雙魚亭

营业中

休息中

其實呢間餐廳係開一個唔起眼嘅位置，但係又維持咗好多年，今日呀媽話唔去酒樓飲茶，去食其他野，好，就試試佢!好彩嚟到剛好有位，之後嘅人就要等位lu｡午市套餐價錢都算平，四十幾蚊都有交易，有餐湯餐包同野飲，仲要唔使加一wor!先黎餐湯餐包，自家煲，非茄膏嘅羅宋湯果真好味!我食蜆肉松子仁炒意粉，好多蜆肉啊啊啊啊啊)))) 松子仁都唔少，又有幾條菜苗仔同蕃茄伴碟，美味指素非常高，高級餐廳應該至少要$80或以上啦，兒家我呢個餐，只係$51﹐感覺太抵啦! 要讚!至於呀媽食果個焗飯都好抵，都係$49｡下次放假同屋企人食晏又有多一個選擇啦!

由佢開張已經常幫襯，因為佢當時質素，環境同價錢都好唔錯。通常食下牛扒、意粉、沙律、奄列飯等等，應該係西日餐廳，走中檔路線。但係突然有幾年佢風格突變，腸仔雞翼、咕嚕肉飯、雪菜肉絲炆米等，我感覺就係茶餐廳質素西餐價錢。其實我欣賞佢多元化，只不過當時菜色唔太岩我口味，所以就好少食佢，轉左去梳乎厘今年佢好似搵返自己嘅定位，質素都上升返，所以我又多左幫襯佢喇，今日午餐食左-韓式薄切牛肉泡菜伴飯。都唔錯喎佢日日set lunch都唔同，岩晒想日日新鮮嘅人

又一間經常食的餐廳，因為服務不錯，價錢亦大眾化，最重要的是不會加一收費，但第一次寫這間的食評。今次點了意式豬排飯，另外有頭盤八爪魚沙律。飯是即焗的，新鮮熱騰騰，豬排頗厚，帶juice。其實焗飯可以即焗已經不錯，所以有加分。八爪魚沙律一般，八爪魚都算新鮮，沙律用醋的，入口味道不太酸，算中等水平。整體來說，是不錯的一餐。

位於上水中心及名都中間，位置有少少難搵，不過由午飯時間去到下午茶一直有人等位所以都顯眼既。價錢大約4x-5x一個午餐包餐湯同野飲.都係以一d簡單西式飯為主。紅湯有正常水準，白湯不會日日相同會有周打蜆湯，南瓜湯等等。而主餐如果咁岩有紅酒燴牛尾，建議一定要試下，相當有水準。牛尾燴得相當冧亦都容易離骨而且相當入味，不過紅酒汁稍為有少少偏甜。叧外咖哩都唔差，不過偏唔辣，唔適合鐘意辣既人仕。餐廳座位稍嫌有少少狹窄。

餐廳裝潢設計都幾好，睇落去幾有氣氛，但係D野食真係麻麻地，強差人意，而且服務態度好差，尤其係入邊有個女服務員，落單個陣好唔耐煩咁，去左幾次D野食都不及我的期待，好失望，唔明点解咁多人去食，反正我係唔會再去。

青瓜蟹肉蟹柳胡麻冷面呢個冷面令我好驚喜，因為佢加左d青蘋果絲落去，成件事fresh曬。好岩夏天食，胡麻冷面好多地邊都有但配青蘋果呢個配搭真係唔錯👍🏽👍🏽同埋佢個個面麵整到好乾身，又唔會太𣺉幾岩撈面用。佢真係有蟹肉係入邊架，真心幾好味睇佢擺碟都覺佢有心。lunch咋喎，都有生菜係底，面頭又有d菜苗係到點綴下，值得一試。午餐跟的餐湯同餐包。湯就不過不失啦。個包都唔錯既有叮熱餐飲都加左$3轉檸樂。呢個反而令我有小小失望🤣佢成杯都係冰甘制，塊檸檬幾經辛苦先篤到落去。可樂又無乜氣。Total$50同埋佢都幾多staff,出野都算快。

一支公係上水唔知食咩lunch黎到曾經都係我飯堂嘅雙魚亭呢度最正係佢午餐menu幾乎日日轉😙唔怕會食悶 但同時好易中伏 今日就係一個大伏😂😂😂.8月7日午餐menu:.我揀左C餐無幾耐 姐姐就拎餐湯同餐包比我.羅宋湯呢個保持一貫嘅水準 都係好味嘅😌羅宋湯好多料 同埋鍾意佢有少辣💕.餐包餐包好好味 皮烘到脆脆熱熱嘅 入面好鬆軟😚.主角好快都到香煎鯛魚伴燕麥野米飯配櫻花蝦汁 ($51)完全唔掂😂😂😂😂所謂嘅櫻花蝦汁究竟係同d完全唔關事嘅豆個d白汁(?)定係個pat擺明係茄汁嘅紅汁(?)飯都幾腍嘅 但汁好少 吝嗇到完全唔夠撈飯😅同個魚又唔夾魚皮煎得幾香 但舊魚細到傻😰上面仲有幾條炒到燶左嘅蔥🤦🏻‍♀️🤦🏻‍♀️🤦🏻‍♀️唔想再黎食...

雙魚亭一直係我同屋企人鍾意的。。。以前住上水有次無意之中發現，隱世餐廳似的，試咗一次畢生難忘，依家雖然搬了也會偶爾進入上水食吓佢~我食開都係晚餐，我個人認為依間餐店食物是有質素，廚師設計菜式亦很有心機，每次食都好滿意

雙魚亭午市一向都坐無虛席食物質素唔錯 但d亞姐嘅服務態度就...🙄不過隨著上水中心越來越多新食肆午市人流終於少左 唔使排隊排咁耐一如既往，前菜有餐湯及面包餐湯嘅白湯選擇每天唔同，今日係薯蓉湯😋通常如果12點前黎嘅話，面包仲有牛角包或者菠蘿包選擇，食咩包真係視乎你嘅幸運指數啦！今日朋友點左個燒春雞配薯菜，賣相唔錯，今日嘅配菜比平時特別有芽菜、紅蘿蔔絲及波菜絲。雙魚亭一向薯條上碟時都熱啦啦，值得一讚但今日的燒春雞的確失準，肉質十分「鞋」，而且燒得唔夠香應該是雙魚亭最難食嘅一次😓至於豆釘點左大蝦糖心蛋泡菜沙律，大蝦爽脆，感覺唔係雪藏蝦，泡菜都好醒胃，糖心蛋都好好味這個沙律唔錯唔錯😋😋

今天午飯時間試了一間常常好多人等位的餐廳，之前都聽人說好好吃又經濟的，專程早少少去到餐廳，終於可以試試名字像日本的港式餐廳啦「雙魚亭」。點選了「紅酒燴牛肉配意粉$49配餐湯餐包餐飲」、「鎮江豚肉配香飯$49配餐湯餐包餐飲」。🍝🍽😋「餐湯配上餐包」有紅湯(羅宋湯)和白湯(海鮮忌廉湯)，紅湯好足料，好香雜菜味；白湯不會太稠，剛剛好，配料好多，蟹柳蝦肉都有。🍲🍞「紅酒燴牛肉配意粉」牛肉燴得很軟化，好易入口，味道很好味，但不會覺得好重紅酒味，意粉煮的時間剛好，不會過靭或過軟，食完有很滿足的感覺。🐃🍷🍖「鎮江豚肉配香飯」份量很多，足夠一人有餘，件件都是啖啖肉，沒有骨頭，甜甜酸酸很開胃，香飯用上珍珠米，很有誠意的午市套餐。🐷🐖🍖🍚「餐飲」餐飲冷熱同價。奶茶很香濃，茶味跟淡奶的分量很足夠。🍹

想去食個早餐，門口有個黑口黑面既女人（收銀位）問我地有冇登記，冇就冇得食早餐，我地唔明咩登記，佢懶得解釋都費事理我地咁，好冇禮貌，超冇禮貌，依家做飲食服務業咁既態度真係搵鬼幫襯

夜晚肚餓又懶得煮, 去左雙魚亭食晚飯套餐叫左杯HORLICK, 都幾夠結, 但是味道甜左少少, 似係落左太多糖, 而且飲到落個底仲有D粉未溶, 扣分咖哩牛腩飯, 飯唔太夠, 牛腩就仲少, 得果幾舊...味道其實都唔差既, 但係D咖哩唔係D牛, 亦都好稔, 但88蚊得咁少好似度縮左少少

同老公叫左2份巨人T骨，一個蒜蓉汁一個黑椒汁，2個汁又唔夠味，牛排黎到仲係暖身感覺好似放左係枱1段時間咁，用刀切落去先知出事，發覺7成熟既牛排切極都切唔到，食落去個感覺好似食柴皮咁，不知所謂，我係惠康買份牛排自己番屋企煮都好食過佢，佢個配菜薯條唔錯，同杯凍檸茶都好飲，非常清甜，130幾蚊份晚餐得薯菜同凍檸茶好，有鬼用咩，侍應服務又唔掂，唉失敗，一定無下次。

跟男友睡醒時已日上三竿，想吃意式食物而食評亦不賴，便一齊去試試。店門外，有幾班人都在等位，食物質素應該還可以吧..等了10分鐘終於有位，可能鋪租難頂的關係，位置可其的窄...點菜後5分鐘，炒飯先上*鴨胸炒飯 $39。其實已下午茶餐來說有4件鴨胸已算不錯。除其味道偏鹹外，色香都可以。點菜後20分鐘，肉醬意粉還未上，眼見另外2台客人同樣追ORDER...*肉醬意粉 $42。餓了30分鐘，終於送到焗得過時，導致表面的芝士呈黑色及發出微燶的氣味。明白下午茶的份量會較午餐少，但實在少得過份，三啖已能KO好笑的是以為自己大食..誰不知聽到鄰座的小朋友爆出一句: 我完全唔夠飽囉~~*一"了"下去便中伏，意粉粗度跟天使麵一樣，十分失望。而麵煮得過時、偏軟，缺乏口感，浪費了好吃的肉醬;(點餐茶時，才說咖啡機壞了要點別的，真係當堂嚇一跳，然後得啖笑...THAT'S WHY NO MORE NEXT TIME,,,,,

上水中心樓下的這家餐廳,位置偏僻竟然要等位?不知為何, 但只係想食個輕晚餐,為免走來走去浪費時間,都係係呢度等一陣蒜蓉包掏上很多的牛油, 味道非常濃郁,雖然夠脆, 但亦非常油膩羅宋湯則是一般茶記水平,蘿蔔硬身大件, 湯底味精多, 酸甜味失真這杯是柚子水?甜味適中, 但實在過稀, 還算合格XO海皇醬蝦仁雜果仁炒飯,名字好長但講真炒得飯粒分明,部分微焦甚有咬口,的確係好正,可惜蝦仁味似軟膠,果仁過多是幣病,有幾多? 多到每啖飯都會有果仁,你說多不多?同時飯量亦少, 而果仁比較難消化...大家明了吧?