陸號

营业中

休息中

今日lunch時段去，人未滿，見到餐廳內有兩部大吹風機，本以為因為天氣熱，在有冷氣的基礎下再加設備咁好，殊不知原來是冷氣壞了，換咗兩次位考慮了5分鐘最終決定光顧，因為每個月都會最少去兩次或以上。首先點餐時已經發覺樓面服務員比平時少，但都唔駛等太耐就order完，上菜亦唔算等太耐，但因實在太熱，所以食咗半個鐘左右就埋單走。問題嚟喇，埋單時因為冇底單，所以就到收銀台講台號，然後我用電子八達通比錢，個app 顯示扣咗數，但餐廳收銀話收唔到錢喎，因為收到錢會有單出，然後黄姓經理介入，要求我比多次錢，我話個app就顯示扣左，時間幾錢都有顯示，我話係因為你餐廳個八達通收費糸統我先會扣左錢，唔會冇原冇故扣左數，黃姓經理就要求我自行致電八達通公司處理，我當然堅持應由餐廳去處理，當時我已經建議不如留底聯絡方式，事後處理，比我離開先。但此時黃姓經理就話打電話去搞，結果我望到佢只係行開咗冇打過任何電話，攪咗大約十幾廿十分鐘行過嚟，話唔緊要啦，張單當佢自己私人幫我埋呢張單先，又話有少少記得係熟客，攞咗我電話號碼後，我就走了。跟住大约下午四點左右我回想起會唔會因為我冇底單而當時收銀忙，又急住收我錢所以扣咗數但餐

見甘多差評，於是決定自己試伏，嗌左個韭黃蝦仁炒蛋配白飯例湯，都係一樣感受-無下次。侍應又叫人慢慢睇，轉頭就問。例湯好鹹，主菜都炒到好鹹，究竟落左幾多鹽！食完蛋反而覺得個湯無甘鹹。可能係水質問題，白飯有陣味。蝦本身應該新鮮同幾多隻，可惜佢個炒蛋但真係鹹！份量係夠大，但論性價比，食返大家樂會有質保證。

我未試過去一間餐廳係冇紙巾呢樣嘢冇紙巾提供都算咁我就話買一包 ，啲店員話連紙巾都冇得買咁我suppose你冇紙巾提供㗎嘛最後結果我係成手糖漿同油返屋企個廁所真係好差

因上一枱客人離開，仍未收拾抹枱。等了一陣，便叫黑鏡框黃柄四眼叔抹枱，他很不樂意地在小朋友面前發脾氣掉毛巾，求其抹，污漬仍在😡😡😡 要客人受氣，永不幫襯。。。 街坊真的無講錯，服務態度非常惡劣。 吾想做就吾好做…..😡😡😡😡😡😡😡

新年放假，行去附近樂富試吓都算新開嘅茶餐廳，開咗都未嚟過，裝修都企理，望落感覺吾錯。坐低點咗午餐肉醬意粉同熱央。個意粉一般正常水準，吾係特別好食，只係吾難食。重點係個熱央吾掂，無茶味，又無啡味😭 跟餐，佢又送一個中湯，呢個湯OK。有樣野好得意，因為同人撘枱，侍應入埋同一張單，我哋示意分返開，之後佢話分吾到。。。都吾緊要，但要我哋兩位比現金，我都唔明點解分唔到單。不過呢啲係小事，我只係覺得少少奇怪啫 。啲嘢食嫲嫲先係最緊要😭

男侍應盤問式落Lunch單親切？以為去咗澳牛茶記，審問食咩好難有得讚，大大聲提你星期幾怕你落錯單，問完又問親切似玩野，如果佢是老細，大家有福嘆吓佢，祝佢早日康復！有了佢生意望有轉機！

要飯同湯要另加9蚊，飯餸飲品到晒都未見湯，問佢先講湯賣晒，咁點算？佢話齋加飯要十蚊，宜家只收9蚊所以湯本來係送既..... 呢d咩道理？當我低能？冇下次啦😡😡

有一排冇去樂富廣場，呢日去發現多咗一間新餐廳「陸號」，一於入去試一試雖然只係假日嘅11點幾，但成間餐廳全院滿座，座位基本上冇空置嘅時間Zaza叫咗今日午餐嘅其中一款「咖喱牛腩飯」，咖喱辣得好過癮，但有少少甜味，非常惹味；牛腩炆得好腍，而且好多件；薯仔浸唔算炆得腍，但好入味；大大個飯上面，仲加咗隻勁吸睛堅大帶荷包蛋，雞蛋嘅有蛋香另外，雖然侍應忙到甩轆，但係服務態度都唔錯呢次嘅食飯體驗幾好，下次會再嚟幫襯

好癲呀！嗌個餐肉炒蛋丹麥酥，餐牌嘅相係夾住影得好靚， 嚟到，點知係分開一件件🙃個經理好人哋俾我轉餐，點知，食完一碟飯，都未上到；鰻魚蛋包飯一般，但啲蛋包唔到個飯，珍珠米更好，凍檸茶得番紅茶加糖漿，冇咗檸檬😭😭熱奶茶斟到瀉埋成個碟，叫佢換個碟，只係倒走啲奶茶，仲有啲奶茶漬⋯⋯

人手極不足，野食唔熱嘅，味道麻麻梅菜扣肉得勁少梅菜，4片仔肉，仲要瘦肉嚟，街市仲好食$75仲要唔包飯同野飲份量極少，男仔食一定食唔飽。鐵煲仔完全裝飾嚟，煮完先放上去。伏伏伏………………………………………………………………………………

平時見多人排隊，又滿座，今日見唔太多人係入面食就入去食啦點左兩個餐，第一個叫咗洋蔥汁雞扒拼鰻魚意粉，見幅圖唔錯就試試，嚟到個意粉係白烚嘅，咁既話已經違反商品說明條例，鰻魚肉太散兼太少鰻魚汁另一個餐叫左小菜，鮮茄炒蛋斑腩飯，呢個仲犀利，等左三十分鐘都仲未有，首先全場唔係爆滿，一個菜等三十分鐘？等緊隻雞生蛋？等緊條魚上釣？定等緊農夫摘蕃茄？如果廚房員工只係識整快餐嘅，就唔好擺其他餐牌咁既工作效率，難怪今日無咩人食我仲以為去緊高級西餐廳食飯，等一個餸等30分鐘

今晚突到訪樂富這新店，終見識到一杯極難飲的凍o茶，色澤似朱古力，又無檸檬味，杯飲品又苦又澀又無甜味，好難頂！大熱天時，我衹叫一杯飲品亦如此差勁，真不敢相信這店能繼續捱下去，若不能有改善，前景不太樂觀了。

路過隨便見茶記就入去食，全部卡位設計，坐得舒服。下午茶份炒星洲炒米都幾大份，又多料，真係估唔到幾好食😋凍檸茶好有茶味茶香，宜家好少有個茶做得咁好嘅茶記😋有機會路過會再幫襯👍🏻👍🏻

早上與家人第一次前往食早餐。雖然不算好食，但份量足夠，夠飽，而且坐位舒適，因此心想有機會都會再去食。但是之後我見到一幕，我就決定永不回頭。餐廳有提供飲用水，食客可以自取飲用，旁邊也放置一個膠盒，可以俾食客將洗杯的水倒入去。剛巧我坐在放水杯及水壺附近的地方，看見有職員將放污水的膠盒內的水倒入俾人飲用的水壺內，然後收走水壺。之後再將個裝滿水的水壺拎來，俾食客繼續飲用。對不起，我接受不了飲用曾裝污水的水壺倒出來的水。在前堂也是如此，就不會有下次了。

其實睇嗰間餐廳廚房得唔得？你試吓星洲米就知道。呢間喺樂富開咗唔係好耐，之前只係得隔籬嗰間茶餐廳，新開就梗係試吓啦。一直我哋只係食佢嘅早餐，都係正正常常；基本上如果你要飲水或者洗餐具都係自己去吧枱度斟杯水搞掂。今日晏咗起身，我就自己去食午餐，叫咗個星洲炒米，凍奶茶少甜多奶。自己去斟杯水諗住洗筷子啦。斟咗杯水埋位就發覺唔對路啦，個杯裏便仲有黏住啲橙色嘅油；水面就浮咗好多油花！心諗之前都唔係咁污糟個喎，於是乎過咗一陣我就叫咗個侍應嚟望一望杯水。咁佢都即刻收走咗杯水，亦都冇補返一杯俾我。（其實都唔緊要嘅洗筷子啫。）跟住大概過咗15分鐘左右嗰碟星洲米就出咗嚟。用幼嘅米粉去炒，面頭係米粉底下先至係配料。賣相只不過係中規中矩（見圖），但係味道就好鬼鹹！結果因為實在太鹹我係冇食晒。。。星洲炒米加杯凍奶茶要$66 諗住星期六悠悠閑閑食個lunch冇諗過係咁樣，$66值唔值得真係見仁見智啦。中途見有唔少人催單，亦都唔見佢有多客人等位嘅情況；咁嘅環境唔知道佢又可以撐得幾耐。