隔水蒸雞

营业中

休息中

今日打包一整隻蒸雞，回家食到最後發現只有一隻雞腳，致電老闆問會唔會搞錯單只有半隻雞？一開始對方說「真係好笑，一隻雞唔係一隻腳係咩啊」，後來又說「可能另一隻雞腳唔隻跌去邊度」。完全當顧客係傻瓜。最後說「你只有一隻腳那你拿個盒翻來再比隻雞腳你。」我起初係擔心拿錯雞，所以致電去查詢，並不想遭到惡意對待。疫情還未消散，每次外出都需要一個口罩回家換洗一套衣服，我不可能為一隻雞腳刻意外出。況且我本意並不在於雞腳，隻係擔心拿錯別人的外賣。紅磡這樣大，選擇這樣多，我不會再幫襯去受氣。

平時睇食評睇得多，都係第一次去寫食評。但因為呢間小店做得好出色👍🏻 令我忍唔住要稱讚佢🤣雖然門面唔吸引，店面內較細，比較擠逼，但都無阻我一次又一次去幫襯。老闆娘用心經營，雞肉質地香港難得食到（特別比起啲連鎖大型餐廳或酒樓），而且飯唔夠食仲可以添飯（其實香港其他餐廳唔俾少您已經偷笑），再加埋佢個冇味精嘅湯水（好似係紅棗杞子雞湯），好有媽咪煲湯嘅味道，有種家嘅感覺🥰真係推薦大家去試下！支持香港小店！

在紅磡覓食 隨便逛逛突然望見《隔水蒸雞》大大隻字和男朋友原本猶豫去食串燒定食呢間最終走左入去內裡得幾個位置 但望得出老闆和老闆娘頗有心經營餐牌貼在牆上老闆娘說桂花雞吃桂花子大 就最香雞味隔水蒸雞就最滑 有汁最好我們點了隔水蒸雞不得不提那碗售價$3元的雞湯 無味精 濃厚的老火湯味道！真的超好飲！感覺超值的一頓飯！十分推介大家支持小店❤️

今次第一次寫食評， 原因覺得隔水蒸雞的雞幾有雞味好似食緊走地雞咁， 味道唔錯同少味精，價錢公道低食，四十零蚊有湯同雞飯 ,仲有白飯任載， 因為原本帶著無期望的我， 點知一食便覺得有驚喜，好好味。 但又奇怪點解無乜人去食，唔同現在都市人無味精不歡？希望一間咁有心經營做雞的食店唔好咁快執笠，希望多d人去食下，因味道真的唔錯， 我讀得書少唔識寫食評， 只知好食同唔好食。 最後，本身無諗過寫食評， 所以無拍照， 請見諒！想食的朋友可以自己過去試下！ 真的值得一試！