雞冠新加坡海南雞飯 (已結業)

都算食過唔少海南雞平嘅貴嘅，米芝蓮嘅本身對於呢d小餐廳就無話諗住係黎’食好西’咁，都係諗住不過不失飽肚一餐點知出乎意料地好食😳😳😯😯雞滑，醬料又好味，個辣醬同姜蓉係真係有辣醬同姜蓉嘅感覺(唔知有無人明，食過好多醬係唔知點解唔三唔四咁)，呢度嘅辣椒好味，姜蓉好香，同d雞好夾油飯都ok，幾香香茅，又唔會好漏，啱啱好呢間海南雞真係有少少令我驚喜，令我以後諗起海南雞時，佢絕對會有一席位置所以好少打食評嘅我都想黎留下一點跡墨，推介你哋去試下

我係勁鍾意食雞嘅人長期幫襯雞仔因為覺得佢好食但係最近有人話呢間好食過雞仔梗係要試吓啦夜晚七點幾去買因為疫情問題都有幾個人嘅佢標明無添加冇味精咁真係要試吓啦佢係貴過雞仔嘅今晚我就買咗兩個海南雞飯套餐外賣力走$60一個返屋企打開外賣盒好整齊眼見好似多過雞仔嘅雞一食落口啲飯都好濕潤嘅佢嘅甜豉油真係冇得輸雞明顯真係多過雞仔例湯得個咸字所以冇味精係正確嘅因為⋯我認為係鹽水湯青瓜新鮮嘅伴菜嗰啲食完兩三個鐘頭都唔覺得口渴應該都係冇味精但係總括嚟講我都係鍾意雞仔起碼雞仔個湯真材實料好味只係雞嘅份量少左啲飯雞仔係香香茅呢間野可以一試大家口味唔同下次都可以試吓其他先

話說我真係一個海南雞控，食幾多海南雞都好，始終都係覺得新加坡一個細細FOOD COURT嘅戈份海南雞真係出色到翻尋味。但唔代表香港係無好食嘅海南雞嘅...首先在我尼講海南雞最重要係有三樣野1。油飯2。3色醬3。去骨滑滑海南雞其中一樣失色都令我感覺好唔滿足。老實講呢，哩間雞冠唔係我喺香港食過最好食嘅，但至少佢係油飯都係有3色醬，仲有個親切又善良嘅姨姨（完全係哩樣搭夠）。感情的確唔可以當飯食，但感情絕對會加分。哩位姨姨就算幾唔好生意都會笑住問想食咩，仲因為戈日生意麻麻地會加多幾件雞或者比多碗湯或者大碗啲飯。有時仲會同你傾下海南雞經。所以的確唔係最好食，但當幫襯下都開心!------或者大家有聽過長沙灣開左個FOOD COURT，之前都有啲大報章雜誌有宣傳過，但我去咁多次個FOOD COURT都唔FULL，直頭可以用冷清形容。諗唔到食乜，又想靜靜地，又有啲選擇，哩個FOOD COURT真係明智之選。

之前去過荔枝角有個位，好多不同的餐廳，坐的位置都乾淨，而其中有一間就是雞冠而這裡招牌是海南雞，當然即時叫回一份午餐招牌去骨海南雞飯套餐加凍檸檬茶六十一元價錢都不叫十分便宜但見不少人買都試試，等一陣就可取見到都份量幾足，不過油飯的確幾硬，但油飯的味道不錯，而且十分大碗。海南雞的醬味道比較淡，豉油太甜，雞都份量多，連入面的都是雞，肉的確幾嫩但雞味比較淡湯味道濃不會飲到口乾，細細碗都夠飲凍檸檬茶沒有檸檬味不好飲，但因為份量都不多，最後都可以飽肚離開。

食飯的時候，喺呢度工作、熟悉呢度環境嘅人都知道好難搵位食飯。第一次上來創食薈，原來地方也很寬敞。有很多的選擇。行了一個圈，最後都是選擇海南雞飯。雞是去骨的，肉嫩。飯是雞油的，有雞味。湯有點鹹，不夠老火。老闆和老闆娘友善。整個進食體驗領人舒服。

雞冠難食海南雞飯😫😫😫Kay Gor 星期一午餐去左依間樓上店食飯又試試依間海南雞飯啦🐔🐔🐔招牌去骨海南雞飯配中湯、油飯、凍檸茶中湯明顯唔係煮左好耐，只有味精味雖然油飯金黃色油飯反而太油， 完全無飯香😟😟😟不值一試雞好硬身，不是全瘦仲連好多肥膏😟😟😟味道欠奉😮😮可以講無雞味配汁完全都無味，簡直失望😭如果仲以這個價錢要生存有點難👎👎$61午餐算同區較貴，勝在位置多坐得舒服😌

長沙灣好耐無去，是日路過發現有一樓上food court，抱著探險心態一試。當時七點多，未見人流，就隨便坐下，環境不錯，寬敞舒適。裝修都幾好。呢間舖位置算當眼，裝修簡潔明亮，就試一試，半隻海南雞，份量ok，肉味幾鮮，配以海南三色醬汁，正常配搭。對整個場觀感ok，其他舖頭下次再戰。

抵食海南雞飯餐@雞冠新加坡海南雞飯 長沙灣近年起左好多新樓，食店都開多左好多!家陣愈來愈多野食! 長沙灣青山道果邊早排開了Food Creative，FOODCOURT形式， 街坊價錢，而且都幾多元化，我都食左好幾間 雞冠是我ENCORE了幾次的小店，因為好食又抵食囉 呢個SET先$58 一大份海南雞，加上雞油飯和雞湯， 雞肉是偏廋但沒有鞋口的感覺，雞皮好滑，食起來好爽口 生熟程度岩岩好，沒有血水，但又唔會過熟 看起來都好正宗GA

去完明愛醫院就在附近找東西吃，無意下經過創食薈，是樓上Food Court兜了一圈，剛好有人捧著海南雞飯餐，我望見雞肉好像很嫩滑，整體賣相不錯，於是決定一試午餐$58有雞、油飯、湯、熱飲，覺得價錢合理店員裝飯時會問要多飯，還是少飯，覺得不錯，不浪費食物概念 (相中是正常份量)雞：嫩滑，有雞味，已去骨(除雞翼)，青瓜新鮮清甜油飯：粒粒分明，略有口感，很香湯：清甜，是蔬菜帶出的甜味檸茶：正常醬料：覺得薑茸略偏鹹，或許是因為沾醬的關係，其他兩款醬味道正常整體：好味！出色！