阿霞餛飩

营业中

休息中

價錢非常親民嘅雲吞店， 所有雲吞全部都唔味精，面咬落有筋勁係手打嘅面😋😋😋炸醬麵，只有肉碎， 蔥花同面，簡簡單單， 雖然冇乜汁，而且有少少油， 但係食落去就係嗰一種簡單古樸農村面嘅味道。餐牌款式種類唔算多，個人特別推介香菇小雲吞，同埋鮮蝦仁小餛飩😋😋😋😋😋所有嘅雲吞湯頭都鮮甜味美，絕對唔係味精， 每碗雲吞都會配以有生菜， 係健康之選。其實味道上唔係話好頂級嘅好味， 但係畀到我一種家嘅感覺， 好似就係曾幾何時媽媽煮過嘅雲吞麵一樣。

喺大埔專做雲吞同餃子嘅鋪頭都唔多，整得好食嘅地方就更加少呢度都算係好食又keep到水準嘅雲吞店，所以我間唔中都會過嚟食呢度除咗湯餃，仲可以揀煎餃如果驚唔夠飽仲可以加配麵仲有自家製豆漿呢度環境唔算闊落，所以枱嘅數目唔多好快就坐滿哂，冇曬位就要等位因為今日唔算好肚餓，所以揀咗十隻西洋菜豬肉餃子，再加配咗個麵同小朋友share食呢隻麵係上海麵，淥得啱啱好唔太淋，係我鍾意食嘅口感餃子好大隻好飽滿，入面好多西洋菜同豬肉啲皮唔算好厚， 淥嘅時間都適中，唔會搞到啲皮爛曬呢度唯一缺點真係啲位太少，有時都未必可以堂食有時唔想等位我就會買D生餃子同雲吞，自己返屋企整嚟食

呢間小店之前都嚟過兩三次， 覺得佢啲嘢食都幾有水準， 今日食午飯唔想食得太飽，所以又去呢間餐廳食。除咗堂食之外仲可以買啲生料返去自己整， 我自己都試過買過一次生料返去自己整， 但係湯底方面同埋煮雲吞嘅方面可能掌握得唔係咁好， 好似冇堂食咁好食。冬菇鮮肉小餛飩麵 (20隻)雖然叫做小餛飩，但係個size都唔算細， 一啖一隻， 冬菇同豬肉嘅餡料都幾夾， 餡料嘅味調得幾好唔會太鹹， 麵方面佢哋用呢隻似係上海幼麵， 食落有啲煙煙靭靭， 個湯底就清清地。

六時多，襯著店舖未滿座，便快步內進用饍。這裡主打餛飩和水餃，我喜歡吃薄皮的，所以點了蝦仁鮮肉餛飩來吃。這裡是即叫即煮的，所以要耐心等候一下，等候期間，店舖已經滿座，還有在門外等候的食客。餛飩來了，吃到的都是肉，都沒有吃到蝦，這真的是蝦仁鮮肉餡嗎？雖然味道不錯，但感覺名不符實，下次要選其他款式了。

忽然間想食水餃 就去試下依間專賣餛飩水餃嘅試下中午時間都要係門口排一陣先有得食鋪頭入面都幾窄 不過街坊小店係咁架啦 最緊要野食好味嘛粟米餃同白菜餃雙拼 10隻大大隻 好足料 餡料好夠味又juicy至於個皮都岩岩好 唔會太厚又唔係薄到會穿嗰種煮起都食到個皮煙煙韌韌咁 幾好食👍我個人就覺得白菜好食過粟米韭菜煎餃好有家庭式感覺 好似自己屋企煎咁😂都煎得香脆嘅 韭菜餡又夠哂香不過我覺得煎就晒咗佢個水餃皮所以下次都會食返水餃

Instagram: sharingms小店主打餛飩和餃子除了堂食，還可以選擇買生料回家作打邊爐配料，而且價錢更抵餃子可以選湯餃或煎餃我們點了煎的，但原來是即場新鮮炸的🤔外皮炸得金黃色，剛剛好咬下去超級脆又不油內餡非常多非常飽滿！😍餡料的汁仍然保留得很好，同時食得出食材該有的鮮味🤤.韮菜鮮肉大餃雲耳椰菜鮮肉大餃$47 十隻 (雙拼+$2)兩款都好好食！！餃子材料食鮮便一定無敵😋重口味人士(me)會更愛韮菜鮮肉那一款吧💁.📍阿霞餛飩大埔南盛街21號南盛閣地下4號舖

#美食推介：今日推介呢間餐廳既位置係我以前好成日去食野嘅，甚至話係我嘅飯堂之一，不過好可惜已經執左 - 鈞壹居（相信以前提到南盛街食野大埔友一定諗起呢間野，又平又抵食）。自從執鈞壹居執左之後，又真係無乜去果邊食野。宜家同一個鋪位開左間—阿霞餛飩。其實又點解甘岩會去呢，就係有人係果度買左幾隻餃子🥟番離食，根住話好好食食😋，重點無留比我食囉😤⋯⋯所以係有一日既陽光普照，萬里無雲，30幾度既情況下既中午時分，我去左果度食左個午餐，未到已經成身濕晒💦💦💦，原來做美食獵人咁辛苦🤪🤪🤪⋯⋯好彩好彩去到唔洗等位，如果遲多少少就有排等，「早到早享受，遲到有排等」，唔押韻嘅😜。去到之後，見到餐牌，同鋪名一樣簡單明瞭，一睇就知主打餛飩同餃子🥟。我叫左一碗湯餛飩同8隻煎餃，為左可以試多咩款，兩樣叫係雙拼既。先講下湯餛飩：分別叫左香菇鮮肉小餛飩同福建鮮肉小餛飩，餛飩細細粒，一啖口，皮唔會太厚，配上清湯更突顯餛飩既鮮豬肉味。對於以上兩款，我個人較喜歡及推介💕食香菇鮮肉，一啖放落口，就散發濃濃既香菇味，香菇都肉夾得很。相反，另一款就比較清淡少少，但都好食嘅。至於煎餃就叫左大白菜鮮肉同粟米鮮肉煎餃，一睇相就知餃子🥟

今日第二次光顧這小店，店內簡單裝潢，座位亦只有十數個。第一次外賣了一打韮菜鮮肉大餃子，覺得餃子有口感，而且餡料亦十足。今日就試🦐皮鮮肉小餛飩併紫菜鮮肉小餛飩，兩款都是平日較少見，一碗有15隻，另附送生菜兩條，小餛飩餡料有一般成人拇指的大小，味道不錯，個人較喜歡紫菜鮮肉那款,紫菜味道較突出，而蝦皮那款則不太吃得出味道，另外稍嫌小餛飩的皮太大，餛飩湯底有味，但感覺太油。兩次光顧的經驗後，我較愛大餃子，下次可以試煎餃😋

今日想食餃子，咁啱醒起上次經過呢間新開餃子舖，就一於黎試下啦。餐廳主打雲吞及餃子，可以選擇淨食或配麵，亦有生餃子俾你返屋位煮黎食。今日食我最喜歡嘅粟米鮮肉餃，先試試湯，一個好味嘅湯底絕對可以令餃子更好食，但呢度嘅湯比較令人失望，只係普通清湯底，同以前食過嘅餃子舖老火湯底差好遠。再試試餃子，餃子皮薄煙韌，餡料都幾豐富，豬肉夠鮮嫩，配埋爽甜嘅粟米，整體黎講算唔錯。總括而言，呢度嘅餃子味道及功夫都唔差，如果可以改進一下個湯底，應該會更吸引。

這個舖位，二十年來，食肆開了又關，關了又再開新的，我從來沒有光顧過。因為賣的東西，我不敢興趣。這一次，開了個打正招牌賣餛飩的，這個有興趣，於是來試一試。我不是很餓，要了薺菜餛飩15個，店家聲明沒有茶水，於是點了一杯豆漿，熱的。豆漿比較快送到，看著他放微波爐，然後加熱送上。不過丁得太熱，不能喝，只好看著。他們說食品是現做的，那麼餛飩是現包，現下，現賣，那當然要點時間。薺菜比豬肉貴，因此菜的份量不多。豬肉有鮮味。餛飩皮夠薄。包法是「散尾」，吃起來比較輕盈，可以滑進喉嚨。整體感覺不錯。鋪頭面積比較小，來這類店吃東西，是求吃、求飽，不是來hea、來休息、來吹水。店裡除了有餛飩外，還有餃子和湯麵，也賣油條，更歡迎（生料）外賣，冬天來了，家裡吃火鍋，可以考慮買些餛飩、餃子。鮮肉包的，肯定比冷凍的優勝。