陳權記餐廳小廚

营业中

休息中

今日渣車去西貢，行吓街，路過入去呢間茶餐廳門口有個姐姐係咁叫我入去，咁我就入去試吓啦沙嗲牛肉麵嘅面質地好怪，湯底又咸 🥲西多士，雞蛋係正常發揮奶茶不過不失環境OK，有冷氣

入咗西貢。因為要去海洋生物中心。早到。先去間茶記醫肚。點咗個馬蹄鮮魷蒸肉餅餐。個魷蒸肉質鮮嫩。肉餅爽口。混入白飯好開胃。杯熱奶茶好地度。香濃可口。個中湯好好味。總價$57。

真係未試過難食到食幾啖成盒掉左1.咖哩雞扒飯個咖哩汁勁淡，呢啲叫咖哩汁？唔係呀？都算，諗住食雞扒算數，仆佢個街，啲雞扒食落係酸臭左咁，初頭諗住試真啲，真係，再食都驚自己會肚屙，真係酸臭左成盒掉得2.雜扒炒烏冬諗住一定唔會出事，一打開，何來叫炒烏冬？係撈汁烏冬，個低啲烏冬仲要係白色無汁架，即係唔係一齊炒啦？啲雜扒都出哂事，同嗰盒咖哩雞扒飯啲雞一樣，舊舊都酸臭左，我嚴重懷疑佢地啲肉係過哂期？定發生咩事，係食物壞左嗰種酸臭呀我平時基本上無咩唔食，對食無咩要求但呢兩盒野真係離哂譜入面既廚師對食物無要求嗎？自己煮既野食難食到咁，真心過到你地自己嗰關？

又黎西貢去玩😆首先要醫飽個肚先~由坐低到點餐到上餐都只係5分鐘左右嘅事，仲要全部都熱辣辣㗎！另外一提，老闆同員工嘅服務態度都好好👍🏽同屋企人點咗一個常餐同埋一個午餐~1. 常餐 $52 (星期日及公眾假期+$2)叉燒福麵，配火腿奄列同牛油多士- 麵偏爽口，唔會浸左好耐，叉燒係大大舊有厚度咖，唔會話全肥or全瘦，個人幾鍾意食😋 2. 午餐 $55鹹蛋蒸肉餅，有湯有嘢飲跟- 呢個午餐係正常發揮對得起個價錢，但係味道唔會話超級好食🙈3. 咖啡同奶茶都完全合格😆

😎西貢 陳權記餐廳😎茶餐廳嘅午餐，一定要叫碟頭飯，呢一間嘅份量超大份，好抵食。叫咗個豉汁蒸魚，有一嚿魚頭，同埋一嚿魚腩，大大份，而且魚蒸得剛剛好，唔會老。配一大碗飯，豉汁送飯都好好食。餐再跟一個老火湯，同埋一杯飲品，叫咗茶走。茶底香濃，加咗煉奶，又香又滑。

有一日自己打電話去叫外賣，接聽阿姐用唔鹹唔淡的廣東話接聽，我講話要叫外賣，佢係咁叫我講啊啦，咁我咪叫囉，但我叫咗之後諗住佢會覆單，但佢十問九唔應，好似好唔想應我咁，我同佢講你態度可唔可以好少少，佢就話我「你態度又好好」，跟住唔出聲，仲話我「咪幫你落緊單囉」，跟住仲cut我線。都唔知咩餐廳嚟嘅，一啲待客之道都冇。成日叫嘢都落錯單，打電話去同佢講錯咗，佢就叫我攞去換，我住喺好遠㗎，點攞返去，係咪玩？對呢間餐廳完全失望，唔好自以為西貢得佢一間茶餐廳，就可以咁做生意，其他茶餐廳俾佢好好多。

在西貢搵間茶記唔難，但呢度好有速度，可以媲美佐敦嘅澳牛。食物質素正常，唯獨是例湯太重手，都係叫餐飲着數啲，而且性價比👍🏻👍🏻👍🏻👍🏻，絕對唔係開天殺價嘅食肆。佢門口仲有餐枱，好多原居民同佢心愛嘅寵物可以一齊食早餐、午餐😋如果天氣唔係太熱，坐喺出邊別有一番風味😚

📍 陳權記餐廳小廚 (西貢)西貢海旁廣場金寶閣11號地舖🤤🤤🤤🤤🤤🤤🤤🤤🤤🤤🤤🤤🤤🤤🤤👀👀👀好有鑊氣同份量足嘅小菜，前幾日同fd去沙灘玩完，打算快食，所以就求其搵間餐廳食，咁我地就入去叫左幾個小菜，有咖喱牛腩煲，辣子雞丁，魚香茄子煲，全部份量都多同埋好食，尤其咖喱撈飯，好正，員工態度都好，唔食海鮮可以黎呢間食小菜😆鍾意食咖喱一定叫距個咖喱煲推薦指數：🌟🌟🌟🌟🌟

划艇前求其搵間餐廳填飽個肚 呢間有人出黎招攬就入左去😂✨沙爹牛肉湯意粉茶餐+凍檸茶 $50✨五香肉丁通粉茶餐+凍檸茶$50沙爹牛肉普通 湯意粉都係冇乜特別🤣🤣🤣 五香肉丁同通粉都係 冇乜特別好講 😂 都係普通茶記比到你嘅野😂😂 個多士就唔脆又冇乜牛油😑 麻麻地 奄列隻蛋冇咩味 淨係食到火腿有啲咸味🙈🙈 總括黎講都係好一般💰午餐人均～$50味道❤️❤️❤️抵食❤️❤️❤️服務❤️❤️❤️環境❤️❤️❤️

自從禁止晚市堂食，經常晚餐都是叫外賣在office食，又或者買外賣上自己架車食，今次終於解禁，可以坐在餐廳裡食，不過老婆唔得閒，唯有自己一個揸車出去睇吓有咩食。這間茶餐廳之前都食過，味道正路，所以決定再幫襯。今晚叫了一個豉椒牛肉炒麵，雖然都是一般茶餐廳有的，但有兩樣嘢係我都鐘意食的，一是滑牛肉(我比較鐘意食滑牛多過邊爐肥牛)，二就是所謂的炒麵(其實似係炸多啲)。首先碟麵都有幾多牛肉，麵亦脆卜卜(不過好似炸都多得濟)，真係全碟麵都係炸咁濟。而牛肉亦都有幾多，起碼有十多塊。整體嚟講都係一般茶記有的味道，適合我呢類大眾化平民口味。

叫左個抗疫餐 諗住佢平過格離小小就買啦都係差唔多既送 我地叫小菜個個餐55蚊叫完佢問我加白飯要7蚊兩個就14叫完仲貴過格離 好啦到拎外賣仲要兩個飯裝埋一齊兩個人 食同一盒飯？乞衣呀？唔會再有下次

喺度分享一下早前喺呢度食嘢嘅相片，在此之前都有一段時間冇幫襯過。感覺上呢一間舖頭係家族式經營嘅舖頭，疫情之後，枱面空間等闊落咗好多，環境亦都乾淨咗好多。至於依度嘅嘢食整體都合格嘅，如果大家係食沙嗲牛肉麵嘅話，記得要upgrade公仔麵，因為佢個福字麵真係麻麻哋，我唔記得咗upgrade ……..整體我會俾個like！

食食下，見湯河內有廢紙碎，差。入西貢有野做，搵餐食，個人喜歡港式茶餐廳，所以見此餐廳便入去試下，叫左個牛腩河，點知食食下，見到湯內有廢紙碎，見印有簡筆字，唔似係落單紙，衛生差，要改善。

西貢其實都好多茶記..之前試過幾間都唔錯..今晚就試試陳權記..陳權記係連住3間茶記既第一間..見佢都一樣有outside坐..由於趕時間，所以就黎個速食..唔叫小菜了..所以就叫左一人一碟碟頭飯..分別係梅菜扣肉同鹽焗雞飯梅菜扣肉飯應該係原碟扣肉逐碟逐碟蒸..因為連個鐵碟都勁熱..扣肉肥瘦做到岩岩好..入哂味..連就咁食梅菜都好夠送飯而鹽焗雞飯..雞件都夠滑同味道剛好..最好食係底既白菜..吸哂個雞汁..估唔到外表完全唔吸引既茶記食落又幾有驚喜

每次來西貢吃早餐，都會找近碼頭的茶餐，吃完可以馬上出發玩水。這餐廳有室內和室外，有早餐，特別推介有菠蘿油，不是每間餐廳的早餐都有的。而午餐和晚餐就是炒粉麵飯，價錢💰非常合理！