隆姐泰國美食館

营业中

休息中

九龍城泰菜集中地，競爭十分激烈，能夠屹立十幾年，做到有幾間分店，實力無容置疑，講緊就係隆姐！👏🏻雖然唔係每次去九龍城食泰菜就去隆姐，但總會有時突然想去！ 隆姐食既非華麗菜式，主打平靚正快，夠平民地道！💰推介必食串燒👍🏽👍🏽我食左辣肉碎炒河，覺得唔錯，不規則肥河加粉，煱氣夠無炒到一pat pat ! 朋友食左鴨肉湯米，泰式湯底夠地道，有七八成，不過鴨肉有D鞋口，再食會選擇其他肉類配。 最後仲送甜品-涼粉一碗😂泰式奶茶就一般般，下次再叫生蝦🦐

嗰日個肚餓餓哋，經過九龍城。想食餐好啦，我想講呢間食評幾好就去試吓。入去招牌我就鍾意食凍蝦，就叫左一份。煮食我叫咗青咖喱，再嗌多杯青檸梳打。凍蝦嚟到，好認真係酒吧水平。可能長期浸冰水沒什麼蝦味。唔緊要啦我嘴刁姐。到青咖喱到，佢一個鑊仔有火喺度煮幾有特色。但青咖喱好稀...根本飯食咗一半我就叫咗烤餅。因為啲汁太稀。所以癡唔到上嗰啲烤餅到。味道係好啱香港人甜唔係太難。但扣好多分。青檸梳打幾好。本餐埋單二百幾，有啲失手唔係幾喜歡。侍應非常殷勤，彌補到食品的缺失。

抵食又好味好有泰國風味, 店員都係泰國人比較平民化嘅餐廳, 環境就一般, 可能會坐得迫少少不過絕對值得去食價錢平 野食正估唔到係蒜蓉包好好食 咖喱都好出色 可惜得兩個人去食, 如果唔係可以叫更多

好耐冇嚟九龍城食午餐，難得今日做嘢經過，就去我最鍾意的「隆姐泰國美食館」重溫昔日味道。 我鍾意佢嘜，第一梗係佢泰國菜正宗，價錢抵食，另外冇咪錶車位也可以迫近門口（望住避免牛肉乾），隔離又係馬會投注站，非常方便。 我們叫左兩個午餐，再加炸蝦餅和泰式馬拉盞炒通菜。這店裝修簡潔，牆上除食物大相外，還有泰國特式畫像，收銀機附近亦安放四面佛，都是泰國舖獨有的。 香茅豬扒煎蛋飯，新鮮炸的豬扒，香茅味很出，很脆口不油膩，半生熟雞蛋加上甜豉油，撈飯食絕配 。 芥蘭咸魚鷄粒炒飯，飯未拿出來，但爆香的咸魚味已經由廚房先跑出來，令店内人仕都集體深呼吸了一下！炒飯裏面有芥蘭粒、雞蛋粒、爆香的咸魚粒，仲有蛋絲。一啖飯就有齊各材料，很惹味，很好吃。 炸蝦餅也是我必選的，1碟有5大件都係62蚊，已算抵食。新鮮炸的蝦餅，熱辣辣，外層是脆脆的，裏面蝦膠煙靭彈牙很有口感，正！ 泰式馬拉盞炒通菜，可算是泰國菜中最普遍的。這碟炒菜我略嫌佢馬拉盞放太少，味道太淡，不夠香。 平靚正午餐食完，又要繼續開工了！

閒日約老友聚餐，想實惠又美味，就去九龍城食泰菜啦！朋友點名食隆姐，證明這間食肆深得君心。餐牌來來去去都係嗰D啦！但價錢都頗為相宜，所以忍唔住手點多咗。食物好快就上枱，搞到成張枱都係。首先係肉碎生菜包，泰式叫佢拋打猪，猪肉加了少許肥肉，所以乾爽又不會太鞋口，調味有酸辣開胃，配生菜同吃，清新可口。然後係乾炒紅咖喱加蒜蓉包，蒜蓉包的蒜蓉牛油足够，所以十分惹味。包身鬆軟，而且有厚度，焗起來不會過乾，十分出色。乾炒咖喱沒有普通的咖喱多汁，但汁料更濃郁同香滑，又加了少許檸檬葉解除油膩感，配上蒜蓉包同吃，只可說絕配。炒pad thai，金邊粉質地煙韌，但汁料的味道没有甚麼特色，驚喜不足。春卷及魚餅，普普通通，不過不失。蒜蓉炒椰菜苗，椰菜苗不够嫩，所以很硬亦很難入味，不推薦。最後還送了兩碗糖水，椰汁番薯西米露，又香又甜，只是頗肥。總括來說，味道頗佳，價格相宜，老友相聚的好去處。

去得九龍城，首推一定係泰菜，我都試過好多泰菜，但今次介紹呢間，真係做到平靚正。鹹菜豬肚湯，好多配菜，老婆飲咗少少，但我就覺得好好飲，暖肚又開胃。海南雞飯，我地加咗$8轉雞脾，因為老婆鐘意食雞脾肉，滑啲！兩個仔女就好鐘意食海南雞，因為配油飯，所以好快清哂成碟。咖哩大包，我地揀咗配軟殻蟹，成個包都食得，咖哩唔辣，小朋友拎住麵包「點」咖哩食，好開心！泰式飲品：泰國椰青，每次食泰菜必叫，飲完啲椰青水，仲可以食椰肉。泰式飲品2：咸檸七，飲完喉嚨好舒服。

因爲要去九龍城買電單車頭盔，所以今日當然不會錯過去食泰國菜的機會啦！行左一段時間，終於決定去一間叫隆姐泰國美食館食泰菜。因為早食晚餐的關係，那時坐位可以任選而坐！而今晚所點的分別是紅咖哩配豬肉，當然亦另加了蒜蓉包去配襯啦。還有食泰菜一定必叫的是生蝦刺身，最後炒多個飛天通菜，兩個人剛剛好呢！紅咖哩配豬肉味道比較鹹亦不夠辣，豬肉亦相對較少。反而蒜蓉包做得不錯，剛上台時還是熱辣辣的狀態，配襯上咖哩食用後令到平平無奇的咖哩都加了不少分。而生蝦賣相比較得意，是用外賣盒裝盛的，估計應該可以供外賣吧，食用生蝦時醬料比較緊要，但這個醬料比較平平無奇，有點失望。至於飛天通菜與其他泰菜餐廳有點不同，而這裡的口味比較清淡，不是我個人喜歡的口味。最後因爲蒜蓉包太好味的關係，又再叫多了一盤呢！

有fd食開呢間泰國野，今次就叫埋我地過黎試。我覺得最正係個咖喱包，首先佢好大個，而我地想食戈陣又可以用剪刀(佢會提供)將個包剪細件黎食，食之餘又有樂趣。而個包裹面ge汁亦都好香濃，好有味，唔係死辣，用呢個汁黎送飯都幾惹味，同埋個汁亦都有唔少雞肉係裹面，都幾滑。佢有個海鮮冷盤我覺得就麻麻地，海鮮份量唔算多，同埋辣咗少少。不過個魷魚幾彈牙，都OK。個水煮菜都OK，佢有些少辣味，唔係死辣好惹味，用黎送飯都係唔錯。至於個沙嗲雞肉串燒，個沙嗲汁唔錯，少少辣又好香，不過雞肉就冇想像中咁滑，榎咗D。最後佢重有甜品送，芒果椰汁西米露，食飯有甜品送我覺得幾好，而且重要有芒果肉。

午餐九龍城其實選擇好多今次平靚正快又多選擇款款45 其實咁多揀 有幾款都想食胃得一個 叫左個泰式蝦醬炒飯包飲品 仲包湯好大碟既炒飯 好香口 同茶記炒飯吾同蝦醬炒到好香送既湯其實份量好大 我就食吾曬了 男士應該都夠飽

呢日專誠落九龍城買北海道大閘蟹，當然要食返個泰國菜安撫下思鄉情🇹🇭🇹🇭🤪，近幾年落到九龍城要想食泰國🇹🇭菜，隆姐就係第一選擇，由佢一間鋪位食到而家開到隔離街因爲係星期六關係舊鋪已經坐無虛席隔離鋪都無位，後來有位姐姐帶我哋去隔離街個鋪，等待時間大約15-20分鐘，不過坐得好迫下，不過無損我嘅心情其實呢度有多款套餐選擇價錢不算太貴不過套餐唔啱口味所以決定散叫咸魚抄椰菜苗不會好咸味道剛剛好泰式炒河炒得乾身又唔油冬蔭功湯🌶🌶不會太辣但材料非常足兩位用剛好值得一讚侍應們就算幾忙都會保持笑容😊服務態度非常好九龍城食泰菜首選

九龍城出名多泰國菜食而今日同朋友一行九人，就突登黎九龍城覓食相對於其他既泰菜餐廳隆姐既價格係會更為貼地不過佢份量相對起都可能因為咁既原因而唔太多九龍城係有唔只一間隆姐既本身我地去果間就爆左人就有員工帶左我地去另一間MENU上面有好多唔同款式既菜 花多眼亂 諗食咩都花左段時間~ 我地終於有嘢食黎啦首先上左呢個咖哩煲同埋馬來炒貴刁個人認為泰國菜一定要叫炒貴刁D味道係唔錯既 算濃郁而咖哩佢係比較稀狀既 唔係果D好杰身既肉既份量一般 同埋成個煲其實都偏細我地仲叫左菠蘿炒飯 正正常常冇伏而炒通菜都幾惹味 醬汁調較得唔錯仲有中間果碟炸軟殼蟹都炒得幾乾身但因為我地人多 就略嫌份量唔太夠最緊就緊係叫番個甜品為呢餐畫上完美句號呢椰汁係暖暖地既 而芒果係雪凍左果種冰火交融既口感幾好糯米飯都比較軟身 易入口椰汁既甜度岩岩好 就唔會食完個甜品要係咁飲水了我地坐左好耐都冇人趕 假設間鋪頭唔多人係到食飯吹水都唔錯既選擇

今日經開九龍城，突然好想食泰國菜，之前聽朋友介紹過隆姐就入來試。叫左我最愛既泰式生蝦👍🏻👍🏻肉質好爽，配埋個醬汁好好味。泰式豬頸肉👍🏻👍🏻燒得好香。另外仲有炒通菜和炒飯，反而呢二樣就一般，沒什麼特別，但不會太差，總括而言，間餐廳值得一試👍🏻

It is my first time to give comment because it s really bad dining experience...hope you guys don’t waste time/money/rooms for better food. We ordered a grilled fish , tom yam noddles, pork soup and fired vegetable for two people, cost us $345...one word isgusting (compared any Thai restaurants outside klncity) yes even the veggie. We packed the fish and gave away to beggar, then got some food from other stores and go home to finish our dinner....poor us

隆姐有兩間店，開正系隔離，一間裝修新啲，另一間就簡樸。泰式生蝦試過甘多間，呢家目前為止最優質，鮮甜爽口，配酸辣醬汁，開胃，做前菜就最岩，上菜快，過下口癮。燒烏頭，幾大條多肉，肉質紮實，魚肉帶陣陣香茅既幽香。泰式炒飯（豬），普通到不能再普通！

這家泰式餐廳分開有兩間，同在同一地點左右鋪，我在平日時段晚上用餐的時候都已經八成滿座。食物方面我們點了完個椰青海鮮焗飯丶冬陰公湯金邊粉及炸蝦餅炸魚餅兩食。椰青焗飯味道可以，比想像中的大很多，基本上一個已經夠兩個人食，但是裏面的飯太過鹹及太過甜，冬陰公湯金邊粉味道不錯，不太辣，很大碗，炸蝦餅及炸魚餅都炸得很香脆，但炸魚餅裏面太多調味料及香料，導致味道過濃，相對炸蝦餅就很鬆脆。值得一提的是，幫我落單的女士，因為我之前想點海南雞飯代替冬陰公湯金邊粉，但她主動提點我們每款菜式份量很大，建議我們不要點太多，這一方真是值得一讚，非常了解食客需要，應該會在光顧嘗試其他菜式