陳記魚蛋 (已結業)

BEST LO MIN IN TOWN! 我成日都推介呢間撈麵俾d friend，因為佢d辣醬真係冇得輸😋😋————————🔸印尼撈麵 $10 (+燒賣 $8)雖然都係印尼撈麵，但7仔個d真係冇得同佢比😂麵質偏硬，我最鍾意！加埋佢個辣醬，又香又辣，好好好好好好好好食🤩🤩🤩評分：🌕🌕🌕🌕🌕————————辣醬有得揀辣度，唔太食得辣既揀小小辣🤓一定要加！成個撈麵既精粹就係呢到！————————

呢間陳記魚蛋 值得一食嘅地方就係佢嘅醬汁。 我發覺佢可能撈咗啲 生果 可能係蘋果定係啤梨 所以有少少甜甜地亦都食到有啲蔬菜嘅纖維 效果不錯。 有少少辣 小辣 同埋大辣 你喜歡嘅可以叫個小辣 再溝 小小大辣 都得。 個人嚟講大辣都真係好辣下而且你會見到醬汁有一條條完整嘅辣椒 睇下你食得有幾辣。

呢間野早排開到成行成市，周街都有好多假嘅分店。早排喺鰂魚涌食過一次，揀咗佢嘅BB辣叫咗燒賣同埋腸仔。BB辣喺鰂魚涌比我嘅感覺係偏甜入邊有好多香料。今次咁岩經過紅磡，又見到有哂嘅魚蛋，俾多次機會佢。今次都係叫咗燒賣同埋牛柏葉，又係揀咗BB辣。原來唔同嘅分店佢哋嘅醬汁係唔一樣，今次嘅醬汁比較好味，唔會偏甜少少辣再加埋濃濃嘅香料，加埋豉油，都唔錯。至於燒賣，佢彈牙同埋有魚味，唔似食咗成口粉係個口度。但係個牛柏葉就煮得過熟，有啲過硬。你問係唔係一定要必食，我覺得我未必會返頭食。

今晚同男朋友一齊放左工之後突然想篤串魚蛋🍢, 男朋友💁🏻‍♂️話陳記魚蛋幾出名就帶小妹嚟試下🙆🏻‍♀️ 我地叫左牛栢葉同魚蛋, 要bb辣👶🏻🌶😋辣汁濃郁, 香味撲鼻, 辣汁偏向甜甜地, 辣味一開始都係唔太辣嘅, 但愈食愈辣, 條脷會慢慢感覺到熱👅之後辣味開始攻上去, 果然辣味十足, 辣得好!過!癮!🤭😝☺️魚蛋口感彈牙, 肉質結實, 好味!😋 牛栢葉幾爽口但相比之下無魚蛋咁索汁, 味道較淡! 建議唔太食辣嘅朋友仔就買定野飲解辣啦😂🤣🤣

兩年前已經嫌棄左陳記魚蛋個特醬辣醬, 跟手diss埋佢魚蛋燒賣牛柏葉, 反正要加醬嘅野都唔想再試. 由於之前已經食左少少野, 唔想食正餐, 經過陳記買左魚肉碗仔翅, 諗住呢個唔駛加醬無事, 點知都係要出事😑呢碗野如果唔要埋魚肉根本就只係食馬蹄粉漿, 材料只有極少量木耳粉絲肉絲, 食嗰時係少到無乜存在感, 但有魚肉都唔係咩好事, 魚肉只係軟patptat無彈性嘅粉團. 雖然魚肉口感唔掂, 但又未至於令人嘔心, 一舊無味嘅野都入得口, 咱有加多啲紅醋一齊食, 成碗野就變左好似浄係食紅醋咁, 呢間野以後真係乜都唔駛再試......十八蚊碗價錢正常, 但質素太唔正常!魚肉白雪雪,  如同佢嘅味道一樣咁清白......

剛巧另一檔小食檔沒開，可是又很想吃點港式小食，於是跟朋友來這裡。這店光顧的人也不少的，剛巧遇上學生放學時間，一群群學生們都在這裡買下午茶吃。點了魚蛋燒賣加腸粉各一份，這裡以其咖喱汁最為人熟悉，因為朋友不太能吃辣，所以點了小辣嚐嚐。原來這裡的咖喱汁是偏甜的！連不能吃辣的朋友也覺得帶甜味的！相反，腸粉中加的辣油更辣。整碟熱辣辣，魚蛋彈牙，燒賣是蒸得軟軟的那種（是本人的口味），腸粉也不是乾身的那種，給的醬汁多（早前吃過鴻福堂的腸粉後，才知道這麼簡的豬腸粉都可以弄得難吃(￣Д￣)ﾉ）是一個簡單可又飽肚的下午茶。

陳記魚蛋 我細細個就聽過呢個名喇細個食已經俾佢個醬汁吸引住 每次經過都會抵受唔住誘惑去食 事隔多年佢仲做緊生意 實在感動 多年都只係加咗少少價 醬汁依然係舊有既好味道醬汁係佢既賣點 食佢都係食佢個醬唔好睇少個醬 佢唔係普通咖哩汁 係有自己溝過既醬 味道似沙嗲 厚身 可以包裹住成舊野食 唔係水水既/野食還野食 汁還汁既加上可以自己揀辣度 小小辣 小辣 同 大辣 真係好貼心今次嗌咗 魚蛋 腸仔 牛栢葉 同 水魷魚 配小小辣我本身就唔食得辣 但係陳記既小小辣絕對係唔食得辣既你都可以食 佢厚身野味既沙嗲醬 唔係齋識辣 而係辣得黎帶點甜 絕對係可以連續享受小小辣帶黎既刺激 又唔會忘懷既味道只係佢有一個缺點 食完係會成條脷黃咁咁既如果你經過陳記 我實在推薦你去食佢 個醬

每次經過都忍唔住買啲小食食，呢度種類好多燒賣魚蛋魷魚牛柏葉孫齋撈麵乜都有。佢個招牌咖喱醬都好好食，第二度都食唔番佢呢隻味，所以每次經過都好想買來食。老闆娘亦都好好人

我鍾意周圍食唔同既辣汁，所以一見呢寫住A級辣汁,又有三個辣度，見到都流曬口水，相信店主都係愛辣加細心既人。要食要食。呢度係冇錯位嘅，好似街邊嘢食咁，不過就喺有舖頭，點都衞生好多! 我賣咗佢嘅牛柏葉同埋魚蛋: 魚蛋非常彈牙，細細粒舊式魚蛋果款，好好味； 牛栢葉雖未至於脆，但好爽好爽，跟住再加埋小辣嘅辣汁，WOW 非常惹味呀! 大家可以再睇下佢用個外賣杯，係Donald duck黎，得意、靚仔， 如果帶小朋黎實好開心!

咁岩經過男朋友話呢間陳記好出名就試下啦！！佢魚蛋個醬汁好好好特別，但我味覺比較遲鈍所以形容唔到係乜嘢味，但係係好食的，我地揀左小小辣，都其實已經幾辣！！燒賣就正常，落左辣椒油都幾多下，但都唔係feel到好辣（p.s. 我已經係一個唔食辣的人）！！環境方面就幾一般睇落有d唔整潔嘅感覺！不過我見到小小事，我對上個女仔買撈面，個女仔想要d汁（應該係魚蛋d汁）但女職員唔比，話本身撈面已有本身嘅汁，但個女仔夾埋都買左40幾蚊，我個人覺得人地欣賞你d汁咪比小小囉😂😂

陳記魚蛋，開到成行成市，雖然沒法考察究竟陳記魚蛋最初開業的時候，第一間店舖是不是這兒，還是其他地方，但是這一間陳記，應是我第一次吃陳記的分店。由於之後還要吃東西，但是又很想吃其魚蛋，於是就只點了一串魚蛋及香腸。阿姐很快趣，將魚蛋放入紙杯內，然後用夾，將香腸夾爛，一併放入紙杯內。這個小小辣汁，其實也不算小辣，那如果叫正常辣度的話，可能會非常之辣、嗆。魚蛋彈牙，不算是舊式陳皮魚蛋那一種(面頭有坑文那種魚蛋)，但是也夠彈牙，而且沒有什麼魚腥味。

曾經聽過朋友介紹陳記魚蛋唔錯，今日經過諗住試下，但卻係失望收場......魚蛋唔彈牙之餘無魚蛋味，而且辣醬帶少少甜，味道很奇怪，辣醬唔香口唔惹味。唔明點解咁出名，但試過一次就夠了。

食物質素固然重要，但街頭小吃隨處可見，很多時候突圍而出就靠醬汁。這裡的秘製辣醬分小小辣、小辣及大辣 (不知道為什麼不直接分大中小辣)，幾年前曾經吃過大辣，記得那時候辣得根本嘗不出食物的味道，因此這次要了小辣。味道跟記憶大不同，入口時甜味很重，後勁上來才感覺到辣味，雖然辣味挺明顯，但在後頭才發揮出來吃着還是覺得只有甜味。我既是無辣不歡，又不太愛吃甜，不喜歡這種辣醬。溫馨提示，此辣醬上色能力極高，進食時要小心，我不小心沾在白色的手機殼上，出動藍威寶與納米海棉還是無法完全洗掉，然後因為把手機殼拆出來清洗，電話在沒保護的情況下掉地上花了，悲劇......燒賣質感偏軟，口感有欠，雖然不太喜歡，但街邊一般都是這種質素，也不能說差， 不過沾着這個不喜歡的辣醬再扣分......陳記魚蛋什麼時候不用陳皮魚蛋了？！我記得以前吃的可是陳皮魚蛋！陳皮魚蛋外表圓得有些不規則，表皮較厚，咬下去立刻感受到特別有口感，內裡顏色偏暗黑，密度高，所以韌性好，我認為是口感最好的魚蛋。現在這個魚蛋內裡雪白，不像陳皮魚蛋能感受到表皮與內裡的口感分別，雖然彈性是不錯，但是口感及上不陳皮魚蛋。牛柏葉口感爽，沒有難以咬碎的問題，達到

食魚蛋識食緊係要食辣嘅🌶，隊長Ｂ就認為最好「大辣」辣到識噴火同標眼淚，咁先夠過癮🤤🤤🤤～不過隊員Ｗ食辣能力一般，淆底下再三同魚蛋姐姐強調要「小小辣」，點知姐姐都係比左「小辣」😈，唯有認命啦呵呵🙊～----------------------大辣嘅陳記魚蛋啲汁係會變成差唔多黑色嘅👅，唔好以為同平時啲淨加辣椒油嘅魚蛋一樣，因為佢係香辣惹味同時帶少少甜味，而且小杯中會見到粒粒堅大辣椒🔥，紅通通嘅顏色真係令人忍不住興奮🙈～不過要注意陳記魚蛋有好多檔，檔檔價錢都有些微分別，黃埔呢度就$7/6粒啦，算係抵食😌～魚蛋細細彈牙力可以接受，最重要係個汁好味～ps 「小辣」其實都唔算好辣嘅😀，唔太食得辣嘅朋友都可以試下先😍～----------------------好味指數😋：8.5/10翻啅指數🙆🏻：8/10人均消費💰：10-99服務態度👨🏼‍🍳：7/10乾淨指數🌝：6/10----------------------

經過陳記魚蛋，就買咗一串燒賣魚蛋加腸仔。全部食物放哂係杯度，方便拮。魚蛋，燒賣實心。今次重點想講下個醬汁，今次揀咗小小辣，醬汁好*潔*食，食落醬汁有一粒一粒嘢，仲有濃濃嘅咖喱味，感覺到店舖係係醬汁落咗好多功夫，同埋感到好重本。但個人認為呢個醬汁實在太甜太甜，掩蓋左辣嘅味道，仲有得好少醬汁，忍唔住返去要多少少醬🙊係香港好少食到有咁潔身既醬汁，但希望下次落少啲糖，保持辣嘅惹味。