陳記魚蛋 (已結業)

一直以來都覺得佢dee咖哩OK架, 紅磡同深水埗兩間都幫趁過, 次次都會點晒dee咖哩汁, 先感到滿意, 今日經過, 心引又起, 買左一串燒買+一串牛丸, 食第一粒燒買(得少少咖哩汁) 粒燒買成團粉, 差到死 .......食落仲大鑊, 嘩........痴線架, 辣到眼淚水都出晒, 咩味都食唔到, 之後果dee直頭唔敢再點dee汁, 飲左成支500CC水都頂唔順, 個胃已經好似著左火咁, 我係第一次食陳記食到唔敢點汁, 成包汁放入垃圾桶 我4點幾食左, 到而家12點個胃仲好唔舒服 大家以後要食千奇!千奇!千奇! X N次唔好要大辣 之前so good, 阿蘇個廣州朋友Philip都話佢dee大辣勁唔得, 完來係真架

次次黎都係食少辣，真係好辣，係有香料味，但因為太辣，反而會好快o趙完吞左去。今次試原味唔辣，反而食真到佢 d香料，會識欣賞。好味道，真想黎多串。

原先諗住過黎食甜品, 咁岩對面係賣魚蛋, 仲幾多人食.又抵受唔住引誘, 只不過$5/串, 整返串燒賣先! 朋友就買串魚蛋我見人地食串燒賣有d 辣汁, 就叫事頭婆幫我加d燒賣大大粒已經唔錯, 加埋d 汁真係一絕d 汁有唔辣, 小辣, 同大辣之分, 我就要左小辣.燒賣熱辣辣又彈牙, d 汁就甜甜地, 少少辣, 好似食串燒o個d 汁咁!試埋朋友既魚蛋, d 汁比燒賣o個d 真係好明顯辣d, 就冇咁甜.我都係鍾意食小辣!間唔中一串, 真係好正!!

朋友介紹話呢間魚蛋好食~買左2串~~$10! 少SPICY~魚蛋好煙UNN~個汁都唔錯!正!

去黃埔等人, 口痕痕, 又有D餓, 入去一條冷行, 又見到呢間魚蛋鋪, 其實吃過不下數次, 次次去黃埔都去食一串~~~~ 拿拿聲叫串唔辣魚蛋, 5蚊串, 唔算多, 有5-6粒, 每粒細細粒, 不過夠煙韌, 又彈牙, 好香既汁, 唔辣但都好似有D辣, 好鬼惹味啊~~~~最好即刻去買杯凍飲解辣! 間野仲有其他野食!下次試其他野先~!

魚蛋就通度都有得食令人食過返尋味就唔係間間都做得到德民街呢間陳記魚蛋就令我尼親呢區都心郁郁想整返串$5 串 有6粒, 魚蛋唔係爽口, 但都算彈牙~其實呢間小店既魚蛋實在係「妹仔大過主人婆」~佢既醬汁比魚蛋出色多倍!醬汁有3種, 分別係"唔辣","少辣" 仲有"勁辣"味道似馬來西亞的沙嗲汁, 似乎有蒜/花生醬味我唔係食得辣所以就未試過"勁辣" , 但"少辣"都會食到我流鼻水嫁! "唔辣"時我喜歡加點甜醬我個人就最鍾意食"少辣" , 惹味醬汁配彈彈地牙既魚蛋 , 爽呀 >3<一間賣魚蛋的小店 , 員工都著晒制服(見圖中紫衣人x2), 幾有誠意其他牛柏葉$6 ／　魷魚$6　／牛丸$6都好味(都係同魚蛋醬魷魚夠爽口,牛丸質爽口彈牙

魚蛋本身冇咩特別~ 唔會話好彈牙~我對魚蛋冇好大既興趣~所以冇咩所謂~我去食都係至在食個汁!!! 分唔辣~小辣~大辣~我唔食得辣ge~~所以食過唔辣同小辣~ 係2隻味黎ka~我prefer唔辣 !!! 味道好好呢~個汁好 rich~次次去都企係到2~3串先走~^^

此店很細，只做門面魚蛋、烤魷魚之類的街頭小食。我覺得佢上一手既魚蛋也做得不錯，唔知點解忽然轉手變左呢間。看見牆上貼上阿 So 既照片，相信佢既醬汁係可以的，又有加盟熱線，唔通係 chain store？辣魚蛋有分唔辣，小辣同大辣。姑且一試。只見嬸嬸用掃掃上一浸小辣的醬汁，食得出佢用左好多香料，有 d 像香茅的東西，非常野味。

除夕夜食過了三河屋，時間尚早，便向黃埔花園出發，走至甜心甜品屋附近，見到了門外以蘇絲黃介紹作招徠的陳記魚旦。個人對蘇絲黃的口味並非十分推崇，但的確當中有不少好介紹，例如灣仔膳食小廚的榮式雞扒飯及小弟至愛漢堡店 Shake'em Buns，所以對陳記魚旦，是抱著有緣相見、一試無妨的心態。魚旦分大辣、小辣、唔辣，通常都以中庸之道小試牛刀，就來一串小辣 ($5)。說開辣魚旦，不得不提旺角津味，辣得令人發呆，但卻毫不彈牙，沒有魚味；另外灣仔泉昌的咖哩魚旦也不賴，一來秘製咖哩醬味道吸引，二來魚旦口感也比津味來得好，想不到五蚊一串魚旦也包含這些多評分準則，那麼，陳記魚旦又如何呢？這串小辣，魚旦彈牙爽口，但入口時味道竟是偏甜，正為這甜味感到奇怪之際，絲絲的辣味由喉嚨湧上，這種質素，相信醬汁居功不小，蘇絲黃也沒有放山埃，陳記是值得推介的。小辣大甜，下次定要試試這裡的大辣味道如何，問題是．．．幾時再會路經此地呢?

很久都沒試過企街篤魚蛋了, 皆因這裡沒提供堂食, 人人都是如此, 不會太異相~這裡的賣點是其獨家的秘製辣醬, 分大、中、小辣和不辣。是日喉嚨不適, 只可以要唔辣。買了魚蛋和魚蓉燒賣各一串, 魚蛋一串六粒, 都是小SIZE的那種, 雖然細粒, 但勝在夠彈牙, 沾上秘製醬汁, 很惹味, 味道似是沙嗲和沙茶醬的混合版, 若嫌不夠, 老闆娘會毫不吝嗇為你添加。至於魚蓉燒賣就遜色了, 不是熱騰騰的, 只是微溫而已, 咬下去很粉, 不好, 反而七仔的還要好吃。除了魚蛋燒賣, 還有魷魚牛柏葉牛丸等其他小食, 吃時記得沾醬汁啊~此店就在甜心甜品屋對面。笑臉是給醬汁的。