雅典娜

营业中

休息中

經過西九龍嘅food Court 應該都聞到類似PeppXX LunXX嘅味道 望一望原來係平價版嘅PeppXX LunXX. 佢份量都好大 叫兩餸（可以配牛雞豬都得) 都係30幾40蚊 仲有嘢飲送! 堅抵食。等呢就大概要等五至十分鐘 因為係即叫即整 肥牛呢就可能會比較乾 但係其他嘅扒都OK嘅🤣總括而言 呢個價錢食到兩餸或者三餸嘅PeppXX LunXX算係抵食嘅！！！ 環境黎講呢 因為food court黎 所以啲檯同櫈共用 啲位最後就無之前咁好坐。

令我好有回憶既鐵板飯，細個成日扭屋企人帶我去食，見到有個鐵板再加上發出既咋咋聲就好開心，坦白講味道唔算好出色，但真係有好多美好童年回憶，所以久唔久我都會返黎食下。

今次食哩間，點左滑蛋金菇肥牛飯，可以講完全唔掂，鐵板燒完之後飯好乾身，好彩有滑蛋既蛋黃汁撈下叫做好d，牛肉鞋口又韌，價錢就唔算貴，如果為左飽肚，咁都可以試下既。

这天放工后我和朋友去吃宵夜，已经是晚上10时多，很多餐厅已经关门，我和朋友路过这间粉面餐厅，看见食物的选择很多，而食物的定价很合理，便决定入去试一试杂扒铁板烧($42)软弹烟韧的肥牛，香脆的太阳蛋，廷身的白饭，细碎的葱，微辣的黑椒碎，稔香软弹的猪扒，香稔软嫩的鸡扒，份量非常非常多，非常抵食整体来说，食物的选择很多，食物的制作是即叫即做的，因此食物的温度很高，食物的份量非常多，食物的定价很大众化，所以我认为这间餐厅值得再去惠顾

每次食都覺得好抵，蕃茄味濃郁，芝士夠多，價錢實為，有5星水準。次次黎都幫襯！最喜歡的是芝士焗肉醬意粉和鐵版牛肉飯。老闆服務態度又好，份量又啱啱好，唔會太多唔會太少，超正！

ㄧ個人去開鴨寮街買野, 行下行下就行咗去西九龍中心, 去 food court 食個 lunch, 行左一圈, 決定光顧雅典娜. 平時午餐好少食鐵板餐, 今次 order 了香煎雞扒飯鐵板燒, 個餐份量 ok, 熱辣辣嘅雞扒煎到皮脆肉嫩而不靭, 配了醬汁, 特別可口, 另加一隻太陽蛋, 與白飯拌勻, 非常美味, 加上粟米粒及青豆粒, 成個餐嘅配搭, 色香味俱全。餐飲要了杯熱奶茶, 茶底稍為淡了 d d, 本人喜歡飲濃奶茶。成 set 都係 $33, 認真係平靚正。

又去"西九龍廣場" 8 樓的 food court 搵野食, 希望我 2018 可以試晒,整返個西九龍廣場平民美食巡禮啦今次選擇幫襯呢間 "雅典娜", 絕對唔會因為佢個名有"星矢"味道. 而係剛巧佢門外有位唔使等, 所以唔想煩就食呢間啦, 我見都有少少人氣光顧呢間,今日叫左 T1, "香煎雞扒撈麵鐵板燒" + 一隻太陽蛋(+$3) + 杯裝可樂 (+$2)其實埋單都 $38老老實實, 色香味都有的, 我唔敢講係美食, 但$38係呢個質素我唔敢要求太高了,但唯一最大敗筆的地方係, 我係專登加錢要一隻太陽蛋, 就係 : 1)我真係想食隻蛋呀; 2)我擔唔夠餸, 太寡而加餸結果, 成隻太陽蛋就咁壞死左係個鐵板度(見圖), 刮都刮唔返出來, 淨係食得個蛋黃而杯可樂, 係一杯無晒汽既糖水會比較貼切至於個麵, 係靠一堆黑椒汁撐起, 如果無左個汁, 我好肯定我都唔知點樣食得晒了

終於又食返劣食啦都係食劣食比較開心勝在夠平 今次去到西九接近頂樓美食廣場入面真係太多間啦其實好多都差唔多咁又有重覆既最後揀咗呢間價版既P*PPER LU*CH (我單方面認為)淨係點咗佢個牛肉鐵板飯黎食好平 只係三十幾蚊就食到如果去P*PPER LU*CH食 起碼都係四十幾仲要冇野飲呢到就包埋一杯野飲開始起筷其實都唔算特別差D牛都係低質牛架喇 但入牛都可以接受但D汁同醬略為太豐富完全遮晒D牛肉同飯味太濃啦整到佢仲有多隻蛋配黎食個人黎講價平同出面食既鐵板係冇咁好味但我認為好抵食可以一試

這陣子經常要去深水埗，所以時不時會去西九龍中心開餐。雖然西九的food court衛生真的差一點，但勝在選擇多價格大眾化。雖然口經常說要減肥，但每次聞到鐵板飯嘅香氣也忍不到口，所以這次就選了food court的平價版pepper lunch雅典娜 因為和朋友share，所以叫了自選雙拼飯（$38）。坦白說這個價包兩款餸是抵食 的（pepper lunch學生價也不止這個價）。燒汁味道與pepper lunch很相似，飯吸了很多汁不會乾憎憎，但份量就比預期中少啦。餸方面選了肥牛和雞扒。肥牛質素正正常常，但真的好細塊。雞扒就差一點了，肉質好鞋好乾。而且肉類基本上也是上鐵pan前預先弄熟了，所以不會有那種熱辣辣剛燒好的口感。整體質素好一般，一分錢一分貨

好難食😡😡😡😡😡😡😡😡、真係好難食！！😡😡😡😡😡😡😡😡我嚟咗個肥牛鐵板。大佬，我食肥牛姐，唔洗俾幾片全肥膏我呀？！🤢🤢🤢🤢🤢🤢🤢🤢🤢飯呢濕晒嘅，勁多水，好似鐵板粥咁，點食呀？🤢🤢🤢🤢🤢🤢🤢🤢黑椒汁一d都唔黑椒，顏色似，但真心講，真係好差！個獻打到一撻撻咁；唉！！！無黑椒味嘅汁點可以叫黑椒汁？！😱😱😱😱😱劣食之最🏆非雅典娜莫屬！😵😷🤧🤕🤒

係西九food court 食lunch 有好多間鋪頭比你揀 我仲未試哂 只係記得某間拉麵貴得黎唔好食， 我偏愛呢間 因為夠哂大件夾抵食 平價pepper lunch xd 呢間價錢 味道算唔錯 但當然食物品質品係話超好啦

鐵板雙拼飯($38+5)-食鐵板飯梗係即刻諗到胡椒廚房，不過佢地啲飯真係愈黎愈貴💀。-西九龍中心個foodcourt真係好多選擇，司令揀左個鐵板飯，要左雞扒同肥牛，加埋芝士，肥牛份量少不過雞扒有兩塊，加既芝士都係得幾條，店家本身已經落左醬入去，不過對於司令咁重口既人黎講就唔多夠，要去拎多兜汁先夠😂，味道不過不失，勝在食到尾都仲熱辣辣。

本來要食炸雞，但系點知要等七十幾桌先到我地，忍唔住肚餓，所以就兩個友仔行左去西九行陣街先。去到food court時，聞到陣味鐵板嘅陣陣飄香，所以兩個人就點左個鐵板肥牛飯+湯（$30）個飯又香又熱又juice,兩個人機乎搶住咁食😍😍😍😍肥牛數量適中，食過咁多鐵板飯，呢間真係味道超群，差D想再加單😂p.s.湯都好味店主cool cool的，但店員好nice😊下次再食

西九龍廣場food court真係好正，食物平種類多！ 最近發現左呢間平價牌pepxx lunch,無論味道，份量都差唔多，但價錢就相對便宜。今次就點了雙拼鐵板飯，肥牛加雞扒，配湯都係$36, 好抵食。雞扒是預先煎好，好香；肥牛就正正常常，但覺得肥牛份量有點少，得幾片…

估不到來到西九龍中心，搵食醫肚搵到好嘢食 昵度鉄板上，仲有兩隻蛋，撈埋蛋絲蛋汁痴埋d白飯，白飯本身有d濕，係鉄板炒過，飯就剛剛好乾水，撈埋牛肉汁，一流！牛肉薄切，肉鮮嫩，汁香甜，粟米粒加左少少牛油，混合飯中炒兩炒，正！