雄記粉麵 (已結業)

雄記我中學時期已經成日嚟食畢業後間中都會再嚟，但隔咗多年後再次嚟食魚肉春卷嘅口感味道都已經變咗大不如前😞以前食係軟軟有彈性而家係硬身死實實嘅質地😭😭😭冬菜超咸我只落咗少少咋，辣椒醬都冇以前咁香辣落咗幾羹都唔太辣（我並非好辣）

今日我地4條麻甩佬，一共4人去呢間食店食野，叫咗牛腩河（$32），腩肉小鍋（$$37），猪肚河（$32），一共3碗，落單個男仔問仲要吾要菜，我地話吾要了，點知佢話吾得，4個人一定要叫4碗野，因為我朋友之前已經食飽左落黎陪我地食野，但落單個男仔堅持要我地一定要叫4碗或者叫多杯凍飲同油菜，唔叫就要收取最低消費，落黎坐低同朋友食碗麵姐，洗唔洗好似趕客走咁，佢地男仔態度嚴重惡劣，我同3個朋友 都成肚氣咁走，咁做生意態度我同朋友肯定唔會再黎

啲野係好好食。但外賣次次漏單漏親都漏春卷，起碼都3-4次講真有啲失望，下下12蚊都唔知漏左幾錢！飲品種類可以更加多選擇 有時客人真係不喜歡飲凍飲 希望有茶水可以供應 講真佢個米線價錢真係唔係便 食3餸差唔多成＄70 如果唔係佢啲嘢好食（春卷） 呢個價錢其實幾貴 服務非常有待改進 明白自己鋪頭可以唔使睇人面色 但係做服務行業第一係態度第二先係質素 希望下次再嚟會有明顯改善 長期食客上

今晚同老公宵夜，入去坐下時不覺什麼，食食下就發現，食肆竟然為咗慳電費，關掉一部冷氣，還亂收錢，腩肉米線37元再加春卷11元，一杯凍檸茶15元，及浄魚肉春卷35元，一埋單開聲就話100元，經我一查就說99元，但各位你們話幾多呢？溫馨提示：e間店亂收錢，請各單位小心！

其實並唔知呢間雄記有幾出名，只係去完愉景新城之後行街路過見有D人食所以試下，真係無諗過會有D咁差經歷，真係唔寫俾大家注意一下唔得。我两大一細共3人，一入舖就被安排坐近門口角落嘅一張圓枱，而當時已經有两主僕帶两個細路囡共4人坐緊，我見到就已經唔係咁想坐低，而且店旁邊二人方枱係有位嘅都無安排我哋坐，但因為當時外面落緊雨，心諗都係食下麵姐，好快搞掂，姑且忍下啦。我哋叫咗一碗牛丸牛腩麵，一碗牛筋麵，個老闆就叫我叫杯嘢飲或者叫碟油菜，咁我問佢點解，佢先講話有“最低消費”，所以咁叫就差唔多喇，我當堂呆一呆…… 一間咁嘅麵舖都有最低消費？？真係想講粗口！好，又算，叫多杯凍咖啡……知道會收最低消費之後我就周圍望下，見到貼咗張紙寫住，但無寫會收幾錢嘅，而我亦發現又寫住唔可外帶食物飲品入舖，否則要多收10蚊。之前我個仔有支未飲哂嘅寳礦力帶咗入嚟，而我老婆就放咗响門口嘅窗枱邊，我心諗唔係無飲過都要收嘛……，諗諗下都係計定數先，計咗一下两碗麵一杯凍咖啡最多咪收我90蚊……食飽咪叫個阿姐埋單囉，阿姐面黑黑寸寸共咁話115蚊，單又無，解釋又無，真係有無搞錯呀……結論…… 姐係最低消費35蚊位，加所謂外帶飲品10蚊

今日終於試咗荃灣區好出名既雄記粉麵。如果大家之前食過，就知道佢既魚肉春卷好似牛脷酥咁大條。望望餐牌，除咗平時魚蛋粉麵之外，仲有我最鍾意既酸辣米缐，我依個米缐怪魔一定要揀啦。今次我就試左佢地既個酸辣腩肉春卷米缐(小辣)，係咪好似南記呢？！其實味道都有啲類似，不過湯底淡啲，感覺健康過南記。腩肉好嫩，食得出啲肉浸過滷水汁。春卷魚味重，同南記有得揮。不過米缐太淋，攪到無唒食米缐既質感，依個point扣左啲粉。如果鐘意食米缐可以一試。

荃灣有咩係必食呢，唔好排老闆娘啦，去雄記啦！皆因小寶食盡不同既勿演，都覺得呢到既勿演係勿演界第一 🤤 好難形容，有種特別既墨丸味，啲墨丸味仲衝埋上個鼻到，淨叫食哂都唔夠喉 🤤 呢到仲有另一招牌魚肉春卷，春卷既評語都好壞參半，有人覺得一般，有人覺得好食過南記，我覺得就唔錯既，魚肉充滿彈性又好味！——————————————————————#春卷勿演麵 $33——————————————————————雄記粉麵荃灣荃興徑 17 號 C 地下

今日放假自己一個人走左去荃灣 逛街，諗起附近有間粉麵店好出名好多人食，於是乎就急急腳行去坐低，坐低無耐就叫左個春卷蠔油撈麵同埋一杯可樂！落單無耐個侍應就放低左個撈麵同一碗清湯比我食，首先試飲一啖湯，本人覺得真是咸左少少，跟住就急不及待食下個春卷撈麵，嘩………正！真是唔錯喎，D麵好弹牙好爽口，師傅淥得剛剛好，唔會太淋亦唔會太硬，配埋春卷一齊食，真是好食到不得了，最後飲埋杯冰凍可樂真是超級爽！我終於明白呢間粉麵店點解長期都成日有甘多人慕名而來食喇，雄記粉麵我下次一定會再來食既！

太耐冇幫襯過雄記啦，今日一條友走去食先。咁多年店內環境同職員都冇變過，味道依舊，唯獨是價錢就不斷上升春卷新鮮，魚肉有咬口，唔會淋池池，河粉十分滑，份量偏少，重點推薦自家辣椒油，好味到不得了

依間麵舖由我中學生時代食到依家結埋婚生埋仔，由$17/碗粉食到依家$33/碗，十幾年來食物質素、味道依然一樣保持水準，尤其是魚肉春卷，魚肉春卷煙韌，加埋店內自製蒜蓉辣椒醬，簡直一流～

雖然荃灣愈黎愈多新嘅小食店，但有時都會心思思想食老店，懷舊一下，路德圍嘅雄記都算係其中一間，相信好多人都已經食過。店內位置唔多，店員全女班，老實講，態度認真麻麻。人地心諗，你唔鐘意咪唔好食…不過算啦，我一枝公去食，冇乜要求…佢地嘅自製魚肉春卷都出哂名，加上近年都加入左米線款式，叫做多個選擇。春卷牛丸河粉 $33呢碗係多年不二之選，魚肉春卷得一條，水準保持到，味道無乜走樣。牛丸有三粒，但就真係唔彈牙，幸好有唔粉。河粉夠滑，好食。33蚊唔係貴，快食個晚飯ok啦。一定要加冬菜，雖然好咸，但唔加又硬係差咁啲嘢，辣椒醬亦唔少得。油菜 $13蠔油菜芯一碟，約五六棵，普普通通。凍豆漿 $7夠凍，7蚊算平啦。話說我點完菜之後，拎左個餐牌黎睇下，放左喺枱面，呀姐即刻過黎問我睇完未，做咩呢？點完菜唔俾再睇餐牌？留意：有最低消費，佔左個位就係當係架喇我問過呀姐，佢話幫襯杯豆漿囉。

不知所謂的一間店 本來都覺得佢哋食物特別但佢哋完全沒有顧及客人的感受服務態度超差 永遠不會光顧 未試過咁嬲而專登要來open rice寫食評店裏面有還有很多位置我是想外賣的那天太累我想要求坐一會等外賣店員兩度驅趕我到店外等我同佢理論我都有消費的那天真的很攰沒辦法佢竟然話退錢俾我叫我走完全唔明定係咩邏輯外賣仲貴竟然唔可以借個位坐一陣店裏面明冐仲有好多位係好多位仲話我趕走佢單生意 明明就仲有好多位置可以坐真的神經有點問題 你估自己係九記咩

春卷一如以往好味，彈牙，正！唔好以為春卷係炸嗰啲，佢係魚肉替春卷，好入味好夠味！嚟親都要食春卷，因為出面啲粉麵鋪係食唔到咖，春卷亦係雄記招牌菜！！而佢哋嘅米粉永遠都唔會太林唔會太硬，好鍾意食佢嘅米粉！通菜爽甜，好味道，腐乳都好好食！能夠屹立係荃灣路德圍咁多年一定有佢嘅原因，就係抵食又好好味！荃灣人必試！！lunch時間好多人，建議唔好lunch時間就唔好去喇，因為都好多學生！有興趣啲朋友就去試下喇！

荃灣嘅朋友介紹過依度嘅春卷好食。今日下午茶時間經過見過好多人，入去試下條春卷先。$33 春卷牛筋米 春卷係大條嘅，口感死實實，唔係太熱。究竟好食喺邊？想喺度推介番南記嘅魚肉春卷，𡁻口同味道都更勝一籌。牛筋夠腍，好奇怪，完全係甜味，咁佢又冇錯嘅，又冇寫明係柱候味，又唔怪得佢嘅。湯底有少少腩汁，好在冇乜甜味，輕微味精。米嘅份量都幾少，下午茶zip下牙la 就夠食，細食女仔食都ok，男人就應該要食兩碗先夠。

荃灣區朋友熱情推介，so far又真係我食過最好食既春卷。朋友們對佢評語好壞參半：好係佢個春卷好正！壞係佢地服務好差，兩三歲小朋友去都要嗌一碗，食得耐又比佢地話。由於係宵夜時段，我食完都要急急腳返屋企休息，無暇觀察佢地服務。我就嗌左春卷河冇諗過條春卷咁大條兩條孖潤腸咁：P河既份量不太多不過食春卷都食飽春卷係室溫狀態甚至有D凍，有D失望。不過都幾彈牙香口，唔會油淋淋真係值多再去食！