雞味濃 (已結業)

🐓雞味濃行過見到好多人排隊買多賣，發現堂食都唔係貴，就入去食個飯試下佢咩料蒜香蔥爆霸皇雞 包老火湯、油菜、白飯 $53份量十足，應該有半隻雞？雞係連骨既，雞肉嫩滑有肉汁，皮爽👍🏼雞下面鋪咗大量芽菜，芽菜吸收哂雞味同蔥蒜油味佢仲菜脯送添白飯比夠乾身，不過撈埋啲汁同菜脯食就啱啱好🤣油菜同湯都係正常發揮🤫以$53呢個價錢嚟講真係好抵食，仲要有咁多野食食物質素係唔差既，好食過燒味檔個啲雞先啦呢間係可以encore既😆

一直見到呢間雞味濃以為係飲雞湯米線嗰類，原來係食燒味同家常小菜就一於試試砂薑雞套餐$56最得意係一反傳統，有個木 tray一份份上野食🙈🙈飯好大兜，餸都唔少。有埋菜配湯咩都有啲感覺好似健康啲😂仲叫咗個豉油王雞配叉燒套餐😍原本想叫鐵板叉燒不過已經賣晒，但反而有雞有叉燒咩都有得食又幾好☺️之後見到人蒸條魚自己又想食就叫埋一份😂$48豉汁蒸皇立倉，跟餐都只係$56因為已經叫咗兩個餐所以就單點一條魚即叫即蒸，等咗大概20分鐘左右，冇腥味，方便過自己煮同埋啲侍應都好有禮貌，好加分，完全唔似一般茶記😍

荃灣特色係咩 除咗堅離地城（行人天橋多）之外就係周圍都係米線拉麵刀削麵對呢啲冇乜興趣嘅人嚟講放咗工想搵間出品正常價錢合理可以堂食嘅燒臘舖都好難雞味濃晌路德圍都開咗一段時間食飯時間都有人等位今次閒日夜收工冇人等就入去試下呢度主打嘅燒味只有雞同叉燒雞有豉油雞 霸皇雞 沙薑雞另外有啲小菜想叫套餐轉菜飯但太夜菜飯賣晒 轉咗瀨粉例湯就一般啦雞嘅質素幾好 份量合理$48餐 呢個質素 好過連鎖快餐店好多最後忍唔住口嗌咗個紅豆沙 呢個好普通可以唔嗌

之前係旺角分店食過，今晚想食清淡啲就試下再幫襯下荃灣呢間分店。我最鍾意雞味濃可以自選飯粉麵，仲要有我至愛既瀨粉，出面而家真係無乜舖頭仲賣緊瀨粉。叫左一個蔥雞同烏頭套餐，有湯有菜，夠曬飽肚。個例湯唔會話有好重味精味，我估係真材實料掛。平民價錢但絕不蔗渣。

雞味濃，第一次嚟喎，這條街，有頗多食店，馬上試吓招牌菜😀雞 ，睇吓餐牌，仲有蒸魚，肉餅，BB 鴿，叉燒 …. 及飲品三款雞套餐 $48 起蒜香蔥爆霸皇雞、原味頭抽豉油雞 、瑤柱火腿沙薑雞，送老火湯、油菜、白飯/米粉/米線賣相不錯，原味頭抽豉油雞，加$3 轉菜飯，大大碗熱辣辣無味精老火湯 😋（雞腳、肉、蓮藕、火喉十足）蠔油生菜，爽脆，豉油雞夠濃味，不太咸，芽菜墊底，仲有小碟蔥油家人點 叉燒炒滑蛋我鍾意瘦叉燒，有咬口😀炒蛋唔夠滑唱😀另加$10 低糖鮮豆漿 總結： 埋單 $119 😊 不錯，仍會再來，試試其它 👌

媽一開口就話想食雞，若平時平市就不用猶豫，必去這店附近的泰館。但晚市就沒頭緒，最後見到這店。一個套餐有老火靚湯、油菜，可配白飯、米粉、米線，約五十元實在很划算。媽叫了葱蒜霸王雞餐，一送來，感覺份量十足，雖然雞件下舖了芽菜，但感覺雞件仍是足夠。是日老火湯是扁豆粉葛湯，感覺有料，味不錯，豆也淋淋，幾入味。媽的霸王雞感覺是很有份量，不過部位是翼同胸，就有點失望。因為長者食翼不便，胸肉不感雞味，但不算鞋，應該是刻意烹煮過。我的頭抽雞，剛好是雞肶位，非常滑嫩，而且味道不會過鹹，恰到好處。鄰座有兩位長者落單，詢問可否揀肶位，剛好落單者是年輕的老闆，老闆特意不額外收費給兩位雞肶。長者們當然高興非常。不過，這店的冷氣實在不行，邊食邊汗流浹背。下次天氣涼爽再來食。

平時都係堂食，都唔差，湯同雞都好食，比較喜歡沙薑味。今日又去咗買砂薑雞套餐，今次係外賣,不過今次有少少問題，就係原來外賣嘅沙薑汁，係已經倒左落去，可惜太少沙薑汁，近乎冇，基本上外賣就係似食白切雞，而味道就比雞下面啲芽菜汁吸晒，沙薑味欠奉。所以如果想食啲汁，最好叫佢另上。

一睇個招牌就知係食雞啦，試一試係咪真係雞有雞味先😀😀～～～瑤柱火腿沙薑雞～～～沙薑雞套餐配嘅就係白切雞，雞肉柔嫩，重點就俾咗細細碟嘅沙薑醬，醬味幾濃配飯或配雞都唔錯😁😁！菜🥬屬於新鮮，唔錯😗😗可惜個例湯就真係好例湯囉，冇咩味😞😞但想問吓究竟瑤柱火腿喺邊呢？🤨🤨～～～龍鳳配（秘製叉燒配豉油王雞）～～～叉燒比較‘鞋’同乾，豉油雞同嗰店名一樣‘雞味濃’😚😚加咗$3改要菜飯，正正常常😋😋～～～是日甜品 （雪耳木瓜糖水）佢係一隻少少甜嘅糖水， 雪耳同木瓜都新鮮😊😊🤴🏻另外再叫咗～～～即炸紅燒鴿～～～好乾，乾過頭先舊叉燒，又唔脆！😟😟用餐嘅時候聽到其他枱客人一坐低就叫霸王雞，應該係最出名先係佢，咁下次再試下啦😍😍

一份非一般嘅叉雞飯👍🏻冬天除左打邊爐之外，食鐵板嘅嘢都不失為一個唔錯嘅選擇😂鐵板除左可以配牛扒之外，仲可以配叉燒？😳你無睇錯，係叉燒...袐制鐵板叉燒$65🥓一上枱之後，店員會幫你淋上醬汁，之後就會睇到以前扒王之王’炸炸’聲+飄煙嘅效果😂(提提大家要光速翻轉，如果唔係個底會太燶)叉燒係半肥瘦嘅，好厚切，食落啖啖肉，而且啲醬汁注滿曬成舊肉，好入味😍蒜香蔥爆霸皇雞$53🍗份量算多嘅，雖然都幾多骨，但食落係juicy嘅，有些少肥。個汁好濃，配埋啲蔥同索曬汁嘅芽菜係超級正😋😋😋套餐會包埋油菜，無味精老火湯(加$6轉是日甜品)，飯/粉(加$3轉菜飯)，同埋小量菜脯-油菜份量都幾多，個湯淡左少少但真係完全無味精，菜飯唔香無特別所以唔太值得加$3，菜脯細細粒夠鹹好送飯

古語有云，廣東人做雞既方法有好多種，但係要做得好都唔容易㗎😳• 蒜香蔥爆霸皇雞套餐 $53價錢雖平但睇落完全唔頹唔馬虎。雞肉雖未如店名所講嘅咁濃郁🙈，但食落一啲雪味都冇已經好唔錯👍🏻，畢竟依個價錢都唔會期望佢用走地雞吧🤣，上面舖左滿滿既香蔥炸蒜，惹味非常，食完把口應該好臭😆再加上佢辣辣地既醬汁，比起平時食開既傳統白切雞，小肥妹更喜歡依個重口味版本❤️不過睇名就真係估唔到佢係辣既，唔食辣既朋友就要注意喇😟！套餐仲包埋清甜無味精湯水同油菜，性價比之高，根本冇唔食既理由呀😚• 原味頭抽豉油雞套餐 $48小肥妹一向鐘意食豉油雞，貪佢嗰浸甜甜地既醬油味。夠味道之餘唔會太鹹仲帶甜味，浸泡豉油既時間拿捏得準確，色香味俱全🤤，小肥妹同樣咁鐘意🤪，兩款雞都咁出色，實在揀唔落手，難分高下😂揀左配湯米粉，湯頭淡如水，下次揀返配飯好啲😟

是日行完山到荃灣覓食，在路德圍見這家主打雞的店又未食過，價錢不貴賣相不俗，於是一試。我們下午5點幾店內客不多，但不停有人來買外賣，有些買飯盒，有些來斬料買隻雞，加強了我今次選擇的信心！叫了叉燒沙薑雞雙拼套餐50幾蚊，有湯有油菜，加幾蚊白飯轉菜飯，份量足，望落豐富先試叉燒，賣相已知唔差，切得厚薄適中，肥瘦均勻，咬落淋滑帶香味，亦不會過咸，如再熱一點會更好，不過都算高分了。相反店子主打的雞卻較失望，雞肉很滑但雞味淡薄，的確要靠蔥油或沙薑汁提味較好吃，不過以這個價錢，其實質素算有交代，只是與店舖的名字較大差別。套餐的湯有雞腳，味道不錯，菜飯沒有調味，不過不失。總括而言，CP值算高，難怪咁多人買外賣

真材實料！又好味😋😋之前去過佢哋油麻地嗰間，已經覺得價廉物美，啲雞真係好滑，而家見到佢哋係咁嘅市況下都開咗分店，咁岩過路即刻去試吓，果然同舊店一樣正。最鍾意係佢哋套餐唔單止有雞，仲有菜，靚湯，啲湯真係有啲住家feel ，食完覺得個人滋潤晒！最鍾意食佢哋個蒜香蔥爆霸王雞，好香又滑，重點係就算雞胸嗰part都覺得滑,而且整體份量我自己覺得算大，以幾十元的價格來說，頗為超值。好似見到佢哋外賣仲有減價，打算下次試吓先！

夜晚無得堂食同老公收工都無啖好食☹️行去路德圍食串魚旦頂肚順便睇吓有乜外賣好食見雞味濃都幾多人等行埋去睇吓個易拉架餐牌又幾平喎於是就揀咗佢老公本來想食叉燒拼沙薑雞但係叉燒賣晒所以佢就揀咗豉油雞我就揀咗蒜香蔥爆霸王雞由於全日都冇食過菜嘅關係所以我哋每人都加咗一份油菜油菜冇得揀只有生菜雖然生菜纖維量唔高但都照殺😂返到屋企即刻開飯飯嘅份量真係超多我潷起咗一半有多第二日食😂都仲有圖中咁多飯生菜份量不過不失始終只係加8蚊嗰日個湯係節瓜煲雞腳好濃味好好飲🤤至於個霸王雞超多葱！超鍾意！雞味都幾濃 雞肉好滑老公個豉油雞都好出色非常入味啲雞肉又唔會煮到鞋颯颯老公個飯轉左菜飯份量一樣咁足 仲有唔少嘅菜粒咁嘅價錢有咁多份量嘅飯同餸真係超值🤩

menu雖然有幾份，但主菜都是雞，是日lunch叫了覇皇雞set，沒跟🍚，轉了米粉。米粉個湯有點淡而冇味，下次還是點🍚好 🐔有雞味不錯，可加10蚊轉雞比。整體上食物味道，下次有機會仍想試試其他😋P.S. 原來外賣價錢抵好多

晚上在荃灣完成工作，已經九點半，一般這個時候想食粵式浸雞燒味的店已不多，荃灣一區更多是平快之選，靚與正是未合格。知道路德圍新開一檔今天總算有機會。餐牌就賣三款雞，一款叉燒和蒸餸餐。其實這種打法頗穩陣，較易控制出品，人手也好安排。店名雞味濃，當然試的是雞。要試雞味，選白滷水浸的最好。見到可加二十元要大份雞，當然好，再加菜飯。我不知道道正常應該有多少，這裡加大後有如例牌，其實抵加。分到的幾乎等如全雞，有胸有脾有翼有背，行內叫搭棚，其實我倒沒所謂，似終做生意。胸肉不乾鞋，但也不嫩滑。脾可以，翼尖雞背就大鹹了。雞整體沒怎樣雞味？我點了瑤柱火腿沙薑雞，其實有點名不符實。首次沙薑雞就只是跟碟沙薑醬俾你點，連過沙薑水都無。第二瑤柱火腿，也嚐不出味道來，只有在翼尖和腿骨皮能嚐到，所以也最鹹。由此我相信是由上湯，輕手翻熱雞身，或浸著防乾，有單再斬的做法。其實講到底，香港人對口感上已凌駕於雞味，所以雞種選的都是80日以下的雞，自然雞味不夠，也因此往往要添加其他味道，或沙薑或霸王或豉油，其實非戰之罪。加三元的菜飯，一上台已失望，毫無光澤。要知道菜飯是味飯，調味和豬油已不可少，說現代人健康不放油可以，假如調味