隨您鍾意 (已結業)

呢间唔系差，而系好差，超差，极差!!!!!! 时间关系，我地见呢间无咩人，所以就入左去，d位又窄，个场又几暗下，都算啦睇menu果阵，d 内容好乱，完全唔知道边d系lunch sets，搞黎搞去原来lunch sets得几个选择，都系吉列、咖哩果类，无咩好拣，个饭都要$3x-$4x，汽水仲要加钱，系有寿司，但系好明显系会唔够饱，所以无拣.....天气冻，同事们想食牛肉火锅，原来得晚市有，但个经理话可以做(佢d口气有d唔耐烦)，不过价钱跟返晚餐价，都算啦，但系真系完全无野跟，饭仲要加$10，饮品又无! 另外叫左吉列鸡扒饭，但系黎到好似碟头饭咁，一块鸡扒加半粒车喱茄同埋白饭，一d都唔日本啰，味道都好一般，同茶餐厅d吉列鸡扒饭走汁无咩分别。到牛肉锅上台... 个锅超细呀!!!!! 一个小锅都收六十几七十，拎住呢个价不如去吉X家去打边炉，都差唔多叫到两份喇，人地都包饭包前菜。讲到味道，整体比大X乐仲差，肥牛唔新鲜，无味，仲要份量少得可怜~ 一句: 劲唔掂!!!埋单果阵原来仲要收加一! 茶餐厅既食物，茶餐厅既服务.... 但系收费就唔茶餐厅啰，有无听过茶餐厅收加一架????? 唔怪得lunch