隆亨串

营业中

休息中

剛巧約了朋友到大圍食飯，火車站那一邊已經去過好多次，今次去咗隆亨邨呢頭，雖然無火車站果頭咁方便，不過呢邊由火車站行過嚟都係10分鐘左右，不過價格就平一大節，平均$150一個人已經食飽飽。每一道燒烤都讓我印象深刻，絕對值得再次光顧！

夜晚七點幾周圍行諗住試下新野，去到隆亨邨，見到一排食肆，見到呢間得一枱人，隔離兩間都要等位，抱住一個試伏嘅心態入咗場，但發現完全係喜出望外！首先鋪得4張枱（裏面仲有一張，但唔知係咪開放），我同女朋友入場嘅時候計埋我地徥兩枱客，用QR Code點餐，出面串燒一般等好耐，我地一次過點咗唔少，但點完餐之後上菜速度好快，結果食到咁上下有啲串燒凍咗，所以如果大家去食，邊食邊落單會好啲。講食物，茄子燒係誠心推介，燒到離咗皮但又無燶到，十分好食！串燒組合係抵食啱好味嘅，$72/4串，雞豬牛羊各1串，唔知係咪我錯覺，每串嘅最外邊果舊都有啲瑕疵有啲硬或者「孩」，而入面嘅全部都外脆內嫩，有質素，羊肉有少少羶味，我自己就接受到，但如果食唔到羶味嘅話散叫其他會好啲。燒韭菜、秋葵係食得出水準，另外肥牛金菇卷都係燒得啱啱好，肥牛肉汁保留到之餘金菇都夠味！今次掛住食影相唔多，下次再去食兼影多幾張！

食物好新鮮，味道都好好味，環境都好乾淨，龍蝦刺身好鮮味，重點推介：肥鱔串燒，錫紙花甲粉，龍蝦煲，員工態度都好有禮貌，唯一唔好就係洗手間在外面，可以book獨立房間，一班人黎食嘅都冇問題

最近一直下雨，就好想食串燒。放工回家時就忍不住買了。我叫了串燒組合（雞羊豬牛）、生蠔、雞翼和燒香草羊架。我以為串燒組合會用同一種醃料醃不同的肉類，一吃就發現有差別的，這不得不讚，有誠意！而串燒組合的羊肉是內蒙古羊，個人覺得比燒香草羊架騷些。總得來說，這些燒物燒得有光澤，嫩滑多汁，好吃！值得一提，以往我也曾光顧過2次，味道一般，想不到今天讓人眼前一亮，進步很大

夜上突然想食串燒，又唔想落街。上網叫了這間店，味道還可以，相較於一般串燒店比較淡口。性價比算正常，可以一試。整體黎講不會燒得太乾，食多幾串都唔會覺得咸，適合一些注重健康的人食用，幾好。燒茄子一流

呢個價錢算係ok，最好食係個鵪鶉蛋同埋花甲粉，佢做緊優惠有個串燒set ，68蚊有牛羊豬雞各一串，兩大一細埋單蝕咗三百九十二蚊，喺大圍嚟講算係一個唔錯嘅地方去食嘢坐出面可以帶埋狗狗，老闆同埋員工都有善

疫情之下有好多鋪頭已經好早關了門甚至沒有開門😮‍💨但係我和男朋友突然好想食宵夜🤔就去大圍隆亨串買串燒，好彩去到還未關門我地就買了少少串燒😋有（燒菠蘿，粟米，花甲粉絲，茄子，雞軟骨，多春魚，雞扒，鯖魚，蒜蓉金茹）。疫情關係沒有堂食唯有要外賣自取反屋企食，外賣自取還有小小優惠🥳今次是第二次食，水準keep住都係咁好食🤤我自己必點燒菠蘿，花甲粉絲，茄子，粟米🌽，燒菠蘿又甜又多汁，粟米都幾甜，花甲粉絲少辣味道岩岩好，正👍🏻其他都好好食😋

今日入大圍，朋友介紹佢樓下有間串燒店質素唔差，決定一試。舖頭唔大，坐位舒服，坐低睇吓餐牌都幾多嘢食，索性樣樣都叫啲來試。先來嗰燒魷魚筒$68一上枱即刻聞到好濃郁海鮮味，賣相好靚，一啖落口好鮮甜，熟度啱啱好，食不停口。二隻燒蠔$60蒜香味好濃，但冇蓋過蠔本身嘅鮮味，亦唔會太乾，燒得不俗。燒秋刀魚$30秋刀魚燒到金黃色，食落有少少焦香味，同時味道亦都唔腥，滴上檸檬汁，更加清新解油膩。串燒組合$68（豬、羊，牛、雞各1串）面頭全部都灑上舖頭自己調配的醬汁去燒，再配上沙茶醬，食落去好惹味。西京燒雞扒$30雞扒外皮燒得好香脆，食到濃郁嘅西京燒汁味，肉質嫩滑，juicy，強烈推薦大家可以一試。錫紙牛油焗雜菇$35打開即刻聞到好濃郁嘅蒜香牛油味，份量唔少，菇菌爽口鮮甜。

其實我真係好鍾意食串燒 鍾意幾多叫幾多 唔使驚太飽 又可以試到好多唔同款式呢一間每樣食物 我覺得都幾好味係由幾個後生仔打理一間好有心嘅舖頭上碟用一隻好有份量嘅盤 感覺非常好♥︎鹽燒雞翼 $18 店主推介招牌 真係好出色佢切隻雞翼嘅方式 令到調味可以佈滿全隻雞翼♥︎燒牛舌 $18 -燒得好味♥︎錫紙花甲粉 $30 -用上粉絲配上好香嘅花甲辣湯 回味無窮♥︎爆蒜生蠔 $30 -新鮮好食 值得叫 好香添 又好靚♥︎秘汁燒白鱔 $40 -彈牙好味 ♥︎燒五花肉 $18 -都幾大塊♥︎燒香草羊架 $38 -追加多兩隻 細細件冇蘇味♥︎燒蒙古羊肉 $22 -都有追加 好香噴噴

今晚無咩特別想食，就試下呢檔新開串燒，店燒烤味唔大，食完個身都無咩味，非常好！ 希望keep 到。味道唔錯，唔係喪落味粉但都好食。店唔算大，我早黎都有位座，夜啲應該多人食野吹水。 價錢還好，只係覺得韭菜over $30 一串，呢個有少少貴，其他都合理。野食唔算等得耐另外一提，佢個超辣雞翼真係好辣😆下次叫外賣番屋企食都開心

歡迎追蹤ʕ •́؈•̀ ₎關注放咗工同細佬大圍搵好西食😋!!去到隆亨邨呢間「隆亨串」，地細小小，食物高水準！食材新鮮！燒烤火候啱啱好！細心燒出嚟嘅串燒係食得出嚟架😁🥢川燒茄子 🥢爆蒜生蠔蒜香味十足，非常Yummy🥢牛肉串牛肉大大件，咬落厚肉質而不靭，唔會太熟燒到岩岩好🍢🥢雞肉串雞肉串肉質好鮮嫩🍢食得出食材都好新鮮🥢鹽燒虎蝦平時出面食到啲椒鹽真係好馬虎，呢個椒鹽虎蝦真係好正😆🥢燒五花肉🥢燒香草羊架五花肉唔會太肥，羊架唔騷，亦燒得好Juice～🥢燒台灣腸🥢燒廚司腸燒腸仔都係我細佬的愛😂🥢燒韭菜串燒必點嘅菜式😆雖然佢俾咗個醬汁我哋，不過啲嘢食好新鮮，亦燒得好好味👍🏻我哋完全無視咗個汁◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝😋味道：8.5/10🍽環境：7.5/10🎖推薦：8.5/10💰抵食：8/10🍄總括：💖💖💖💖🤍◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝◡̈⃝

食物好新鮮，燒得有水準，侍應好服務，一定會回頭！😊本身住附近，見到有好多新嘢開咗，即管試下，仲要有串燒，唔諗就去馬！燒茄子同翠玉瓜係好食，特別係翠玉瓜，勁juicy ☺️要推介嘅係雞類嘅食物，我叫咗三樣雞，三樣都燒得好好食，再加上我本身係雞亦控，自不然要再encore 😄如果食得🌶️我就幾推介變態雞亦，但切記，係要食得辣🥶無試太多嘢，但對於食肉獸嚟講，呢間嘢的確可以滿足口福之慾👍🏻

其實之前已經食過好幾次隆亨串，因為佢維持到水平所以都有再幫襯。今次外賣自取點咗串燒組合（豬、牛、雞、羊）、牛舌、雞皮、雞腎、雞軟骨，花甲粉。點餐好方便，可以提早20分鐘用電話落單再去比錢拎外賣即可，佢仲會打比你通知你可以拎外賣，唔會曬時間。老闆同員工都十分親切，服務態度良好。外賣仲會幫你分湯上，好細心。跟餐亦會有沙嗲醬同辣粉，要留意辣粉比較辣，怕辣嘅人要小心！食物方便，串燒組合裡面羊肉串最好食，豬肉串好有彈口亦好夠味、雞肉串有少少乾、牛肉串都唔錯。但整體嚟講呢個組合都幾抵食。另外單點方面， 雞腎就有少少韌同乾身，個人唔推薦。雞皮就唔錯，脆口亦有好多塊。雞軟骨就十分爽口好好食，推薦！牛舌今次就偏乾同韌，但之前叫嘅幾次都好好食。最後就係我個人最愛嘅花甲粉，雖然佢份量比較少但湯底好好飲，一碗入面都有6、7隻花甲，算比足料。總體黎講覺得佢味道同價錢成正比，服務態度良好，會再幫襯。但佢唔係所有嘢都好食，例如之前叫過錫紙焗什菇味道就好一般，所以唔想中伏可以跟我落單👍🏻

大圍地鐵站附近，最近新開左間串燒店，啲串燒都幾高質👍🏻我哋兩個人叫咗10幾款串燒，樣樣都幾好食無伏👍🏻🍆川燒茄子 🌟必試新鮮的蒜蓉配上秘製豉油鋪滿住成個茄子，十分吸引。茄子多汁，唔會太乾太硬，連皮都可以食埋，好食！🐓西京雞扒 🌟必試用日式燒法幾有驚喜，酒同味醂調好的西京汁甜甜地，完美帶出左肉的鮮味。再加少少蛋黃醬，都幾好食👍🏻🍗肉類食材食得出係新鮮嘅，燒肉嫩口多汁，惹味得來唔會落太多調味粉，食得出食材嘅原味😋🍡丸類比預想中好食，丸類通常都好易燒到有啲乾，但呢間咬落仲有汁，花枝丸同貢丸特別好食👍🏻另外會有個秘製沙嗲醬可以點肉，都幾惹味👍🏻小店店面就較細啦，迫少少，但係勝在有卡位，坐得都算ok👌🏻食物性價比高，食材新鮮，都值再返黎幫襯👍🏻

燒羊架非常幼嫩，也沒有多餘的羊脂。沒有強烈的羶味，就連害怕羊羶的朋友也能吃掉那只羊架。吃過的羊架之中，那個質量相當之高！燒鮮冬菇是種很美味的食物，每次到韓燒店，自己也會自行燒冬菇，當然還是師傅燒得比較好，至少沒有油吧！其實，師傅把冬菇燒得蠻香口的。燒海鮮是那裡的主打菜，廚子每天也親自到街市揀選海鮮，新鮮程度可想而知，所以當看見菜牌上寫著市價的，都是好東西。吃燒烤，其中一樣要品嚐就是烤物上的調味，沒有多年的燒烤經驗，也難以把味道調製得恰到好處，因為燒物若果稍為過鹹或過淡，便不好吃。整體來說，乾杯串燒的廚子在調味方面，控制得相當不錯，甚至用鹽方面也十分講究，用的都是日本伯方天然海鹽，是種淡味的鹽，用來做串燒能使味道更平均，而價格比超市買到的鹽貴上數倍。另一樣令人害怕進入串燒屋的原因，肯定是煙薰的問題，很多時，吃完燒烤後，身上總是帶著一股燒烤味離開，實在令人有點難受。不過，今回從乾杯串燒走出來，身上並沒有濃郁的燒烤味，多走幾步，氣味已完全散開了。環境方面，也很舒適寧靜，所以在環境和抽風方面，令人相當滿意。