雙魚亭

营业中

休息中

近排工作太忙好少同到屋企人食飯，難得有機會，揀左一個係上水開左好耐嘅意大利菜，位於上水中心地下嘅雙魚亭。對上一次來已經係數個月前，餐廳環境依舊乾淨舒適，唯一唔同左嘅係餐單上菜色。今日小編同母親大人叫左兩道之前未食過嘅食物，一個係卡邦想雞肉長通粉，另一個係蜂蜜芥末籽醬黑毛豬扒。圖片係小弟開始食嘅時候影嘅，上菜時候外觀好得多了。長通粉芝士味好多香，食落比想像中口感更濃。雞肉都算新鮮。另外個個黑毛豬扒上菜嘅時候已經好香，不過d 配菜睇落有d頹。建議點一d tabasco食豬扒，一來豬扒佢已經煎得好鬼香，加埋小小tabosco 嘅酸辣味簡直係味覺上嘅享受。 總括黎講，餐廳環境唔差，侍應親切態度好，價錢都仲可以接受。兩個菜色份量都好足，兩個人食岩岩好，已經menu 會成日轉，比到新鮮感客人，住上水嘅朋友不妨一試~

話說今天是假期最後一天,所以也想好好留在家中休養生息,但我們家是"無飯夫婦",所以也不可避免地要出外覓食,聽說最近上水也有不俗的西餐廳,今天決意來試試,想不到有意料之外的驚喜餐廳裝修沒什麼特別之處,但食物水準在上水來說卻是數一數二,而且晚市套餐$80起,所以同類型餐廳來說絕對超值.餐湯是羅宋湯,上水一般的西餐湯,羅宋湯水準都是偏低的,可能那些餐廳的記憶還是認為上水人是沒要求吧,這可是大錯特錯.但雙魚亭的羅宋湯算是水準以上的,味道剛剛好不太濃不太淡,而且內裡不全是湯水,菜也是有相當份量的蒜容餐包非常香脆,咬下去是硬硬的那種脆,配上餐湯簡直是一絕.這些年經歷過無數知名餐廳洗禮,但心裡還是覺得這種簡單樸實的餐包加例湯才是最寶貴的黑毛豬配薯菜,老實說未吃下去之前已知道不是正宗的黑毛豬,但味道確實不錯,豬扒煎得不慍不火,吃下去肉汁鮮嫩,薯菜也不是只能遠觀,不能試吃的那種,不論是豬扒還是薯條配上店家自製的蜜糖汁,味道都是非常吸引食物味道確實不錯,但正如其他師兄所說,服務確實有待改善,完全沒有那種親切的感覺,而且不能用Credit card確實帶來不便

追月難得放假，出嚟嘆返個下午茶價錢俾大x樂同大x活貴少少但係無咁多人公司三文治：賣相靚材料新鮮味道唔錯，我認為加啲鹽落去，食落增加多一層味道，配有粗薯條，暖暖地仲係脆既長通粉：平平無奇，無乜奶味，無乜味羅宋湯：好多蔬菜，好夠味，不過只見到極少牛肉碎，無肉味重點係，現場有好多小飛飛，要小心佢地同自己爭食！總括：食物尚可，但環境衛生可改善

第一篇不是笑臉的食評。和中學朋友聚會，大家都不想到太遠的地方就決定留在北區，之前跟其他朋友吃過雙魚亭的晚餐覺得還不錯，就決定來這裡解決我們一行五人的午餐。我點的是Set Lunch中的蜂蜜菠蘿豬扒($48)，菠蘿是新鮮菠蘿而不是罐頭的哦! 而且也不是很酸。主角豬扒肉質鬆化又不會太軟，雖然是沒什麽豬肉味也沒什麽調料的味道，但總算及格。醬是普通的番茄+肉汁煮成的醬，不過不失，只是吃不出有蜂蜜的味道。配的薯菜也不錯，薯條香口而不油膩，如果可以再炸一陣子更脆就更好。而我喝的凍檸茶也一般茶餐廳水準。但朋友點的另一款Set Lunch香蒜雞肉鮮蝦茄汁炒意粉($48)就是另一回事。看上去很不錯，而事實上醬汁也有蒜頭和茄汁的香味，還蠻惹味的。但所謂的鮮蝦只是雪藏的普通蝦，算不上彈牙，當然也不至於霉。而雞肉也是少的可憐，按照我朋友的說法就是只有兩到三塊大概兩個拇指大的雞肉而已。難為三名女生還分著兩碟材料這麼少的意粉，讓我這個提議來這裡的人其實還蠻不好意思的。凍檸樂(+$3)也依然一般，朋友在點單時問過可不可以用一罐可樂+一杯冰和檸檬這樣的形式上。服務員的回答是這裡沒有罐裝可樂，他們是用汽水機的，不過還好

在上水想找好一點的西式餐廳，雙魚亭會是一個不錯的選擇，剛巧放工時經過，平日客人多多的中午時段，就算位置不好，但是一個人想要搵位都有難度，難得見到有位，點都要試試。是日午餐是黑椒什菌牛肉燴意粉，餐湯就羅宋湯好了，配料足，但未夠辣，餐包微溫，塗點牛油食，芳香軟熟；主菜最喜歡芡汁不多，黑椒帶點微辣，意粉有一朕辛香，可惜淥得太淋，少了一股嚼勁，再加一杯凍檸檬茶少甜，剛剛好。

每隔一兩個月，在下總會來到上水，無法子，這都是因為工作的需要。每次來到這區，多數都會順道在這裡用膳，幸好上水都不愁沒有東西吃，只是沒有太多特色的餐廳。今天午飯時間走到上水中心，地下有間雙魚亭，是一間小小西餐廳，來到之後就發覺大排長龍，心想一個人都要拿個籌號排隊，誰知當向侍者說明一個人後，便立即引領在下走進用餐區，與其他食客搭抬。餐廳午市時間主力做套餐，有中式和西式，午餐共有六款，三款放在枱上的餐牌，另三款則在牆上，而牆上的午餐多為中式，而在下則在放於枱上的餐牌點了一款午餐。紅湯其實是羅宋湯，與舊式豉油餐廳所喝到的紅湯大同小異，除了蔬菜外，還有牛腩在內。味道與港式餐廳一樣，帶點辛辣味道，不過亦有酸甜味。麵包是典型的港式麵包，包身外面頗硬的，但是內裡卻很軟塾，吃下又有點脆，加上牛油，都不錯吧！主菜點了意式茄子煙肉螺絲粉，在下點這菜式是因為太久沒有吃過螺絲粉，特意點來吃的。這螺絲用上了莙膏，煙肉和茄子一起撈，使螺縲粉沾上了茄子蓉和煙肉，吃起來不但有酸甜味，還有煙肉的微微煙勲味，而茄子卻沒有太多調味，反而散發著茄子本身的清淡味道。雖然熱咖啡用上了普通的即磨咖啡，但是亦有泡沫浮在咖啡面層，喝一口

與朋友食個晚餐, 不知食什麼,想起雙魚亭,總是成日經過,但未食過!!一間普通餐廳,原來食西餐!!羅宋湯味道濃郁,無溝水蒜蓉多士脆卜卜羊扒,朋友話正我就食個什扒,有牛,豬,雞, 煙肉, 腸,仲跟薯菜, 份量十足,好飽呀!!+$3 轉了熱柚子蜜, 好味,不太甜!!埋單約每人$110, 無加一, 但感覺貴左d, 可能環境不是高檔, 食物好味,但未至於食過翻尋味!!

今早約11時前往上水雙魚亭吃早餐，進入餐廳第一眼望見一個全身懶洋洋倚在水吧的紥馬尾、身型肥胖的中年女侍應，直接反應是向她示意我是一位光顧，殊不知她不但沒有安排座位給我，只是極不禮貌地仰一仰她的大頭，示意我自行入內找座位，我惟有無奈地自行找座位，跟著當我準備柯打食物時，揮動手示意找侍應，當時全場只得肥侍應出現，但她不是前來協助落單，反而大大聲惡言向我說:「你叫那些侍應啦!」當時有其他侍應站在遠處的收銀機旁處理其他事情。我認為這個肥侍應態度好大問題，她即使不願意為客人落單，都應該請客人稍等，然後請其他侍應協助，而不是命令客人找過另一個侍應。在我進食期間，不停聽到這名肥侍應粗言粗語大聲說話，令客人的耳朵受罪。我決定以後都不再光顧該店，以免付錢來受氣。食物質素方面，今早吃的早餐是牛扒炒蛋配沙律，牛扒乾身且韌，每下都要用盡力才可鋸開，而且環境衛生欠佳，我見隔離枱客人身後有蟑螂在牆上爬行，一名侍應打算用餐牌將蟑螂撥走，但遭該名食客喝止，她恐怕蟑螂會掉落她的身上。

熱辣辣食評本身今晚同男朋友仔去元朗食飯, 但係俾d功課纏身, 最後都係上水食~男友話佢住左咁多年, 成日想試但未食過~8點幾, 間野今晚唔多人, d位坐左一半only~所以一去到就有位~~入到去被安排坐2人檯, 但..其實佢仲有好多檯...張檯雖然唔算細..但佢d碟好鬼大隻, 冇咩位擺...講番正題先~坐低後男友叫左個7成熟西冷配薯菜, 蒜蓉汁($120), 我叫左個"照燒鰻魚奄列飯"($78), 2個都要白湯個湯雖然係罐頭湯, 但都有d料wor, 有火腿粒同粟米粒, 又唔會好似其他舖頭咁咸, 都幾好味~但個餐包就好似叮過龍, 乾左d...but it's not a big deal~男友個set有個starter, 佢叫左薯蓉焗田螺,佢係一個扇貝殼裝住3小粒田螺, 上面有薯蓉~d薯蓉好好味! (田螺唔知, 我冇食)main course黎lu~男友本身切開舊扒話好似幾令, 但食落去完全冇牛肉味, 雪到冇哂味~我都試左舊, 冇味= =" d汁就冇咩特別~d薯條唔香~而我個"照燒鰻魚奄列飯"...我唔知係我自己見識少, 定係佢d蛋堅厚...食個舊奄列飯個陣, 只係食到啖啖都係好厚既蛋.

今次是我第一次在 openrice 打食評， 但不幸的這是一篇劣評!我和我丈夫及囡囡去雙魚亭食早餐 ，我叫我囡囡去搵位先 (因為呢間要等一陣先有位) ，我囡囡在拎完票後有個師奶在囡囡拎票之後先拎票 (3人) ，跟住囡囡等左5-10分鐘後，終於有一張四人枱 la !!!但雙魚亭的員工( 以下用Ａ代替 )竟然叫我地同人搭枱 ，我地表明要四人枱後，她叫我地要再等，跟住仲將張四人枱俾頭先嗰個師奶!!!!!!!!大佬 ，我地明明早過個師奶 ，人數大家都是3個，點解張四人枱俾人地先，要我地再等？ 囡囡話個師奶一入來雙魚亭，Ａ已不斷同她打眼色 ，擺明Ａ容許人地打尖 ！Ａ又以執枱為名，叫囡囡唔好坐落張四人枱真是好火!!!!!!

今次是我自4月加入 OpenRice 做會員以來第一次寫食評皆因有 ::分享精采食評 賞你睇《竊聽風雲2》的動力,昨晚係補祝我另一半的生日, 雙魚亭是我們吃西餐必選的餐廳因為有酒店的品味, 相信以上水區來講是我們光顧最多的食店, 現時的地點位置之前已做過多種行業包括兩間茶餐廳均開業不久便關門大吉但奇怪雙魚亭已營業超過5年仍然有他的生存空間, 簡直是我哋的口福, 且沒有加一呢, 大家不防一試呀!首先Order一客七成熟的羊扒套餐盛惠 $120.00, 上月才$108.00 又加價了, 包括:頭盤 : 鮮橙鴨胸伴越南檬粉, 清新可口, 酸酸甜甜令人開胃, 餐湯: 疏菜忌廉湯, 湯底不會太稠, 疏菜也不太淋, 味道剛剛好, Very Good!餐包:　小甜餐包，香脆可口,主菜: 兩件羊扒配少量疏菜,及車梨茄另跟白飯, 之前是3件羊扒, 又縮水了但仍保持水準, 肉質軟淋帶少許蘇味配以蒜蓉汁, 非常美味, 倘白飯較為軟熟就十分完美了甜品: 西米布甸, 送上時單從賣相認真不討好但當品嘗時才發覺如此好味, 原因是在碟旁邊附有 的忌廉發揮了其神奇效果,

兩個晚餐咖喱牛坑腩配烤餅黑椒牛柳粒配金邊粉跟兩個餐湯白湯餐飲芒果茶最先來既當然係包同餐湯料都好多，湯亦好飲跟住既係牛柳金邊粉覺得呢個配搭有d怪呢類餐廳竟然配金邊粉食？呢一個餐味道一般之後既係牛坑腩烤餅其實係上一次食既時候都已經想食所以叫左佢來食呢個味道唔錯烤餅"點'住咖喱汁食係一個好好既配搭牛腩都夠淋咖喱亦岩岩好(本人覺得)最後上埋餐飲臨尾都要失望一下=.=''好少芒果味p.s.我地入去間野見到個餐牌既時候都覺得d餐既配搭有d唔知點咁好似咩國家既菜式都有少少咁食落亦唔係每一個餐都好食可以揀d正常少少既菜式去試

今日同朋友到上水lunch，因為平時好少到上水，於是我便預先上openrice睇下上水有咩好野食~ 呢間似乎價廉物美，於是決定試下。一心以為呢間係意式餐廳，所以當我見到這間餐廳的裝修同menu之後，發現同普通茶餐廳差唔多，真係有點失望。我地到達時已是2:45pm，餐廳都近乎滿座。我地order 左set lunch，包括:餐湯超普通的水準蕃茄蜆肉意粉大大碟，味道都ok，意粉質地唔會過淋，好過一般茶餐廳咖啡又話係即磨，但好淡，唔夠咖啡味另外，侍應生的態度散漫，真係同茶餐廳差唔多。呢間餐廳除左係價錢合理之外，其他野都唔值得推介。

好味!!!好味1 _____ 雞扒蛋包飯好味2 ______________咖哩海鮮配飯好味3 ________________________咖哩吉列蝦配飯好味4 ______________________________煎豬扒配紅酒.....汁?!!!!份量足單點價錢合理選擇多好多朋友試完都覺得好味賣相都幾靚

雜菜湯--與308一樣都足料，夠熱，微辣。黑椒鮮奶牛柳粒飯團$75--黑椒味不算強亦不是一律快餐公式化味道，都係那種家居點綴式調味。鮮奶整飯第一次食，幾滑又香，不會像白汁咁漏。牛柳柆都有牛味，都係一般凍肉西冷味道。所謂的飯團都係將個飯整到dome一樣，然後中心注滿醬汁，所以醬汁份量係足夠平均撈勻個飯。咖喱牛坑腩配烤餅$68--咖喱裡椰汁食得出很豐富，咖喱亦很香濃唔會港式快餐味道。坑腩炆得很稔，質感亦不會韌很老，切法亦不會咬到痴晒牙。腩帶點小肥整體很不錯，咖喱汁亦不見得比東南亞咖喱煮法差，分別只係煮法不及東南亞咖喱草本香料味強，但我覺得比起連鎖快餐已好很多很多。烤餅雖然油一點，食過nan的朋友會分辨到質感明顯兩者有點不同。不過這烤餅撈汁食有點脆又脹卜卜亦相當好味。餐飲--咖啡係即溶咖啡，雖然如此，總好過馬虎沖用不合溫度的水搞到又苦又酸。 食後感：估不到有西方旅客來幫趁…唔係媚外心態，而係事實菜式走多元化路線，即使係西式，但點都有款適合自己的。沒加一，小店格局，坐得舒服的。唔明白餐廳資料點解歸類為意式！？我會視為一般西餐廳較好，不然會弄錯期望的菜式。