隆亨串

营业中

休息中

其实之前已经食过好几次隆亨串，因为佢维持到水平所以都有再帮衬。今次外卖自取点咗串烧组合（猪、牛、鸡、羊）、牛舌、鸡皮、鸡肾、鸡软骨，花甲粉。点餐好方便，可以提早20分钟用电话落单再去比钱拎外卖即可，佢仲会打比你通知你可以拎外卖，唔会晒时间。老板同员工都十分亲切，服务态度良好。外卖仲会帮你分汤上，好细心。跟餐亦会有沙嗲酱同辣粉，要留意辣粉比较辣，怕辣嘅人要小心！食物方便，串烧组合里面羊肉串最好食，猪肉串好有弹口亦好够味、鸡肉串有少少干、牛肉串都唔错。但整体嚟讲呢个组合都几抵食。另外单点方面， 鸡肾就有少少韧同干身，个人唔推荐。鸡皮就唔错，脆口亦有好多块。鸡软骨就十分爽口好好食，推荐！牛舌今次就偏干同韧，但之前叫嘅几次都好好食。最后就系我个人最爱嘅花甲粉，虽然佢份量比较少但汤底好好饮，一碗入面都有6、7只花甲，算比足料。总体黎讲觉得佢味道同价钱成正比，服务态度良好，会再帮衬。但佢唔系所有嘢都好食，例如之前叫过锡纸焗什菇味道就好一般，所以唔想中伏可以跟我落单👍🏻