集蘭冰室 (已結業)

返工前同同事出去食早餐，我叫咗個好健康嘅牛奶麥皮配火腿芝士三文治。佢個麥皮加咗花奶同埋煉奶，好香滑好好食。但係凍鴛鴦唔太好飲，因為佢溝嗰個咖啡比較苦，下次都係飲返凍奶茶。

之前已經想試，難得今日返工路過，就入去試下！一入到去都好多人！都係附近返工嘅食客。柱侯炆牛筋腩飯味道唔錯！牛腩唔韌夠入味，而啲牛筋有啲咬感！個汁幾夠味！午餐快餐嚟講唔錯！會再食👍🏽

又到星期五既早餐時間喇，今次同事揀左呢間「集蘭冰室」，對於路癡既我，一如以往我都係迷路了!!!但其實間店好易搵，地鐵站B出口一直向南記/Esso油站方向一直行就啱架啦!!!!我係戇居居，去到南記仲兜左個少圈，去左後面一條街， 好在望到Google Map發現唔對路行番轉頭，先唔洗遲到咋第一次半自助形式咁落單，每枱都會有個牌仔有個QRcode雖然寫iphone相機，實際係任何品牌都可以，只需要輕輕一掃個QR然後就可以落單，但我個人都係鍾意人手落單比較親切同互動啲!!雖然個App都可以揀想轉既類別，但始終人手寫單較好，一來無咁浪費(唔洗每人一張單)，二來又唔洗有落錯單既機會，今日都有人㩒錯左，所以攪到本來想飲既飲唔到變左其他飲品，想食通粉又㩒錯左麵咁囉！不過呢個落單方式，其實好方便AA用餐既朋友，自己拎自己張單，唔洗煩。但對於一班人或者老細請就唔太方便喇

係公司唔知食咩，但要好快要食， 因為好忙碌 ，搜索一堆外賣紙 ，最後決定買集蘭的焗豬排飯。好快，10分鐘就送上門。一打開袋發現好像多左一盒湯，原來是送的，好滿足，可以有湯水飲。焗豬排飯無特別但都不錯，裹面是炒得很甘香的飯，一粒粒但不太硬。吃的時候同事們都嗅到很香的炒飯和焗豬排味道。多左的碗湯已俾我同事飲完，因為哩碗湯太美味，可能，我的同事也叫了一味焗豬排飯。其實這裡的其他小炒也不錯，下次可以吹小炒試試。

店名：集蘭冰室地點：荔枝角青山道520號地下G/F,520 Castle Peak Road, Lai Chi Kok，電話：2741118727417680(1)   福建炒飯+檸茶，$45；(2) 紅酒燴牛肋條+羅宋湯，$42； 食物的整體評價：(甲)  味道/烹調：Ø  福建炒飯: 芡汁不足，而且福建炒飯材料一般有草菇、菜心粒、瑤柱絲、雞肉粒及蝦仁，可是他們的卻是蟹柳、紅蘿蔔粒和獅子狗魚蛋….. 不過，適當的創新也為食物帶來生命。Ø  紅酒燴牛肋條: 紅酒的味道和汁稀稠適中，牛肋煮得軟稔稔，香口，可是意粉不是燴的，而是把煮好的紅酒汁沐上粉上，較敗北。(乙) 種類方面：食物種類多，計有:湯飯、沙律、炒意粉、奄列、多士。環境：裝修品夠特別，很古典，有50s-60s的感覺，尤其地磚和牆磚。服 務：合格。衛生：良好。抵食：合理。

話說我今日12:25分叫飯！佢地話我叫一個要等半個鐘至45分鐘..反正未到時間我咪等囉...到宜家1:24分都未到...打電話催左2次..第一次話要等45分鐘...第二次打話就出，你重要唔要個外賣...咩態度呢？我唔會再叫第二次！幾好食都好！無服務都係唔得ga!

係荔枝角食晏...其實係一件好辛苦既事情人多，選擇少，大部份味道都真係麻麻 而每個星期都必幫襯茶記既我，試完好多間之後只能講，集蘭係我其中一間最中意既。食物偏好食，常餐隻蛋 (見圖) 雖然唔係澳牛級，但勝在份多士補救。加埋杯茶走.... 算係非常唔錯既晏就選擇如果其他係茘枝角番工既人，搵唔到適合既晏就飯食，強烈推介集蘭! 

十年難得一遇的機會，當然不可以錯過，來到了這間茶餐廳吃下午茶，個人認為茶餐廳下午茶一定要有炸豬扒、炸雞脾、沙律🥗、薯條🍟才合理，如只麵條三文治跟早餐有甚麼分別？點樣個炸雞脾🍗沙律，大大隻炸雞脾，內裏不會太乾，而且外皮薄脆，整體雞脾的質素相當美好。炸雞脾來說，肉質還算爽，沒有哪些位置的肉顯得太乾。沙律🥗的份量也算是挺多，如果呢一個大湯瓢來盛，應該會有兩大瓢，薯仔不算太多，水果也不少，沙律醬又很多，味道不錯，不算太酸。茶走的奶茶味夠香濃，即使煉奶混和了也不覺淡，更形香濃，配合得宜。小小的冰室，雖內裏裝潢如桌椅均未見太老舊，但地下的階磚也可略知其歷史。這舊式餐廳比起深水埗的更出色

坐一會(約3分鐘)左右，就比說話你聽話你唔叫野食，好似個毎入來就知道想食什麼。。。剛巧有個電話，我有示意及動作抱歉，等等。我不會求小區的餐廳有什麼服務質數，大家都求人情味及好像到朋友店一樣，我自問不是沒給回應，但這家的員工真的。。。當時又不是繁忙時間。店裡是有吉坐位。如果是繁忙時間我都不會這樣阻人做生意。

呢間茶記係荔枝角區最最最最最有人情味既一間~~老闆都好好人, 員工都好好笑容, 黎呢度食野都幾開心~~除此之外, 個人覺得呢度既食物係荔枝角區算係好唔錯~~今日黎左呢度食個早餐,~杯茶真係無得輸, 茶膽正, 有茶香, 唔會一味得陣奶味~~幻油多當然係即做啦, 脆卜卜, 奶油都幾重手~~~好厚啊~~簡簡單單一個早餐, 就已經好滿足啦

荔枝角集蘭冰室，裝修雖舊，但座位充足，每次早餐我都挑選卡位慢慢嘆，而他們更有後面相連的食堂，人多滿座時可穿過走廊入內。我特別喜爱他們的早餐，肉丁麵配火腿奄列加多士，份量足，加上杯香滑奶茶，盛惠$32元，可以接受。熱奶茶，夠滑而有茶味火腿奄列，奄列煎得恰當，蛋之香味十足，蛋汁穿梭在火腿絲之間，視覺、味覺均滿足。而多士，即製而鬆脆，入口爽脆。肉丁麵，肉丁份量多，味道不錯。而麵煮得不淋，索上肉丁汁味，惹味。

係荔枝角做野, 撞正1點放飯時間, 附近好多商業大廈, 同一條行都有好幾間差唔多的茶記選擇 , 呢間聽fd講都唔差而且咁岩有car位,好la就入呢間, 有好多選擇 , 每日都有7-8款lunch set , 不過我就鐘情常餐多d la , 呢間野幾好ga 可以轉常餐的menu , 寫就寫沙嗲牛肉 , 但可以轉其他ge , eg : 午香肉丁  , 腸仔煎蛋 , 喝埋塊多士 脆卜卜ok 正ar !!!!!火腿炒蛋奄例  正ar !!!!!!!!!!!!!!!!!!!! 

I rarely go to Chinese bingsuts as the food there is not my cup of tea.Recently saw people posting fancy drinks at these bingsuts served in a black and white cup so I decided to go an try it.It was actually quite hard finding a cafe that serves it, finally did and I must have been the first to order it as their reaction was weird.The purple potato was surprisingly nice and not too sweet but the powder has not been completely dissolved.The green tea was too sweet and bitter because they put too m

路過荔枝角，開始見肚餓，友人又話想食港式茶餐廳，就揀左呢間集蘭冰室。入到去啲侍應全部係呀叔呀嬸，好好招呼，仲好有老香港feel，埋卡位坐底就睇餐牌（就係枱面塊玻璃下面），仲係下午茶時段，叫左個干炒瑞士汁牛河，附飲品一杯，共$35。干炒牛河就成日見，由於本人見識淺簿嘅關系，干炒瑞士汁牛河，就真係冇乜認識，就一就於今日見識下。驟眼睇同一般牛河冇分別，仲好多牛肉添， 不過食落就有甜甜嘅瑞士汁味，都幾得意。

黎到三點三 ，又係時候食下午茶，黎到荔枝角，見門面有啲歷史，就黎試試佢沙爹牛湯意粉，火腿奄列，牛油多士！經典常餐組合！意粉口感可以 即使放湯都軟硬適中！沙爹牛味道偏淡。火腿奄列上枱時凍，切開還有蛋汁牛油多士香脆！加埋凍奶茶一流！