隨您鍾意 (已結業)

領到人憤怒的午餐, 今天好開心約了老死去食Lunch, 老死話想食日本嘢. 都好, 因為大家都鍾意食魚生, 這樣, 就簡咗去此間食喇! 好彩我們1點到, 還有好多吉枱, 又不用等位. 我們由落Order到食既過程都冇任何問題. 但係, 到食完行出去埋單果時, **因為我們之前食過, 係要出門埋單的, 行到出門口咪同個女服務員講埋單, 佢就答我們"枱埋", 就行開咗去做嘢, 我當時同我朋友都唔明佢講咩??? 我都有回頭望返我們坐的枱, 是否有落單紙在枱上, 但我見到是沒有的, 就再同佢講多一次埋單, 佢就望著我哋面有難色咁話: 咪叫咗妳等陣囉. 我本人到想算數架, 我望吓我老死, 佢都覺得個女服務員態度好差. 我立刻同佢理論, 但佢完全覺得自己冇錯.冇問題, 還大聲夾惡. ( 註: 當時佢個樣同啲態度重惡過鬼, 好似佢係客, 我哋係伙記咁, 客人離比$食嘢重要受氣添.), 我唔明當時點解成間店舗沒有其他同事出來幫手, 由得個女服務員表現D惡行態度, 還比佢自由發揮, 完全冇人出來叫停!! **我們以後唔會再有下次架喇!! 如果想要有客人回頭幫襯, 食材與服務還是要正比的.

想食壽司，13:00到，兩個人有枱😊入去揀左兩set三文魚刺身+8件壽司+麵豉湯分別$50等左起碼15分鐘都淨系得碗湯到!終於等到..但點解咁耐?難道壽司要蒸?xd普普通通啦..刺身厚切!ok其實本身想食三文魚刺身手打冷烏冬，不過無lunch咁抵，如果lunch有得揀冷烏冬就好喇

諗住同男朋友開開心心食餐飯, 點知食到火都泥...我地叫左三文魚刺身, 手卷, 牛肉鍋, 三文魚鮫, 帶子壽司...D野食的確係平, 味道就麻麻... (特別: 牛肉鍋唔好食)到其他野全部都來齊, 等左好耐手卷都無來..就同個經理講 [ 我地埋單, 手卷無來過, 宜家唔要啦 (有禮貌地講) ]經理 [ 好 ]到埋完單, 經過個職員同經理ga時候,比我聽到以下依番對話,經理 [ 頭先果台客, 你漏左落手卷張單咩? ]職員 [ 可能佢地食左呢 (細聲地) ( 驚我聽到, 但其實聽到) ]跟住我答番 [ 我地無食到!! ] 佢地呆左..其實, 每個打工仔都會講依D說話, 但都唔好比個客聽到....依間野唔會有下次.... 失望...

食物質量奇差!!! 帶子拉麵的帶子完全無味, 海膽有藥水味!!! 烏東未煮熟!!! Never come back again. I was sitting next to the toliet, 原本就無問題, 但係個裝修擺位係令我一眼望嗮個男廁嘅一切!! So nasty!

I never went in because it looked dark from the outside compared to other restaurants on that street.Went in because my friend wanted to try it .After looking at the menu, the design of the menu was not that Japanese and it was quite colourful.As for the prices the food there was quite cheap.Got the sushi set and the rice which came with miso soup.The sushi and rice was Ok however the quality was similar to the sushi sold at the local supermarkets.As for the soup it did not taste like miso soup

已不是第一次光僱,如果不是貪方便,貼$都唔會再去,一肚氣.........門外點了2客壽司餐,再想買三文魚刺身,故叫負責外賣counter嗰位工作員拿盒$96的刺身看看,當時嗰個所謂工作員(女子)已表現得不耐煩,將魚生"掟"出來,眼超超+咀蔑蔑,真係不知所謂.原來今時今日香港還有這種服務態度.............其實銅鑼灣分店服務態度一樣係咁差.............管理層請張開你們對眼及耳朶啦!!!!!!!!!

二人套餐刺身: 新鮮度一般, 魚肉口感夠厚但稍欠鮮魚生的魚味及魚油味加洲卷: 大大件算抵食, 魚生飯及內餡份量平均, 不過外層蟹子稍為隨意了事魚鮫: 可以說是無問題, 只要煎得熟而調味沒有過了火便是一份好味香口的炸魚 鮫了炒菜: 椰菜炒得未熟透所以入口爽脆, 有鮮冬菇絲及金菇最後灑上魚鬆作炒菜的 點綴壽司: 可自選的, 有希靈魚,甜蝦,蟹子,醋青魚沒有什麼驚喜 自由選你喜歡的壽司吧服務: 侍應未能提供完善服務, 嚴格來說是是提供(港人口味的日式處理食物)

Arrived at 14:30, but the manager keep telling me the shop would be close at 15:00... When I take my seat, the waiter remind me that again, forcing me to order ASAP.Ok, still fine.But when I turn to the page of lunch, the manager tell me there is no rice. WTH? Jap food shop with no rice!? So that, I left the shop immediately .... And, I can see how happy the manager was, when he see I was leaving.

十二點零路過天后門口見入面坐左大約一半人個價錢又好似幾抵咪入去試下囉佢d set lunch 價錢還 OK我老婆個 set lunch, 自選8件壽司 + 3塊三文魚 + 麵鼓湯價錢 HK$50我就諗起好耐無食鰻魚, 所以order 左個鰻魚定食.另外再加左2個我地兩公婆最愛的軟殼蟹手卷 D 壽司感覺上好超市貸色. 由外觀到味道都好一般般. 三文魚刺身就好少少, 起碼食起黎滑滑地. 但係三塊入面係面頭兩塊大塊d, 最底下個塊差唔多細左一半囉 塊鰻魚幾大塊, 但味道麻麻地. 同埋佢地d饅魚汁無乜味道....成碟飯食完叫飽飽飽地就算 最期待的軟殼蟹手卷, 但好失望. 話晒先中午十二點幾午飯時間, 但唔知點解條軟殼蟹巳涷晒同埋硬硬地. 呢間野堅拿道西店我幫襯過一次, 個邊既軟殼蟹手卷好食好多囉.總結係諗住平平無乜要求既話都可以試下既... 但我本人就應該無下次幫襯囉.

今晚去到清風街，選了此間，tick了8款壽司，一個串燒，一個炸物。如下：帶子壽司 --- 完全沒有鮮味章紅魚，油甘魚 --- 超簿切海膽 --- 可以啦三文魚，三文魚子，玉子壽司 --- ok lar, 三文魚子有鯹味，三文魚簿簿的牛舌串燒 --- 全晚最好食的了炸墨魚咀 --- 超鹹埋單仲要210元！你地話啦！

上星期4, 有一晚去左天后約左個朋友, 之後去左試間日本野叫"隨您鍾意"2口子大家都未試過就試下依間啦~@@點知.....首先講壽司啦..叫左北海道蟹棒壽司, 同帶子壽司~北海道蟹棒壽司$18, 帶子壽司$14, 2件真係一分錢一分貨, 俾我揀我唔會再叫~XDDD蟹棒壽司, 賣相一般或以下...無咩食慾想食佢LOL, 紫菜又包得唔靚.. 另外試多樣,吞拿魚手卷, 點知....吞拿魚唔太新鮮..塊紫菜..好難先咬爤佢...又厚...唔抵食lol, 可能超級廣場個d仲好味最後叫左個三文魚生醋飯, 50$但細細碗...唔好食...後悔黎左依間食......

lunch time 與同事們去了這一間用膳.我叫了刺生套餐 有三色刺生, 三文魚壽司和雜錦魚生手卷就是港式日食吧. 不能有什麼期望. 就是我小時候第一次食壽司的味道. 而家用來哄小孩那種.個人認為以這個價錢, 食物素質可以再好些我都食過灣仔總店, 在我記憶中, 那間店食物的味道好多了. 但已是多年前的事了.

幫襯左 隨您鍾意 好多年...由灣仔食到天后....堂食要加一,但都比一般日本料理店平....但堂食服務既質素;就奉勸各位不要期望太高我中意食隨您鍾意既甜蝦----香甜,蝦頭好味,我至中意食甜蝦頭...墨魚-----爽口彈牙,加埋店方送埋既蟹籽....卜卜脆..三文魚-----香甜美味,不過切得唔夠厚哩!!鮮帶子----好香甜..美味,至中意...加埋20件三文魚壽司,一定夠飽啦!!刺身外賣我首選隨您鍾意,比起元祿新鮮,相比價$亦便宜...

平安夜突然唔想食book咗果間野, 想去串串貢度食。去到串串貢話最少要等半個鐘﹐本黎等半個鐘都唔算耐但附近又冇野行。得甜品店多﹐唔通去食咗甜品先咩~所以就黎咗隨您鍾意度食。食咗個2人set都只係百幾蚊﹐平安夜算係咁la! 個set有:壽司併盒 (d壽司好大舊, 正確黎講係d飯好大舊)刺身併盒炒野菜 (佢地炒完0係上面"嬸"咗d木魚碎, 方包話怪怪地但瘦叉覺得都ok呀)燒魚瘦叉唔記得仲有咩lu通常食日本野都食唔飽﹐仲要係越貴就越唔飽﹐但依日真得食得好飽 hehe~應該多得d大舊飯!

呢間唔係差，而係好差，超差，極差!!!!!! 時間關係，我地見呢間無咩人，所以就入左去，d位又窄，個場又幾暗下，都算啦睇menu果陣，d 內容好亂，完全唔知道邊d係lunch sets，搞黎搞去原來lunch sets得幾個選擇，都係吉列、咖哩果類，無咩好揀，個飯都要$3x-$4x，汽水仲要加錢，係有壽司，但係好明顯係會唔夠飽，所以無揀.....天氣凍，同事們想食牛肉火鍋，原來得晚市有，但個經理話可以做(佢d口氣有d唔耐煩)，不過價錢跟返晚餐價，都算啦，但係真係完全無野跟，飯仲要加$10，飲品又無! 另外叫左吉列雞扒飯，但係黎到好似碟頭飯咁，一塊雞扒加半粒車喱茄同埋白飯，一d都唔日本囉，味道都好一般，同茶餐廳d吉列雞扒飯走汁無咩分別。到牛肉鍋上檯... 個鍋超細呀!!!!! 一個小鍋都收六十幾七十，拎住呢個價不如去吉X家去打邊爐，都差唔多叫到兩份喇，人地都包飯包前菜。講到味道，整體比大X樂仲差，肥牛唔新鮮，無味，仲要份量少得可憐~ 一句: 勁唔掂!!!埋單果陣原來仲要收加一! 茶餐廳既食物，茶餐廳既服務.... 但係收費就唔茶餐廳囉，有無聽過茶餐廳收加一架????? 唔怪得lunch