陳權記餐廳小廚

营业中

休息中

週未抵食午餐A周未玩完水上活動，力都無晒，要食返啲飽肚野。在西貢平野真係唔多選擇，今次揀左"陳權記" ，午餐$40抵食! 仲要客飯式咁上。魚香茄子~油就一定了，但油而不膩！茄子很厚，太細舊會件件吸晒油，這樣大大舊，有口感之餘無咁油！ 咸魚香味唔太濃，食得出咸魚和肉碎一起炒，雖然無一粒粒咸魚，但也有淡淡的咸魚味 不太咸！啱晒熱爆夏天！白飯~簡單，好食，大大碗，唔姑寒凍檸水少冰~檸檬新鮮，酸甜適中，少冰但都算ok多冰。下次肚餓又想平食，不仿一試。

宿醉未醒食個靚早餐先，由上水搭的士到西頁都只係三十分鐘，比以前真係快左好多喎 ﹗和記已經被我列入黑名單喇，依家再發掘間好味既茶餐廳，搏一搏就由陳權記開始先啦 ﹗都唔係好爆乍喎。早餐都係大路野，第一次幫襯都係由即食麵開始先，仲有時間慢慢嘆，食埋就出海喇 ﹗今日唔想食雞扒，醉緊無咩胃口，就試個太陽蛋豬扒出前一丁 ﹗係西頁 HKD33 蚊都算合理。太陽蛋豬扒出前一丁，我要太陽蛋架喎，依隻咩春黎架？阿姐您落左黎香港幾耐呀？二十成熟，蛋黃全熟。依個係出前一丁？好假喎，無味道既？唔似出前一丁囉！佢地係先用滾水煮完個麵，之後先倒湯粉落個碗度架喎，麵質過腍又唔熱，質感粉粉地，肯定一早煮定啦 ﹗豬扒乸到腍劈劈無口感，味道一般。依間係一間沒有辣椒油供應既茶餐廳，只係辣椒醬。試一次便夠，無下次，再轉場 ﹗

周五早上因為約了友人遊船河的關係，一早就來到西貢碼頭食早餐，這間餐廳幾乎每次去遊船河前都會來食早餐。去到時餐廳已满了八成，大枱全满，我們一行八人只好分開兩張4人枱坐。因為實在很懷念它的奄列，所以一看完餐牌就決定點奄列餐。餐包括火腿腸仔奄列，牛油多士同餐飲。餐飲加2蚊要了杯凍利賓納，並指明要少甜。5分鐘後，飲品上枱。可是並没有少甜，於是在友人的凍檸賓取了塊檸檬，希望不會過甜。凍飲裏冰的份量剛好，不會整杯冰。過多5分鐘野食都上埋枱。因為另一友人點了奶油多，除多士上本身有的煉奶外，侍應另外附上一壺煉奶。於是我也在我的牛油多士上淋上煉奶。多士是半塊連皮厚多士，牛油量適中，配上煉奶成了奶油多也不錯，只是麵包不夠鬆軟。淡黃色的奄列蛋皮煎得很薄，而且不會過老。裏面的火腿和腸仔份量均匀適中，餡料除了火腿腸仔，還有些青豆，蘿蔔粒和粟米粒。餡料亦没有漏出來的情況出現，很好。

星期六的西貢人山人海.選了呢間茶記也有9成客人.店的面積尚算大.但舊店環境當然有點破舊.幸好還算衛生.座位之間距離近,壓迫感也有的.媽媽叫飯餐.我叫常餐加凍飲價錢也要32元,現在百物騰貴的環境中.普通的食物也會希驚人的價錢.凍華田:尚算合格.華田味同奶味做到平均.不會太淡.但糖水重手了.有點過甜.多士:製作也認真.上枱前也經多士爐加工.入口香脆.也熱辣辣.火腿奄列:大禍.我記憶中沒有吃到火腿..而奄列全無蛋汁,與炒蛋根本沒有分別.沙爹牛肉米:現在可能沙爹醬貴,真正的沙爹牛肉米應該充滿辣度,現在的沙爹牛肉米:的牛肉不知找什麼醬煮成.硬硬的.只帶點鹹味.而這碗粉湯底亦太淡.現今香港人慨嘆租金太貴.將來的舖頭全部是連鎖店.亦因租金太貴.成本貴.將來要找一碗正宗的沙爹牛肉米可能比中六合彩機會還低.感覺真是無奈

相約一起到西貢釣墨魚，上船前，先來一個下午茶時間，就簡簡單單的來一個牛油多士。意想不到的是牛油特大，是以固態的形狀呈現，相信就只有在西貢才見到吧！也是這樣牛油味特濃，很香滑。

一早來到西貢遠征, 出發前先吃早餐, 車站旁邊有好幾個選擇, 最後隨意揀了這裡. 環境還可以, 是比較擠逼一點. 我們都是要了百搭粉麵餐, $25一客, 轉丁加$3, 凍飲加$2, 即是埋單是每人$30.沙嗲牛肉炒蛋出前一丁: 4分, 牛肉質感還算可接受, 不會太實, 有點化學的痕跡. 炒蛋就不太對辦, 更像煎蛋吧. 最後, 出前一丁的麵質是完全不像出前一丁, 也淥得太淋了. 是否真的是出前一丁?凍檸茶: 0分, 相對來講, 凍檸茶是更災難的表現, 完全沒有茶味, 淡如水, 這杯茶, 實在是相當奇怪. 文迪的凍奶茶情況一樣.食物質素認真麻麻, 價位還算合理, 而服務就沒有甚麼特別去評, 正正常常吧. 下次再來到西貢吃早餐的話, 還是選擇別家店子吧.

九月上旬‧晴又練山，先要吃個大早餐。看很久也沒有來這裡了，就來一次。要了個叉蛋米線，蛋不流黃，過熟。叉燒韌韌的，似擺了九年。唯一可取的是米線，軟滑可口。熱咖啡淡淡的又有點苦，為何有這麼多人在這裡吃？吃完滿有力量的，就真。

今日過左黎西貢玩之餘亦都係附近試試野食。揀左佢地5個午餐其中之一"勝瓜雲耳炒牛肉",出餐時間都算正常,落左單之後唔駛等好耐就已經送到台面,當然食物ge溫度係足夠,3種食物ge分量比例都約莫相同,唔會話出現菜多肉少。牛肉方面大部分都嫩口,雲耳亦都有爽口的感覺,勝瓜都算新鮮,吃落ge軟硬度適中,呢個餐吃落火喉的確唔錯,d汁都可以送飯。但餐廳的服務方面就普普通通。

8-2-2010 搬左黎西貢, 都無咩點行過, 到香港的後花園, 果然令人開朗一點, 不過無咩人今天的我好想食炒菜, 呀媽就話黎E家 壃蔥斑球煲 好多肉, 成煲野好香, 正 鮮魷炒菜 好多鮮魷, 好抵食丫, 又平 兩個餐都好似$100 咋嘛, 下次再黎先

等完包裹, 去埋旺角搞掂哂D野, 是時候安心去食下野. 星期六的MK人山人海. 在選擇由馬鞍山入or由西貢入之時, 因為想睇下夜晚既西貢有乜好食而跳上了小巴, 入到西貢才慢慢找. 係滿記果頭落車. 一個人, 而且現在正是用$$時月, 總不會大魚大肉, 來個勁正西餐或海鮮大餐. 不過, 入到黎己經過左8點. 心水想食既地方已經關門, 另行過一老字號, 亦因為冇乜人而放棄. 星期六晚的西貢墟, 除海旁的海鮮檔同部份西餐廳外. 都係冇乜夜市. (因為連食巷都幾乎全部closed).惟有巴士站附近找吧. 最想食的, 又是已關門. 看見這兒比較多人吧. 就唔理了, 人多自然好呢個concept, 引渡了我入黎, 食完dinner先回家. 看見好多檯都有羊腩煲, 想必是這兒的羊腩做得不錯. 不過, 是晚獨個兒, 沒人陪, 當然食唔到個羊腩煲啦. 轉向碟頭飯而戰. 看了Menu, 都不外乎是那些標準茶記炒粉麵飯. 再拿出第二張餐牌, 有焗飯, 焗什麼豬扒牛扒雞扒飯, 除非有芝士, 否則焗得好食, 不是一個簡單既功夫. 叫了鴛鴦扒, 牛扒加雞扒. 再加上蕃茄汁. 一砵非常豐滿的焗飯, 等了不足15分鐘

由於小女選校成功,故此出外食飯慶祝一番,入近碼頭的一間細細間小菜餐廳,一行四大兩小,點了五,包括:鹽焗雞半隻,整得非常入味,送飯一流,不過就細隻D,生炒骨:用骨排來炒,不過味道不差,兩個仔女都爭住食,鹹蛋蒸肉餅: 普通之作,老婆煮得好食過佢,豉汁蒸鳥頭: 水準之作,肉唔鞋,時間好,好食,我要添飯,菜心炒肉片: 菜心夠嫩,滿足。最後還加了五隻鹽水雞腳,都係好好味,煮得好淋。有機會都會架!

西芹腰果雞丁：係大排檔食都冇咁多腰果! 腰果唔喊, 食到尾都仲脆口~雞好滑, 西芹冇"渣"~西芹同雞都切得比較細, 女仔一啖都可以一次過食三種材料~所以覺得好好食~仲有個魚腩煲：有時食到少少魚腥味~只係一舊的少少部分, 其他都冇~這個我覺得ok, 中等吧~

又貴又廢，殘茶餐廳環境，大酒樓既收費，9流大排檔既服務，垃圾的質素。個人客飯套餐，啫啫雞煲，收41大元，飲品仲有加2蚊，成煲野冇嘢食，勁油冇雞，但有成6隻雞翼尖(有兩隻食咗,因為真係冇嘢食)，大家可以睇相。如果佢改名做"啫啫雞翼尖煲"可能會好D。注意: 總之就生意手法好有問題!!!!

陳權記對比西貢區餐廳優點:-食物水準比較高缺點-收費是同區餐廳中比較高-店主跟員工態度差 時常落錯單或上錯菜不認帳(不少朋友也有被多收費 或是被算成比較貴價的餐單)若果不介意被多收費用落錯單上錯菜的確是西貢內的晚飯之選其中之一

****6-7-2008****家住西貢.細個又0係西貢番學.其實成日都黎食.但一直都冇寫食評.呢晚同屋企黎左食飯.叫左幾個客飯套餐.椒鹽骨 - - 好香好脆好夠味!魚香茄子煲 - - 雖然油左d~ 不過辣辣地~撈飯一流!豆腐班腩煲 - - 幾好! 6只雞腳 - - 好"林"! 個沙薑蓉好正~拍得住HONEY整果個!鹽焗雞飯 - - 份量足 ,飯又夠多.. 好似$30 ~抵食!每個客飯餐仲有例湯送添~GD!TOTAL 5個人~埋單$170幾抵呢~~~