雞同鴨講

营业中

休息中

🔎雞同鴨講 (元朗)💛元朗真係有千千萬萬間海南雞😂又有一間新進黃店加盟元朗國！🔹海南雞飯 $48大大盒海南雞飯 飯底預設用黃薑飯（可轉白飯）雞量都唔少 但飯量真係極多 絕對夠飽 醬料有4款可選 包括薑蓉、沙薑、泰式、百搭今次揀咗泰式同百搭 海南雞同泰式幾夾 酸酸甜甜咁 係幾好味🔹鹽水鴨飯 $48本身唔係太鍾意食鴨 覺得肉質好粗糙 但呢個鹽水鴨又唔係好覺 開始對鴨肉改觀 配咗百搭醬食 真係好百搭個味😂好難形容 係配咩肉都岩嘅味💬必定回頭！下次試埋醬油雞同肉餅再出多編🤤📍元朗鳳群街2號年發大廈地下23號舖🍴搵返相關地區👉🏻 #90sfoodieshare_元朗#食在元朗

新開係雞地嘅良心💛店 見唔少人食過都話幾好一於試吓。淨係做外賣 門面好乾淨 店員都好有禮貌 食得放心買得開心👍🏻去骨醬油雞油飯（ $48 ），分量正常，雞滑又幾入味，飯軟硬適中亦都香口唔係得啲色。半隻去骨海南雞（ $75 ）味道正常。整體價錢合理，分量足夠，味道都唔錯，醬油雞較好味，唯仍有少量碎骨，可改善更佳，會再食👍🏻下次要試埋佢嘅鴨同豬扒。

去開元朗 又係四周圍搵食見到個名好得意 雞同鴨講覺得好特別 於是睇下係食咩先原來係食海南雞 豬扒飯之類既野而家都多左只做外賣既舖頭唔知係唔係疫情既關係呢 類似D類型既舖多左😂哈哈 講翻雞同鴨講先 佢地舖頭廚房係開放式甘 所以睇到廚師處理既過程 而家睇到d雞鴨係唔係靚野先👍👍👍其實我係想叫鴨 可識當日係買曬 之後甘叫醬油雞 點知佢話無 甘姐係只有海南雞揀其實個飯都好大碗 甘好抵食 金黃色 飯粒粒分明 唔好以為油飯就係好油甘 佢既飯是乾身 一d都唔油 重要好多黃薑好夠味 加埋個百搭汁酸酸甜甜甘開胃雞都有好多舊 無骨真係好適合懶人食 唔洗”論”骨🦴好放便最緊要係雞肉嫩滑連雞皮都係爽既👍雖然我拎到翻屋企係有d凍左 但佢都係依然好食😋

係疫情下好多鋪頭都支持吾住😢但啲間鋪正正係啲疫情下開張 每次經過都聞到好香嘅雞味 今次終於有機會係放假啲時候試下 老闆娘非常貼心為每個客人去介紹 其實我有少少感動 好少鋪頭會去解釋比客人聽 而且佢仲要係全程好有禮貌 而且佢地衛生做得好好 開放式設計比客人一個放心 全程仲要帶口罩同埋手套🧤-🧏🏻‍♀️溫馨提示：因為係小店 淨係做外賣 所以可能住得遠嘅朋友仔要搵方法解決啦 另外第一次食嘅可以問問老闆娘 佢會跟返你口味推薦比你 而且都人比較多 以打電話叫外賣嫁 Sikforlife好希望大家會多多支持香港小店😋-▪️ 無骨醬油雞飯配黃薑飯 $48▪️ 香煎薄餅 $10-#無骨醬油雞飯我一打開個盒超香嘅醬油雞味，個人中意食無骨嘅雞因為好方便🤣佢嘅雞都好滑身，最怕係好嚡身或者無味但，佢兩樣野都無中伏，啲個價錢嚟講cp 值高，而飯有得簡白飯同埋黃薑飯，或者加$12有肉燥飯，不過個飯就稍為有少少乾身，但我配埋佢嘅百搭醬汁酸酸甜甜撈埋食就岩岩好啦。佢仲有得簡薑蓉/沙薑/泰式，下次等我試下啦🥰雖然睇落去好似好細碗禁，不過對食lunch嚟講份量岩岩好。#香煎薄餅佢嘅薄餅係即叫即煎嘅，抵讚嘅係佢吾多油亦都吾乾身，

一落樓下就見到有間新店，個名幾得意，中文仲叫雞同鴨講，仲有咁多人排隊，梗係要試吓啦鋪面會有透明玻璃，見到店員處理食材，斬雞嘅過程，感覺好衛生又安心，佢地全程都有戴口罩同手套食物種類主要係雞鴨和豬，我同老公覺得無骨海南雞飯應該係招牌菜，即刻叫嚟試吓，仲揀咗黃薑飯。佢仲有四個汁可以俾你揀，分別係姜戎，砂礓，泰式，百搭。我哋就揀咗一個百搭汁原來佢哋試業中，仲有個優惠，就係去社交平台 like和share一個post就有$5抗疫優惠券 只要拎比店員睇就可以即時扣減，好抵呀！唔知係咪好受歡迎嘅原因，勁多人排隊，等咗成10分鐘，合理範圍內返到屋企打開飯盒食，海南雞非常之新鮮，同埋啲肉係好嫩，再配上百搭汁，少少酸甜感覺，非常開胃。同埋呼籲各位女士，飯盒裏面嘅黃薑飯份量非常之多，如果細食既女士，就叫佢哋少飯啦