朱古力，味道都OK而且好軟林林佢哋仲有好多關於台灣嘅刊物，雖然未去到台灣但係都可以拎嚟睇吓（好貼心呢）

疫情持續，沒有外遊，心癢癢之下，走去銅鑼灣新開的阿里山古早蛋糕店買了兩款古早蛋糕，食咗當去咗台灣一轉啦！店內有得試食，今日係日本柚子蜂蜜，味道清香帶有少許蜜香。充滿著蛋香的原味，聽講每一大底用上了七十幾隻雞蛋焗製，怪不知蛋香四溢。質感鬆軟。另一款是西班牙橙粒朱古力，打開盒蓋己聞到橙香，入口更顯著。粒粒朱古力也不遜色，濃郁滋味。最近跟金茶王crossover，買任何蛋糕可二十元買一支得奘奶茶，足足平五元，吸引！

台灣古早蛋糕店响香港掀起熱潮已久，但見古早蛋糕店開完一間又一間；而阿里山蛋糕 Alisan Bakery最近更加响銅鑼灣開分店，而總店就响紅磡。銅鑼灣分店比較近我，而且地點便利，位於SOGO後面。而古早蛋糕方便有15種口味，我揀咗一盒大嘅西班牙橙粒朱古力$85 同半盒D24果肉榴槤$60呢間鋪嘅古早味蛋糕比較濕潤而且實在，朱古力味超濃，配上西班牙橙粒中和甜度。而D24果肉榴槤真係無諗過可以放响早古味蛋糕上，邊食邊聞到陣陣榴槤香，店長仲話食唔晒雪凍佢食的話似雪糕好好味㗎。而呢間鋪同總店唔同係呢到仲有咖啡同西式麵包，同手工樽仔奶茶買。如果大家有興趣或者經過就一定唔可以錯過啦！

經過被香味吸引黎睇下，原來係新鮮出爐肉鬆蛋糕，買左半盒肉鬆同原味試下店員見無其他人介紹多兩句 原來呢間係新分店，原店係紅磡，新店多左早餐套餐，仲有得加配香港金茶王冠軍嘅奶茶。而佢地蛋糕都落左好多雞蛋好足料，而肉鬆係黎自台灣嘅。買完放左一晚室溫做第二日早餐，蛋糕仍然十分軟熟，切開見到蛋糕呈深黃色，氣孔細。食到幾重蛋香，口感綿密濕潤，的確唔錯。如果想更食到更突出原有蛋香應該都係選原味，另外嘅肉鬆其實都唔錯。有咸香肉鬆增添左香味同味道嘅層次，見佢仲有好多其他口味，有機會要再試下