集蘭冰室 (已結業)

一入門口好似, 好似返左去80年代咁, 並無誇張佢地仍然保持住舊茶餐廳風味, 藍白主色既磚裝老式木卡位枱同椅, very good feel點左個常餐白汁焗石班飯,平時飲開凍啡, 但今日專登叫左杯熱奶茶1. 白汁: 稀稀地, 有少少白汁味, 裏面好多洋葱粒同紅蘿白片2. 芝士: 唔多, 又係少少芝士味, 好在我都怕溜3. 炒飯: 有蛋, 但唔多, 炒飯味道唔算好重4. 石班: 其實咪又係魚柳, 不過佢係正正常常既魚柳            唔似平時果d蟲蛹狀既cheap魚腩, 無呃街坊5. 熱奶茶: good, 傳統絲襪奶茶, 尤其坐呢度飲真係好正白汁同飯無燶, 魚柳又正常, 雖然講唔上好好味, 但基本上係合格而杯奶茶就合格以上午餐$39

上次第一次食呢度已經對小店既人同事十分有好感，野食足料，味道好，伙記都對大家好似街坊街里一般。今次都唔例外，更衝住openrice 推介過既野食而試，果然都係令我滿足而回。焗豬扒飯同凍華田。凍華田一如樓下的樓主所講，好濃華田味，絕非一般hea 底既茶餐廳溝水而沖。焗豬，其實並非想像中大兜， 一個女仔既食量都ok, 茄汁好多，令人驚喜係連塊豬扒都有黑椒醃過，塊芝士令芝士迷既我為呢道加分不少，好食！令我覺得倍感人情，係呢度伙記會為顧著想，個時友人打算叫正價餐牌既小食，伙記就話，叫lunch set 抵d，如果其他餐廳，一定話知你荔枝角某處的小冰室，一定會再光顧

茶餐廳的魔力就是令人愈食愈起勁特別係一間有質素有味道的茶餐廳點了粟米龍脷柳飯, 一打開就見到超多汁超大塊的龍脷柳, 試問這真是一塊魚柳嗎? 還是扮魚柳的牛扒? 粟米汁好有忌廉味, 非常香滑, 而粟米都好多既, 至於魚柳除左大塊之外, 亦好有口感, 咬多去仲有juicy既感覺tim絕對唔會好乾好硬同埋魚柳用牛油煎過, 所以表皮係香脆的!

自己本身好鍾意食叉燒炒蛋，所以見到佢有叉燒蝦仁炒蛋，就即刻喊左黎食。佢另外以一個小盤裝上，份量不算太多，蛋既澤深黃，應該係特登用多啲蛋黃去炒，蝦仁真係好細，叉燒則偏咸，有少少失望，但整個配搭我依然十分鍾意。所以仍然覺得依個係一個好食既午餐。

由於就腳，而且食物質素也甚佳，因此經常成為午餐好去處。其午市有一個好處，就是在1245前結帳，就可以照價減三蚊。原本約40的午市變成37，其實抵唔少，所以早啲去食是有著數的。今次去食坐個焗粟米斑腩飯，焗飯要等一陣先到，但到個陣真係熱辣辣。白汁頗濃，斑腩幾大舊，份量不俗。正正常常粟米斑腩飯既味，冇伏冇死，飲埋杯凍飲，算係甘

晏晝想食茶記,恰好附近近近地有間,就入左黎食. 好鬼多人,雖然店員好殷勤甘幫我搵位,但我唔鍾意太迫,所以等左一陣間先有位. 喊左個翠玉瓜肉片湯飯,連熱飲,35蚊. 熱飲先到,覺得是普通咖啡,沒有甚麼特別. 隨後湯飯到了,我拿匙一舀,底下的飯顆粒分明,雖然都係冷飯餅質感,都依間野有特地將飯餅攪鬆,唔會好似一般湯飯甘成舊飯餅係底,加左唔少印象分. 湯ok,翠玉瓜同肉片份量適中. 翠玉瓜爽脆清甜,肉片柔軟好食,整體來說水平不錯.

集蘭冰室，睇落都係一般茶餐廳，但查實坊間好多茶餐廳唔知點解啲野食非常之唔好食。不過集蘭就OK中午食左餐滑蛋牛肉飯。滑蛋並不是炒滑蛋，而是很濃的蛋花茨，甘梗係爭啲。但牛肉幾嫩，兩樣配搭來撈飯幾好食。個味道同口感都唔錯，冇出事位。熱飲喊左茶走，即係熱奶茶加煉奶，反而冇自己落糖甘甜，可能我自己平時落太多糖掛

第一次係荔枝角呢邊食,通常都係長沙灣果邊! 所以就入左間茶餐廳食啦個旦煎到好脆, 夾著芽菜,火腿,韮菜,叉燒, 真係好足料最正係一碟飯既汁係好重要, 餐廳豉油亦都好夠另外, 旦並唔係全熟, 係有少少旦醬既, 所以都好滑既絕對食得過既

自己一向中意舊式冰室多過果d花巧茶記！女友辦公室系荔枝角，今日佢就帶我去試下佢日日食果間冰室。點了最正常的午餐，黑椒豬扒腸仔飯，黑椒辣又香，豬扒煎得恰到好處，不會很硬，而且好大塊！腸仔如果有兩條就更好啦！另外凍華田味道濃郁，喝下啖啖華田香，好少地方做到架。

這間正正在公司樓下的冰室是傳統的茶記。平時早餐會來買個三明治咬下。今日同同事來試下午餐。 我點了午餐，黑椒雞扒火腿飯。碟頭飯來說他算抵食，雞扒煎到好香亦不會老身。黑椒汁十分香，辣味緩緩沖擊我既味蕾，火腿可能煎一煎更好。 最欣賞是他們的檸茶。我點了少甜但茶味不會苦而且還蠻香濃！

集蘭冰室的出品一向都很好。今次早了出門，正好來這裡吃個早餐。早餐時間需要搭台，老闆和老闆娘都很健談，感受到濃濃的人情味。我點了奶油多加凍奶茶，不消五分鐘食物便到齊了奶油多厚砌的烘麵包，非常鬆脆。而且奶油份量非常多，非常好吃。凍奶茶用碎冰上，茶味十足，奶的份量亦剛剛好。這個早餐真令人滿足！

話說是日和同事去到荔枝角青山道附近買嘢，湊巧碰著食晏時間，心想反正平時甚少嚟到呢頭食飯，於是就選擇在集蘭冰室祭一祭五臟廟。揀咗是日午餐精選嘅干炒豬頸肉烏冬，作為是日嘅午餐。以紅蘿蔔、椰菜、韭菜、蝦及豬頸肉伴炒，外觀對於一間茶餐廳來說，已沒什麼可挑剔，烏冬飽滿有嚼口，也炒得頗為入味，豬頸肉反而比較干身，以至於影響整體口感，很難嚼得開，偏韌，是唯一美中不足之處。

又落咗長灣開工 十二點半放食飯 同埋個客一齊 佢話私人醒你食好嘢 嘩 民以食為先 急不及待 收拾細軟 吃飯去 到達目的地 抬頭一看 眼前是一所尋常不了的茶餐廳 心想有什麼過人之處 往餐牌一看 隨意點了個鮮茄焗石班飯甫上碟 一陣芝士香氣襲來 莫非真的高人不亮相 整體焗飯保持飯本身的軟熟 不過乾亦不過濕 蕃茄同醬汁處理得很好 除了切件蕃茄外 汁本身茄味夠濃 好正宗的港式茄汁底 石班塊份量鋪滿整個盤面 基本上每一口都可以與焗飯一起送進口中 下次有機會必定重來

呢間舊式冰室，平時 lunch hour 勁多人，今日就專登等 tea time 先黎食．叫咗個特餐，多士係厚切，奄列味道一般．沙爹牛麵好一般，牛肉冇味，要靠個沙爹汁先叫有味．咖哩海鮮炒飯，唔好食，只有少少咖哩香味，但入口好淡，同埋尐蝦仁完全係冇味 反而奶茶唔錯，仲要係用碎冰．

lunch 試新餐廳，今日試左集籣冰室，叫左個冬瓜海鮮湯飯飲凍檸水。 杯飲品先黎，甜度適中，不過冰都佔左一半，有d唔抵。 至於個湯飯成個感覺係淡，冬瓜似用水滾完就咁放落碗飯度，蟹柳腥腥地，可能俾其他海鮮既腥果過左落去。 感覺好差