陶源酒家

营业中

休息中

陶源酒家 （合家歡食，所以遲左影相唔係太靚）位於呢個 觀塘嘅中心地帶位置佢喺呢個工廠區 東廣場嘅2樓佢嘅佔地都好大好多間房嘅如果成大班人食晚餐book房呀嘅朋友岩嚟呢度食咁今次呢我哋就食呢個圍飯啦就做冬嘅菜單咁佢啲菜式份量都大呀都夠食好飽呀 但係就唔係太出色囉啲嘢食中規中矩啦 好多個餸嘅佢如果稍為出色少少就係個豆苗啦同埋炸子雞咁其他嗰啲菜式例如 鮑魚 嗰個菜式呢就比較差呀嗰啲鮑魚好鬼硬又冇味 佢個龍蝦炆伊麵都唔錯幾好食嘅 個乳豬就麻麻啦唔係好夠味 但性價比都高㗎推薦大家嚟呢度食

蟹季就快完，梗係要食round 2 😋 ✔️ 陶園酒家大閘蟹放題食後報告一下大家先大閘蟹嘅肉質鮮嫩，蟹膏豐滿蟹膏最為肥美，口感滑嫩，帶有淡淡的海水味，搭配醬油、醋等調味品 👍🏻而且有三款口味，清蒸、鹽焗、大雕 ，三款都別具風味食完大閘蟹整碗”姜番薯糖水⋯⋯ 暖笠笠 🤭2小時大閘蟹、片皮鴨、黑毛豬叉燒都係任食 （ 片皮鴨燒完立刻切，肉質軟熟多汁 ） 🪿📌特盛三式（每位）：1️⃣鮑汁扣原隻鮑魚伴椎茸( 鮑魚冬菇都炆得好腍 ）💯2️⃣金湯小米燴遼參 ( 遼參好腍，好清甜，粒粒口感幾特別 )3️⃣蟹粉扒豆苗  （ 好新鮮嘅菜苗爽口，蟹粉扒濃郁 ）📌任飲汽水啤酒📌自助區有各款甜品，小菜及前菜📌暖笠笠糯米飯 🦾大閘蟹富含蛋白質、維生素和礦物質對於增強免疫力和促進身體健康有一定的好處。✔️ 全香港好多分店咖

大閘蟹🦀有得揀清蒸/鹽焗/太雕蒸個人覺得太雕蒸比較入味，另外2款中規中距🦆片皮鴨都好正😋油香好惹味🍑壽包反而好驚喜，成隻手咁大😦而且係足料，有大半粒蛋黃喺入面😳😳放題套餐仲送鮑魚食，都好好味😋另外場內仲有自助吧，有涼拌小食+糯米飯+椒鹽雞翼+糖水任食👍👍職員都好好服務，好NICE🥰🥰

上年已經食過陶源的大閘蟹放題@尖東一次。其實上年食已冇乜驚喜。不過又坦白講，已經叫做好食過鴻星或東海。畢竟咁ge 價錢, 鴻星或東海都唔係任食, 但加多少少錢，喺陶源就可以任食了！所以今年繼續幫襯！片皮鴨唔同尖東嗰間咁, 去到坐低, 侍應已端上黎比你。唔駛好似尖東嗰間咁，要出去"搶"。鮑魚呢/小籠包呢 d 都係侍應送上黎，普普通通。出去"任食區"拎左雞翼同糯米飯，味道係好ge！但全部都係凍ge!用"點心紙"點左叉燒, 叉燒係全晚的世一, 又熱又juicy! 但每人限叫兩件！又講返大閘蟹先！蟹乸.... 全部都爆羔ge! 值得一食！但蟹公呢....就....黎到係一半一半死, 羔亦唔漿口  (侍應話其實冇得揀要公定乸, 但佢地勁好人幫我地揀)明白到遇到死蟹唔出奇, 但個人覺得....係可以避免ge!拎去蒸前"驗一驗"貨, 其實已可以避免。另外，明明蟹公的白羔已漿口 (我早兩日先食完黎) 點解呢度冇....至於服務，我要比100分ge!! 全部侍應都好好！特別係兩位男經理！(我估係經理吧)及 姓黃嗰位男1shop keeper!! 真係超好服務及態度！我講到明會開post 讚美佢！如果唔係

大閘蟹季節到，致在嘅都係蟹任食以及時間性，其他附屬品啱食當bonus，相反影響唔會太大。。我第一年嚟，未食完已經知無下次，咁嘅上菜速度 😒。出面就包場，開間細房做晚市。一黎就上咗兩碗黃色嘅羹？：無咩印象 😂、片皮鴨：鴨皮唔脆，餅皮唔熱、叉燒：肥美爽口，但不是任食、菇加鮑魚：上碟勁hea。大概 7：45 開枱，等到 8：30 先上第一輪蟹，仲要係唔熱，等咁耐係做咩呢 🤷‍♂️。一直等，咪搵啲周邊嘢食囉，俾幾百蚊出黎食糕，有馬拉糕（唔熱）但鬆軟、紅棗糕、芒果布甸（無跟花奶）真係慳皮，無花奶跟係職員細細聲同唔知邊枱客講 😅上片皮鴨醬時候職員太快動作整到一枱都係，到上菜嘅時候一嘢蓋過就算，求其程度爆分，後來我攞啲餅皮紙遮下佢無咁邋遢 😛第二輪蟹終於嚟嘞，係熱架，感到恩惠 😒。。一共嚟咗十六隻蟹。任食節奏唔會係咁囉，食得唔過癮。都無趕你走嘅，咪當補返之前等嘅時間。。套餐仲有蟹粉菜苗、蟹粉鍋巴、蟹粉小籠包，可有可無，不見出色 😛其實淨係做大閘蟹任食，提供薑茶就夠。。周邊又花時間又花功夫，碗都洗多幾隻。出色不妨攞出黎，相反，質飽大家就算 😒

“谷生”搜查大閘蟹，彈咗呢度嘅廣告，此終桃源攪，點都可以吧，即刻網上預訂。 嚟到正日，梗係留定肚（搏命），埋位，未拆蟹前，佢哋已經俾咗好多前菜，片皮鴨，又鮑魚冬菇，又蟹粉米通，又南蟹粉瓜小米粥，蟹粉小籠包，我頂，你哋聽都飽啦大佬，主菜都未到，仲有一拃甜點，炸物引你無用架，多多前菜都唔會令我放棄你哋～大閘蟹。真係無乜好講，細隻，二啖攪掂，啲手手腳腳唔係我唔想食，係細到我落唔到手，我哋二個大大話話食咗廿幾隻成筒殼，你哋見到有啲未食，係，因為開出嚟係黑色，仲有異味，我見到另一個post啲嘢碟碟放得好靚，假到呢⋯⋯邊有擺得咁靚碟架，啲嘢自己出去攞架，你會唔會自己出去攞擺到酒店咁？除非你有病🤣！如果以價而論係收貨，你哋會問，啲蟹又細又無乜糕，有黑有異味都收貨？咁你諗吓，樹大有枯枝咪得，佢哋成批蒸點知邊隻死唔死！五佰蚊位，食佢二個鐘，一人十幾隻，仲有其他嘢任你叫，又有糖水。真係無乜要求，再講佢哋姐姐啲服務真係好好，好似我哋食咗頭二輪，同佢哋反映太熟，之後果啲就啱啱好～讚！回頭度～6/10

第二年黎呢到食大閘蟹放題啦，大閘蟹放題黎講都係睇啲蟹夠唔夠膏、啲蟹黎得夠唔夠快架姐～呢到合格！蟹每轉叫都5分鐘內上齊！真係唔話得！啲職員仲驚你唔夠食咁😂得閒又埋黎問你洗唔洗再加，真係落單都慳番！出口就有得食！隻隻都有膏，有時就爆膏添，掛住食都冇點影相😂套餐送嘅野食就中規中矩，冇話特別好食，叫ok，食蟹嘅空隙攞黎間一間，又再食過蟹🤭仲有片皮鴨任食，質素中上啦～冇話比單點差咁，但冇特別出色。出面仲有點心糖水薑茶個啲任攞，都有食下，楊枝甘露出色！點心口痕都有食下。整體真係冇咩好挑剔，都係衝大閘蟹而來，值得一提嘅係啲職員真係親切好服務到出奇😂就為左啲遮遮同經理，下年如果再想食大閘蟹放題，都會再幫襯陶源！

環境衛生整潔乾淨，而且好有粵菜的氣氛，而且座位都好寬敞，服務非常到位，而且好有禮貌，交通好方便，附近就已經有地鐵站。食物好有水準，傳統嘅中式點心，特別係蘿蔔絲酥，同腸粉，仲有帶子餃等等都係我嘅推薦，叉燒包分為三個，又唔會太多，又唔會太大，我覺得幾合適。滷水牛腱，我特別欣賞，牛腱唔會太硬，易咬，而且滷水汁甚悶吃牛腱度，非常好味。再配上一個四季豆，做得非常之有創意同特色，我推薦，分店多，而且大集團式經營，有一定嘅水準同安心。

睇新聞見到原來又係食大閘蟹嘅季節，即係又係約埋親朋好友一齊去大閘蟹放題嘅時候啦！我哋揀咗去陶源酒家，未計茶介同加一只係$528/位，價錢相宜，而且之前食過都覺得唔錯，佢哋又做咗大閘蟹放題咁多年，對陶源絕對有信心👍🏻去到都已經見到唔少人坐低密密食蟹，陶源大閘蟹有三款，分別係清蒸、鹽焗同埋太雕蒸。大閘蟹嘅size都正常，好多膏，飽肉，其中清蒸同太雕蒸好啱鍾意清清地食到蟹嘅清甜同丸汁原味嘅人士，而鹽焗就好香，同蟹膏嘅味道非常配合。啲蟹每次拎出嚟都熱辣辣，真係任點冇漏單，值得一讚。除咗大閘蟹，陶源仲有提供北京片皮鴨，仲要都係任食，片皮鴨嘅味道都非常正，出面食片皮鴨都好貴，大閘蟹同片皮鴨都可以任食真係超級抵。另外佢仲有每人一份鮑魚冬菇、金湯小米燴遼參，同埋蟹粉扒豆苗，仲有蟹粉小籠包，西班牙黑毛豬叉燒，樣樣都唔講得笑，真材實料，鮑魚嘅size都唔細，金湯裏面嘅遼參份量非常多，蟹粉扒豆苗勁新鮮好食，真係食得好滿足！除咗上面嘅食物，酒樓仲提供好多自取嘅小菜、主食和甜品，款式都唔少㗎，真係名正言順嘅放題。小菜有冷盤熱葷，種類好多，好多都係香香辣辣嘅小食，令人非常開胃。主菜以點心為主，真係唔驚食唔飽。甜品

食都唔駛食、打去book檯都俾人鬧到一面屁多人飲茶諗住觀塘區附近搵一間打去淨係講：18人、12:45、有冇位咨客叫我講重點、一輪嘴鬧個客咁都唔夠重點？咁俾佢鬧完、飽曬多謝

星期六黎觀塘飲茶場好大 但係只係一半入席率野食正正常常腸粉皮有D厚炸魷魚鬚有d overcooked，但食落去都算香其他點心正正常常例如雞腳、排骨嗰d中規中矩 但未必再有下次

*- —- —- —- —- —- —- —- —- —- -*今年比較忙，所以遲咗食大閘蟹唔知係遲咗定係食物質素，今轉任食覺得一般2個鐘，無停手，密密食😆有薑汁糖水拎，但每枱有薑茶嘅話更好🥢 大閘蟹 - 清蒸同油鹽焗都唔錯，因為細隻，所以只係食膏，還好😋；送嘅花雕熟醉蟹一般🥢 北京片皮鴨 - 唔錯，可以唔洗包薄餅皮食😋🥢 鮑汁扣原隻鮑魚伴百靈菇 - 唔錯😋🥢 蟹粉小籠包 - 一般🥢 金湯小米燴遼參 - 一般🥢 蟹粉扒豆苗 - 一般🥢 秘製妙齡乳鴿 - 正常🥢 其他小食可放棄😃📍陶源酒家Shop 201-204, 2/F., E-Plaza, Kwun Tong, Hong Kong📍分店：尖沙咀 東海商業中心 / 旺角 德福酒店地舖 / 九龍灣 企業廣場 / 灣仔 大同大廈 / 荃灣 嘉達環球中心懶人補post 2023.11.08

又到一年一度食大閘蟹嘅季節，晨早就搵定幾間食店，今次見呢間順路就試咗呢間先。首先都係一人一碟鮑魚西蘭花、蟹粉扒豆苗同埋金湯小米遼參。 鮑魚算易入口冇un胃，豆苗幾靚，個湯就普通但勝在有d遼參咁。 另外仲送咗隻花雕熟醉蟹，係就係多膏但凍咗認真麻麻。等緊大閘蟹嚟嘅時間就食住片皮鴨先，味道還好，但係勝在俾得多。 其實都有其他小菜小食，但都係留肚食蟹好。大閘蟹終於出場，有幾款口味💠油鹽焗：幾香，聞落似牛油味。💠太雕蒸： 同清蒸冇咩分別🤣因為食唔到咩味💠清蒸 入座前問過d蟹係3兩幾，原本都冇乜期望，點知全部都係雌蟹之餘仲多膏‼️ 總共叫咗3x隻，當中有兩隻係壞，算係咁。另外加咗$78要咗支250ml太雕酒，飲落都幾甜。甜品方面試咗紅棗糕唔錯，紅棗味重唔算好甜。 但薑茶地瓜就甜到要溝茶/水。呂宋香芒布甸係兒時食嗰種味道，加上花奶好正。

今日就近去了官塘淘源飲茶，食物基本保持水準。但有幾點今天感覺有點差勁。 首先環境有小飛蟲及蒼蠅，剛坐下就有隻蒼蠅好似直升機咁向我衝來，嚇到我差點尖叫，之后吃東西時不時需扇一扇小昆蟲，也不知從那裏耒的。長期制水：看到的員工不多，都很忙，也很累的樣子，所以只能自己到水，但服務台的水也是缺的，真的有點無奈。我們13:45分入坐，第一次手机點了的是午市價，14:10見下茶時段有點吸引，所以又加了黃金糕、及小丸子，回家后卻發現帳單有問題，多了两項點心手寫單，也就打了電話咨询，說是以入坐時間的價格收費（我也沒再質疑），但看回收費還是很不清楚，午市是沒尾數，下茶是.8尾的，最后收的是什么？收費：午茶時間11:30～14:00（以電腦入單計）下茶時間14:00～17:00（以電腦入單計）曾經有段時間，尖東分店也老收錯錢，所以已同朋友説不要去了。這次雖然數目不大，但这不明確的收費模式是需要改進的～

我們一家在觀塘陶源酒家晚飯，本是高高興興慶祝生日，卻給酒家的員工弄致不歡而散。先是點菜時候，我們出示報紙優惠券欲想使用，卻給員工命令要我們自己撕開優惠券才可以，其員工亦沒有耐性等待我們點菜，四處張望不理會我們。更離譜的是，在點餐的時候，員工表示兒童也要收取茶茶錢，但在收銀的時候，他們卻不計算兒童的茶錢，試圖不給我們優惠，要我們正價購買乳豬半隻。另外，那位短髮戴眼鏡的員工，更不小心落錯單，在大庭廣眾說是我們要加點一碟菜式，將責任推給我們。這次食飯的經歷真的是令我們失望透，從未見過這樣子的服務！