隱姑茶果

营业中

休息中

2008.11.23(日) 身為客家人，喜歡茶果可能原自遺傳 响官塘買開 $4 個，入到黎大澳都係 $4，不過都係咁好味。以前喜歡食甜 (椰絲﹑花生﹑白糖)，E+喜歡食咸 (眉豆蓉)，所以買咗個咸茶果黎食﹔E~ 拎上手熱熱地，咬一啖，外皮軟棉棉仲升起陣陣輕煙，又幾棧喎 官塘買既雖然都有咁好味，唯獨缺了這陣"新鮮"既煙 話晒有隱姑作生招牌，自己唔食都買個俾爸媽做手信丫嘛，日落黃昏 $15 / 4個 都叫做小優惠丫

本人一向喜歡吃糯米做的食物啦，看食評覺得應該是好好味的。剛剛買的時候是熱熱的，一甜一咸的，但是當時太飽，所以晚上回到才吃，已經涼了。所以包的那層葉子很難撕下來，味道也就一般般啦

although this time i didn't see the granny. but the "cha gwor" ho ho mei, delicious! still hot and chewy. I went in to Tai O to eat on purpose. and the "chicken" See Tun is very traditional. My grandma loves it.

行出去大澳...行完就緊係肚仔餓...好耐之前食過隱姑茶果..今次再黎再買真係好回味...我買左一鹹一甜,真係好大個..不過個袋好油下都...甜茶果係花生芝麻餡,我比較唔鍾意食..都係咸好食d.有花生眉豆餡,個味岩岩好唔會太咸^^食完肥左都抵啦..更何況只係$4

25/5/08一去到大澳就行去永安街搵野食第一站就試隱姑茶果,見到好多人買我地買左一鹹一甜,拎上手熱辣辣甜茶果係花生芝麻餡,好甜咸茶果係花生眉豆餡,好有眉豆同咸香味兩者都煙韌,唔會黏牙幾好不過自己鍾意食咸茶果多d

一場來到，當然要吃手做茶果！點了一個甜一個鹹茶果(每個$4)，拿上手還熱辣辣，邊走邊吃好味道！不過賣果阿姐的服務態度確實趕客。

三月五日(星期三)同老公食完豆腐花同埋買完勝利蝦醬之後,途經此店,要試試啦!唔錯呀!佢\既甜茶果!有d花生,芝麻,加埋幾好呀!而家唔痴住d牙!唔錯唔錯!!!有塊葉o係底下!好得意!兩個人share一個!!剛剛好!當然同老公仔啦!

今日同男朋友仔入去大澳,,就梗係唔小得食野啦見到尼間賣茶果就即刻買左2個尼食!今日去就見到有甜同鹹味ga 茶果..我買哂2個都係甜ga..1拎上手就覺得好正..因為個茶果係熱呀!岩岩新鮮整!之後1食..哦..完來入面d料同糯米滋差唔多..都係有花生..砂糖咁..感覺...就有如1個熱ga糯米滋咁!!好食

食完糯米茲, 臨走前又0黎買了隻甜茶果($4) 食.餡料係花生芝麻椰絲砂糖, 同糯米茲的一樣, 糯米皮就較厚較濕又較黏... 層皮都幾煙韌, 餡料就太甜, 特別食完糯米茲0個d 唔太甜0既餡料之後, 呢度的比了下去, 而且唔係新鮮出籠一d 都唔熱, 點都差d.不過一場0黎到, 買隻試0下都無傷大雅的, 何況佢只賣$4 隻!P.S. 服務2 分, 因為檔口個女仔態度幾寸!

個日同BABY都大澳~我睇晒食評先去架~^^隱姑茶果好多人買我都買左件要左咸味有D眉豆+花生好有咬口幾煙UN~咸既幾特別!有機會去既話試甜

** 此食肆的第七個OK **尋日(24-11-2007 Sat)行完大澳食埋芝麻糊同豆腐花後,又一定要再買啲o野食至對得住自己o既,經過呢間,就買o左雞屎滕同甜o既蕃薯南瓜茶粿各一.黃色o既蕃薯南瓜茶粿用透明膠袋載住,仍微暖,上o左巴士開車不久,雖然係飽,但急不及待咁食o左件雞屎滕先,唔……冇咩味,又唔算太煙韌,OK o既.至於蕃薯南瓜茶粿就留到今日(25-11-2007 Sun)至食啦.蒸返熱佢呢食,一哎落去,好甜,係啲餡甜,有芝麻,花生同我唔鍾意食o既椰絲,不過食完又OK.但食唔到蕃薯同南瓜味,皮同樣地唔太煙韌.

茶果不是我杯茶, 所以試左雞屎滕($3), 無雞屎滕味, 食過人地媽咪整的, 好有雞屎滕味, 可能是要顧及大眾口味, 所以手輕d, 只有甜味, 無咩特別! 個胃有位就試下, 唔食都唔係咩損失

我跟jeni 沒出發到大澳先興奮。因為我們知道又可吃到熱辣辣、軟綿綿的茶粿了!!!一定要吃「隱姑」的!! 一盤一盤的新鮮拿出來，吃時還冒著煙~鹹的是眉豆餡，內餡很粉很幼細，偶爾吃到花生，很好吃。甜的是椰絲白芝麻。我每次去都一定會買一鹹一甜來吃，到現在還是覺得很好吃。有人說也沒甚麼大不了，茶粿只要是熱騰騰的就一定好吃。但是，隱姑茶粿那糯米皮的薄、內餡的幼細，不是一般普通店舖可做得到的。不明白為什麼前面幾位都給了惡劣批評呢？u may refer 2 my blog: http://hk.myblog.yahoo.com/mei_ciel/article?mid=736

屈指一算，差不多十年沒踏足大澳，今趟來訪，大澳已經沒有了最具特色的橫水道了，況且商業味甚濃，像到特色市集多於水鄉情懷！不過到訪當日是閑日，遊人罕至，這點可彌補一下商業味濃的沖突，起碼跟人家聊天的機會都多一點，另外的好處是很多這裡的地道小食不會擔心沽清，而左影右影亦可隨喜！當然先說是這裡的茶粿，隱姑算是這裡茶粿的開山宗師，弄到滿城皆是的就是由這裡開始，到步之時剛是茶粿出爐之刻，二話不說一咸一甜，咸的是眉豆使然，甜的是花生使然，兩者都是將涵料磨成粉狀，跟坊間及傳統粒狀的有點差距，怎樣說往時那裡有攪伴機呢？論食味，這裡的外皮相當了得，糯米粉的香糯及煙軔在這茶粿表露無遺，但可惜涵料不濟，太幼細之故，而甜的比咸的略為好一點，但不至於天下無敵之理，不過一心來到這裡，怎樣說這都是當地名點，不可不嘗！永安街的第二站大家都清楚估計到是那裡，下文再續！

又是大澳的招牌貨,$3一個茶果,一咸一甜.剛剛開檔,一甩手是暖暖的.先嘗個甜,花生加糖,真的很甜,外層很sticky,隻手事後"笠"黐黐,有如做完某種事情沒洗手的罪惡感.咸味又是花生加類似肉鬆,咸得一個味,平舖直聚沒有層次.寡出個鳥來.事後一衫都係.經常覺得,隱藏在這些地方賣特色小吃,偶然也有神來之筆,未經世俗污染的妙齡"正宗"West End Girl,每天安在某角落賣小吃.今日之後,這個無謂聯想,已經被推翻...